<p>‘ಬಾಹುಬಲಿ’ ಸಿನಿಮಾದ ನಂತರ ಎಸ್.ಎಸ್. ರಾಜಮೌಳಿ ತಮ್ಮ ಮುಂದಿನ ಚಿತ್ರ ‘ಆರ್ಆರ್ಆರ್’ನಲ್ಲಿ ಸಂಪೂರ್ಣ ತೊಡಗಿಸಿಕೊಂಡಿದ್ದಾರೆ. ಈ ಐತಿಹಾಸಿಕ ಚಿತ್ರದಲ್ಲಿ ಇದೇ ಮೊದಲ ಬಾರಿಗೆ ಖ್ಯಾತ ತೆಲುಗು ನಟರಾದ ಜ್ಯೂನಿಯರ್ ಎನ್ಟಿಆರ್ ಹಾಗೂ ರಾಮ್ ಚರಣ್ ತೇಜಾ ಮುಖ್ಯಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ದೊಡ್ಡ ಬಜೆಟ್ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ನಟಿ ಆಲಿಯಾ ಭಟ್ ಹಾಗೂ ಅಜಯ್ ದೇವಗನ್ ನಟಿಸುತ್ತಿರುವುದು ವಿಶೇಷ.</p>.<p>ಈ ಹಿಂದೆ ರಾಜಮೌಳಿ ಹಾಗೂ ಅವರ ತಂಡವು ಈ ಬಹುನಿರೀಕ್ಷಿತ ಚಿತ್ರ 2020ರ ಜುಲೈ 30ರಂದು ಬಿಡುಗಡೆಯಾಗಲಿದೆ ಎಂದು ಘೋಷಿಸಿತ್ತು. ಈಗ ಮೂಲವೊಂದರ ಪ್ರಕಾರ ಸಿನಿಮಾ ಬಿಡುಗಡೆ ದಿನಾಂಕವನ್ನು ಮುಂದೂಡಲಾಗಿದ್ದು, 2021ರ ಸಂಕ್ರಾಂತಿಗೆ ಬಿಡುಗಡೆಯಾಗುವ ಸಾಧ್ಯತೆಯಿದೆ ಎಂದು ಹೇಳಿದೆ.</p>.<p>ಲಂಡನ್ನಲ್ಲಿ ‘ಬಾಹುಬಲಿ’ ಸಿನಿಮಾದ ಪ್ರದರ್ಶನಕ್ಕೋಸ್ಕರ ರಾಜಮೌಳಿ ಅಲ್ಲಿಗೆ ತೆರಳಿದ್ದರಿಂದ ‘ಆರ್ಆರ್ಆರ್’ ಸಿನಿಮಾದ ಚಿತ್ರೀಕರಣವನ್ನು ಸದ್ಯಕ್ಕೆ ಸ್ಥಗಿತಗೊಳಿಸಲಾಗಿದೆಯಂತೆ.</p>.<p>ಈ ಚಿತ್ರದಲ್ಲಿ ತುಂಬ ಬ್ಯುಸಿ ಇರುವ ಇಬ್ಬರು ತೆಲುಗು ಸೂಪರ್ಸ್ಟಾರ್ಗಳು ನಟಿಸುತ್ತಿದ್ದಾರೆ. ಅವರಿಬ್ಬರ ಡೇಟ್ಗಳು ಪರಸ್ಪರ ನಿಗದಿಯಾಗಬೇಕು. ಹಾಗೇ ಬಾಲಿವುಡ್ನ ಸ್ಟಾರ್ಗಳಾದ ಆಲಿಯಾ ಹಾಗೂ ಅಜಯ್ ದೇವಗನ್ ಅವರ ಡೇಟ್ಗಳು ಹೊಂದಿಕೆಯಾಗಬೇಕು. ಈ ಎಲ್ಲಾ ಕಾರಣಗಳಿಂದ ಸಿನಿಮಾ ಚಿತ್ರೀಕರಣ ಕೊಂಚ ತಡವಾಗಬಹುದು ಎಂಬ ಆಲೋಚನೆ ಚಿತ್ರತಂಡದ್ದು.</p>.<p>ಈ ಚಿತ್ರದಲ್ಲಿ ಹೆಚ್ಚು ಆ್ಯಕ್ಷನ್ ದೃಶ್ಯಗಳನ್ನು ಸೇರಿಸಲು ರಾಜಮೌಳಿ ನಿರ್ಧರಿಸಿರುವುದೂ ಚಿತ್ರ ತಡವಾಗಲು ಮತ್ತೊಂದು ಕಾರಣ ಎನ್ನಲಾಗಿದೆ. ‘ಬಾಹುಬಲಿ’ಚಿತ್ರದಲ್ಲಿ ಇರುವ ಸ್ಟಂಟ್ಗಳಿಗಿಂತಲೂ ಹೆಚ್ಚು ಸ್ಟಂಟ್ಗಳು ರಾಜಮೌಳಿ ಈ ಸಿನಿಮಾದಲ್ಲಿ ತೋರಿಸಲಿದ್ದಾರೆ ಎಂದು ಚಿತ್ರತಂಡ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಬಾಹುಬಲಿ’ ಸಿನಿಮಾದ ನಂತರ ಎಸ್.ಎಸ್. ರಾಜಮೌಳಿ ತಮ್ಮ ಮುಂದಿನ ಚಿತ್ರ ‘ಆರ್ಆರ್ಆರ್’ನಲ್ಲಿ ಸಂಪೂರ್ಣ ತೊಡಗಿಸಿಕೊಂಡಿದ್ದಾರೆ. ಈ ಐತಿಹಾಸಿಕ ಚಿತ್ರದಲ್ಲಿ ಇದೇ ಮೊದಲ ಬಾರಿಗೆ ಖ್ಯಾತ ತೆಲುಗು ನಟರಾದ ಜ್ಯೂನಿಯರ್ ಎನ್ಟಿಆರ್ ಹಾಗೂ ರಾಮ್ ಚರಣ್ ತೇಜಾ ಮುಖ್ಯಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ದೊಡ್ಡ ಬಜೆಟ್ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ನಟಿ ಆಲಿಯಾ ಭಟ್ ಹಾಗೂ ಅಜಯ್ ದೇವಗನ್ ನಟಿಸುತ್ತಿರುವುದು ವಿಶೇಷ.</p>.<p>ಈ ಹಿಂದೆ ರಾಜಮೌಳಿ ಹಾಗೂ ಅವರ ತಂಡವು ಈ ಬಹುನಿರೀಕ್ಷಿತ ಚಿತ್ರ 2020ರ ಜುಲೈ 30ರಂದು ಬಿಡುಗಡೆಯಾಗಲಿದೆ ಎಂದು ಘೋಷಿಸಿತ್ತು. ಈಗ ಮೂಲವೊಂದರ ಪ್ರಕಾರ ಸಿನಿಮಾ ಬಿಡುಗಡೆ ದಿನಾಂಕವನ್ನು ಮುಂದೂಡಲಾಗಿದ್ದು, 2021ರ ಸಂಕ್ರಾಂತಿಗೆ ಬಿಡುಗಡೆಯಾಗುವ ಸಾಧ್ಯತೆಯಿದೆ ಎಂದು ಹೇಳಿದೆ.</p>.<p>ಲಂಡನ್ನಲ್ಲಿ ‘ಬಾಹುಬಲಿ’ ಸಿನಿಮಾದ ಪ್ರದರ್ಶನಕ್ಕೋಸ್ಕರ ರಾಜಮೌಳಿ ಅಲ್ಲಿಗೆ ತೆರಳಿದ್ದರಿಂದ ‘ಆರ್ಆರ್ಆರ್’ ಸಿನಿಮಾದ ಚಿತ್ರೀಕರಣವನ್ನು ಸದ್ಯಕ್ಕೆ ಸ್ಥಗಿತಗೊಳಿಸಲಾಗಿದೆಯಂತೆ.</p>.<p>ಈ ಚಿತ್ರದಲ್ಲಿ ತುಂಬ ಬ್ಯುಸಿ ಇರುವ ಇಬ್ಬರು ತೆಲುಗು ಸೂಪರ್ಸ್ಟಾರ್ಗಳು ನಟಿಸುತ್ತಿದ್ದಾರೆ. ಅವರಿಬ್ಬರ ಡೇಟ್ಗಳು ಪರಸ್ಪರ ನಿಗದಿಯಾಗಬೇಕು. ಹಾಗೇ ಬಾಲಿವುಡ್ನ ಸ್ಟಾರ್ಗಳಾದ ಆಲಿಯಾ ಹಾಗೂ ಅಜಯ್ ದೇವಗನ್ ಅವರ ಡೇಟ್ಗಳು ಹೊಂದಿಕೆಯಾಗಬೇಕು. ಈ ಎಲ್ಲಾ ಕಾರಣಗಳಿಂದ ಸಿನಿಮಾ ಚಿತ್ರೀಕರಣ ಕೊಂಚ ತಡವಾಗಬಹುದು ಎಂಬ ಆಲೋಚನೆ ಚಿತ್ರತಂಡದ್ದು.</p>.<p>ಈ ಚಿತ್ರದಲ್ಲಿ ಹೆಚ್ಚು ಆ್ಯಕ್ಷನ್ ದೃಶ್ಯಗಳನ್ನು ಸೇರಿಸಲು ರಾಜಮೌಳಿ ನಿರ್ಧರಿಸಿರುವುದೂ ಚಿತ್ರ ತಡವಾಗಲು ಮತ್ತೊಂದು ಕಾರಣ ಎನ್ನಲಾಗಿದೆ. ‘ಬಾಹುಬಲಿ’ಚಿತ್ರದಲ್ಲಿ ಇರುವ ಸ್ಟಂಟ್ಗಳಿಗಿಂತಲೂ ಹೆಚ್ಚು ಸ್ಟಂಟ್ಗಳು ರಾಜಮೌಳಿ ಈ ಸಿನಿಮಾದಲ್ಲಿ ತೋರಿಸಲಿದ್ದಾರೆ ಎಂದು ಚಿತ್ರತಂಡ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
