ಹಬ್ಬಗಳಿಗಿಲ್ಲ ಸ್ಟಾರ್‌ ಚಿತ್ರಗಳ ಅಬ್ಬರ!

‘ಕನ್ನಡದಲ್ಲಿ ಸದ್ಯ ಇರುವುದೇ ನಾಲ್ಕಾರು ಸ್ಟಾರ್‌ಗಳು. ಅವರು ವರ್ಷಕ್ಕೆರಡು ಸಿನಿಮಾ ಮಾಡುತ್ತಿಲ್ಲ. ಕೆಲ ನಟರು ಎರಡು ವರ್ಷಕ್ಕೊಂದು ಸಿನಿಮಾ ಮಾಡುತ್ತಿದ್ದಾರೆ! ಸಿನಿಮಾಗಳೇ ಇಲ್ಲದಿದ್ದರೆ ಬಿಡುಗಡೆ ಮಾತು ಎಲ್ಲಿಂದ? ಹಿಂದೆ ವರ್ಷಕ್ಕೆ ಸ್ಟಾರ್‌ಗಳದ್ದೇ 15–20 ಸಿನಿಮಾಗಳು ಇರುತ್ತಿದ್ದವು. ಹೀಗಾಗಿ ಹಬ್ಬವೆಂಬುದು ಚಿತ್ರರಂಗಕ್ಕೂ ಹಬ್ಬವಾಗಿತ್ತು. ಈಗ ತಮ್ಮ ಸಿನಿಮಾ ಬಿಡುಗಡೆಯಾದ ದಿನವೇ ಹಬ್ಬ ಎಂದು ಸ್ಟಾರ್‌ ನಟರು ಭಾವಿಸಿದಂತಿದೆ. ಹೀಗಾಗಿ ಆ ಜಾಗಕ್ಕೆ ಬೇರೆ ಭಾಷೆಯ ಸ್ಟಾರ್‌ಗಳು ಬಂದು ಕುಳಿತುಕೊಳ್ಳುವುದು ಸಹಜ’ ಎನ್ನುತ್ತಾರೆ ಮಾರ್ಸ್‌ ಸುರೇಶ್‌.