ಜಗತ್ತಿನ ನಾಲ್ಕನೇ ಅತಿ ಉದ್ದದ ನದಿ ಎಂದು ಹೆಸರಾಗಿರುವ ಅಮೆಜಾನ್ ಕಾಡುಗಳಲ್ಲಿ ಹರಿಯುವ ಮಡೈರಾ ನದಿಯ ನೀರಿನ ಪ್ರಮಾಣವು ವ್ಯಾಪಕವಾಗಿ ಕಡಿಮೆಯಾಗಿದೆ. ಅಮೆಜಾನ್ ನದಿ ಸೇರಿಕೊಳ್ಳುವ ಈ ನದಿಗಳು ಬತ್ತಿ ಹೋಗುತ್ತಿರುವುದರಿಂದ ಅಮೆಜಾನ್ ನದಿಯಲ್ಲಿಯೂ ನೀರಿನ ಪ್ರಮಾಣ ಕಡಿಮೆಯಾಗುತ್ತಿದೆ.
ಅಮೆಜಾನ್ ಮಳೆಕಾಡುಗಳಲ್ಲಿ ನದಿಗಳ ನೀರಿನ ಮಟ್ಟ ಏರಿಕೆ, ಇಳಿಕೆ ಸಹಜವಾದರೂ ಇತ್ತೀಚೆಗೆ ಕಂಡು ಬರುತ್ತಿರುವ ಇಳಿಕೆ ಪ್ರಮಾಣ ಆತಂಕ ಹುಟ್ಟಿಸುತ್ತಿದೆ ಎಂದು ಅನೇಕ ತಜ್ಞರು ಹೇಳುತ್ತಿದ್ದಾರೆ.
ಈ ನದಿಗಳನ್ನೇ ಆಶ್ರಯಿಸಿ ಜೀವನ ಮಾಡುತ್ತಿದ್ದ ಸ್ಥಳೀಯರಿಗೆ ದೈನಂದಿನ ಜೀವನ ನಿರ್ವಹಣೆ ಕಷ್ಟವಾಗಿದೆ. ಕೃಷಿ, ತೋಟಗಾರಿಕೆ, ಮೀನುಗಾರಿಕೆ, ಪ್ರವಾಸೋಧ್ಯಮಕ್ಕೆ ತೀವ್ರ ತೊಂದರೆಯಾಗುತ್ತಿದೆ ಎಂದು ಬ್ರೆಜಿಲ್ನ ಮಾನುಸ್ ನಗರದ ಅನೇಕರು ಹೇಳುತ್ತಿದ್ದಾರೆ.
ನೀಗ್ರೋ ನದಿ ಬ್ರೆಜಿಲ್ನ ಮಾನುಸ್ ನಗರದ ಬಳಿ ಅಮೆಜಾನ್ ನದಿ ಸೇರುತ್ತದೆ.