ಹಿಂದೂ ರಾಷ್ಟ್ರಕ್ಕೆ ಬೇಡಿಕೆ ಇಡುವ 50 ಸಂಸದರನ್ನು ಆಯ್ಕೆಮಾಡಬೇಕು: ರಾಜಾ ಸಿಂಗ್

ಗೋವಾದ ಪೊಂಡಾದಲ್ಲಿ ಹಿಂದೂ ಜನಜಾಗೃತಿ ಸಮಿತಿ ವತಿಯಿಂದ ನಡೆದ ’ವೈಶ್ವಿಕ್‌ ಹಿಂದೂ ರಾಷ್ಟ್ರ ಮಹೋತ್ಸವ’ದಲ್ಲಿ ಅವರು ಭಾಷಣ ಮಾಡಿದರು.

‘ಇಂದಿನ ದಿನಗಳಲ್ಲಿ ಹಲವು ರಾಜಕಾರಣಿಗಳು ಹಿಂದುತ್ವದ ಪ್ರಬಲ ನಾಯಕರು ಎನ್ನುವ ಸೋಗು ಹಾಕಿಕೊಂಡಿದ್ದಾರೆ. ಆದರೆ ಚುನಾವಣೆ ಗೆದ್ದ ಬಳಿಕ ಅವರು ಜಾತ್ಯಾತೀತರಾಗಿಬಿಡುತ್ತಾರೆ. ಹಿಂದೂ ರಾಷ್ಟ್ರ ಸ್ಥಾಪನೆಗೆ ಅಂತಹ ಶಾಸಕರು, ಸಂಸದರು ನಿಷ್ಪ್ರಯೋಜಕ. ಚುನಾವಣೆ ಬಳಿಕ ಜಾತ್ಯಾತೀತರಾಗುವ ಜನಪ್ರತಿನಿಧಿಗಳು ಹಿಂದೂ ರಾಷ್ಟ್ರವನ್ನು ವಿರೋಧಿಸುತ್ತಾರೆ. ಹೀಗಾಗಿ ಯಾವುದೇ ಭಯ ಇಲ್ಲದೆ ಹಿಂದೂ ರಾಷ್ಟ್ರಕ್ಕೆ ಬೇಡಿಕೆ ಇಡುವ 50 ಗಟ್ಟಿ ಹಿಂದು ಸಂಸದರನ್ನು ಆಯ್ಕೆ ಮಾಡುವುದು ಅಗತ್ಯ’ ಎಂದು ತೆಲಂಗಾಣದ ಘೋಷಮಹಲ್ ವಿಧಾನಸಭಾ ಕ್ಷೇತ್ರದ ಶಾಸಕರೂ ಆಗಿರುವ ಟಿ. ರಾಜ ಸಿಂಗ್‌ ಹೇಳಿದ್ದಾರೆ.

ತುಷ್ಟೀಕರಣದ ರಾಜಕೀಯವು ನಮ್ಮ ಹಿಂದೂ ಭಾರತವನ್ನು ವಾಸ್ತವಿಕವಾಗಿ ದುರ್ಬಲಗೊಳಿಸಿದೆ ಎಂದು ಅವರು ನುಡಿದರು.