ಆಳ–ಅಗಲ: ಪ್ರಸಾದಕ್ಕೂ ಬೇಕಿದೆ ಗುಣಮಟ್ಟದ ಖಾತರಿ

ಮೈಸೂರಿನ ಚಾಮುಂಡಿ ಬೆಟ್ಟದ ಚಾಮುಂಡೇಶ್ವರಿ ದೇವಸ್ಥಾನದಲ್ಲಿ ಭಕ್ತರಿಗೆ ಲಾಡು ಪ್ರಸಾದ ಕೊಡಲಾಗುತ್ತಿದೆ. ಎರಡು ಲಾಡುಗಳ ಪ್ಯಾಕೆಟ್‌ಗೆ ₹30 ಇದೆ. ಆಹಾರ ಸುರಕ್ಷತಾ ನಿಯಮಗಳನ್ನು ಪಾಲಿಸಲಾಗುತ್ತಿದ್ದು, ಇಲ್ಲಿನ ದಾಸೋಹ ಭವನದಲ್ಲಿ ಬಹಳ ವರ್ಷದಿಂದಲೂ ಲಾಡು ತಯಾರಿಸಲಾಗುತ್ತಿದೆ. ಬಾಣಸಿಗರು ‘ನಂದಿನಿ’ ತುಪ್ಪ, ಬಿಟಿಎಸ್‌ ಭಾಗ್ಯಲಕ್ಷಿ ಕಡ್ಲೆಹಿಟ್ಟು, ಸಕ್ಕರೆ ಬಳಸುತ್ತಾರೆ. ಆಹಾರ ಸಾಮಗ್ರಿಗಳನ್ನು ಗುಣಮಟ್ಟ ಪರಿಶೀಲಿಸಿ  ಟೆಂಡರ್‌ ಮೂಲಕ ಖರೀದಿಸಲಾಗುತ್ತಿದೆ