ಪ್ರೇಮ್‌ ಕಹಾನಿ ತೆರೆದಿಟ್ಟ ಮಿಲಿಂದ್ ಸೋಮನ್‌ ಪತ್ನಿ

ನಟ ಮಿಲಿಂದ್ ಸೋಮನ್ ಪತ್ನಿ ಅಂಕಿತಾ ಕೊನ್ವರ್ ತಮ್ಮ ಪ್ರೇಮ ಕತೆಯ ಬಗ್ಗೆ ಮೊದಲ ಬಾರಿಗೆ ಮುಕ್ತವಾಗಿ ಮಾತನಾಡಿದ್ದಾರೆ.

. ಜೋಡಿ ಹಕ್ಕಿಗಳಾಗಿ ಅಲ್ಲಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಮಿಲಿಂದ್ ಹಾಗೂ ಅಂಕಿತಾ 2018ರಲ್ಲಿ ವಿವಾಹ ಬಂಧನಕ್ಕೆ ಒಳಗಾದರು. ಹಿರಿಯ ನಟ ಮಿಲಿಂದ್ ತಮಗಿಂತ ಸಾಕಷ್ಟು ಸಣ್ಣ ವಯಸ್ಸಿನ ಯುವತಿಯೊಂದಿಗೆ ಓಡಾಡುವ ಕಾರಣಕ್ಕೆ ಟೀಕೆ ಎದುರಿಸಿದ್ದರು. ಅವರಿಬ್ಬರು ಜೊತೆಗಿದ್ದ ಫೋಟೊಗಳನ್ನು ಪೋಸ್ಟ್ ಮಾಡಿದಾಗಲೆಲ್ಲ ಅಭಿಮಾನಿಗಳಿಂದ ಬಿರುಸು ನುಡಿಗಳನ್ನು ಎದುರಿಸಬೇಕಾಯಿತು. ಆದರೆ ಮದುವೆ ನಂತರ ಟೀಕೆಗಳು ಕ್ರಮೇಣ ಕಡಿಮೆಯಾದವು. ಈಗ ಜೋಡಿಹಕ್ಕಿಗಳ ಫೋಟೊಗೆ ಸಾಕಷ್ಟು ಲೈಕ್ ಸಿಗುತ್ತಿದೆ.

. ತಮ್ಮ ಮೊದಲ ಭೇಟಿ, ನಂತರ ಪ್ರೀತಿ, ಮದುವೆಯ ಕುರಿತು ಸಾಕಷ್ಟು ವಿಚಾರಗಳನ್ನು ಇತ್ತೀಚಿನ ಸಂದರ್ಶನವೊಂದರಲ್ಲಿ ಅಂಕಿತಾ ಹಂಚಿಕೊಂಡಿದ್ದಾರೆ.

. ‘ನಾನು ಏರ್ ಏಷ್ಯಾ ಸಂಸ್ಥೆಯೊಂದಿಗೆ ಕ್ಯಾಬಿನ್ ಸಹಾಯಕಿಯಾಗಿ ಮಲೇಷ್ಯಾದಲ್ಲಿ ಕೆಲಸ ಮಾಡುತ್ತಿದ್ದೆ. ಆ ಸಂದರ್ಭದಲ್ಲಿಯೇ ನನ್ನ ಬಾಯ್ಫ್ರೆಂಡ್ ಸಾವನ್ನಪ್ಪಿದ್ದ. ಈ ಆಘಾತದಿಂದ ನಾನು ಹೊರಬರಲಾಗದೇ ಒದ್ದಾಡುತ್ತಿದ್ದೆ. ನನಗೆ ಚೆನ್ನೈಗೆ ವರ್ಗವಾಯಿತು’ ಎಂದು ತಮ್ಮ ಬದುಕಿನ ನೋವಿನ ಪುಟಗಳನ್ನು ಅವರು ತೆರೆದಿಟ್ಟರು.

. ‘ಮೊದಲ ಬಾರಿಗೆ ಹೋಟೆಲ್ ಒಂದರಲ್ಲಿ ನಾನು ಮಿಲಿಂದ್ ಅವರನ್ನು ನೋಡಿದೆ. ಇನ್ನೊಂದು ದಿನ ಹೋಟೆಲ್ನ ನೈಟ್ಕ್ಲಬ್ನಲ್ಲಿ ನೋಡಿದೆ. ಅವರೂ ನನ್ನ ಕಡೆ ನೋಡಿದರು. ಫ್ರೆಂಡ್ಸ್ ಒತ್ತಾಯ ಮಾಡಿದ್ದಕ್ಕೆ ಹೋಗಿ ಮಾತನಾಡಿಸಿದೆ. ಅಲ್ಲಿ ಅವರ ನಂಬರ್ ನನಗೆ ಸಿಕ್ಕಿತು. ಕೆಲವು ದಿನ ಯಾವುದೇ ಮೆಸೇಜ್ ಕಳಿಸಲಿಲ್ಲ. ಆದರೆ ಅವರನ್ನು ನನಗೆ ಮರೆಯಲಾಗಲಿಲ್ಲ. ಸಂದೇಶ ಕಳಿಸಿ ಮತ್ತೆ ಭೇಟಿಯಾದೆ’ ಎಂದು ತಮ್ಮ ಮೊದಲ ಭೇಟಿಯನ್ನು ವಿವರಿಸಿದರು.

. ‘ಕೆಲ ಭೇಟಿಗಳಲ್ಲಿ ನಾವು ಕೇವಲ ಫ್ರೆಂಡ್ಸ್ ಆಗಿದ್ದೆವು. ಇವರೇ ನನ್ನ ಬಾಳ ಸಂಗಾತಿ ಆಗುತ್ತಾರೆ ಅನ್ನುವಷ್ಟು ಆಪ್ತ ಭಾವ ಬಂದಿರಲಿಲ್ಲ. ಆದರೆ ನನ್ನ ಬಾಯ್ಫ್ರೆಂಡ್ ಸಾವಿನ ಬಗ್ಗೆ ಹೇಳಿದಾಗ ಅವರು ನನಗೆ ಸಮಾಧಾನ ಮಾಡಿದ ರೀತಿ ಇಷ್ಟವಾಯಿತು. ಅವರ ಭಾವನೆ ಹಾಗೂ ಭಾವತೀವ್ರತೆ ನನ್ನ ಮೇಲೆ ಪ್ರಭಾವ ಬೀರಿತು. ಅಲ್ಲಿಂದ ನಾನು ಅವರನ್ನು ಇಷ್ಟಪಡಲು ಆರಂಭಿಸಿದೆ’ ಎಂದು ಮೊದಲ ಬಾರಿ ಹುಟ್ಟಿದ ಪ್ರೀತಿಯನ್ನು ಹೇಳಿಕೊಂಡರು.

. ‘ಐದು ವರ್ಷ ನಾವು ಡೇಟಿಂಗ್ನಲ್ಲಿ ಇದ್ದೆವು. ಮದುವೆಯಾಗುವುದಾಗಿ ನಿರ್ಧರಿಸಿದ ಬಳಿಕ ಕುಟುಂಬದವರೊಂದಿಗೆ ಮಾತನಾಡಿದೆವು. ವಯಸ್ಸಿನ ಅಂತರದ ಕಾರಣಕ್ಕೆ ಅವರು ಯೋಚಿಸುತ್ತಿದ್ದರು. ಆದರೆ ನಮಗೆ ದೂರವಾಗಲು ಅದು ಕಾರಣವಾಗಿರಲಿಲ್ಲ. ನಮ್ಮ ಖುಷಿಯನ್ನು ನೋಡಿ ಅವರು ಒಪ್ಪಿಕೊಂಡರು’ ಎಂದರು.

. ‘ಅಲಿಬಾಗ್ನಲ್ಲಿ ಸಾಂಪ್ರದಾಯಿಕವಾಗಿ ಮದುವೆಯಾದೆವು. ಸ್ಪೇನ್ನಲ್ಲಿ ಜಲಪಾತದ ಕೆಳಗೆ ವೈಟ್ ವೆಡ್ಡಿಂಗ್, ‘ಎಂಡ್ ಆಫ್ ದ ವರ್ಲ್ಡ್’ ಎನ್ನುವ ಸ್ಥಳದಲ್ಲಿ ಮೂರನೇ ಬಾರಿ ಮದುವೆಯಾದೆವು’ ಎಂದು ಮೂರು ಮದುವೆಯ ಗುಟ್ಟನ್ನು ಬಿಚ್ಚಿಟ್ಟರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರೇಮ್‌ ಕಹಾನಿ ತೆರೆದಿಟ್ಟ ಮಿಲಿಂದ್ ಸೋಮನ್‌ ಪತ್ನಿ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ನಟ ಡಾಲಿ ಧನಂಜಯ–ಡಾ.ಧನ್ಯತಾ ನಿಶ್ಚಿತಾರ್ಥ: ಫೆ.16 ರಂದು ಮದುವೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಮುಂಬೈ ತಂಡಕ್ಕೆ ಶ್ರೇಯಸ್ ನಾಯಕ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ನಟ ಡಾಲಿ ಧನಂಜಯ–ಡಾ.ಧನ್ಯತಾ ನಿಶ್ಚಿತಾರ್ಥ: ಫೆ.16 ರಂದು ಮದುವೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024