ಬ್ಲಾಕ್ ಇಟ್ಟಿಗೆ, ಸಿಮೆಂಟ್ ಕಾಲಂಗಳ ಮಾರಾಟ ಹೆಚ್ಚಿದ್ದರಿಂದ ಶೇ 90ರಷ್ಟು ಉದ್ಯೋಗ ಕುಸಿದಿದೆ. ಕಾನೂನು ತೊಡಕಿರುವುದರಿಂದ ಕುಲಕಸುಬನ್ನು ಬಿಟ್ಟು ಬಹುತೇಕರು ಹೊರರಾಜ್ಯಕ್ಕೆ ಗುಳೆ ಹೋಗುತ್ತಿದ್ದಾರೆ.

ದೂಳು, ಅವಮಾನದಲ್ಲೇ ನಮ್ಮವರು ದಿನ ದೂಡುತ್ತಿದ್ದಾರೆ. ನಮ್ಮದೆಂಬ ಜಮೀನಿನಲ್ಲಿ ನಿಂತು ಕಲ್ಲು ಗಣಿಗಾರಿಕೆ ಮಾಡುವ ಅವಕಾಶ ಸಿಕ್ಕರೆ ಮಾತ್ರ ಬದುಕು ಬದಲಾಗುತ್ತದೆ.

ಕಲ್ಲು ಒಡೆಯುವುದಕ್ಕೆ ಅನುಮತಿ ನೀಡಿ, ಸರ್ಕಾರಿ ಜಮೀನನ್ನು ಗುತ್ತಿಗೆಗೆ ಕೊಡಬೇಕು ಎಂದು ಕಟ್ಟಡ ಕಾರ್ಮಿಕರ ಸಂಘಟನೆಯ ಮೂಲಕ ಸರ್ಕಾರಕ್ಕೆ ಹಲವು ಮನವಿ ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ.

ಗಣಿಗಾರಿಕೆಯ ಕಾನೂನು ಬಿಗಿಗೊಳಿಸಿರುವುದರಿಂದ ಬೋವಿ ಸಮಾಜದವರು ಕಲ್ಲು ಗಣಿಗಾರಿಕೆಯಿಂದ ದೂರ ಸರಿದರು. ಈಗ ಗಾರೆ ಕೆಲಸ ಮಾಡುತ್ತಿದ್ದಾರೆ. ಕೆಲವರು ಕೆಲಸ ಹುಡುಕಿಕೊಂಡು ಗುಳೆ ಹೋಗಿದ್ದಾರೆ.

ಬೋವಿ ಸಮುದಾಯದ ಜನರ ಕುಲಕಸುಬಿಗೆ ಸರ್ಕಾರ ಸೌಲಭ್ಯ ಮತ್ತು ಕಾನೂನುಬದ್ಧವಾಗಿ ಅನುಕೂಲ ಕಲ್ಪಿಸಿದರೆ ಮಾತ್ರ ಏಳಿಗೆ ಸಾಧ್ಯ.