<p><strong>ರಾಜ್ಯದಲ್ಲಿ ‘ಹಸಿರು ಕ್ರಾಂತಿ’ಗೆ ನಾಂದಿ ಐದಾರು ಲಕ್ಷ ಟನ್ ಅಧಿಕ ಹಿಂಗಾರು ಬೆಳೆಯ ನಿರೀಕ್ಷೆ</strong></p>.<p><strong>ಬೆಂಗಳೂರು, ಫೆ. 5–</strong> ಮೈಸೂರು ರಾಜ್ಯದ ವ್ಯವಸಾಯ ವರ್ಷದ (ಕಳೆದ ಜೂನ್ನಿಂದ ಈ ವರ್ಷದ ಜೂನ್ ತಿಂಗಳವರೆಗೆ) ದ್ವಿತೀಯಾರ್ಧ, ಹಸಿರು ಕ್ರಾಂತಿಯ ಯಶಸ್ಸಿನ ಪ್ರಥಮ ಸೋಪಾನವಾಗಲಿದೆ.</p>.<p>ಈ ವರ್ಷದ ಹಿಂಗಾರು ಬೆಳೆಯು ಸುಮಾರು ಐದಾರು ಲಕ್ಷ ಟನ್ನುಗಳಷ್ಟು ಅಧಿಕ ಧಾನ್ಯವನ್ನು ತರಲಿದ್ದು, ಮುಂಗಾರು ಬೆಳೆಯಲ್ಲಿ ಉಂಟಾದ ಕೊರತೆಯನ್ನು ನೀಗಿಸಲಿದೆ.</p>.<p><strong>ದಕ್ಷಿಣದಲ್ಲಿ ಪಾರ್ಲಿಮೆಂಟ್ ಅಧಿವೇಶನ ಸಾಧ್ಯವಿಲ್ಲ: ರಾಣೆ ಸಮಿತಿ ಒಟ್ಟು ಅಭಿಮತ</strong></p>.<p><strong>ನವದೆಹಲಿ, ಫೆ. 5–</strong> ದಕ್ಷಿಣದಲ್ಲಿ ಸಂಸತ್ ಅಧಿವೇಶನ ನಡೆಸುವುದು ಕಾರ್ಯಗತವಾಗದಂಥ ಸಲಹೆ ಎಂದು ಎಸ್.ಆರ್. ರಾಣೆ ನೇತೃತ್ವದಲ್ಲಿ ರಚನೆಯಾದ ಸಂಸತ್ ಸದಸ್ಯರ ಸಮಿತಿ ಒಟ್ಟು ಅಭಿಪ್ರಾಯಕ್ಕೆ ಬಂದಿದೆ.</p>.<p>ಸಮಿತಿಯು ತನ್ನ ವರದಿಯನ್ನು ಸಂಸತ್ ವ್ಯವಹಾರ ಸಚಿವರಿಗೆ ಮುಂದಿನ ತಿಂಗಳು ಸಲ್ಲಿಸುವುದು. ತನ್ನ ವಿಸ್ತೃತ ತೀರ್ಮಾನಗಳನ್ನು ಆಖೈರುಗೊಳಿಸಲು ಸಮಿತಿ ಇತ್ತೀಚೆಗೆ ಸಭೆ ಸೇರಿತ್ತು.</p>.<p><strong>ಡಿ.ಎಂ.ಕೆ. ವಲಯದಲ್ಲಿ ತೀವ್ರ ಚಟುವಟಿಕೆ</strong></p>.<p><strong>ಮದ್ರಾಸ್, ಫೆ. 5–</strong> ದಿವಂಗತ ಅಣ್ಣಾದೊರೆ ಅವರಿಗೆ ಅಸ್ವಸ್ಥತೆ ತಲೆದೋರಿದ್ದ ನಂತರ ಹೆಚ್ಚೂ ಕಡಿಮೆ ಪೂರ್ಣ ಸ್ತಬ್ಧವಾಗಿದ್ದ ತಮಿಳುನಾಡು ಆಡಳಿತ ವ್ಯವಸ್ಥೆ ನಿಧಾನವಾಗಿ ಮತ್ತೆ ಚಲಿಸಲಾರಂಭಿಸಿದೆ.</p>.<p>ಅಣ್ಣಾದೊರೆ ಅವರ ಅನಾರೋಗ್ಯದ ನಿಮಿತ್ತ ಕಳೆದ ಹದಿನೈದು ದಿನಗಳೂ ಅದೇ ಚಿಂತೆಯಲ್ಲಿ ಮುಳುಗಿದ್ದ ಸಚಿವರ ಎದುರು ಈಗ ಭಾರೀ ಕೆಲಸದ ಹೊರೆ ಬಿದ್ದಿದೆ.</p>.<p>ಇಂದೂ ಸೆಕ್ರೆಟೆರಿಯಟ್ನಲ್ಲಿ ಯಾವ ಸಚಿವರೂ ಹಾಜರಿರಲಿಲ್ಲ. ಅವರಿಗೆ ವಿಶ್ರಾಂತಿ ಅಗತ್ಯ ಎನ್ನುವುದು ನಿಸ್ಸಂಶಯ. ಆದರೆ ತಮ್ಮ ಅನರ್ಘ್ಯ ನಾಯಕನನ್ನು ಸಮಾಧಿ ಮಾಡಿದ ಒಂದು ದಿನದೊಳಗೇ, ಡಿ.ಎಂ.ಕೆ. ವಲಯಗಳಲ್ಲಿ ತೀವ್ರತರ ರಾಜಕೀಯ ಚಟುವಟಿಕೆಗಳು ಪ್ರಾರಂಭವಾಗಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾಜ್ಯದಲ್ಲಿ ‘ಹಸಿರು ಕ್ರಾಂತಿ’ಗೆ ನಾಂದಿ ಐದಾರು ಲಕ್ಷ ಟನ್ ಅಧಿಕ ಹಿಂಗಾರು ಬೆಳೆಯ ನಿರೀಕ್ಷೆ</strong></p>.<p><strong>ಬೆಂಗಳೂರು, ಫೆ. 5–</strong> ಮೈಸೂರು ರಾಜ್ಯದ ವ್ಯವಸಾಯ ವರ್ಷದ (ಕಳೆದ ಜೂನ್ನಿಂದ ಈ ವರ್ಷದ ಜೂನ್ ತಿಂಗಳವರೆಗೆ) ದ್ವಿತೀಯಾರ್ಧ, ಹಸಿರು ಕ್ರಾಂತಿಯ ಯಶಸ್ಸಿನ ಪ್ರಥಮ ಸೋಪಾನವಾಗಲಿದೆ.</p>.<p>ಈ ವರ್ಷದ ಹಿಂಗಾರು ಬೆಳೆಯು ಸುಮಾರು ಐದಾರು ಲಕ್ಷ ಟನ್ನುಗಳಷ್ಟು ಅಧಿಕ ಧಾನ್ಯವನ್ನು ತರಲಿದ್ದು, ಮುಂಗಾರು ಬೆಳೆಯಲ್ಲಿ ಉಂಟಾದ ಕೊರತೆಯನ್ನು ನೀಗಿಸಲಿದೆ.</p>.<p><strong>ದಕ್ಷಿಣದಲ್ಲಿ ಪಾರ್ಲಿಮೆಂಟ್ ಅಧಿವೇಶನ ಸಾಧ್ಯವಿಲ್ಲ: ರಾಣೆ ಸಮಿತಿ ಒಟ್ಟು ಅಭಿಮತ</strong></p>.<p><strong>ನವದೆಹಲಿ, ಫೆ. 5–</strong> ದಕ್ಷಿಣದಲ್ಲಿ ಸಂಸತ್ ಅಧಿವೇಶನ ನಡೆಸುವುದು ಕಾರ್ಯಗತವಾಗದಂಥ ಸಲಹೆ ಎಂದು ಎಸ್.ಆರ್. ರಾಣೆ ನೇತೃತ್ವದಲ್ಲಿ ರಚನೆಯಾದ ಸಂಸತ್ ಸದಸ್ಯರ ಸಮಿತಿ ಒಟ್ಟು ಅಭಿಪ್ರಾಯಕ್ಕೆ ಬಂದಿದೆ.</p>.<p>ಸಮಿತಿಯು ತನ್ನ ವರದಿಯನ್ನು ಸಂಸತ್ ವ್ಯವಹಾರ ಸಚಿವರಿಗೆ ಮುಂದಿನ ತಿಂಗಳು ಸಲ್ಲಿಸುವುದು. ತನ್ನ ವಿಸ್ತೃತ ತೀರ್ಮಾನಗಳನ್ನು ಆಖೈರುಗೊಳಿಸಲು ಸಮಿತಿ ಇತ್ತೀಚೆಗೆ ಸಭೆ ಸೇರಿತ್ತು.</p>.<p><strong>ಡಿ.ಎಂ.ಕೆ. ವಲಯದಲ್ಲಿ ತೀವ್ರ ಚಟುವಟಿಕೆ</strong></p>.<p><strong>ಮದ್ರಾಸ್, ಫೆ. 5–</strong> ದಿವಂಗತ ಅಣ್ಣಾದೊರೆ ಅವರಿಗೆ ಅಸ್ವಸ್ಥತೆ ತಲೆದೋರಿದ್ದ ನಂತರ ಹೆಚ್ಚೂ ಕಡಿಮೆ ಪೂರ್ಣ ಸ್ತಬ್ಧವಾಗಿದ್ದ ತಮಿಳುನಾಡು ಆಡಳಿತ ವ್ಯವಸ್ಥೆ ನಿಧಾನವಾಗಿ ಮತ್ತೆ ಚಲಿಸಲಾರಂಭಿಸಿದೆ.</p>.<p>ಅಣ್ಣಾದೊರೆ ಅವರ ಅನಾರೋಗ್ಯದ ನಿಮಿತ್ತ ಕಳೆದ ಹದಿನೈದು ದಿನಗಳೂ ಅದೇ ಚಿಂತೆಯಲ್ಲಿ ಮುಳುಗಿದ್ದ ಸಚಿವರ ಎದುರು ಈಗ ಭಾರೀ ಕೆಲಸದ ಹೊರೆ ಬಿದ್ದಿದೆ.</p>.<p>ಇಂದೂ ಸೆಕ್ರೆಟೆರಿಯಟ್ನಲ್ಲಿ ಯಾವ ಸಚಿವರೂ ಹಾಜರಿರಲಿಲ್ಲ. ಅವರಿಗೆ ವಿಶ್ರಾಂತಿ ಅಗತ್ಯ ಎನ್ನುವುದು ನಿಸ್ಸಂಶಯ. ಆದರೆ ತಮ್ಮ ಅನರ್ಘ್ಯ ನಾಯಕನನ್ನು ಸಮಾಧಿ ಮಾಡಿದ ಒಂದು ದಿನದೊಳಗೇ, ಡಿ.ಎಂ.ಕೆ. ವಲಯಗಳಲ್ಲಿ ತೀವ್ರತರ ರಾಜಕೀಯ ಚಟುವಟಿಕೆಗಳು ಪ್ರಾರಂಭವಾಗಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
