ಆರ್‌ಸಿಇಪಿಗೆ 15 ರಾಷ್ಟ್ರಗಳ ಸಹಿ

ಸಿಂಗಪುರ : ಚೀನಾ ಸೇರಿದಂತೆ ಏಷ್ಯಾದ 15 ರಾಷ್ಟ್ರಗಳು ಜಗತ್ತಿನ ಅತಿ ದೊಡ್ಡ ವ್ಯಾಪಾರ ಒಪ್ಪಂದ, ‘ಪ್ರಾದೇಶಿಕ ಸಮಗ್ರ ಆರ್ಥಿಕ ಸಹಭಾಗಿತ್ವ’ಕ್ಕೆ (ಆರ್ಸಿಇಪಿ) ಭಾನುವಾರ ಸಹಿ ಮಾಡಿವೆ. ಭಾರತ ಇದರಿಂದ ಹೊರಗುಳಿದಿದೆ.

. ಆಗ್ನೇಯ ಏಷ್ಯಾದ ನಾಯಕರು ಹಾಗೂ ಅವರ ಪ್ರಾದೇಶಿಕ ಪಾಲುದಾರರ (ಎಎಸ್ಇಎಎನ್) ವಾರ್ಷಿಕ ಶೃಂಗಸಭೆಯ ನಂತರ ಈ ಒಪ್ಪಂದಕ್ಕೆ ಸಹಿ ಮಾಡಲಾಗಿದೆ. ನಾಲ್ಕು ದಿನಗಳ ಸಭೆಯನ್ನು ಕೋವಿಡ್–19 ಕಾರಣದಿಂದ ಈ ವರ್ಷ ವರ್ಚುವಲ್ ಮಾಧ್ಯಮದಲ್ಲಿ ನಡೆಸಲಾಗಿತ್ತು.

. ಸತತ ಎಂಟು ವರ್ಷಗಳ ಮಾತುಕತೆಯ ನಂತರ 15 ರಾಷ್ಟ್ರಗಳ ಮಧ್ಯೆ ಈ ಒಪ್ಪಂದ ನೆರವೇರಿದೆ. ಸಹಿ ಮಾಡಿರುವ ಎಲ್ಲಾ ರಾಷ್ಟ್ರಗಳು ಎರಡು ವರ್ಷಗಳೊಳಗೆ ಈ ಒಪ್ಪಂದ ಜಾರಿಗೆ ಅಗತ್ಯ ಸಿದ್ಧತೆಗಳನ್ನು ಮಾಡಿಕೊಳ್ಳಬೇಕಾಗಿದೆ. ವಿಶ್ವ ಆರ್ಥಿಕತೆಯ ಮೂರನೇ ಒಂದು ಭಾಗವನ್ನು ಒಳಗೊಂಡಿರುವ ಈ ಒಪ್ಪಂದವು ಮುಂಬರುವ ವರ್ಷಗಳಲ್ಲಿ ಅನೇಕ ಪ್ರದೇಶಗಳಲ್ಲಿ ಸುಂಕವನ್ನು ಕಡಿಮೆ ಮಾಡಲು ಸಹಾಯಕವಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.

. ಏಷ್ಯಾದ ಪ್ರಮುಖ ಗ್ರಾಹಕ ಕೇಂದ್ರಿತ ಮಾರುಕಟ್ಟೆ ಎನಿಸಿರುವ ಭಾರತವು ಕಳೆದ ವರ್ಷ ಈ ಮಾತುಕತೆಯಿಂದ ಹೊರಬಂದಿತ್ತು. ಸುಂಕ ಕಡಿಮೆ ಮಾಡುವುದರಿಂದ ಭಾರತೀಯ ಮಾರುಕಟ್ಟೆಗೆ ವಿದೇಶಿ ಉತ್ಪನ್ನಗಳು ಎಗ್ಗಿಲ್ಲದೆ ಹರಿದು ಬರಬಹುದು. ಇದರಿಂದ ಸ್ಥಳೀಯ ತಯಾರಕರಿಗೆ ಹಾನಿಯಾಗುವುದೆಂಬ ಕಾರಣಕ್ಕೆ ಭಾರತ ಈ ನಿರ್ಧಾರ ಕೈಗೊಂಡಿತ್ತು.

. ಆದರೆ, ‘ಭಾರತಕ್ಕೆ ಈಗಲೂ ಆರ್ಸಿಇಪಿ ಬಾಗಿಲು ತೆರೆದುಕೊಂಡಿದೆ' ಎಂದು ಇತರ ರಾಷ್ಟ್ರಗಳು ಕಳೆದ ವರ್ಷ ಹೇಳಿದ್ದವು. ಈ ಹೇಳಿಕೆಯ ಹಿಂದೆ ಚೀನಾದ ಚಿತಾವಣೆ ಇತ್ತು ಎಂದೂ ಆರೋಪಿಸಲಾಗಿದೆ.

. ಒಪ್ಪಂದವು ಮುಂದಿನ ದಿನಗಳಲ್ಲಿ ನಮ್ಮ ಆರ್ಥಿಕ ಅಭಿವೃದ್ಧಿಗೆ ಸಹಾಯಕವಾಗಲಿದೆ ಎಂದು ಸಹಿಮಾಡಿರುವ ರಾಷ್ಟ್ರಗಳು ಹೇಳಿವೆ.

. ಸಹಿಮಾಡಿದ ರಾಷ್ಟ್ರಗಳು

. ಇಂಡೊನೇಷ್ಯಾ, ಮಲೇಷ್ಯಾ, ಫಿಲಿಪ್ಪೀನ್ಸ್, ಸಿಂಗಪುರ, ಥಾಯ್ಲೆಂಡ್, ಬ್ರೂನಿ, ವಿಯೆಟ್ನಾಂ, ಲಾವೋಸ್, ಮ್ಯಾನ್ಮಾರ್ ಹಾಗೂ ಕಾಂಬೋಡಿಯಾ ಒಪ್ಪಂದಕ್ಕೆ ಸಹಿ ಮಾಡಿವೆ. ಆರ್ಸಿಇಪಿಪ್ರಸ್ತಾವವನ್ನು 2012ರಲ್ಲಿ ಈ ದೇಶಗಳ ಮುಂದೆ ಇರಿಸಲಾಗಿತ್ತು. ಆ ನಂತರ ಚೀನಾ, ಜಪಾನ್, ದಕ್ಷಿಣ ಕೊರಿಯಾ, ನ್ಯೂಜಿಲೆಂಡ್ ಹಾಗೂ ಆಸ್ಟ್ರೇಲಿಯಾಗಳನ್ನೂ ಇದರ ಪರಿಧಿಯೊಳಗೆ ಸೇರಿಸಿಕೊಳ್ಳಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆರ್‌ಸಿಇಪಿಗೆ 15 ರಾಷ್ಟ್ರಗಳ ಸಹಿ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ರಣಜಿ ಕ್ರಿಕೆಟ್’ ಮುಂಬೈ ಕ್ರಿಕೆಟ್ ತಂಡಕ್ಕೆ ಮರಳಿದ ಶ್ರೇಯಸ್

ಫುಟ್‌ಬಾಲ್‌ ಸಂಭಾವ್ಯ ತಂಡದಲ್ಲಿ ಸಂದೇಶ್‌ ಜಿಂಗಾನ್‌ಗೆ ಸ್ಥಾನ

ನೆಟ್ಟಕಲ್ಲಪ್ಪ ರಾಷ್ಟ್ರಮಟ್ಟದ ಈಜು: ಕಣಕ್ಕಿಳಿಯಲಿರುವ 300 ಈಜುಪಟುಗಳು

ಏಷ್ಯನ್‌ ಪಿಕಲ್‌ಬಾಲ್‌: ಭಾರತಕ್ಕೆ 14 ಪದಕ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್