ಮಾತುಕತೆ | ಭಟ್ರ ‘ಗರಡಿ’ಯ ಸೋನಲ್‌ ಮೊಂತೆರೋ

‘ಗರಡಿ’ ಸಿನಿಮಾ ಮೂಲಕ ನಟ ಯಶಸ್‌ ಸೂರ್ಯ ಬೆಳ್ಳಿತೆರೆಯಲ್ಲಿ ನಾಯಕನಾಗಿ ಮತ್ತೊಮ್ಮೆ ತಮ್ಮ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ. 15 ವರ್ಷಗಳಿಂದ ಚಿತ್ರರಂಗದಲ್ಲಿರುವ ಚನ್ನಪಟ್ಟಣ ಮೂಲದ ಯಶಸ್‌, ಬೆಂಗಳೂರಿನಲ್ಲಿ ಬೆಳೆದವರು. ಬಿ.ಕಾಂ. ವಿದ್ಯಾಭ್ಯಾಸದ ಬಳಿಕ ಮಾಡೆಲಿಂಗ್‌ ಕ್ಷೇತ್ರಕ್ಕೆ ಕಾಲಿಟ್ಟು, ನಂತರ ಸಿನಿಮಾ ಕ್ಷೇತ್ರದಲ್ಲಿ ಬೆಳೆದವರು. ‘ಓ ಗುಲಾಬಿ’, ‘ಸೈನೈಡ್‌’ ಮುಂತಾದ ಚಿತ್ರಗಳಲ್ಲಿ ಸಣ್ಣಪುಟ್ಟ ಪಾತ್ರಗಳಲ್ಲಿ ನಟಿಸಿದ್ದ ಸೂರ್ಯ, ‘ಯುಗ ಯುಗಗಳೇ ಸಾಗಲಿ’ ಸಿನಿಮಾ ಮೂಲಕ ನಾಯಕನಾಗಿ ತೆರೆ ಮೇಲೆ ಕಾಣಿಸಿಕೊಂಡರು. ನಂತರ ‘ಶಿಶಿರ’, ‘ತೂಫಾನ್‌’, ‘ಶ್ರಾವಣಿ ಸುಬ್ರಮಣ್ಯ’, ‘ಸಂಗಮ’, ‘ಮೈಲಾರಿ’, ‘ಚಿಂಗಾರಿ’, ‘ಚಕ್ರವರ್ತಿ’, ‘ಕುರುಕ್ಷೇತ್ರ’ ಹೀಗೆ ಹಲವು ಸಿನಿಮಾಗಳಲ್ಲಿ ಅಭಿನಯಿಸಿದರು. ನಟ ದರ್ಶನ್‌ ಅವರಿಂದಾಗಿ ‘ಗರಡಿ’ ಸಿನಿಮಾದಲ್ಲಿ ನಾಯಕನ ಪಾತ್ರ ಸಿಕ್ಕಿತು ಅನ್ನುವ ಯಶಸ್‌ ಸೂರ್ಯ, ಈ ಸಿನಿಮಾ ತಮ್ಮ ಸಿನಿಪಯಣಕ್ಕೆ ಒಳ್ಳೆಯ ಮುನ್ನುಡಿ ಬರೆಯಲಿದೆ ಎಂದು ನಂಬಿದ್ದಾರೆ.