ಭಾರತೀಯ ವೈದ್ಯಕ್ಕೆ ರಾಷ್ಟ್ರೀಯ ಆಯೋಗ

ನಾಲ್ಕು ಸ್ವಾಯತ್ತ ಮಂಡಳಿಗಳು

ಈ ಆಯೋಗದ ಅಡಿ ಬರುವ ವಿವಿಧ ವೈದ್ಯ ಪದ್ಧತಿಗಳಿಗೆ ನಾಲ್ಕು ಪ್ರತ್ಯೇಕ ಸ್ವಾಯತ್ತ ಮಂಡಳಿಗಳ ರಚನೆಗೆ ಅವಕಾಶವಿದೆ. ಸಂಬಂಧಿತ ಪದ್ಧತಿಯಲ್ಲಿ ಶಿಕ್ಷಣಕ್ಕೆ ಪ್ರವೇಶ ಪರೀಕ್ಷೆಗಳನ್ನು ನಡೆಸುವ, ಶಿಕ್ಷಕರ ಅರ್ಹತಾ ಪರೀಕ್ಷೆಗಳನ್ನು ನಡೆಸುವ ಜವಾಬ್ದಾರಿ ಆಯಾ ಮಂಡಳಿಯದ್ದಾಗಿರುತ್ತದೆ.

ಆಯುರ್ವೇದ

ಯುನಾನಿ

ಸಿದ್ಧ

ಸೋವಾ ರಿಗ್ಪಾ

**

ಪೋಕ್ಸೊಗೆ ತಿದ್ದುಪಡಿ

ಲೈಂಗಿಕ ದೌರ್ಜನ್ಯಗಳಿಂದ ಮಕ್ಕಳ ರಕ್ಷಣಾ (ಪೋಕ್ಸೊ) ಕಾಯ್ದೆಗೆ ತಿದ್ದುಪಡಿ ತರಲು ಸಂಪುಟವು ಒಪ್ಪಿದೆ.ಮಕ್ಕಳನ್ನು ಒಳಗೊಂಡಿರುವ ಲೈಂಗಿಕ ಚಿತ್ರಗಳ ಹಂಚಿಕೆ ವಿರುದ್ಧ ಕಠಿಣ ಕ್ರಮಕ್ಕೆ ಅವಕಾಶ ನೀಡುವ ತಿದ್ದುಪಡಿ ತರಲಾಗುತ್ತದೆ. ಲೈಂಗಿಕ ಚಟುವಟಿಕೆಗಳಿಗೆ ದುರ್ಬಳಕೆ ಮಾಡಿಕೊಳ್ಳುವ ಉದ್ದೇಶದಿಂದ, ಸೂಕ್ತ ವಯಸ್ಸಿಗೂ ಮೊದಲೇ ಋತುಮತಿಯಾಗುವಂತೆ ಬಾಲಕಿಯರಿಗೆ ಹಾರ್ಮೋನ್ ಚುಚ್ಚುಮದ್ದು ನೀಡುವುವರ ವಿರುದ್ಧವೂ ಕಠಿಣ ಕ್ರಮಕ್ಕೆ ಈ ತಿದ್ದುಪಡಿ ಅವಕಾಶ ಮಾಡಿಕೊಡುತ್ತದೆ.