<p>‘ರೀ, ಇಲ್ನೋಡಿ... ಮದುವೆ ಊಟದಲ್ಲಿ ಮೂಳೆ ಇರಲಿಲ್ಲ ಅಂತ ಮದುವೇನೇ ಮುರಿದು ಬಿದ್ದಿದೆಯಂತೆ!’</p><p>‘ಮತ್ತೆ?! ಮೂಳೆ, ಮಾನವನ ದೇಹದಲ್ಲಿ ಎಂಥ ಸ್ಟ್ರಾಂಗ್ ಅಂಗ ಅಂತ ಓದಿಲ್ವಾ? ನಿನಗೆ ಗೊತ್ತಾ, ದಧೀಚಿ ಋಷಿಯ ಬೆನ್ನಮೂಳೆಯಿಂದ ಆಯುಧ ತಯಾರಿಸಿ ದೇವ- ರಾಕ್ಷಸ ಯುದ್ಧದಲ್ಲಿ ಬಳಸಿ ದೇವತೆಗಳು ಗೆದ್ದರಂತೆ. ಅಷ್ಟೇ ಅಲ್ಲ, ಮಾತೆತ್ತಿದರೆ ‘ರೈತ ನಾಡಿನ ಬೆನ್ನೆಲುಬು’ ಅಂತ ಉದ್ದುದ್ದ ಭಾಷಣ ಬಿಗಿಯೋದು ಕೇಳಿಲ್ವಾ?’</p><p>‘ಪುರಾಣ ಬಿಡಿ, ವರ್ತಮಾನಕ್ಕೆ ಬನ್ನಿ. ವರ್ತಮಾನ ಪತ್ರಿಕೆಯಲ್ಲಿ ಏನು ಬಂದಿದೆ ನೋಡಿ’.</p><p>‘ವರ್ತಮಾನದ್ದೇ ಹೇಳ್ತೀನಿ ಕೇಳು. ಸಚಿವರೊಬ್ಬರು ರೈತರ ಬಗ್ಗೆ ಎಲುಬಿಲ್ಲದ ನಾಲಿಗೆ ಹರಿಯಬಿಟ್ಟು, ಮುಖ್ಯಮಂತ್ರಿ<br>ಅವರಿಂದಲೂ ಮಂಗಳಾರತಿ ಮಾಡಿಸಿಕೊಂಡಿ<br>ದ್ದಾರಲ್ಲ, ಅದೂ ಬಂದಿದೆ ನೋಡು’.</p><p>‘ನಾಲಿಗೇನೆ ರೀ ಎಲ್ಲದಕ್ಕೂ ಮೂಲ, ಮಾತಿಗೂ- ಚಪಲಕ್ಕೂ... ಈಗ ಮಾಂಗಲ್ಯ ಮಹಾತ್ಮೆ ಕೇಳಿ. ಬೀಗರ ಊಟೋಪಚಾರಕ್ಕೆ ಮೂಳೆ ಬಡಿಸಿಲ್ಲ ಅಂತ ಹುಡುಗನ ಕಡೆಯವರು ಗಲಾಟೆ ಮಾಡಿ, ಪೊಲೀಸರ ಆಗಮನವಾಗಿ ಪರಿಸ್ಥಿತಿ ಹತೋಟಿಗೆ ಬಂತಂತೆ’.</p><p>‘ಹೆಣ್ಣು ಕೊಟ್ಟ ಮಾವನ ಮನೆಗೆ ಹೋಗುವ ಬದಲಾಗಿ ಕೇಸು, ಅರೆಸ್ಟು ಅಂತೆಲ್ಲ ಪೊಲೀಸ್ ‘ಮಾವ’ನ ಮನೆ ಸೇರುವಂತೆ ಆಗಲಿಲ್ಲವಲ್ಲ’.</p><p>‘ಮದುವೇನೇ ಬಂಧನ ಅಲ್ಲವೇ?! ಮತ್ತಿನ್ನೇನು ಬಂಧನ?’.</p><p>‘ಅದ್ಸರಿ... ಕಾರು, ಸೈಟು, ಫ್ಲ್ಯಾಟು, ದುಡ್ಡು, ಚಿನ್ನ ಕೊಟ್ಟಿಲ್ಲ ಅಂತೆಲ್ಲ ಮದುವೆ ಮುರಿದು ಬೀಳೋದು ನೋಡಿದೀವಿ. ಸಾಮಾನ್ಯವಾಗಿ ಅಂದವಾದ ಹುಡುಗಿಯ ‘ಬೋನ್’ಗೆ ಹುಡುಗ ಬೀಳೋದು ಸಹಜ. ಈ ಕೇಸಲ್ಲಿ ‘ಬೋನೇ’ ಸಂಬಂಧಾನ ಬೀಳಿಸಿಬಿಟ್ಟಿದೆ’.</p><p>‘ರಕ್ತ ಸಂಬಂಧದಲ್ಲಿ ಮದುವೆ ಮಾಡಿಕೊಳ್ಳೋದನ್ನ ವಿಜ್ಞಾನ ಒಪ್ಪದೆ ಇರೋ ಬಗ್ಗೆ ಕೇಳಿದ್ದೆ, ಆದರೆ ಈಗ ಮೂಳೆ ಸಂಬಂಧದ ಬಗ್ಗೆಯೂ ಎಚ್ಚರ ವಹಿಸಬೇಕಾಗಿದೆ’.</p><p>‘ಮಾನವಾ, ದೇಹವು ಮೂಳೆ ಮಾಂಸದ ತಡಿಕೆ’- ಎಫ್.ಎಂ.ನಲ್ಲಿ ‘ಭಕ್ತ ಕುಂಬಾರ’ ಚಿತ್ರದ ಹಾಡು ಜೋರಾಗಿ ಕೇಳಿಬರುತ್ತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ರೀ, ಇಲ್ನೋಡಿ... ಮದುವೆ ಊಟದಲ್ಲಿ ಮೂಳೆ ಇರಲಿಲ್ಲ ಅಂತ ಮದುವೇನೇ ಮುರಿದು ಬಿದ್ದಿದೆಯಂತೆ!’</p><p>‘ಮತ್ತೆ?! ಮೂಳೆ, ಮಾನವನ ದೇಹದಲ್ಲಿ ಎಂಥ ಸ್ಟ್ರಾಂಗ್ ಅಂಗ ಅಂತ ಓದಿಲ್ವಾ? ನಿನಗೆ ಗೊತ್ತಾ, ದಧೀಚಿ ಋಷಿಯ ಬೆನ್ನಮೂಳೆಯಿಂದ ಆಯುಧ ತಯಾರಿಸಿ ದೇವ- ರಾಕ್ಷಸ ಯುದ್ಧದಲ್ಲಿ ಬಳಸಿ ದೇವತೆಗಳು ಗೆದ್ದರಂತೆ. ಅಷ್ಟೇ ಅಲ್ಲ, ಮಾತೆತ್ತಿದರೆ ‘ರೈತ ನಾಡಿನ ಬೆನ್ನೆಲುಬು’ ಅಂತ ಉದ್ದುದ್ದ ಭಾಷಣ ಬಿಗಿಯೋದು ಕೇಳಿಲ್ವಾ?’</p><p>‘ಪುರಾಣ ಬಿಡಿ, ವರ್ತಮಾನಕ್ಕೆ ಬನ್ನಿ. ವರ್ತಮಾನ ಪತ್ರಿಕೆಯಲ್ಲಿ ಏನು ಬಂದಿದೆ ನೋಡಿ’.</p><p>‘ವರ್ತಮಾನದ್ದೇ ಹೇಳ್ತೀನಿ ಕೇಳು. ಸಚಿವರೊಬ್ಬರು ರೈತರ ಬಗ್ಗೆ ಎಲುಬಿಲ್ಲದ ನಾಲಿಗೆ ಹರಿಯಬಿಟ್ಟು, ಮುಖ್ಯಮಂತ್ರಿ<br>ಅವರಿಂದಲೂ ಮಂಗಳಾರತಿ ಮಾಡಿಸಿಕೊಂಡಿ<br>ದ್ದಾರಲ್ಲ, ಅದೂ ಬಂದಿದೆ ನೋಡು’.</p><p>‘ನಾಲಿಗೇನೆ ರೀ ಎಲ್ಲದಕ್ಕೂ ಮೂಲ, ಮಾತಿಗೂ- ಚಪಲಕ್ಕೂ... ಈಗ ಮಾಂಗಲ್ಯ ಮಹಾತ್ಮೆ ಕೇಳಿ. ಬೀಗರ ಊಟೋಪಚಾರಕ್ಕೆ ಮೂಳೆ ಬಡಿಸಿಲ್ಲ ಅಂತ ಹುಡುಗನ ಕಡೆಯವರು ಗಲಾಟೆ ಮಾಡಿ, ಪೊಲೀಸರ ಆಗಮನವಾಗಿ ಪರಿಸ್ಥಿತಿ ಹತೋಟಿಗೆ ಬಂತಂತೆ’.</p><p>‘ಹೆಣ್ಣು ಕೊಟ್ಟ ಮಾವನ ಮನೆಗೆ ಹೋಗುವ ಬದಲಾಗಿ ಕೇಸು, ಅರೆಸ್ಟು ಅಂತೆಲ್ಲ ಪೊಲೀಸ್ ‘ಮಾವ’ನ ಮನೆ ಸೇರುವಂತೆ ಆಗಲಿಲ್ಲವಲ್ಲ’.</p><p>‘ಮದುವೇನೇ ಬಂಧನ ಅಲ್ಲವೇ?! ಮತ್ತಿನ್ನೇನು ಬಂಧನ?’.</p><p>‘ಅದ್ಸರಿ... ಕಾರು, ಸೈಟು, ಫ್ಲ್ಯಾಟು, ದುಡ್ಡು, ಚಿನ್ನ ಕೊಟ್ಟಿಲ್ಲ ಅಂತೆಲ್ಲ ಮದುವೆ ಮುರಿದು ಬೀಳೋದು ನೋಡಿದೀವಿ. ಸಾಮಾನ್ಯವಾಗಿ ಅಂದವಾದ ಹುಡುಗಿಯ ‘ಬೋನ್’ಗೆ ಹುಡುಗ ಬೀಳೋದು ಸಹಜ. ಈ ಕೇಸಲ್ಲಿ ‘ಬೋನೇ’ ಸಂಬಂಧಾನ ಬೀಳಿಸಿಬಿಟ್ಟಿದೆ’.</p><p>‘ರಕ್ತ ಸಂಬಂಧದಲ್ಲಿ ಮದುವೆ ಮಾಡಿಕೊಳ್ಳೋದನ್ನ ವಿಜ್ಞಾನ ಒಪ್ಪದೆ ಇರೋ ಬಗ್ಗೆ ಕೇಳಿದ್ದೆ, ಆದರೆ ಈಗ ಮೂಳೆ ಸಂಬಂಧದ ಬಗ್ಗೆಯೂ ಎಚ್ಚರ ವಹಿಸಬೇಕಾಗಿದೆ’.</p><p>‘ಮಾನವಾ, ದೇಹವು ಮೂಳೆ ಮಾಂಸದ ತಡಿಕೆ’- ಎಫ್.ಎಂ.ನಲ್ಲಿ ‘ಭಕ್ತ ಕುಂಬಾರ’ ಚಿತ್ರದ ಹಾಡು ಜೋರಾಗಿ ಕೇಳಿಬರುತ್ತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
