2021ರಲ್ಲಿ ಅಧ್ಯಕ್ಷ ಸ್ಥಾನಕ್ಕಾಗಿ ಎರಡನೇ ಬಾರಿಗೆ ಚುನಾವಣೆಯಲ್ಲಿ ಸ್ಪರ್ಧಿಸಿದರು. ವಿರೋಧಿಗಳ ನಾಮಪತ್ರಗಳನ್ನೇ ರದ್ದು ಮಾಡಿಸಿದರು. ದೇಶದ ಇತಿಹಾಸದಲ್ಲೇ ಕಡಿಮೆ ಮತದಾನ ಆ ವರ್ಷ ನಡೆದಿತ್ತು. ಒಟ್ಟು ಮತದಾರರಲ್ಲಿ ಮತದಾನ ಮಾಡಿದ್ದು ಶೇ 48ರಷ್ಟು ಮಂದಿ ಮಾತ್ರ.

ಹಿಜಾಬ್‌ ಧರಿಸುವುದು ಕಡ್ಡಾಯ ಮಾಡಿ, 2022ರಲ್ಲಿ ರೈಸಿ ಅವರು ಕಾನೂನು ಮಾಡುತ್ತಾರೆ. ಇದು ದೇಶದಲ್ಲಿ ದೊಡ್ಡ ಹೋರಾಟವನ್ನೇ ಹುಟ್ಟು ಹಾಕಿತು. ಮಾಸಾ ಅಮೀನಿ ಎಂಬ ಯುವತಿಯು ಪೊಲೀಸರ ಕಸ್ಟಡಿಯಲ್ಲಿ ಮೃತಪಟ್ಟರು. ಸುಮಾರು ಒಂದು ವರ್ಷ ನಡೆದ ಹೋರಾಟದಲ್ಲಿ ಸುಮಾರು 500 ಜನರು ಮೃತಪಟ್ಟಿದ್ದಾರೆ ಎನ್ನಲಾಗುತ್ತಿದೆ. ಹೋರಾಟದಲ್ಲಿ ಮುಖ್ಯಪಾತ್ರ ವಹಿಸಿದ್ದವರು, ಹೋರಾಟದಲ್ಲಿ ತೊಡಗಿಕೊಂಡವರನ್ನು ಇರಾನ್‌ನಲ್ಲಿ ಗಲ್ಲಿಗೇರಿಸಲಾಗಿದೆ ಎನ್ನುತ್ತವೆ ಹಲವು ಮಾನವಹಕ್ಕು ಹೋರಾಟ ಸಂಸ್ಥೆಗಳು.