ಈ ವಿಡಿಯೊದ ಸತ್ಯಾಸತ್ಯತೆ ಪರಿಶೀಲಿಸುವಾಗ, ವಿಡಿಯೊದಲ್ಲಿ ಅನಂತ್ ಅಂಬಾನಿಯವರ ತುಟಿಯ ಚಲನೆಗೂ, ವಿಡಿಯೊದಲ್ಲಿ ಬರುವ ಧ್ವನಿಗೂ ಹೊಂದಾಣಿಕೆಯಾಗದಿರುವುದು ಕಂಡು ಬಂತು. ಹಾಗಾಗಿ, ಇನ್ವಿಡ್ ಟೂಲ್ ಮೂಲಕ ಶೋಧ ನಡೆಸಿದಾಗ, ವಿಡಿಯೊದಲ್ಲಿ ಹಲವು ಫ್ರೇಮ್ಗಳು ಕಂಡು ಬಂದವು. ಒಂದು ಫ್ರೇಮ್ ಅನ್ನು ಗೂಗಲ್ ಲೆನ್ಸ್ ಮೂಲಕ ಶೋಧಿಸಿದಾಗ, ಮಾರ್ಚ್ 2ರಂದು ಇಂಡಿಯಾ ಟುಡೆಯಲ್ಲಿ ಪ್ರಸಾರವಾದ ಅನಂತ್ ಅಂಬಾನಿಯವರ ಸಂದರ್ಶನದ ವಿಡಿಯೊವನ್ನು ತೋರಿಸಿತು. ಅನಂತ್ ಅಂಬಾನಿ ಯಾವುದೇ ಬೆಟ್ಟಿಂಗ್ ಆ್ಯಪ್ ಪರ ಪ್ರಚಾರ ಮಾಡಿಲ್ಲ. ಅವರ ಸಂದರ್ಶನದ ವಿಡಿಯೊವನ್ನು ತಿರುಚಿ, ಬೇರೆ ಧ್ವನಿಯನ್ನು ಅದಕ್ಕೆ ಜೋಡಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿ ಬಿಡಲಾಗಿದೆ ಎಂದು ಪಿಟಿಐ ಫ್ಯಾಕ್ಟ್ ಚೆಕ್ ತಿಳಿಸಿದೆ.