<p><strong>ತಿಪಟೂರು</strong> (ತುಮಕೂರು ಜಿಲ್ಲೆ): ಮಾರುಕಟ್ಟೆಯಲ್ಲಿ ಕೊಬ್ಬರಿ ಬೆಲೆ ದಿಢೀರ್ ಕುಸಿತ ಕಂಡಿದ್ದು ರೈತರು ಕಂಗಾಲಾಗಿದ್ದಾರೆ. ಮೂರೇ ದಿನದಲ್ಲಿ ₹1,300 ಕಡಿಮೆಯಾಗಿದೆ.</p>.<p>ತಿಪಟೂರು ಎಪಿಎಂಸಿ ಮಾರುಕಟ್ಟೆಯಲ್ಲಿ ಸೆ. 11ರಂದು ಕ್ವಿಂಟಲ್ ಕೊಬ್ಬರಿ ₹15,022ಕ್ಕೆ ಹರಾಜಾಗಿತ್ತು. ಶನಿವಾರ ₹13,700ಕ್ಕೆ ಕುಸಿದಿದೆ. ಮೂರು ದಿನದ ಹಿಂದೆ 2,150 ಕ್ವಿಂಟಲ್ (5,002 ಚೀಲ) ಆವಕವಾಗಿತ್ತು. ಶನಿವಾರ 4,304 ಕ್ವಿಂಟಲ್ (10,011 ಚೀಲ) ಕೊಬ್ಬರಿಯನ್ನು ಮಾರುಕಟ್ಟೆಗೆ ತರಲಾಗಿತ್ತು. ಕನಿಷ್ಠ ₹13 ಸಾವಿರ ದರ ಸಿಕ್ಕಿದೆ.</p>.<p>ಜಿಲ್ಲೆಯ ವಿವಿಧ ಭಾಗದ ರೈತರು ಬೆಲೆ ಏರಿಕೆಯ ಆಶಾಭಾವನೆಯೊಂದಿಗೆ ಹಲವು ದಿನಗಳಿಂದ ಸಂಗ್ರಹಿಸಿಟ್ಟಿದ್ದ ಕೊಬ್ಬರಿಯನ್ನು ಮಾರುಕಟ್ಟೆಗೆ ತಂದಿದ್ದರು. ದರ ಇಳಿಕೆ ಆಗಿರುವುದನ್ನು ಕಂಡು ಸಪ್ಪೆ ಮೊರೆ ಹೊತ್ತು ಮನೆಗಳಿಗೆ ವಾಪಸಾದರು.</p>.<p>2023ರ ಜನವರಿಯಲ್ಲಿ ಕ್ವಿಂಟಲ್ ₹10 ಸಾವಿರಕ್ಕೆ ಇಳಿಕೆ ಕಂಡಿತ್ತು. ನಂತರ ದಿನಗಳಲ್ಲಿ ಸತತವಾಗಿ ಕುಸಿತ ಕಂಡು ₹8 ಸಾವಿರಕ್ಕೆ ತಲುಪಿತ್ತು. ಕಳೆದ ಎರಡು ತಿಂಗಳಿನಿಂದ ಬೆಲೆಯಲ್ಲಿ ಸ್ವಲ್ಪ ಚೇತರಿಕೆ ಕಂಡುಬಂದಿತ್ತು. ಆಗಸ್ಟ್ ಅಂತ್ಯಕ್ಕೆ ₹11,950, ಸೆ.4ರಂದು ₹12,555ಕ್ಕೆ ಬಂದು ನಿಂತಿತ್ತು.</p>.<p>ಕಳೆದ ಮಾರುಕಟ್ಟೆಯ ಹರಾಜಿನಲ್ಲಿ ದಾಖಲೆಯ ₹15 ಸಾವಿರ ದಾಟಿತ್ತು. ‘ಬೆಲೆ ಮತ್ತಷ್ಟು ಏರಿಕೆಯಾಗಬಹುದು. ಇಷ್ಟು ದಿನದ ಕಾಯುವಿಕೆಗೆ ಕೊನೆಗೂ ಮುಕ್ತಿ ಸಿಗಲಿದೆ’ ಎಂದು ಜಿಲ್ಲೆಯ ರೈತರು ಅಂದಾಜಿಸಿದ್ದರು. ಆದರೆ, ಕೊಬ್ಬರಿ ಬೆಲೆ ಮೂರೇ ದಿನಗಳಲ್ಲಿ ಇಳಿಕೆಯತ್ತ ಸಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತಿಪಟೂರು</strong> (ತುಮಕೂರು ಜಿಲ್ಲೆ): ಮಾರುಕಟ್ಟೆಯಲ್ಲಿ ಕೊಬ್ಬರಿ ಬೆಲೆ ದಿಢೀರ್ ಕುಸಿತ ಕಂಡಿದ್ದು ರೈತರು ಕಂಗಾಲಾಗಿದ್ದಾರೆ. ಮೂರೇ ದಿನದಲ್ಲಿ ₹1,300 ಕಡಿಮೆಯಾಗಿದೆ.</p>.<p>ತಿಪಟೂರು ಎಪಿಎಂಸಿ ಮಾರುಕಟ್ಟೆಯಲ್ಲಿ ಸೆ. 11ರಂದು ಕ್ವಿಂಟಲ್ ಕೊಬ್ಬರಿ ₹15,022ಕ್ಕೆ ಹರಾಜಾಗಿತ್ತು. ಶನಿವಾರ ₹13,700ಕ್ಕೆ ಕುಸಿದಿದೆ. ಮೂರು ದಿನದ ಹಿಂದೆ 2,150 ಕ್ವಿಂಟಲ್ (5,002 ಚೀಲ) ಆವಕವಾಗಿತ್ತು. ಶನಿವಾರ 4,304 ಕ್ವಿಂಟಲ್ (10,011 ಚೀಲ) ಕೊಬ್ಬರಿಯನ್ನು ಮಾರುಕಟ್ಟೆಗೆ ತರಲಾಗಿತ್ತು. ಕನಿಷ್ಠ ₹13 ಸಾವಿರ ದರ ಸಿಕ್ಕಿದೆ.</p>.<p>ಜಿಲ್ಲೆಯ ವಿವಿಧ ಭಾಗದ ರೈತರು ಬೆಲೆ ಏರಿಕೆಯ ಆಶಾಭಾವನೆಯೊಂದಿಗೆ ಹಲವು ದಿನಗಳಿಂದ ಸಂಗ್ರಹಿಸಿಟ್ಟಿದ್ದ ಕೊಬ್ಬರಿಯನ್ನು ಮಾರುಕಟ್ಟೆಗೆ ತಂದಿದ್ದರು. ದರ ಇಳಿಕೆ ಆಗಿರುವುದನ್ನು ಕಂಡು ಸಪ್ಪೆ ಮೊರೆ ಹೊತ್ತು ಮನೆಗಳಿಗೆ ವಾಪಸಾದರು.</p>.<p>2023ರ ಜನವರಿಯಲ್ಲಿ ಕ್ವಿಂಟಲ್ ₹10 ಸಾವಿರಕ್ಕೆ ಇಳಿಕೆ ಕಂಡಿತ್ತು. ನಂತರ ದಿನಗಳಲ್ಲಿ ಸತತವಾಗಿ ಕುಸಿತ ಕಂಡು ₹8 ಸಾವಿರಕ್ಕೆ ತಲುಪಿತ್ತು. ಕಳೆದ ಎರಡು ತಿಂಗಳಿನಿಂದ ಬೆಲೆಯಲ್ಲಿ ಸ್ವಲ್ಪ ಚೇತರಿಕೆ ಕಂಡುಬಂದಿತ್ತು. ಆಗಸ್ಟ್ ಅಂತ್ಯಕ್ಕೆ ₹11,950, ಸೆ.4ರಂದು ₹12,555ಕ್ಕೆ ಬಂದು ನಿಂತಿತ್ತು.</p>.<p>ಕಳೆದ ಮಾರುಕಟ್ಟೆಯ ಹರಾಜಿನಲ್ಲಿ ದಾಖಲೆಯ ₹15 ಸಾವಿರ ದಾಟಿತ್ತು. ‘ಬೆಲೆ ಮತ್ತಷ್ಟು ಏರಿಕೆಯಾಗಬಹುದು. ಇಷ್ಟು ದಿನದ ಕಾಯುವಿಕೆಗೆ ಕೊನೆಗೂ ಮುಕ್ತಿ ಸಿಗಲಿದೆ’ ಎಂದು ಜಿಲ್ಲೆಯ ರೈತರು ಅಂದಾಜಿಸಿದ್ದರು. ಆದರೆ, ಕೊಬ್ಬರಿ ಬೆಲೆ ಮೂರೇ ದಿನಗಳಲ್ಲಿ ಇಳಿಕೆಯತ್ತ ಸಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
