ವಿಡಿಯೊ ಅನ್ನು ಇನ್ವಿಡ್ ಟೂಲ್ ಸರ್ಚ್ಗೆ ಒಳಪಡಿಸಿ, ನಂತರ ಗೂಗಲ್ ಲೆನ್ಸ್ ಮೂಲಕ ಪರಿಶೀಲನೆ ನಡೆಸಿದಾಗ, ಇದು ತಮಿಳುನಾಡಿನ ‘ನ್ಯೂಸ್ ನೇತ್ರ’ ಮಾಧ್ಯಮದ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಗೆ ಸಂಪರ್ಕ ನೀಡಿತು. ವಿಡಿಯೊ ಕೆಳಗೆ, ‘ತಮಿಳುನಾಡಿನಲ್ಲಿ ಬೀದಿ ಬದಿ ಅಂಗಡಿ ಧ್ವಂಸ. ಜನರಿಂದ ಸರ್ಕಾರದ ತರಾಟೆ’ ಎಂದು ಬರೆಯಲಾಗಿತ್ತು. ಇದೇ ವಿಡಿಯೊ ಅನ್ನು ‘ಇಂಡಿಯಾ ಟುಡೇ’ ಕೂಡ ಅಪ್ಲೋಡ್ ಮಾಡಿದೆ. ಅಸಲಿ ವಿಚಾರ ಏನೆಂದರೆ, ಇದು ಚೆನ್ನೈನ ತಾಂಬರಂನಲ್ಲಿ ನಡೆದಿರುವ ಘಟನೆಯಾಗಿದ್ದು, ಬೀದಿ ಬದಿ ಅಂಗಡಿಯ ಧ್ವಂಸ ಪ್ರಕರಣವಾಗಿದೆ. ಕೆಲವರು ಸಾಮಾಜಿಕ ಜಾಲತಾಣದಲ್ಲಿ ಪ್ರತಿಪಾದಿಸುತ್ತಿರುವಂತೆ ವಿಡಿಯೊ ಆಂಧ್ರ ಪ್ರದೇಶದ್ದು ಅಲ್ಲ.