<p>ಬೆಂಗಳೂರು: ‘ಶ್ರವಣಬೆಳಗೊಳದಲ್ಲಿ 567 ಶಾಸನಗಳಿವೆ. ಇವುಗಳನ್ನು ಮತ್ತಷ್ಟು ಅಧ್ಯಯನಕ್ಕೆ ಒಳಪಡಿಸುವ ಮೂಲಕ ಹೊಸ ಅರ್ಥ ಕಂಡುಕೊಳ್ಳಬಹುದು. ಜೈನರು ತಿಳಿಸದ ಸತ್ಯಗಳನ್ನು ನಾವು ಹೇಳಬಹುದು. ಅದಕ್ಕಾಗಿ ಇನ್ನೂ ಹೆಚ್ಚಿನ ಸಂಶೋಧನೆ ನಡೆಯಬೇಕಾಗಿದೆ’ ಎಂದು ಇತಿಹಾಸತಜ್ಞ ಪ್ರೊ. ಷ.ಶೆಟ್ಟರ್ ಅಭಿಪ್ರಾಯಪಟ್ಟರು.<br /> <br /> ಶ್ರವಣಬೆಳಗೊಳ ಚಿಕ್ಕಬೆಟ್ಟ ಚಂದ್ರಗಿರಿ ಮಹೋತ್ಸವ ಅಂಗವಾಗಿ ನಗರದ ಕರ್ನಾಟಕ ಜೈನ ಭವನದಲ್ಲಿ ಮಂಗಳವಾರ ಆಯೋಜಿಸಲಾಗಿದ್ದ ಸಮಾರಂಭದಲ್ಲಿ ‘ಶಾಸನ ಸಾಹಿತ್ಯ ಪ್ರಶಸ್ತಿ’ ಸ್ವೀಕರಿಸಿ ಮಾತನಾಡಿದರು.<br /> <br /> ‘ದಂತಕತೆಗಳಲ್ಲಿ ಅಡಕವಾಗಿರುವ ಕೆಲವು ವಿಷಯಗಳು ಸತ್ಯ. 14ನೇ ಶತಮಾನದಲ್ಲಿ ಗೊಮ್ಮಟನನ್ನು ಹಾಳು ಮಾಡಲು ತಂತ್ರಗಳು ನಡೆದವು. ಈ ಬಗ್ಗೆ ದಾಖಲೆಗಳಿವೆ. ಆಗ ಮೂರ್ತಿಯ ಸುತ್ತ ಕೋಟೆ ಕಟ್ಟಲಾಯಿತು. ಬಾಹುಬಲಿ ಮೂರ್ತಿಯನ್ನು ರಕ್ಷಿಸುವ ಕೆಲಸ ಆಗ ನಡೆಯದಿದ್ದರೆ ಈಗಿನ ಸ್ವರೂಪದಲ್ಲಿ ನಮಗೆ ಲಭಿಸುತ್ತಿರಲಿಲ್ಲವೇನೊ?’ ಎಂದು ಅವರು ನುಡಿದರು.<br /> <br /> ‘ಸಂಶೋಧನೆ ಒಂದು ಹಂತಕ್ಕೆ ಬಂದು ನಿಂತಿದೆ. ಶಾಸನಗಳ ಸಂಗ್ರಹವೂ ತೃಪ್ತಿದಾಯಕವಾಗಿದೆ. ಆದರೆ, ಅವುಗಳನ್ನು ಅರ್ಥ ಮಾಡಿಕೊಳ್ಳುವ ಕಾರ್ಯ ನಡೆಯಬೇಕಾಗಿದೆ. ಏಕೆಂದರೆ ಶಾಸನಗಳಲ್ಲಿ ಇನ್ನೂ ಹಲವು ಹೊಸ ವಿಷಯಗಳು ಅಡಕವಾಗಿವೆ’ ಎಂದರು.<br /> <br /> ಶ್ರವಣಬೆಳಗೊಳ ಜೈನ ಮಠದ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಮಾತನಾಡಿ, ‘ಮುದ್ರಣಗೊಂಡ ಪುಸ್ತಕವನ್ನು ಮರುಮುದ್ರಣ ಮಾಡಬಹುದು. ಶಾಸನವೆಂದರೆ ಕಲ್ಲಿನ ಪುಸ್ತಕವಿದ್ದಂತೆ. ಅವು ಶಾಶ್ವತ. ಶಾಸನಗಳನ್ನು ರಕ್ಷಿಸುವಂಥ ಮಹತ್ವದ ಕೆಲಸ ನಡೆಯಬೇಕಾಗಿದೆ. ಅವುಗಳ ಮಹತ್ವವನ್ನು ಜಗತ್ತಿಗೆ ಸಾರಬೇಕಾಗಿದೆ’ ಎಂದರು.<br /> <br /> ‘ಚಿಕ್ಕಬೆಟ್ಟ ಚಂದ್ರಗಿರಿ, ವಿಶ್ವಕ್ಕೆ ವಿಶೇಷ ಕೊಡುಗೆ ನೀಡಿದೆ. ಇಲ್ಲಿ ಆಚರಿಸುವ ಸಲ್ಲೇಖನ ವ್ರತಕ್ಕೆ ವಿಶೇಷ ಮಹತ್ವವಿದೆ. ಆದರೆ, ಈ ವ್ರತವನ್ನು ಕೆಲವರು ಆತ್ಮಹತ್ಯೆ ಎಂದು ಟೀಕಿಸುತ್ತಾರೆ. ಇದು ತಪ್ಪು ಭಾವನೆ’ ಎಂದು ನುಡಿದರು.<br /> <br /> ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಪುಂಡಲೀಕ ಹಾಲಂಬಿ, ‘ಶ್ರವಣಬೆಳಗೊಳ ಕ್ಷೇತ್ರದಲ್ಲಿ ಕನ್ನಡ ಕಟ್ಟುವ ಕೆಲಸ ನಡೆದಿದೆ. ಶಾಸನಗಳ ಅಧ್ಯಯನ ನಡೆಯುತ್ತಿದೆ. ಮುಂದಿನ ತಲೆಮಾರಿಗೂ ಕನ್ನಡ ಪರಂಪರೆಯನ್ನು ಮುಟ್ಟಿಸುವ ಅನಿವಾರ್ಯವಿದೆ. ಈ ಕೆಲಸವನ್ನು ಕ್ಷೇತ್ರದವರು ಮಾಡಬೇಕು’ ಎಂದು ಹೇಳಿದರು.<br /> <br /> ಪ್ರೊ.ಹಂಪ ನಾಗರಾಜಯ್ಯ, ‘ಕ್ಷೇತ್ರದ ಚಿಕ್ಕಬೆಟ್ಟವು ಭಾರತದ ಇತಿಹಾಸವನ್ನು ತನ್ನ ಒಡಲಲ್ಲಿ ಇಟ್ಟುಕೊಂಡಿದೆ. ಇಬ್ಬರು ಚಕ್ರವರ್ತಿಗಳು ಸಲ್ಲೇಖನ ವ್ರತ ಸ್ವೀಕ ರಿಸಿದ ಪುಣ್ಯ ಭೂಮಿ ಇದು’ ಎಂದು ತಿಳಿಸಿದರು.<br /> <br /> 11 ಮಂದಿ ಇತಿಹಾಸ ಸಂಶೋಧಕರಿಗೆ ‘ಶಾಸನ ಸಾಹಿತ್ಯ ಪ್ರಶಸ್ತಿ’ ಪ್ರದಾನ ಮಾಡಲಾಯಿತು. ಪ್ರಶಸ್ತಿಯು ₨ 35,001 ಗೌರವ ಧನ, ಪ್ರಶಸ್ತಿ ಪತ್ರ ಹಾಗೂ ಫಲಕವನ್ನು ಒಳಗೊಂಡಿದೆ.<br /> <br /> ಸಮಾರಂಭದ ಆರಂಭದಲ್ಲಿ ಕಲಾವಿದರು ‘ಶಿಲಾಶಾಸನ ನಮನ’ ನಾಟಕ ಪ್ರಸ್ತುತಪಡಿಸಿದರು. ಕರ್ನಾಟಕ ಜೈನ ಅಸೋಸಿಯೇಷನ್ನ ಅಧ್ಯಕ್ಷ ಎಸ್. ಜಿತೇಂದ್ರ ಕುಮಾರ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರು: ‘ಶ್ರವಣಬೆಳಗೊಳದಲ್ಲಿ 567 ಶಾಸನಗಳಿವೆ. ಇವುಗಳನ್ನು ಮತ್ತಷ್ಟು ಅಧ್ಯಯನಕ್ಕೆ ಒಳಪಡಿಸುವ ಮೂಲಕ ಹೊಸ ಅರ್ಥ ಕಂಡುಕೊಳ್ಳಬಹುದು. ಜೈನರು ತಿಳಿಸದ ಸತ್ಯಗಳನ್ನು ನಾವು ಹೇಳಬಹುದು. ಅದಕ್ಕಾಗಿ ಇನ್ನೂ ಹೆಚ್ಚಿನ ಸಂಶೋಧನೆ ನಡೆಯಬೇಕಾಗಿದೆ’ ಎಂದು ಇತಿಹಾಸತಜ್ಞ ಪ್ರೊ. ಷ.ಶೆಟ್ಟರ್ ಅಭಿಪ್ರಾಯಪಟ್ಟರು.<br /> <br /> ಶ್ರವಣಬೆಳಗೊಳ ಚಿಕ್ಕಬೆಟ್ಟ ಚಂದ್ರಗಿರಿ ಮಹೋತ್ಸವ ಅಂಗವಾಗಿ ನಗರದ ಕರ್ನಾಟಕ ಜೈನ ಭವನದಲ್ಲಿ ಮಂಗಳವಾರ ಆಯೋಜಿಸಲಾಗಿದ್ದ ಸಮಾರಂಭದಲ್ಲಿ ‘ಶಾಸನ ಸಾಹಿತ್ಯ ಪ್ರಶಸ್ತಿ’ ಸ್ವೀಕರಿಸಿ ಮಾತನಾಡಿದರು.<br /> <br /> ‘ದಂತಕತೆಗಳಲ್ಲಿ ಅಡಕವಾಗಿರುವ ಕೆಲವು ವಿಷಯಗಳು ಸತ್ಯ. 14ನೇ ಶತಮಾನದಲ್ಲಿ ಗೊಮ್ಮಟನನ್ನು ಹಾಳು ಮಾಡಲು ತಂತ್ರಗಳು ನಡೆದವು. ಈ ಬಗ್ಗೆ ದಾಖಲೆಗಳಿವೆ. ಆಗ ಮೂರ್ತಿಯ ಸುತ್ತ ಕೋಟೆ ಕಟ್ಟಲಾಯಿತು. ಬಾಹುಬಲಿ ಮೂರ್ತಿಯನ್ನು ರಕ್ಷಿಸುವ ಕೆಲಸ ಆಗ ನಡೆಯದಿದ್ದರೆ ಈಗಿನ ಸ್ವರೂಪದಲ್ಲಿ ನಮಗೆ ಲಭಿಸುತ್ತಿರಲಿಲ್ಲವೇನೊ?’ ಎಂದು ಅವರು ನುಡಿದರು.<br /> <br /> ‘ಸಂಶೋಧನೆ ಒಂದು ಹಂತಕ್ಕೆ ಬಂದು ನಿಂತಿದೆ. ಶಾಸನಗಳ ಸಂಗ್ರಹವೂ ತೃಪ್ತಿದಾಯಕವಾಗಿದೆ. ಆದರೆ, ಅವುಗಳನ್ನು ಅರ್ಥ ಮಾಡಿಕೊಳ್ಳುವ ಕಾರ್ಯ ನಡೆಯಬೇಕಾಗಿದೆ. ಏಕೆಂದರೆ ಶಾಸನಗಳಲ್ಲಿ ಇನ್ನೂ ಹಲವು ಹೊಸ ವಿಷಯಗಳು ಅಡಕವಾಗಿವೆ’ ಎಂದರು.<br /> <br /> ಶ್ರವಣಬೆಳಗೊಳ ಜೈನ ಮಠದ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಮಾತನಾಡಿ, ‘ಮುದ್ರಣಗೊಂಡ ಪುಸ್ತಕವನ್ನು ಮರುಮುದ್ರಣ ಮಾಡಬಹುದು. ಶಾಸನವೆಂದರೆ ಕಲ್ಲಿನ ಪುಸ್ತಕವಿದ್ದಂತೆ. ಅವು ಶಾಶ್ವತ. ಶಾಸನಗಳನ್ನು ರಕ್ಷಿಸುವಂಥ ಮಹತ್ವದ ಕೆಲಸ ನಡೆಯಬೇಕಾಗಿದೆ. ಅವುಗಳ ಮಹತ್ವವನ್ನು ಜಗತ್ತಿಗೆ ಸಾರಬೇಕಾಗಿದೆ’ ಎಂದರು.<br /> <br /> ‘ಚಿಕ್ಕಬೆಟ್ಟ ಚಂದ್ರಗಿರಿ, ವಿಶ್ವಕ್ಕೆ ವಿಶೇಷ ಕೊಡುಗೆ ನೀಡಿದೆ. ಇಲ್ಲಿ ಆಚರಿಸುವ ಸಲ್ಲೇಖನ ವ್ರತಕ್ಕೆ ವಿಶೇಷ ಮಹತ್ವವಿದೆ. ಆದರೆ, ಈ ವ್ರತವನ್ನು ಕೆಲವರು ಆತ್ಮಹತ್ಯೆ ಎಂದು ಟೀಕಿಸುತ್ತಾರೆ. ಇದು ತಪ್ಪು ಭಾವನೆ’ ಎಂದು ನುಡಿದರು.<br /> <br /> ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಪುಂಡಲೀಕ ಹಾಲಂಬಿ, ‘ಶ್ರವಣಬೆಳಗೊಳ ಕ್ಷೇತ್ರದಲ್ಲಿ ಕನ್ನಡ ಕಟ್ಟುವ ಕೆಲಸ ನಡೆದಿದೆ. ಶಾಸನಗಳ ಅಧ್ಯಯನ ನಡೆಯುತ್ತಿದೆ. ಮುಂದಿನ ತಲೆಮಾರಿಗೂ ಕನ್ನಡ ಪರಂಪರೆಯನ್ನು ಮುಟ್ಟಿಸುವ ಅನಿವಾರ್ಯವಿದೆ. ಈ ಕೆಲಸವನ್ನು ಕ್ಷೇತ್ರದವರು ಮಾಡಬೇಕು’ ಎಂದು ಹೇಳಿದರು.<br /> <br /> ಪ್ರೊ.ಹಂಪ ನಾಗರಾಜಯ್ಯ, ‘ಕ್ಷೇತ್ರದ ಚಿಕ್ಕಬೆಟ್ಟವು ಭಾರತದ ಇತಿಹಾಸವನ್ನು ತನ್ನ ಒಡಲಲ್ಲಿ ಇಟ್ಟುಕೊಂಡಿದೆ. ಇಬ್ಬರು ಚಕ್ರವರ್ತಿಗಳು ಸಲ್ಲೇಖನ ವ್ರತ ಸ್ವೀಕ ರಿಸಿದ ಪುಣ್ಯ ಭೂಮಿ ಇದು’ ಎಂದು ತಿಳಿಸಿದರು.<br /> <br /> 11 ಮಂದಿ ಇತಿಹಾಸ ಸಂಶೋಧಕರಿಗೆ ‘ಶಾಸನ ಸಾಹಿತ್ಯ ಪ್ರಶಸ್ತಿ’ ಪ್ರದಾನ ಮಾಡಲಾಯಿತು. ಪ್ರಶಸ್ತಿಯು ₨ 35,001 ಗೌರವ ಧನ, ಪ್ರಶಸ್ತಿ ಪತ್ರ ಹಾಗೂ ಫಲಕವನ್ನು ಒಳಗೊಂಡಿದೆ.<br /> <br /> ಸಮಾರಂಭದ ಆರಂಭದಲ್ಲಿ ಕಲಾವಿದರು ‘ಶಿಲಾಶಾಸನ ನಮನ’ ನಾಟಕ ಪ್ರಸ್ತುತಪಡಿಸಿದರು. ಕರ್ನಾಟಕ ಜೈನ ಅಸೋಸಿಯೇಷನ್ನ ಅಧ್ಯಕ್ಷ ಎಸ್. ಜಿತೇಂದ್ರ ಕುಮಾರ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
