<p>‘ಕೊಟ್ಟ ಹೇಳಿಕೆ ವಾಪಸ್ ಪಡೆಯುವುದು ಮಾಮೂಲು ಅಲ್ವೇನ್ರಿ?’ ಮಡದಿ ಕೇಳಿದಳು.</p><p>‘ಹೇಳಿಕೆ ತಪ್ಪಾಗಿದ್ದರೆ ವಾಪಸ್ ಪಡೆಯುವುದು ಮಾಮೂಲು’ ಎಂದು ಸ್ಪಷ್ಟೀಕರಣ ನೀಡಿದೆ.</p><p>‘ಕೆಲವು ಸಲ ಹೇಳಿಕೆ ತಪ್ಪಾಗಿ ಅರ್ಥೈಸಲಾಗಿದೆ ಎಂದೂ ಸ್ಪಷ್ಟೀಕರಣ ನೀಡಲಾಗುತ್ತದೆ’ ಎಂದಳು.</p><p>‘ಇನ್ನೂ ಕೆಲವು ಸಲ ಹೇಳಿಕೆ ತಿರುಚಲಾಗಿದೆ ಎಂದೂ ಹೇಳಲಾಗುತ್ತದೆ’ ಎಂದೆ.</p><p>‘ಅಂದರೆ ಬಚಾವಾಗೋದಕ್ಕೆ ಅವಕಾಶಗಳಿವೆ ಎಂದರ್ಥ ಅಲ್ಲವೆ?’</p><p>‘ಇವೆಲ್ಲಾ ಪ್ರಜಾಪ್ರಭುತ್ವದಲ್ಲಿ ಮಾಮೂಲು. ನಾಯಕರು ಬಚಾವಾಗೋದೇ ಹಾಗೆ, ಇನ್ನೊಂದು ಸ್ಪಷ್ಟೀಕರಣ ಕೊಡಬೇಕಾಗಿ ಬರುವವರೆಗೂ’ ಎಂದೆ.</p><p>‘ಕೆಲವು ಸಲ ನಾನು ಹಾಗೆ ಹೇಳೇ ಇಲ್ಲ ಎಂದು ಹೇಳಲು ಸಾಧ್ಯವಿಲ್ಲದೆ ಹೋದಾಗ ಆ ಹೇಳಿಕೆ ವಾಪಸ್ ಪಡೆಯುತ್ತೇನೆ ಎಂದು ಹೇಳಿ ಬಚಾವಾಗಲು ಪ್ರಯತ್ನಿಸುತ್ತಾರೆ’.</p><p>‘ಆದರೆ ಕೆಲವೊಮ್ಮೆ ಮಾಡಿದ್ದನ್ನು ಸರಿ ಮಾಡೋಕೆ ಆಗೋದೇ ಇಲ್ಲ’.</p><p>‘ಹಣೆಬರಹದ ತರಹ?’</p><p>‘ರೈಟ್. ಉದಾಹರಣೆಗೆ, ಯಾರಿಗಾದರೂ ಕಪಾಳಕ್ಕೆ ನಾಲ್ಕು ಬಾರಿಸಿ ನಂತರ ನಾನು ಬಾರಿಸಿಯೇ ಇಲ್ಲ ಎಂದು ಘಂಟಾಘೋಷವಾಗಿ ಹೇಳಬಹುದು. ಅಥವಾ ನಾನು ಬಾರಿಸಿದ್ದು ತಪ್ಪು ಎಂದು ಪಶ್ಚಾತ್ತಾಪ ಸಹ ಪಡಬಹುದು...’</p><p>‘ಆದರೆ ಹೇಳಿಕೆ ವಾಪಸ್ ಪಡೀತೀನಿ ಎಂದು ಹೇಳುವ ಹಾಗೆ ಕಪಾಳಕ್ಕೆ ಬಾರಿಸಿದ್ದನ್ನು ವಾಪಸ್ ಪಡೀತೀನಿ ಎಂದು ಹೇಳಲಿಕ್ಕೆ ಬಾರದು ಅಲ್ವೆ?’</p><p>‘ಅಂತಹ ಹೇಳಿಕೆ ಯಾರೂ ಕೊಟ್ಟಂತಿಲ್ಲ’.</p><p>‘ಇನ್ನೂ ಒಂದು ಇದೆ ವಾಪಸ್ ಪಡೆಯಲು ಸಾಧ್ಯವಾಗದೇ ಇರುವಂತಹದ್ದು...’</p><p>‘ಅದು ಯಾವುದಮ್ಮ?’</p><p>‘ಲಾಡು, ಜಿಲೇಬಿ?’</p><p>‘!?’</p><p>‘ಅದೇರಿ ನಿನ್ನೆ ಹರಿಯಾಣದಲ್ಲಿ ಕಾಂಗ್ರೆಸ್ ಗೆಲ್ಲುತ್ತೆ ಅಂತ ಸೂಚನೆ ಬಂದಾಗ ಲಾಡು, ಜಿಲೇಬಿ ಹಂಚಿದರು. ಎಲ್ಲರೂ ತಿಂದು ಸಂಭ್ರಮಿಸಿದರು. ಆದರೆ ಫಲಿತಾಂಶ ಠುಸ್ ಆಯಿತು. ಸಿಹಿ ವಾಪಸ್ ಪಡೆಯಲು ಸಾಧ್ಯವೆ?’</p><p>‘ಇಂಪಾಸಿಬಲ್. ನಾನ್ ರಿಕವರಬಲ್. ಕಪಾಳಕ್ಕೆ ಬಾರಿಸಿದ ಏಟಿನಂತೆ’.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಕೊಟ್ಟ ಹೇಳಿಕೆ ವಾಪಸ್ ಪಡೆಯುವುದು ಮಾಮೂಲು ಅಲ್ವೇನ್ರಿ?’ ಮಡದಿ ಕೇಳಿದಳು.</p><p>‘ಹೇಳಿಕೆ ತಪ್ಪಾಗಿದ್ದರೆ ವಾಪಸ್ ಪಡೆಯುವುದು ಮಾಮೂಲು’ ಎಂದು ಸ್ಪಷ್ಟೀಕರಣ ನೀಡಿದೆ.</p><p>‘ಕೆಲವು ಸಲ ಹೇಳಿಕೆ ತಪ್ಪಾಗಿ ಅರ್ಥೈಸಲಾಗಿದೆ ಎಂದೂ ಸ್ಪಷ್ಟೀಕರಣ ನೀಡಲಾಗುತ್ತದೆ’ ಎಂದಳು.</p><p>‘ಇನ್ನೂ ಕೆಲವು ಸಲ ಹೇಳಿಕೆ ತಿರುಚಲಾಗಿದೆ ಎಂದೂ ಹೇಳಲಾಗುತ್ತದೆ’ ಎಂದೆ.</p><p>‘ಅಂದರೆ ಬಚಾವಾಗೋದಕ್ಕೆ ಅವಕಾಶಗಳಿವೆ ಎಂದರ್ಥ ಅಲ್ಲವೆ?’</p><p>‘ಇವೆಲ್ಲಾ ಪ್ರಜಾಪ್ರಭುತ್ವದಲ್ಲಿ ಮಾಮೂಲು. ನಾಯಕರು ಬಚಾವಾಗೋದೇ ಹಾಗೆ, ಇನ್ನೊಂದು ಸ್ಪಷ್ಟೀಕರಣ ಕೊಡಬೇಕಾಗಿ ಬರುವವರೆಗೂ’ ಎಂದೆ.</p><p>‘ಕೆಲವು ಸಲ ನಾನು ಹಾಗೆ ಹೇಳೇ ಇಲ್ಲ ಎಂದು ಹೇಳಲು ಸಾಧ್ಯವಿಲ್ಲದೆ ಹೋದಾಗ ಆ ಹೇಳಿಕೆ ವಾಪಸ್ ಪಡೆಯುತ್ತೇನೆ ಎಂದು ಹೇಳಿ ಬಚಾವಾಗಲು ಪ್ರಯತ್ನಿಸುತ್ತಾರೆ’.</p><p>‘ಆದರೆ ಕೆಲವೊಮ್ಮೆ ಮಾಡಿದ್ದನ್ನು ಸರಿ ಮಾಡೋಕೆ ಆಗೋದೇ ಇಲ್ಲ’.</p><p>‘ಹಣೆಬರಹದ ತರಹ?’</p><p>‘ರೈಟ್. ಉದಾಹರಣೆಗೆ, ಯಾರಿಗಾದರೂ ಕಪಾಳಕ್ಕೆ ನಾಲ್ಕು ಬಾರಿಸಿ ನಂತರ ನಾನು ಬಾರಿಸಿಯೇ ಇಲ್ಲ ಎಂದು ಘಂಟಾಘೋಷವಾಗಿ ಹೇಳಬಹುದು. ಅಥವಾ ನಾನು ಬಾರಿಸಿದ್ದು ತಪ್ಪು ಎಂದು ಪಶ್ಚಾತ್ತಾಪ ಸಹ ಪಡಬಹುದು...’</p><p>‘ಆದರೆ ಹೇಳಿಕೆ ವಾಪಸ್ ಪಡೀತೀನಿ ಎಂದು ಹೇಳುವ ಹಾಗೆ ಕಪಾಳಕ್ಕೆ ಬಾರಿಸಿದ್ದನ್ನು ವಾಪಸ್ ಪಡೀತೀನಿ ಎಂದು ಹೇಳಲಿಕ್ಕೆ ಬಾರದು ಅಲ್ವೆ?’</p><p>‘ಅಂತಹ ಹೇಳಿಕೆ ಯಾರೂ ಕೊಟ್ಟಂತಿಲ್ಲ’.</p><p>‘ಇನ್ನೂ ಒಂದು ಇದೆ ವಾಪಸ್ ಪಡೆಯಲು ಸಾಧ್ಯವಾಗದೇ ಇರುವಂತಹದ್ದು...’</p><p>‘ಅದು ಯಾವುದಮ್ಮ?’</p><p>‘ಲಾಡು, ಜಿಲೇಬಿ?’</p><p>‘!?’</p><p>‘ಅದೇರಿ ನಿನ್ನೆ ಹರಿಯಾಣದಲ್ಲಿ ಕಾಂಗ್ರೆಸ್ ಗೆಲ್ಲುತ್ತೆ ಅಂತ ಸೂಚನೆ ಬಂದಾಗ ಲಾಡು, ಜಿಲೇಬಿ ಹಂಚಿದರು. ಎಲ್ಲರೂ ತಿಂದು ಸಂಭ್ರಮಿಸಿದರು. ಆದರೆ ಫಲಿತಾಂಶ ಠುಸ್ ಆಯಿತು. ಸಿಹಿ ವಾಪಸ್ ಪಡೆಯಲು ಸಾಧ್ಯವೆ?’</p><p>‘ಇಂಪಾಸಿಬಲ್. ನಾನ್ ರಿಕವರಬಲ್. ಕಪಾಳಕ್ಕೆ ಬಾರಿಸಿದ ಏಟಿನಂತೆ’.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
