ಜನನಿಬಿಡ ರಸ್ತೆಯಲ್ಲಿ ರಾಜ್ಯಪಾಲರ ವಾಕಿಂಗ್: ವ್ಯಂಗ್ಯವಾಡಿದ ಪಿಣರಾಯಿ ವಿಜಯನ್

ಸಿಪಿಎಂ ಪಕ್ಷದ ವಿದ್ಯಾರ್ಥಿ ಘಟಕವಾದ ಎಸ್‌ಎಫ್‌ಐ ಕೇರಳ ರಾಜ್ಯಪಾಲರ ವಿರುದ್ಧದ ತನ್ನ ಪ್ರತಿಭಟನೆಯನ್ನು ಮುಂದುವರಿಸಿದೆ.  ಸ್ಥಳೀಯ ದಂತ ವೈದ್ಯಕೀಯ ಕಾಲೇಜಿಗೆ ಚಿಕಿತ್ಸೆಗೆ ತೆರಳಿದ್ದ ರಾಜ್ಯಪಾಲರಿಗೆ ಕಪ್ಪು ಬಾವುಟ ಭಿತ್ತಿಪತ್ರ ಪ್ರದರ್ಶಿಸಿದೆ. ಸಿಪಿಎಂನ ಯುವ ಘಟಕ ಡಿವೈಎಫ್‌ಐ ಪ್ರತಿಭಟನೆಗೆ ಕೈಜೋಡಿದ್ದು ‘ಸಂಘಿ ಕುಲಾಧಿಪತಿ ಕೇರಳದಿಂದ ತೊಲಗಿ’ ಘೋಷಣೆಯಿದ್ದ ಭಿತ್ತಿಫಲಕ ಪ್ರದರ್ಶಿಸಿದೆ. ರಾಜ್ಯಪಾಲರು ಮತ್ತು ಎಸ್‌ಎಫ್‌ಐ ವಿರುದ್ಧದ ಸಂಘರ್ಷವು ಮುಂದುವರಿದಿದೆ. ಕಳೆದ ವಾರ ಎಸ್‌ಎಫ್‌ಐ ಕಾರ್ಯಕರ್ತರು ರಾಜ್ಯಪಾಲರ ವಾಹನದ ಮೇಲೆ ದಾಳಿ ನಡೆಸಿದ್ದರು. ಪ್ರತಿಯಾಗಿ ರಾಜ್ಯಪಾಲರು ಎಸ್‌ಎಫ್‌ಐ ಕಾರ್ಯಕರ್ತರನ್ನು ಪುಂಡರು ಎಂದು ಟೀಕಿಸಿದ್ದರು.