ಈಗಿನ ಮೈತ್ರಿ ಸ್ವಾಭಾವಿಕ; ಹಿಂದಿನದ್ದು ಅಸ್ವಾಭಾವಿಕ– ನಿಖಿಲ್‌ ಕುಮಾರಸ್ವಾಮಿ

‘ಕುಮಾರಸ್ವಾಮಿ ಅವರ ಕುರಿತು ರಾಮನಗರ ಮತ್ತು ಮಾಗಡಿ ಶಾಸಕರ ಉದ್ಧಟತನದ ಮಾತುಗಳು ಮುಂದೆ ಅವರಿಗೇ ಮುಳುವಾಗಲಿವೆ. ಭವಿಷ್ಯದ ಸೋಲಿನ ಹತಾಶೆಯಿಂದಾಗಿ ಅವರ ಬಾಯಲ್ಲಿ ಇಂತಹ ಮಾತುಗಳು ಬರುತ್ತಿವೆ. ಕ್ಷೇತ್ರದ ಮತದಾರರು ಎಲ್ಲವನ್ನೂ ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾರೆ. ಮುಂದೆ ಸೂಕ್ತ ಅಭ್ಯರ್ಥಿಯನ್ನು ಆಯ್ಕೆ ಮಾಡುವ ಮೂಲಕ, ಶಾಸಕರಿಗೆ ತಕ್ಕ ಉತ್ತರ ನೀಡಲಿದ್ದಾರೆ’ ಎಂದು ಶಾಸಕರಾದ ಎಚ್‌.ಎ. ಇಕ್ಬಾಲ್ ಹುಸೇನ್ ಮತ್ತು ಎಚ್‌.ಸಿ. ಬಾಲಕೃಷ್ಣ ಅವರಿಗೆ ಪರೋಕ್ಷವಾಗಿ ತಿರುಗೇಟು ನೀಡಿದರು.

‘ಮಂಡ್ಯದಲ್ಲಿ ನನಗೆ ಮತ್ತು ಕುಮಾರಸ್ವಾಮಿ ಅವರಿಗೆ ಸ್ಪರ್ಧಿಸುವಂತೆ ಅಲ್ಲಿನ ಕಾರ್ಯಕರ್ತರು ಒತ್ತಾಯಿಸುತ್ತಿದ್ದಾರೆ. ಕಳೆದ ಸಲ ನಾನು ಅಲ್ಲಿ ಸೋತಿರುವ ನೋವು ಕಾರ್ಯಕರ್ತರಲ್ಲಿ ಇನ್ನೂ ಇದೆ. ಹಾಗಾಗಿ, ಈ ಸಲ ಮತ್ತೆ ಸ್ಪರ್ಧಿಸಿದರೆ ಗೆಲ್ಲಿಸುವುದಾಗಿ ಕಾರ್ಯಕರ್ತರು ನನ್ನ ಮೇಲೆ ಹೆಚ್ಚಿನ ಒತ್ತಡ ಹಾಕುತ್ತಿದ್ದಾರೆ. ಅವರ ಅಭಿಪ್ರಾಯವನ್ನು ಸಹ ಗೌರವಿಸಬೇಕಿದೆ. ಅಭ್ಯರ್ಥಿ ಯಾರಾಗಲಿದ್ದಾರೆ ಎಂಬುದು ಶೀಘ್ರ ಬಹಿರಂಗವಾಗಲಿದೆ’ ಎಂದು ಪ್ರಶ್ನೆಯೊಂದಕ್ಕೆ ನಿಖಿಲ್ ಕುಮಾರಸ್ವಾಮಿ ಪ್ರತಿಕ್ರಿಯಿಸಿದರು.