ವಿಶೇಷ ಬೋಧನೆಗೆ ವ್ಯವಸ್ಥೆ: ವಯೋಮಿತಿ ಮೀರಿದವರಿಗೆ ಪ್ರತ್ಯೇಕ ತರಗತಿ

ಶಾಲೆ ತೊರೆದ ಮಕ್ಕಳನ್ನು ವಯೋಮಿತಿಗೆ ಅನುಗುಣವಾಗಿ ಆಯಾ ತರಗತಿಗಳಿಗೆ ದಾಖಲು ಮಾಡುವ ಮೊದಲು ಹಿಂದಿನ ತರಗತಿಗಳ ಕುರಿತು ಸೇತುಬಂಧ ಶಿಕ್ಷಣ ನೀಡಲು ವಿಶೇಷ ತರಗತಿಗಳನ್ನು ಸಮಗ್ರ ಶಿಕ್ಷಣ ಕರ್ನಾಟಕ ಒದಗಿಸುತ್ತಿದೆ. ಮೂರರಿಂದ ಒಂದು ವರ್ಷದವರೆಗೆ ವಿಶೇಷ ಕಲಿಕಾ ತರಬೇತಿ ನೀಡಿದ ನಂತರ ಅವರನ್ನು ಮುಂದಿನ ತರಗತಿಗಳಿಗೆ ದಾಖಲು ಮಾಡಲಾಗುತ್ತಿದೆ. ವಲಸಿಗರು, ಅಲೆಮಾರಿಗಳು ಸೇರಿದಂತೆ ವಸತಿ ಅಗತ್ಯವಿರುವ ಮಕ್ಕಳಿಗೆ ದಕ್ಷಿಣ ಕನ್ನಡ, ಚಾಮರಾಜನಗರ, ಹಾವೇರಿ ಜಿಲ್ಲೆಗಳಲ್ಲಿ ವಸತಿಯುತ ತರಬೇತಿಗೂ ವ್ಯವಸ್ಥೆ ಮಾಡಲಾಗಿದೆ. 2023–24ನೇ ಶೈಕ್ಷಣಿಕ ಸಾಲಿನಲ್ಲಿ 527 ಮಕ್ಕಳು ವಸತಿಸಹಿತ ಕಲಿಕಾ ತರಬೇತಿಯ ಸೌಲಭ್ಯ ಪಡೆದಿದ್ದಾರೆ. ಈ ಸೌಲಭ್ಯವನ್ನು ಅಗತ್ಯವಿರುವ ಜಿಲ್ಲೆಗಳಿಗೂ ವಿಸ್ತರಿಸಲಾಗುತ್ತಿದೆ.