ಇಲ್ಲಿನ ಲೋಕನಾಯಕ ಆಸ್ಪತ್ರೆಯ ವೈದ್ಯರು ಗರ್ಭಪಾತಕ್ಕೆ ನಿರಾಕರಿಸಿದ್ದರಿಂದ ಮಹಿಳೆಯು ಜೂನ್ 13 ರಂದು ಹೈಕೋರ್ಟ್ ಮೊರೆ ಹೋಗಿದ್ದರು. ಮಹಿಳೆ ಮತ್ತು ಆಕೆಯ ಗರ್ಭವನ್ನು ತಪಾಸಣೆಗೆ ಒಳಪಡಿಸಲು ಲೋಕನಾಯಕ ಆಸ್ಪತ್ರೆಯ ಇಬ್ಬರು ವೈದ್ಯರನ್ನು ಒಳಗೊಂಡ ಮಂಡಳಿಯನ್ನು ಹೈಕೋರ್ಟ್ ರಚಿಸಿತ್ತು. ಆದರೆ ಆ ವೈದ್ಯರ ಮಂಡಳಿ ನೀಡಿದ ವರದಿ ‘ಅಪೂರ್ಣ’ ಎಂಬುದನ್ನು ಮನಗಂಡ ಹೈಕೋರ್ಟ್, ಜುಲೈ 1 ರಂದು ಏಮ್ಸ್ನ ವೈದ್ಯರನ್ನು ಒಳಗೊಂಡ ಮಂಡಳಿಯನ್ನು ರಚಿಸಿತ್ತು. ಏಮ್ಸ್ ವೈದ್ಯರ ತಂಡ ನೀಡಿದ ವರದಿಯನ್ನು ಆಧರಿಸಿ ಗರ್ಭಪಾತಕ್ಕೆ ಅನುಮತಿಸಿದೆ.