<p><strong>ಯಾದಗಿರಿ</strong>: ಜಿಲ್ಲೆಯ ಕರ್ನಾಟಕದ ಗಡಿಯ ನಂದೇಪಲ್ಲಿ, ಇಡ್ಲೂರು, ಚಲ್ಹೇರಿ ಮೂಲಕ ಹರಿಯುವ ದೊಡ್ಡ ಹಳ್ಳಕ್ಕೆ ಬ್ರಿಜ್ ಕಂ ಬ್ಯಾರೇಜ್ ನಿರ್ಮಾಣ ಮಾಡಬೇಕು ಎನ್ನುವುದು ಸ್ಥಳೀಯರ ಆಗ್ರಹ.</p>.<p>ಗುರುಮಠಕಲ್ ತಾಲ್ಲೂಕಿನ ಚಿಂತನಪಲ್ಲಿ, ಕಂದಕೂರು, ಎಲ್ಹೇರಿ, ಕೊಂಕಲ್, ನಂದೇಪಲ್ಲಿ, ಕರಣಗಿ, ಜೈಗ್ರಾಮ, ಮತ್ತಿತರರ ಕಡೆಯ ನೀರು ದೊಡ್ಡ ಹಳ್ಳ ಸೇರುತ್ತಿದ್ದು, ಇದು ನಾರಾಯಣಪೇಟ ಜಿಲ್ಲೆಯ ಸಂಗಂಬಂಡಾ (ನೆರಡಂಗಂ) ಜಲಾಶಯಕ್ಕೆ ಸೇರುತ್ತಿದೆ.</p>.<p class="Subhead">ಕರ್ನಾಟಕದ ನೀರು ತೆಲಂಗಾಣ ಪಾಲು: ಮಳೆಗಾಲದಲ್ಲಿ ಹಳ್ಳಗಳ ಮೂಲಕ ಹರಿಯುವ ನೀರನ್ನು ಹಿಡಿದುಕೊಳ್ಳಲು ಈ ಭಾಗದಲ್ಲಿ ಯಾವುದೇ ಜಲಾಶಯ, ಬ್ರಿಜ್ ಕಂ ಬ್ಯಾರೇಜ್ ಇಲ್ಲ. ಹೀಗಾಗಿ ತೆಲಂಗಾಣ ರಾಜ್ಯದವರು ಚಲ್ಹೇರಿ ಸಮೀಪದ ಹಳ್ಳಕ್ಕೆ ಸಂಗಂಬಂಡಾ ಜಲಾಶಯ ನಿರ್ಮಿಸಿಕೊಂಡಿದ್ದಾರೆ.</p>.<p>ಮಳೆಗಾಲದಲ್ಲಿ ಕರ್ನಾಟಕದಿಂದ ಹರಿದುಹೋಗುವ ನೀರಿನಿಂದಲೇ ಜಲಾಶಯ ಭರ್ತಿಯಾಗುತ್ತದೆ. ಇದರಿಂದ ಕರ್ನಾಟಕದ ನೀರು ತೆಲಂಗಾಣ ಪಾಲಾಗುತ್ತಿದೆ.</p>.<p>ಯಾದಗಿರಿ ಜಿಲ್ಲಾ ಕೇಂದ್ರದಿಂದ ಸುಮಾರು 50 ಕಿ.ಮೀ ದೂರದಲ್ಲಿರುವ ಇಡ್ಲೂರು ಶಂಕರಲಿಂಗ ದೇವಸ್ಥಾನದ ಹಿಂಭಾಗದಲ್ಲಿ ದೊಡ್ಡ ಹಳ್ಳ ನದಿಯೋಪಾದಿಯಲ್ಲಿ ಮಳೆಗಾಲದಲ್ಲಿ ಹರಿಯುತ್ತಿದೆ. ಇಡ್ಲೂರು ಹಳ್ಳದ ಸಮೀಪ ಇಡ್ಲೂರು ಮತ್ತು ಸಂಕ್ಲಪುರ ಗ್ರಾಮಸ್ಥರಿಗೆ ಇದೇ ನೀರನ್ನು ಪೂರೈಕೆ ಮಾಡಲಾಗುತ್ತಿದೆ.</p>.<p class="Subhead">ಸಂಗಂಬಂಡಾ ಜಲಾಶಯ: ಪಕ್ಕದ ತೆಲಂಗಾಣ ನಾರಾಯಣಪೇಟ ಜಿಲ್ಲೆಯ ಸಂಗಂಬಂಡಾ ಜಲಾಶಯ ಅವಿಜಿತ ಆಂಧ್ರಪ್ರದೇಶ ಇದ್ದಾಗ ಈ ಯೋಜನೆ ರೂಪಿಸಲಾಗಿದೆ.</p>.<p class="Subhead">ಕರ್ನಾಟಕದಿಂದ ನೀರು ಬರದಿದ್ದಲ್ಲಿ ಪಕ್ಕದ ಜುರಾಲ ಡ್ಯಾಂ ಮೂಲಕ ನೀರು ಹರಿಸುವ ವ್ಯವಸ್ಥೆ ಮಾಡಿಕೊಳ್ಳಲಾಗಿದೆ. ಆದರೆ, ಕರ್ನಾಟಕದ ನೀರು ಯಥೇಚ್ಛವಾಗಿ ದೊಡ್ಡ ಹಳ್ಳದ ಮೂಲಕ ಹರಿಯುತ್ತಿದ್ದರಿಂದ ತೆಲಂಗಾಣದವರಿಗೆ ಯಾವುದೇ ಸಮಸ್ಯೆ ಆಗಿಲ್ಲ.</p>.<p class="Subhead">ಯೋಜನೆ ನೆನಗುದಿಗೆ: ಗುರುಮಠಕಲ್ ತಾಲ್ಲೂಕಿನ ನಂದೇಪಲ್ಲಿ–ಇಡ್ಲೂರು ದೊಡ್ಡ<br />ಹಳ್ಳಕ್ಕೆ ಚಲ್ಹೇರಿ ಗ್ರಾಮದ ಸಮೀಪ ಬ್ರಿಜ್ ಕಂ ಬ್ಯಾರೇಜ್ ನಿರ್ಮಾಣ ಮಾಡಬೇಕು ಎಂದು ₹50 ಕೋಟಿ ವೆಚ್ಚದಲ್ಲಿ ಯೋಜನೆ ರೂಪಿಸಲಾಗಿತ್ತು. ಸಮ್ಮಿಶ್ರ ಸರ್ಕಾರ ಪತನವಾದ ಈ ಯೋಜನೆ ನೆನಗುದಿಗೆ ಬಿದ್ದಿದೆ. ಮತ್ತೆ ಮಳೆಗಾಲ ಬಂದು ಸಮಸ್ಯೆಯಾದ ಮಾತ್ರ ಈ ಯೋಜನೆ ಬಗ್ಗೆ ನೆನಪು ಬರುತ್ತದೆ.</p>.<p>ಇಲ್ಲಿಯೇ ಬ್ರಿಜ್ ಕಂ ಬ್ಯಾರೇಜ್ ಅಥವಾ ಜಲಾಶಯ ನಿರ್ಮಿಸಿಕೊಂಡಿದ್ದರೆ ಈ ಭಾಗದ ಸಾವಿರಾರು ರೈತರಿಗೆ ನೀರಾವರಿ ಯೋಜನೆ ಕಲ್ಪಿಸಬಹುದಿತ್ತು. ಜನಪ್ರತಿನಿಧಿಗಳ ರಾಜಕೀಯ ಇಚ್ಛಾಶಕ್ತಿ, ಅಧಿಕಾರಿಗಳ ನಿರ್ಲಕ್ಷ್ಯದಿಂದ ಕರ್ನಾಟಕದ ಜಲ ತೆಲಂಗಾಣದಲ್ಲಿ ಸಂಗ್ರಹವಾಗುತ್ತಿದೆ. ಪಕ್ಕದಲ್ಲೇಯೇ ದೊಡ್ಡ ಹರಿಯುತ್ತಿದ್ದರೂ ಒಣ ಬೇಸಾಯವನ್ನೇ ಈ ಭಾಗದ ಜನರು ಹೊಂದಿಕೊಂಡಿದ್ದಾರೆ. ಸಂಗಂಬಂಡಾ ಜಲಾಶಯ 3 ಟಿಎಂಸಿ ಸಂಗ್ರಹ ಸಾಮಾರ್ಥ್ಯ ಹೊಂದಿದೆ.</p>.<p class="Subhead">ಮರಳು ತಪಾಸಣೆ ಕೇಂದ್ರ ಸ್ಥಾಪನೆಯಾಗಲಿ: ಗಡಿಯಲ್ಲಿ ಮರಳು ಗಣಿಗಾರಿಕೆ ನಿರಂತರವಾಗಿ ನಡೆದಿದ್ದು, ಕರ್ನಾಟಕದವನ್ನು ಬೆದರಿಸಿ ತೆಲಂಗಾಣದವರು ಮರಳು ಕೊಂಡೊಯ್ಯುತ್ತಿದ್ದಾರೆ. ಇದರಿಂದ ದೊಡ್ಡ ಹಳ್ಳದಲ್ಲಿ ಅಂತರ್ಜಲ ಮಟ್ಟ ಕುಸಿಯುತ್ತಿದೆ ಎನ್ನುವುದು ಸ್ಥಳೀಯರ ಆರೋಪವಾಗಿದೆ.</p>.<p>ಇಲ್ಲಿ ಮರಳುಗಾರಿಕೆ ಚೆಕ್ಪೋಸ್ಟ್ ತೆಗೆಯುವ ಮೂಲಕ ಕರ್ನಾಟಕ ಸರ್ಕಾರ ಮರಳು ನಿಯಂತ್ರಣ ಮಾಡಬಹುದು. ಈ ಮೂಲಕ ಮರಳು ಗಣಿಗಾರಿಕೆ ಮಾಡುವವರಿಂದ ರಾಯಲ್ಟಿ ಪಡೆಯಬಹುದು ಎಂದು ಈ ಭಾಗದವರ ಒತ್ತಾಯವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಯಾದಗಿರಿ</strong>: ಜಿಲ್ಲೆಯ ಕರ್ನಾಟಕದ ಗಡಿಯ ನಂದೇಪಲ್ಲಿ, ಇಡ್ಲೂರು, ಚಲ್ಹೇರಿ ಮೂಲಕ ಹರಿಯುವ ದೊಡ್ಡ ಹಳ್ಳಕ್ಕೆ ಬ್ರಿಜ್ ಕಂ ಬ್ಯಾರೇಜ್ ನಿರ್ಮಾಣ ಮಾಡಬೇಕು ಎನ್ನುವುದು ಸ್ಥಳೀಯರ ಆಗ್ರಹ.</p>.<p>ಗುರುಮಠಕಲ್ ತಾಲ್ಲೂಕಿನ ಚಿಂತನಪಲ್ಲಿ, ಕಂದಕೂರು, ಎಲ್ಹೇರಿ, ಕೊಂಕಲ್, ನಂದೇಪಲ್ಲಿ, ಕರಣಗಿ, ಜೈಗ್ರಾಮ, ಮತ್ತಿತರರ ಕಡೆಯ ನೀರು ದೊಡ್ಡ ಹಳ್ಳ ಸೇರುತ್ತಿದ್ದು, ಇದು ನಾರಾಯಣಪೇಟ ಜಿಲ್ಲೆಯ ಸಂಗಂಬಂಡಾ (ನೆರಡಂಗಂ) ಜಲಾಶಯಕ್ಕೆ ಸೇರುತ್ತಿದೆ.</p>.<p class="Subhead">ಕರ್ನಾಟಕದ ನೀರು ತೆಲಂಗಾಣ ಪಾಲು: ಮಳೆಗಾಲದಲ್ಲಿ ಹಳ್ಳಗಳ ಮೂಲಕ ಹರಿಯುವ ನೀರನ್ನು ಹಿಡಿದುಕೊಳ್ಳಲು ಈ ಭಾಗದಲ್ಲಿ ಯಾವುದೇ ಜಲಾಶಯ, ಬ್ರಿಜ್ ಕಂ ಬ್ಯಾರೇಜ್ ಇಲ್ಲ. ಹೀಗಾಗಿ ತೆಲಂಗಾಣ ರಾಜ್ಯದವರು ಚಲ್ಹೇರಿ ಸಮೀಪದ ಹಳ್ಳಕ್ಕೆ ಸಂಗಂಬಂಡಾ ಜಲಾಶಯ ನಿರ್ಮಿಸಿಕೊಂಡಿದ್ದಾರೆ.</p>.<p>ಮಳೆಗಾಲದಲ್ಲಿ ಕರ್ನಾಟಕದಿಂದ ಹರಿದುಹೋಗುವ ನೀರಿನಿಂದಲೇ ಜಲಾಶಯ ಭರ್ತಿಯಾಗುತ್ತದೆ. ಇದರಿಂದ ಕರ್ನಾಟಕದ ನೀರು ತೆಲಂಗಾಣ ಪಾಲಾಗುತ್ತಿದೆ.</p>.<p>ಯಾದಗಿರಿ ಜಿಲ್ಲಾ ಕೇಂದ್ರದಿಂದ ಸುಮಾರು 50 ಕಿ.ಮೀ ದೂರದಲ್ಲಿರುವ ಇಡ್ಲೂರು ಶಂಕರಲಿಂಗ ದೇವಸ್ಥಾನದ ಹಿಂಭಾಗದಲ್ಲಿ ದೊಡ್ಡ ಹಳ್ಳ ನದಿಯೋಪಾದಿಯಲ್ಲಿ ಮಳೆಗಾಲದಲ್ಲಿ ಹರಿಯುತ್ತಿದೆ. ಇಡ್ಲೂರು ಹಳ್ಳದ ಸಮೀಪ ಇಡ್ಲೂರು ಮತ್ತು ಸಂಕ್ಲಪುರ ಗ್ರಾಮಸ್ಥರಿಗೆ ಇದೇ ನೀರನ್ನು ಪೂರೈಕೆ ಮಾಡಲಾಗುತ್ತಿದೆ.</p>.<p class="Subhead">ಸಂಗಂಬಂಡಾ ಜಲಾಶಯ: ಪಕ್ಕದ ತೆಲಂಗಾಣ ನಾರಾಯಣಪೇಟ ಜಿಲ್ಲೆಯ ಸಂಗಂಬಂಡಾ ಜಲಾಶಯ ಅವಿಜಿತ ಆಂಧ್ರಪ್ರದೇಶ ಇದ್ದಾಗ ಈ ಯೋಜನೆ ರೂಪಿಸಲಾಗಿದೆ.</p>.<p class="Subhead">ಕರ್ನಾಟಕದಿಂದ ನೀರು ಬರದಿದ್ದಲ್ಲಿ ಪಕ್ಕದ ಜುರಾಲ ಡ್ಯಾಂ ಮೂಲಕ ನೀರು ಹರಿಸುವ ವ್ಯವಸ್ಥೆ ಮಾಡಿಕೊಳ್ಳಲಾಗಿದೆ. ಆದರೆ, ಕರ್ನಾಟಕದ ನೀರು ಯಥೇಚ್ಛವಾಗಿ ದೊಡ್ಡ ಹಳ್ಳದ ಮೂಲಕ ಹರಿಯುತ್ತಿದ್ದರಿಂದ ತೆಲಂಗಾಣದವರಿಗೆ ಯಾವುದೇ ಸಮಸ್ಯೆ ಆಗಿಲ್ಲ.</p>.<p class="Subhead">ಯೋಜನೆ ನೆನಗುದಿಗೆ: ಗುರುಮಠಕಲ್ ತಾಲ್ಲೂಕಿನ ನಂದೇಪಲ್ಲಿ–ಇಡ್ಲೂರು ದೊಡ್ಡ<br />ಹಳ್ಳಕ್ಕೆ ಚಲ್ಹೇರಿ ಗ್ರಾಮದ ಸಮೀಪ ಬ್ರಿಜ್ ಕಂ ಬ್ಯಾರೇಜ್ ನಿರ್ಮಾಣ ಮಾಡಬೇಕು ಎಂದು ₹50 ಕೋಟಿ ವೆಚ್ಚದಲ್ಲಿ ಯೋಜನೆ ರೂಪಿಸಲಾಗಿತ್ತು. ಸಮ್ಮಿಶ್ರ ಸರ್ಕಾರ ಪತನವಾದ ಈ ಯೋಜನೆ ನೆನಗುದಿಗೆ ಬಿದ್ದಿದೆ. ಮತ್ತೆ ಮಳೆಗಾಲ ಬಂದು ಸಮಸ್ಯೆಯಾದ ಮಾತ್ರ ಈ ಯೋಜನೆ ಬಗ್ಗೆ ನೆನಪು ಬರುತ್ತದೆ.</p>.<p>ಇಲ್ಲಿಯೇ ಬ್ರಿಜ್ ಕಂ ಬ್ಯಾರೇಜ್ ಅಥವಾ ಜಲಾಶಯ ನಿರ್ಮಿಸಿಕೊಂಡಿದ್ದರೆ ಈ ಭಾಗದ ಸಾವಿರಾರು ರೈತರಿಗೆ ನೀರಾವರಿ ಯೋಜನೆ ಕಲ್ಪಿಸಬಹುದಿತ್ತು. ಜನಪ್ರತಿನಿಧಿಗಳ ರಾಜಕೀಯ ಇಚ್ಛಾಶಕ್ತಿ, ಅಧಿಕಾರಿಗಳ ನಿರ್ಲಕ್ಷ್ಯದಿಂದ ಕರ್ನಾಟಕದ ಜಲ ತೆಲಂಗಾಣದಲ್ಲಿ ಸಂಗ್ರಹವಾಗುತ್ತಿದೆ. ಪಕ್ಕದಲ್ಲೇಯೇ ದೊಡ್ಡ ಹರಿಯುತ್ತಿದ್ದರೂ ಒಣ ಬೇಸಾಯವನ್ನೇ ಈ ಭಾಗದ ಜನರು ಹೊಂದಿಕೊಂಡಿದ್ದಾರೆ. ಸಂಗಂಬಂಡಾ ಜಲಾಶಯ 3 ಟಿಎಂಸಿ ಸಂಗ್ರಹ ಸಾಮಾರ್ಥ್ಯ ಹೊಂದಿದೆ.</p>.<p class="Subhead">ಮರಳು ತಪಾಸಣೆ ಕೇಂದ್ರ ಸ್ಥಾಪನೆಯಾಗಲಿ: ಗಡಿಯಲ್ಲಿ ಮರಳು ಗಣಿಗಾರಿಕೆ ನಿರಂತರವಾಗಿ ನಡೆದಿದ್ದು, ಕರ್ನಾಟಕದವನ್ನು ಬೆದರಿಸಿ ತೆಲಂಗಾಣದವರು ಮರಳು ಕೊಂಡೊಯ್ಯುತ್ತಿದ್ದಾರೆ. ಇದರಿಂದ ದೊಡ್ಡ ಹಳ್ಳದಲ್ಲಿ ಅಂತರ್ಜಲ ಮಟ್ಟ ಕುಸಿಯುತ್ತಿದೆ ಎನ್ನುವುದು ಸ್ಥಳೀಯರ ಆರೋಪವಾಗಿದೆ.</p>.<p>ಇಲ್ಲಿ ಮರಳುಗಾರಿಕೆ ಚೆಕ್ಪೋಸ್ಟ್ ತೆಗೆಯುವ ಮೂಲಕ ಕರ್ನಾಟಕ ಸರ್ಕಾರ ಮರಳು ನಿಯಂತ್ರಣ ಮಾಡಬಹುದು. ಈ ಮೂಲಕ ಮರಳು ಗಣಿಗಾರಿಕೆ ಮಾಡುವವರಿಂದ ರಾಯಲ್ಟಿ ಪಡೆಯಬಹುದು ಎಂದು ಈ ಭಾಗದವರ ಒತ್ತಾಯವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
