ಚುರುಮುರಿ | ಸೋಲೋ ಶೋ...

‘ಸೋಲೇ ಗೆಲುವಿನ ಸೋಪಾನ’- ಇವೊತ್ತಿನ ದಿನದ ಸೂಕ್ತಿ ನೋಡ್ರಿ. ಜೀವನದಲ್ಲಿ ‘ಸೋಲು ಬೇಕು’ ಅಂತ ಯಾರು ಬಯಸ್ತಾರೆ?!, ಯಶಸ್ಸು, ಗೆಲುವೇ ಇರಬೇಕು ಅನ್ನೋವ್ರೆ ಎಲ್ಲರೂ’.

. ‘ಹಾಗೇನಿಲ್ಲ. ಇಲ್ಲಿ ನೋಡು, ತಮಿಳ್ನಾಡಿನಲ್ಲೊಬ್ಬರು ಲೋಕಸಭಾ ಅಭ್ಯರ್ಥಿ ಒಂದಲ್ಲ ಎರಡಲ್ಲ 283 ಬಾರಿ ಛಲ ಬಿಡದ ತ್ರಿವಿಕ್ರಮನಂತೆ ಎಲ್ಲ ಚುನಾವಣೆಗಳಲ್ಲೂ ಸ್ಪರ್ಧೆ ಮಾಡ್ತಾ ಬಂದಿದ್ದಾರಂತೆ!’

. ‘ಇದ್ರೆ ಇರಬೇಕ್ರಿ ಅವರಂತಹ ಆಶಾವಾದಿ... ಮೆಚ್ಚಬೇಕವರ ತಾಳ್ಮೆಯನ್ನ’ ನಮ್ಮಲ್ಲೂ ಒಬ್ಬರು ಹೊಟ್ಟೆ ಪಕ್ಷದ ರಂಗಸ್ವಾಮಿ ಅಂತ ಇದ್ದರಲ್ರಿ, ಅವರೂ ಗ್ರಾಮ ಪಂಚಾಯಿತಿಯಿಂದ ಹಿಡಿದು ರಾಷ್ಟ್ರಪತಿ ಚುನಾವಣೆವರೆಗೂ ಯಾವುದೇ ಚುನಾವಣೆ ಬಂದ್ರೂ ‘ನಾ ರೆಡಿ’ ಅಂತ ಅಖಾಡಕ್ಕೆ ಇಳಿದೇಬಿಡತಿದ್ರು!’

. ‘ಇಲ್ಲಿ ಕೇಳು... ಮೆಟ್ಟೂರಲ್ಲಿ ಒಂದು ಪಂಕ್ಚರ್ ಶಾಪ್ ಇಟ್ಕೊಂಡಿರೊ ಪದ್ಮರಾಜನ್ಗೆ ‘ಸೋಲಿನ ರುಚಿ’ಯೇ ಬಲು ರುಚಿ ಅಂತೆ. ಮೂವತ್ತೈದು ವರ್ಷಗಳಿಂದ ಅವರಿಗಂಟಿಕೊಂಡಿರುವ ಈ ಚುನಾವಣಾ ಸೋಲಿನ ಚಕ್ರ, ಬಹಳಷ್ಟು ಪಂಕ್ಚರ್ ಹಾಕಿಕೊಂಡಿದ್ದರೂ ಹಾಗೇ ಉರುಳ್ತಾನೇ ಇದೆಯಂತೆ. ಈ ಬಾರಿನೂ ಅವರು ಸ್ಪರ್ಧೆಗೆ ಇಳಿದಿದಾರಂತೆ ಧರ್ಮಪುರಿಯಿಂದ’.

. ‘ಧರ್ಮನಾದ್ರೂ ಅವರನ್ನ ಗೆಲ್ಸುತ್ತೇನೋ ನೋಡಬೇಕು. ಏನೇ ಹೇಳಿ, ಪರೀಕ್ಷೆ ಫೇಲಾಯ್ತು, ಉದ್ಯೋಗ ಸಿಗದೇಹೋಯ್ತು ಅಂತ ಕೊರಗಿ ಏನೇನೋ ಅನಾಹುತ ಮಾಡ್ಕೊಳ್ಳೋವ್ರು ಇವರಿಂದ ಪಾಠ ಕಲಿಬೇಕು’.

. ‘ಅಷ್ಟೇ ಅಲ್ಲ... ಪದ್ಮರಾಜನ್ರ ಈ ಸೋಲಿನ ಸಾಧನೆ ‘ಲಿಮ್ಕಾ ಬುಕ್ ಆಫ್ ರೆಕಾರ್ಡ್ಸ್’ ಅನ್ನೂ ಸೇರಿ ಪ್ರಸಿದ್ಧಿ ತಂದುಕೊಟ್ಟಿದೆಯಂತೆ’.

. ‘ಏನಕೇನ ಪ್ರಕಾರೇಣ ಪ್ರಸಿದ್ಧ ಪುರುಷೋಭವ’, ಅಂದರೆ, ಹಾಗೋ ಹೀಗೋ ಹ್ಯಾಗೋ ಒಟ್ಟಿನಲ್ಲಿ ಪ್ರಚಾರ, ಪ್ರಸಿದ್ಧಿ ಪಡೀತಿರಬೇಕು ಅಂತ’.

. ‘ಮಾಡ್ಲಿ ಬಿಡು, ಅವನ ದುಡ್ಡು,ಅವನ ಇಚ್ಛೆ... ಎಷ್ಟೋ ಸೋಗಿನ ಪುಢಾರಿಗಳು, ಜನನಾಯಕ ವೇಷಧಾರಿಗಳು, ಯಾರದೋ ದುಡ್ಡಲ್ಲಿ ಏನೇನೋ ಮಾಡಬಾರದ್ದು ಮಾಡಿ ‘ಷೋ ಮಾಡಿ’ ಮೆರೀತಿರೋವಾಗ, ಇಂತಹ ‘ಸೋಲೋ ಶೋ’ಗಳೂ ಗಮನಾರ್ಹವೇ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ | ಸೋಲೋ ಶೋ...

ಚಿನಕುರುಳಿ: ಸೋಮವಾರ, 04 ನವೆಂಬರ್‌ 2024

ದಿನ ಭವಿಷ್ಯ: ಬೆಳ್ಳಿ-ಬಂಗಾರದ ಮಾರಾಟಗಾರರಿಗೆ ಬಿಡುವಿಲ್ಲದಂಥ ವ್ಯಾಪಾರ ಆಗುವುದು

ಚುರುಮುರಿ: ಬಹುರುಚಿ ಭಾಗ್ಯ

ಸುಭಾಷಿತ: 04 ನವೆಂಬರ್‌ 2024, ಸೋಮವಾರ

ಮಹಿಳಾ ಕ್ರಿಕೆಟ್‌: ಆಸ್ಟ್ರೇಲಿಯಾ, ಇಂಗ್ಲೆಂಡ್‌ ತಂಡಗಳಿಗೆ ಭಾರತ ಆತಿಥ್ಯ

Mohammed Shami: ಮೊಹಮ್ಮದ್ ಶಮಿ ಪುನರಾಗಮನ ಇನ್ನಷ್ಟು ವಿಳಂಬ

ನವೆಂಬರ್‌ ಕೊನೆಯಲ್ಲಿ ರಿಯಾದ್‌ನಲ್ಲಿ ಐಪಿಎಲ್‌ ಹರಾಜು ಪ್ರಕ್ರಿಯೆ

ಪಾಕ್‌ ವಿರುದ್ಧ ಮೊದಲ ಏಕದಿನ ಪಂದ್ಯ: ಆಸ್ಟ್ರೇಲಿಯಾಗೆ ಗೆಲುವು

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಸೋಮವಾರ, 04 ನವೆಂಬರ್‌ 2024

ದಿನ ಭವಿಷ್ಯ: ಬೆಳ್ಳಿ-ಬಂಗಾರದ ಮಾರಾಟಗಾರರಿಗೆ ಬಿಡುವಿಲ್ಲದಂಥ ವ್ಯಾಪಾರ ಆಗುವುದು

ಚುರುಮುರಿ: ಬಹುರುಚಿ ಭಾಗ್ಯ

ಸುಭಾಷಿತ: 04 ನವೆಂಬರ್‌ 2024, ಸೋಮವಾರ