<p>‘ಕಣ್ಣೀರ ಧಾರೆ ಇದೇಕೆ, ಇದೇಕೆ, ಚನ್ನಪಟ್ಟಣದಾ ಗೊಂಬೆ ಈ ಶೋಕವೇಕೆ?’ ಬೆಕ್ಕಣ್ಣ ಹಾಡುತ್ತ ಕಣ್ಣೀರು ಒರೆಸಿಕೊಂಡಿತು.</p>.<p>‘ಯಾಕಲೆ, ಅಷ್ಟ್ ದುಃಖಿಸಲಾಕೆ ಹತ್ತೀ?’ ಎಂದೆ ಕರ್ಚೀಪು ಕೊಡುತ್ತ. ‘ಪಾಪ, ನಿಖಿಲಣ್ಣ…’ ಎಂದು ಮತ್ತೆ ಸೊರ್ಸೊರ್ಗುಟ್ಟಿತು.</p>.<p>‘ಹೋಗ್ಲಿಬಿಡಲೇ, ಕೆಲವು ಸಲ ಅದೃಷ್ಟ ಕೈಕೊಡತೈತಿ’ ಎಂದು ಸಂತೈಸಿದೆ.</p>.<p>‘ದೇಗೌ ಅಜ್ಜಾರಿಂದ ಹಿಡಿದು ಕುಮಾರಣ್ಣ ನವರೆಗೆ ಎಲ್ಲಾರೂ ಎಷ್ಟ್ ಪ್ರಚಾರ ಮಾಡಿದ್ರು. ಚನ್ನಪಟ್ಟಣ ಉದ್ಧಾರ ಮಾಡತೀವಿ ಅಂದಿದ್ರು. ಒಟ್ಟು ಮತದಾರ್ರಿಗೆ ಉದ್ಧಾರ ಆಗೂದು ಬ್ಯಾಡಾಗೈತಿ’ ಅಂತ ನಿಟ್ಟುಸಿರಿಟ್ಟಿತು.</p>.<p>‘ಇನ್ನಾ ನಿಖಿಲಣ್ಣಂಗೆ ಮನಾರ ವಯಸೈತಿ, ಮತದಾರ್ರಿನ ಉದ್ಧಾರ ಮಾಡಾಕೆ ಭಾಳ ಅವಕಾಶ ಅದಾವೇಳು. ಇಲ್ಲಿ ಹೋಗಲಿ, ಬ್ಯಾರೆ ಎರಡು ಕಡೆನೂ ಮತದಾರ್ರು ಕಮಲಕ್ಕಂಗೆ ಹಿಂಗೆ ಕೈಕೊಡೂದೇನು’.</p>.<p>‘ಕೈ ಪಾಳಯದೋರು ಕೈಬಿಚ್ಚಿ ಹಣದ ಹೊಳೆ ಹರಿಸ್ಯಾರೆ, ಅದಕ್ಕೇ ಗೆದ್ದಾರೇಳು’ ಎಂದು ಮೂತಿ ತಿರುವಿತು.</p>.<p>‘ಆದ್ರೂ ಚನ್ನಪಟ್ಟಣದಾಗೆ ಕಮಲ- ದಳ ದೋಸ್ತಿನೂ ಹಿಂಗೆ ಕೈಕೊಟ್ಟಿತಲ್ಲ’.</p>.<p>‘ಇಲ್ಲಿ ಮತದಾರ್ರು ಕೈಕೊಟ್ಟರೇನಾತು, ಮಹಾರಾಷ್ಟ್ರದಾಗೆ ಎಷ್ಟು ಭರ್ಜರಿಯಾಗಿ ಮಹಾಯುತಿನ ಕೈಹಿಡಿದಾರೆ’ ಎಂದು ಮೀಸೆ ತಿರುವಿತು.</p>.<p>‘ಅಲ್ಲೂ ಈಗ ಸಿಎಂ ಕುರ್ಚಿಗಿ ರೇಸ್ ನಡದೈತಿ. ಫಡಣವೀಸ್ ಮಾತೋಶ್ರೀಯವರು ನನ್ನ ಮಗನೇ ಸಿಎಂ ಎಂದಾರೆ. ಅಜಿತ್ ಪವಾರ್ ಪತ್ನಿಯವರು ನಮ್ಮ ಪತಿರಾಯರೇ ಸಿಎಂ ಎಂದಾರೆ. ಶಿಂದೇ ಸಾಹೇಬ್ರು, ಯಾರ ಏನರೆ ಹೇಳಲಿ ನಾನೇ ಸಿಎಂ ಅಂದಾರೆ’.</p>.<p>‘ಕುರ್ಚಿಗೆ ಯಾರೇ ಟುವಾಲ್ ಹಾಕಿರಲಿ, ಕೊನಿಗೆ ದೆಹಲಿ ಹೈಕಮಾಂಡ್ ಹೇಳಿದವರೇ ಸಿಎಂ! ಈಗ ಮತದಾರರು ಯಾರ ಕೈಹಿಡಿದರೇನು, ಯಾರ ಕೈಬಿಟ್ಟರೇನು, ಒಟ್ರಾಶಿ ಆಮೇಲೆ ಮುಂದಿನ ಚುನಾವಣೆವರೆಗೆ ಗೆದ್ದವರು, ಸೋತವರು ಇಬ್ಬರೂ ಮತದಾರರ ಕೈಬಿಟ್ಟಿರತಾರೆ ಅಷ್ಟೆ!’ ಎಂದು ಬೆಕ್ಕಣ್ಣ ಕಣಿ ಹೇಳಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಕಣ್ಣೀರ ಧಾರೆ ಇದೇಕೆ, ಇದೇಕೆ, ಚನ್ನಪಟ್ಟಣದಾ ಗೊಂಬೆ ಈ ಶೋಕವೇಕೆ?’ ಬೆಕ್ಕಣ್ಣ ಹಾಡುತ್ತ ಕಣ್ಣೀರು ಒರೆಸಿಕೊಂಡಿತು.</p>.<p>‘ಯಾಕಲೆ, ಅಷ್ಟ್ ದುಃಖಿಸಲಾಕೆ ಹತ್ತೀ?’ ಎಂದೆ ಕರ್ಚೀಪು ಕೊಡುತ್ತ. ‘ಪಾಪ, ನಿಖಿಲಣ್ಣ…’ ಎಂದು ಮತ್ತೆ ಸೊರ್ಸೊರ್ಗುಟ್ಟಿತು.</p>.<p>‘ಹೋಗ್ಲಿಬಿಡಲೇ, ಕೆಲವು ಸಲ ಅದೃಷ್ಟ ಕೈಕೊಡತೈತಿ’ ಎಂದು ಸಂತೈಸಿದೆ.</p>.<p>‘ದೇಗೌ ಅಜ್ಜಾರಿಂದ ಹಿಡಿದು ಕುಮಾರಣ್ಣ ನವರೆಗೆ ಎಲ್ಲಾರೂ ಎಷ್ಟ್ ಪ್ರಚಾರ ಮಾಡಿದ್ರು. ಚನ್ನಪಟ್ಟಣ ಉದ್ಧಾರ ಮಾಡತೀವಿ ಅಂದಿದ್ರು. ಒಟ್ಟು ಮತದಾರ್ರಿಗೆ ಉದ್ಧಾರ ಆಗೂದು ಬ್ಯಾಡಾಗೈತಿ’ ಅಂತ ನಿಟ್ಟುಸಿರಿಟ್ಟಿತು.</p>.<p>‘ಇನ್ನಾ ನಿಖಿಲಣ್ಣಂಗೆ ಮನಾರ ವಯಸೈತಿ, ಮತದಾರ್ರಿನ ಉದ್ಧಾರ ಮಾಡಾಕೆ ಭಾಳ ಅವಕಾಶ ಅದಾವೇಳು. ಇಲ್ಲಿ ಹೋಗಲಿ, ಬ್ಯಾರೆ ಎರಡು ಕಡೆನೂ ಮತದಾರ್ರು ಕಮಲಕ್ಕಂಗೆ ಹಿಂಗೆ ಕೈಕೊಡೂದೇನು’.</p>.<p>‘ಕೈ ಪಾಳಯದೋರು ಕೈಬಿಚ್ಚಿ ಹಣದ ಹೊಳೆ ಹರಿಸ್ಯಾರೆ, ಅದಕ್ಕೇ ಗೆದ್ದಾರೇಳು’ ಎಂದು ಮೂತಿ ತಿರುವಿತು.</p>.<p>‘ಆದ್ರೂ ಚನ್ನಪಟ್ಟಣದಾಗೆ ಕಮಲ- ದಳ ದೋಸ್ತಿನೂ ಹಿಂಗೆ ಕೈಕೊಟ್ಟಿತಲ್ಲ’.</p>.<p>‘ಇಲ್ಲಿ ಮತದಾರ್ರು ಕೈಕೊಟ್ಟರೇನಾತು, ಮಹಾರಾಷ್ಟ್ರದಾಗೆ ಎಷ್ಟು ಭರ್ಜರಿಯಾಗಿ ಮಹಾಯುತಿನ ಕೈಹಿಡಿದಾರೆ’ ಎಂದು ಮೀಸೆ ತಿರುವಿತು.</p>.<p>‘ಅಲ್ಲೂ ಈಗ ಸಿಎಂ ಕುರ್ಚಿಗಿ ರೇಸ್ ನಡದೈತಿ. ಫಡಣವೀಸ್ ಮಾತೋಶ್ರೀಯವರು ನನ್ನ ಮಗನೇ ಸಿಎಂ ಎಂದಾರೆ. ಅಜಿತ್ ಪವಾರ್ ಪತ್ನಿಯವರು ನಮ್ಮ ಪತಿರಾಯರೇ ಸಿಎಂ ಎಂದಾರೆ. ಶಿಂದೇ ಸಾಹೇಬ್ರು, ಯಾರ ಏನರೆ ಹೇಳಲಿ ನಾನೇ ಸಿಎಂ ಅಂದಾರೆ’.</p>.<p>‘ಕುರ್ಚಿಗೆ ಯಾರೇ ಟುವಾಲ್ ಹಾಕಿರಲಿ, ಕೊನಿಗೆ ದೆಹಲಿ ಹೈಕಮಾಂಡ್ ಹೇಳಿದವರೇ ಸಿಎಂ! ಈಗ ಮತದಾರರು ಯಾರ ಕೈಹಿಡಿದರೇನು, ಯಾರ ಕೈಬಿಟ್ಟರೇನು, ಒಟ್ರಾಶಿ ಆಮೇಲೆ ಮುಂದಿನ ಚುನಾವಣೆವರೆಗೆ ಗೆದ್ದವರು, ಸೋತವರು ಇಬ್ಬರೂ ಮತದಾರರ ಕೈಬಿಟ್ಟಿರತಾರೆ ಅಷ್ಟೆ!’ ಎಂದು ಬೆಕ್ಕಣ್ಣ ಕಣಿ ಹೇಳಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
