<p><strong>ಜಮ್ಮು:</strong> ಜಮ್ಮುವಿನ ಅಖನೂರ್ ವಲಯದಲ್ಲಿ ಭದ್ರತಾ ಪಡೆಗಳು ನಡೆಸಿದ ಎನ್ಕೌಂಟರ್ನಲ್ಲಿ ಹತರಾದ ಮೂವರು ಭಯೋತ್ಪಾದಕರು ನಿಷಧಿತ ಜೈಷ್–ಎ–ಮೊಹಮ್ಮದ್ ಸಂಘಟನೆಗೆ ಸೇರಿದವರು ಎಂದು ಅಧಿಕಾರಿಗಳು ಬುಧವಾರ ಹೇಳಿದ್ದಾರೆ.</p>.<p>ಈ ಮೂವರು ಪಾಕ್ ಆಕ್ರಮಿತ ಕಾಶ್ಮೀರದಿಂದ ಜಮ್ಮುವಿಗೆ ಈಚೆಗೆ ನುಸುಳಿದ್ದರು. ನಿಷೇಧಿತ ಲಷ್ಕರ್–ಎ–ತಯ್ಯಬಾ ಸಂಘಟನೆಯ ಭಯೋತ್ಪಾದಕರು ಸಾಮಾನ್ಯವಾಗಿ ಬಳಕೆ ಮಾಡುವ ಅಖನೂರ್ ಮಾರ್ಗವನ್ನು ತಾವೂ ಬಳಸಿಕೊಂಡು ಭಾರಿ ಪ್ರಮಾಣದಲ್ಲಿ ದಾಳಿ ನಡೆಸುವ ಯೋಜನೆಯನ್ನು ಈ ಮೂವರು ಹೊಂದಿದ್ದರು ಎಂದು ಅಧಿಕಾರಿಗಳು ಹೇಳಿದ್ದಾರೆ.</p>.<p>ಈ ಮೂವರು ಬಟ್ಟಲ್ ಪ್ರದೇಶದಿಂದ ಅಖನೂರ್ ಪ್ರದೇಶವನ್ನು ಪ್ರವೇಶಿಸಿದ್ದರು. ಅವರು ಜೈಷ್–ಎ–ಮೊಹಮ್ಮದ್ ಸಂಘಟನೆಯ ಜೊತೆ ನಂಟು ಹೊಂದಿದ್ದರು ಎಂಬುದು ಅವರಿಂದ ವಶಪಡಿಸಿಕೊಳ್ಳಲಾದ ವಯರ್ಲೆಸ್ ಉಪಕರಣವು ಖಚಿತಪಡಿಸಿದೆ.</p>.<p>ಈ ಪ್ರದೇಶದಲ್ಲಿ ಬಹುಕಾಲದಿಂದ ನುಸುಳುವಿಕೆ ಕಂಡುಬಂದಿಲ್ಲ ಎಂದು ಸೇನೆಯ ಅಧಿಕಾರಿ, ಮೇಜರ್ ಜನರಲ್ ಸಮೀರ್ ಶ್ರೀವಾಸ್ತವ ಅವರು ಹೇಳಿದ್ದರೂ, ಹಿಂದಿನ ವರ್ಷದ ಏಪ್ರಿಲ್ ಹಾಗೂ ಡಿಸೆಂಬರ್ನಲ್ಲಿ ಇಲ್ಲಿ ಭಯೋತ್ಪಾದಕರ ಚಲನವಲನ ಇತ್ತು ಎಂಬುದನ್ನು ಕೆಲವು ಅಧಿಕಾರಿಗಳು ಹೇಳಿದ್ದಾರೆ.</p>.<p>ಬಟ್ಟಲ್ನ ಶಿವ ಮಂದಿರ ಅಸಾನ್ಗೆ ತೆರಳುತ್ತಿದ್ದ ಮೂವರು ಹದಿಹರೆಯದವರು, ಶಸ್ತ್ರಸಜ್ಜಿತರಾಗಿದ್ದ ಈ ಭಯೋತ್ಪಾದಕರನ್ನು ಸೋಮವಾರ ಬೆಳಿಗ್ಗೆ ಕಂಡರು. ‘ನೀವು ಸೇನೆಗೆ ಸೇರಿದವರಾ’ ಎಂದು ಈ ಮೂವರು ಪ್ರಶ್ನಿಸಿದಾಗ ಭಯೋತ್ಪಾದಕರು ಕೋಪದಿಂದ ಪ್ರತಿಕ್ರಿಯಿಸಿದ್ದರು.</p>.<p>ತಮ್ಮ ಬಗ್ಗೆ ಯಾರಿಗಾದರೂ ಮಾಹಿತಿ ನೀಡಿದರೆ ಪರಿಣಾಮ ಕೆಟ್ಟದ್ದಾಗಿರುತ್ತದೆ ಎಂದು ಬೆದರಿಸಿದ್ದರು. ಹದಿಹರೆಯದವರು ಮುಖ್ಯರಸ್ತೆ ತಲುಪುವವರೆಗೂ ಭಯೋತ್ಪಾದಕರು ಅವರನ್ನು ಹಿಂಬಾಲಿಸಿದ್ದರು. ಆದರೆ ಅಲ್ಲಿ ಸೇನಾ ವಾಹನಗಳು ಕಂಡ ನಂತರ, ಭಯೋತ್ಪಾದಕರು ಆ ವಾಹನಗಳನ್ನು ಗುರಿಯಾಗಿಸಿಕೊಂಡು ಗುಂಡು ಹಾರಿಸಿದರು.</p>.<p>ಇದಕ್ಕೆ ಪ್ರತ್ಯುತ್ತರವಾಗಿ ವಿಶೇಷ ಪಡೆಯ ಯೋಧರು ಹಾಗೂ ಎನ್ಎಸ್ಜಿ ಕಮಾಂಡೊಗಳು ಕಾರ್ಯಾಚರಣೆ ನಡೆಸಿ, ಭಯೋತ್ಪಾದಕರನ್ನು ಹತ್ಯೆ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜಮ್ಮು:</strong> ಜಮ್ಮುವಿನ ಅಖನೂರ್ ವಲಯದಲ್ಲಿ ಭದ್ರತಾ ಪಡೆಗಳು ನಡೆಸಿದ ಎನ್ಕೌಂಟರ್ನಲ್ಲಿ ಹತರಾದ ಮೂವರು ಭಯೋತ್ಪಾದಕರು ನಿಷಧಿತ ಜೈಷ್–ಎ–ಮೊಹಮ್ಮದ್ ಸಂಘಟನೆಗೆ ಸೇರಿದವರು ಎಂದು ಅಧಿಕಾರಿಗಳು ಬುಧವಾರ ಹೇಳಿದ್ದಾರೆ.</p>.<p>ಈ ಮೂವರು ಪಾಕ್ ಆಕ್ರಮಿತ ಕಾಶ್ಮೀರದಿಂದ ಜಮ್ಮುವಿಗೆ ಈಚೆಗೆ ನುಸುಳಿದ್ದರು. ನಿಷೇಧಿತ ಲಷ್ಕರ್–ಎ–ತಯ್ಯಬಾ ಸಂಘಟನೆಯ ಭಯೋತ್ಪಾದಕರು ಸಾಮಾನ್ಯವಾಗಿ ಬಳಕೆ ಮಾಡುವ ಅಖನೂರ್ ಮಾರ್ಗವನ್ನು ತಾವೂ ಬಳಸಿಕೊಂಡು ಭಾರಿ ಪ್ರಮಾಣದಲ್ಲಿ ದಾಳಿ ನಡೆಸುವ ಯೋಜನೆಯನ್ನು ಈ ಮೂವರು ಹೊಂದಿದ್ದರು ಎಂದು ಅಧಿಕಾರಿಗಳು ಹೇಳಿದ್ದಾರೆ.</p>.<p>ಈ ಮೂವರು ಬಟ್ಟಲ್ ಪ್ರದೇಶದಿಂದ ಅಖನೂರ್ ಪ್ರದೇಶವನ್ನು ಪ್ರವೇಶಿಸಿದ್ದರು. ಅವರು ಜೈಷ್–ಎ–ಮೊಹಮ್ಮದ್ ಸಂಘಟನೆಯ ಜೊತೆ ನಂಟು ಹೊಂದಿದ್ದರು ಎಂಬುದು ಅವರಿಂದ ವಶಪಡಿಸಿಕೊಳ್ಳಲಾದ ವಯರ್ಲೆಸ್ ಉಪಕರಣವು ಖಚಿತಪಡಿಸಿದೆ.</p>.<p>ಈ ಪ್ರದೇಶದಲ್ಲಿ ಬಹುಕಾಲದಿಂದ ನುಸುಳುವಿಕೆ ಕಂಡುಬಂದಿಲ್ಲ ಎಂದು ಸೇನೆಯ ಅಧಿಕಾರಿ, ಮೇಜರ್ ಜನರಲ್ ಸಮೀರ್ ಶ್ರೀವಾಸ್ತವ ಅವರು ಹೇಳಿದ್ದರೂ, ಹಿಂದಿನ ವರ್ಷದ ಏಪ್ರಿಲ್ ಹಾಗೂ ಡಿಸೆಂಬರ್ನಲ್ಲಿ ಇಲ್ಲಿ ಭಯೋತ್ಪಾದಕರ ಚಲನವಲನ ಇತ್ತು ಎಂಬುದನ್ನು ಕೆಲವು ಅಧಿಕಾರಿಗಳು ಹೇಳಿದ್ದಾರೆ.</p>.<p>ಬಟ್ಟಲ್ನ ಶಿವ ಮಂದಿರ ಅಸಾನ್ಗೆ ತೆರಳುತ್ತಿದ್ದ ಮೂವರು ಹದಿಹರೆಯದವರು, ಶಸ್ತ್ರಸಜ್ಜಿತರಾಗಿದ್ದ ಈ ಭಯೋತ್ಪಾದಕರನ್ನು ಸೋಮವಾರ ಬೆಳಿಗ್ಗೆ ಕಂಡರು. ‘ನೀವು ಸೇನೆಗೆ ಸೇರಿದವರಾ’ ಎಂದು ಈ ಮೂವರು ಪ್ರಶ್ನಿಸಿದಾಗ ಭಯೋತ್ಪಾದಕರು ಕೋಪದಿಂದ ಪ್ರತಿಕ್ರಿಯಿಸಿದ್ದರು.</p>.<p>ತಮ್ಮ ಬಗ್ಗೆ ಯಾರಿಗಾದರೂ ಮಾಹಿತಿ ನೀಡಿದರೆ ಪರಿಣಾಮ ಕೆಟ್ಟದ್ದಾಗಿರುತ್ತದೆ ಎಂದು ಬೆದರಿಸಿದ್ದರು. ಹದಿಹರೆಯದವರು ಮುಖ್ಯರಸ್ತೆ ತಲುಪುವವರೆಗೂ ಭಯೋತ್ಪಾದಕರು ಅವರನ್ನು ಹಿಂಬಾಲಿಸಿದ್ದರು. ಆದರೆ ಅಲ್ಲಿ ಸೇನಾ ವಾಹನಗಳು ಕಂಡ ನಂತರ, ಭಯೋತ್ಪಾದಕರು ಆ ವಾಹನಗಳನ್ನು ಗುರಿಯಾಗಿಸಿಕೊಂಡು ಗುಂಡು ಹಾರಿಸಿದರು.</p>.<p>ಇದಕ್ಕೆ ಪ್ರತ್ಯುತ್ತರವಾಗಿ ವಿಶೇಷ ಪಡೆಯ ಯೋಧರು ಹಾಗೂ ಎನ್ಎಸ್ಜಿ ಕಮಾಂಡೊಗಳು ಕಾರ್ಯಾಚರಣೆ ನಡೆಸಿ, ಭಯೋತ್ಪಾದಕರನ್ನು ಹತ್ಯೆ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
