<p>ಕರ್ನಾಟಕ ರಾಜ್ಯದಲ್ಲಿರುವ ಅತ್ಯಂತ ಸುಂದರ ಹೆಸರಿನ ಜಿಲ್ಲೆಗಳಲ್ಲಿ ನಮ್ಮ ಚಿಕ್ಕಮಗಳೂರು ಪ್ರಮುಖವಾದುದಾಗಿದೆ. ಮಲೆನಾಡು ಹಾಗೂ ಭಾಗಶಃ ಬಯಲುನಾಡು ಎರಡನ್ನೂ ತನ್ನ ಅಸ್ತಿತ್ವದ ನೆಲೆಯಾಗಿಸಿಕೊಂಡು ವೈವಿಧ್ಯಪೂರ್ಣ ಸಂಸ್ಕೃತಿಗೆ ಇದು ಹೆಸರಾಗಿದೆ.<br /> <br /> ದೊರೆ ಸಖರಾಯ ಎಂಬುವನು ತನ್ನ ಕಿರಿಯ ಮಗಳನ್ನು ಇಲ್ಲಿಗೆ ವಿವಾಹ ಮಾಡಿಕೊಟ್ಟಿದ್ದರಿಂದ ಈ ಊರಿಗೆ ಚಿಕ್ಕಮಗಳೂರು ಎಂಬ ಹೆಸರು ಬಂದಿದೆ. ಈ ಸ್ಥಳನಾಮದ ಜನಪ್ರಿಯತೆಗೆ ಜಿಲ್ಲೆಯ ಕಡೂರು ತಾಲ್ಲೂಕಿನಲ್ಲಿರುವ ಸಖರಾಯ ಪಟ್ಟಣವು ಪೂರಕವಾಗಿ ಪ್ರತಿಸ್ಪಂದಿಸುತ್ತದೆ. ಜತೆಗೆ ಈಗಿನ ಚಿಕ್ಕಮಗಳೂರಿನ ನಗರಭಾಗವೇ ಎಂಬಂತೆ ತೋರುವ ಹಿರೇಮಗಳೂರು ಕೂಡ ಸಖರಾಯನ ಹಿರೇಮಗಳ ನೆನಪಿಗಾಗಿ ನಾಮಾಂಕಿತಗೊಂಡಿದೆ ಎಂಬುದು ಇಲ್ಲಿನ ಹಿರಿಯರ ಖಚಿತ ಅಭಿಪ್ರಾಯ.<br /> <br /> ಹೀಗಾಗಿ ಚಿಕ್ಕಮಗಳೂರೆಂದು ಸ್ತ್ರೀವಾಚಿಯಾಗಿಯೂ ಜಿಲ್ಲೆಯ ಸ್ಥಳನಾಮವು ಕನ್ನಡಿಗರ ಮನಸೂರೆಗೊಂಡಿದೆ. ಆದರೆ ಕೆಎಸ್ಆರ್ಟಿಸಿಯ ಕೆಲವು ಬಸ್ಸುಗಳ ನಿರ್ವಾಹಕರು ಪ್ರಯಾಣಿಕರಿಗೆ ಮುದ್ರಿಸಿಕೊಡುತ್ತಿರುವ ಟಿಕೆಟ್ಗಳಲ್ಲಿ ಚಿಕ್ಕಮಂಗಳೂರು ಎಂಬುದಾಗಿರುವುದು ಅರಿವಿಗೆ ಬಂದಿದೆ. ಬಸ್ಸುಗಳ ಮಾರ್ಗಸೂಚಿ ಬೋರ್ಡುಗಳಲ್ಲೂ ಶೂನ್ಯ(O)ವನ್ನು ಸೇರಿಸಿ ಚಿಕ್ಕಮಗಳೂರು ಹೆಸರನ್ನು ಚಿಕ್ಕಮಂಗಳೂರೆಂದು ಅರ್ಥಹೀನವಾಗಿ ಬಳಸಲಾಗುತ್ತಿದೆ.<br /> <br /> ಇದರೊಂದಿಗೆ ಆಂಗ್ಲ ವ್ಯಾಮೋಹಿ ಧ್ವನಿಯು ಸೇರಿ ಚಿಕ್ಕಮಗಳೂರು ಬಹುತೇಕ ಚಿಕ್ಕಮ್ಯಾಂಗ್ಲೂರ್ ಆಗಿ ಜನರ ನಾಲಿಗೆಯಿಂದ ಹೊರಹೊಮ್ಮಿ ಹೃದಯಶೂನ್ಯ ಭಾವನೆಗೆ ಕಾರಣವಾಗಿದೆ. ಆದ್ದರಿಂದ ನನ್ನೊಲವಿನ ಚಿಕ್ಕಮಗಳೂರು ಚೆಲುವೆಯ ಹೆಸರು ಇನ್ನಾದರೂ ಸರಿಯಾಗಿ ನಾಲಿಗೆಯಲ್ಲಿ ನಲಿದಾಡಲಿ. ನಾಡ ರಸಿಕರ ಪ್ರೀತಿಯನ್ನು ಸದಾ ಹೀಗೇ ಕಾಯ್ದುಕೊಳ್ಳಲಿ.<br /> <br /> <strong>ಬೆಟ್ಟಗೆರೆ, ಮೂಡಿಗೆರೆ ತಾಲ್ಲೂಕು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕರ್ನಾಟಕ ರಾಜ್ಯದಲ್ಲಿರುವ ಅತ್ಯಂತ ಸುಂದರ ಹೆಸರಿನ ಜಿಲ್ಲೆಗಳಲ್ಲಿ ನಮ್ಮ ಚಿಕ್ಕಮಗಳೂರು ಪ್ರಮುಖವಾದುದಾಗಿದೆ. ಮಲೆನಾಡು ಹಾಗೂ ಭಾಗಶಃ ಬಯಲುನಾಡು ಎರಡನ್ನೂ ತನ್ನ ಅಸ್ತಿತ್ವದ ನೆಲೆಯಾಗಿಸಿಕೊಂಡು ವೈವಿಧ್ಯಪೂರ್ಣ ಸಂಸ್ಕೃತಿಗೆ ಇದು ಹೆಸರಾಗಿದೆ.<br /> <br /> ದೊರೆ ಸಖರಾಯ ಎಂಬುವನು ತನ್ನ ಕಿರಿಯ ಮಗಳನ್ನು ಇಲ್ಲಿಗೆ ವಿವಾಹ ಮಾಡಿಕೊಟ್ಟಿದ್ದರಿಂದ ಈ ಊರಿಗೆ ಚಿಕ್ಕಮಗಳೂರು ಎಂಬ ಹೆಸರು ಬಂದಿದೆ. ಈ ಸ್ಥಳನಾಮದ ಜನಪ್ರಿಯತೆಗೆ ಜಿಲ್ಲೆಯ ಕಡೂರು ತಾಲ್ಲೂಕಿನಲ್ಲಿರುವ ಸಖರಾಯ ಪಟ್ಟಣವು ಪೂರಕವಾಗಿ ಪ್ರತಿಸ್ಪಂದಿಸುತ್ತದೆ. ಜತೆಗೆ ಈಗಿನ ಚಿಕ್ಕಮಗಳೂರಿನ ನಗರಭಾಗವೇ ಎಂಬಂತೆ ತೋರುವ ಹಿರೇಮಗಳೂರು ಕೂಡ ಸಖರಾಯನ ಹಿರೇಮಗಳ ನೆನಪಿಗಾಗಿ ನಾಮಾಂಕಿತಗೊಂಡಿದೆ ಎಂಬುದು ಇಲ್ಲಿನ ಹಿರಿಯರ ಖಚಿತ ಅಭಿಪ್ರಾಯ.<br /> <br /> ಹೀಗಾಗಿ ಚಿಕ್ಕಮಗಳೂರೆಂದು ಸ್ತ್ರೀವಾಚಿಯಾಗಿಯೂ ಜಿಲ್ಲೆಯ ಸ್ಥಳನಾಮವು ಕನ್ನಡಿಗರ ಮನಸೂರೆಗೊಂಡಿದೆ. ಆದರೆ ಕೆಎಸ್ಆರ್ಟಿಸಿಯ ಕೆಲವು ಬಸ್ಸುಗಳ ನಿರ್ವಾಹಕರು ಪ್ರಯಾಣಿಕರಿಗೆ ಮುದ್ರಿಸಿಕೊಡುತ್ತಿರುವ ಟಿಕೆಟ್ಗಳಲ್ಲಿ ಚಿಕ್ಕಮಂಗಳೂರು ಎಂಬುದಾಗಿರುವುದು ಅರಿವಿಗೆ ಬಂದಿದೆ. ಬಸ್ಸುಗಳ ಮಾರ್ಗಸೂಚಿ ಬೋರ್ಡುಗಳಲ್ಲೂ ಶೂನ್ಯ(O)ವನ್ನು ಸೇರಿಸಿ ಚಿಕ್ಕಮಗಳೂರು ಹೆಸರನ್ನು ಚಿಕ್ಕಮಂಗಳೂರೆಂದು ಅರ್ಥಹೀನವಾಗಿ ಬಳಸಲಾಗುತ್ತಿದೆ.<br /> <br /> ಇದರೊಂದಿಗೆ ಆಂಗ್ಲ ವ್ಯಾಮೋಹಿ ಧ್ವನಿಯು ಸೇರಿ ಚಿಕ್ಕಮಗಳೂರು ಬಹುತೇಕ ಚಿಕ್ಕಮ್ಯಾಂಗ್ಲೂರ್ ಆಗಿ ಜನರ ನಾಲಿಗೆಯಿಂದ ಹೊರಹೊಮ್ಮಿ ಹೃದಯಶೂನ್ಯ ಭಾವನೆಗೆ ಕಾರಣವಾಗಿದೆ. ಆದ್ದರಿಂದ ನನ್ನೊಲವಿನ ಚಿಕ್ಕಮಗಳೂರು ಚೆಲುವೆಯ ಹೆಸರು ಇನ್ನಾದರೂ ಸರಿಯಾಗಿ ನಾಲಿಗೆಯಲ್ಲಿ ನಲಿದಾಡಲಿ. ನಾಡ ರಸಿಕರ ಪ್ರೀತಿಯನ್ನು ಸದಾ ಹೀಗೇ ಕಾಯ್ದುಕೊಳ್ಳಲಿ.<br /> <br /> <strong>ಬೆಟ್ಟಗೆರೆ, ಮೂಡಿಗೆರೆ ತಾಲ್ಲೂಕು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
