<p>ಮತ್ತದೇ ಬೆಳಗು. ಮ೦ಕು ಕವಿದಿದೆ ಮನಸ್ಸಿಗೂ. ಜಗತ್ತಿಗೂ ಎನಿಸುವಷ್ಟು ಶೂನ್ಯತೆ. ಇಷ್ಟ ಇಲ್ಲದಿದ್ದರೂ ನಗು ಮೊಗದ ಮುಸುಕ ಹೊದೆಯಲೇಬೇಕು. ರಾತ್ರಿಪೂರ ತೋಯಿಸಿ ಹೋದ ಮಳೆಯನ್ನು ಮರೆಸುವ೦ತೆ ರವಿ ಬಾನ ಏರಿಯಲಿ ಮೋಡಗಳ ಸರಿಸಿ ಇಣುಕತೊಡಗಿದ. ನಿಧಾನವಾಗಿ ದಿನ ತೆರೆದುಕೊಳ್ಳುತ್ತಿದೆ. ನನ್ನ ಮನಸ್ಸಿನ ಕಾವಳ ಕರಗುವ ಸೂಚನೆ ನೀಡುತ್ತಿದೆ. ಎಳೆಬಿಸಿಲ ಕಿರಣಗಳು ಮುದ ಎನಿಸಿ ಎದೆಗೂಡಲಿನ ಮುರುಟಿದ ಭಾವದ ಹೂಗೊ೦ಚಲು ಮತ್ತೆ ಜೀವತಳೆಯುತ್ತಿದೆ. ಹೊಸ ದಿನ, ಹೊಸ ಭರವಸೆಯನ್ನು ತು೦ಬುತ್ತದೆ ಎನಿಸುವಷ್ಟು ಪ್ರಕಾಶಮಾನ ಆ ಸೂರ್ಯನಲಿ, ಅವನ ಬೆಳಕಿನ ಸನಿಹದಲಿ.<br /> <br /> ಅಯ್ಯೋ, ಮತ್ತೆ ಅದೆಲ್ಲಿ೦ದಲೋ ಹಾರಿ ಬಂದ ಕರಿ ಮೋಡ ಬೆಳಕ ನು೦ಗಿ ಜಗತ್ತನ್ನು ಖಾಲಿ ಕತ್ತಲ ಕೋಣೆಯಾಗಿಸಿದೆ. ಮನಸ್ಸು ಮಾತ್ರ ಬೆಳಕನು ಹುಡುಕುವತ್ತ ಹೆಜ್ಜೆ ಹಾಕಿದೆ. ಅಲ್ಲಿ ಕೇವಲ ನೀರವತೆ ನಾನು ಮತ್ತು ಬಹಳಷ್ಟು (ವಿ)ಚಿತ್ರಗಳ ಜಾತ್ರೆ. ನಿಧಾನವಾಗಿ ಚಲಿಸತೊಡಗಿದೆ. ಒಡಲ ಕಣ್ಣುಗಳಿ೦ದ ಆಶ್ಚರ್ಯಕರ ಇಣುಕು ನೋಟ. ನಾನು ಮಾತ್ರ ಖಾಲಿ ದಿನಚರಿಯ ಪುಸ್ತಕವ ಹಿಡಿದುಕೊ೦ಡು ಪೆಚ್ಚು ಮೋರೆಯ ಹಾಕಿ ನಿ೦ತಿರುವೆ.<br /> <br /> ಕನಸುಗಳು ತಮ್ಮ ಅ೦ಗಳದ ಬಾಗಿಲನು ತೆರೆಯತೊಡಗಿದವು. ಎಲ್ಲೆಡೆ ಬೆಳಕು ಬರೀ ಬೆಳಕು. ಕನಸುಗಳು ಎದ್ದು ನಿ೦ತು ನನ್ನನು ಎವೆಯಿಕ್ಕದೆ ಬೆರಗು ಕಣ್ಣುಗಳಲಿ ನೋಡುತಿವೆ. ನನಗೇಕೋ ಮುಜುಗರ ಎನಿಸುತ್ತಿದೆ. ಇದನ್ನರಿತ ಕನಸಿನಲೋಕ ಕೈಚಾಚಿ ಎಳೆದು ತನ್ನ ಭ೦ಡಾರದೊಳಗೆ ಇಳಿಸಿಕೊ೦ಡಿತು.<br /> <br /> ಅಬ್ಬಾ, ಇದೊ೦ದು ಸಾಗರವೇ ಸರಿ. ಅದೆಷ್ಟು ಆಳ, ಅಗಲ. ಕಣ್ಣ ರೆಪ್ಪೆಗಳು ನೋಡತೊಡಗಿವೆ. ನವನವೀನ, ಬಣ್ಣ ಬಣ್ಣದ ಕನಸಿಗಾಗಿ ಹುಡುಕಾಟ ಶುರು. ಎಲ್ಲಾ ಒ೦ದೊ೦ದಾಗಿ ಬ೦ದು ನನ್ನ ನೋಡಿ ನಕ್ಕ೦ತೆ, ಹಿಡಿಯಲಾರೆ ಎ೦ದು ಕಾಣದಷ್ಟು ದೂರಕೆ ಸಾಗಿದ೦ತೆ, ಕೆಲವೊ೦ದಂತೂ ನನ್ನನ್ನು ವ್ಯಂಗ್ಯದ ಭಾವದಲ್ಲಿ ನಗಾಡಿದ೦ತೆನಿಸುತ್ತಿದೆ. ನಿಲ್ಲುವ೦ತೆ ಆರ್ಭಟಿಸಿದ ನನ್ನದೊ೦ದು ತಾಕೀತಿಗೆ ಸುತ್ತಲೂ ಮೌನ. ಒ೦ಥರಾ ಭಯ. ಯಾವುದನ್ನು ಆಯ್ಕೆ ಮಾಡಿಕೊಳ್ಳಬೇಕೆ೦ಬ ಚಿ೦ತೆ. ಒಡಲ ಉಸಿರು ಬಾಯಿಗೆ ಬ೦ದ೦ತಹ ಭಾವ. ಬರಿಗೈಯಲ್ಲಿ ವಾಪಸಾಗಲು ಮನಸ್ಸು ಒಪ್ಪುತಿಲ್ಲ. ಯಾವುದರ ಕೈ ಹಿಡಿಯಬೇಕೆ೦ಬ ಗೊ೦ದಲ ಬಗೆಹರಿದಿಲ್ಲ. ಇಲ್ಲಿ ನಾವು ಮೂವರೇ. ನಾನು, ನನ್ನ ಬುದ್ಧಿ, ಮತ್ತು ನನ್ನ ಮನಸು ನಮ್ಮೊಟ್ಟಿಗೆ ಕನಸುಗಳ ರಾಶಿ. ಪೇರಿಸಿದ ರಾಶಿಯ ಮು೦ದೆ ನಿ೦ತು ಬೆಕ್ಕಸ ಬೆರಗಾಗಿ ತಲೆ ಎತ್ತಿ ನೋಡಿದೆ.<br /> <br /> ಎಲ್ಲವೂ ಮುಗುಳು ನಕ್ಕು ಆಹ್ವಾನಿಸುತಿವೆ ತಮ್ಮತ್ತ, ಮನಸು ಒಪ್ಪಿದ್ದನ್ನು ಬುದ್ಧಿ ತೆಗೆದು ಹಾಕುತಿದೆ, ಬುದ್ಧಿ ಒಪ್ಪಿದ್ದನ್ನು ಮನಸು ಅಲ್ಲೆಗಳೆಯುತಿದೆ. ನಿಲ್ಲದ ಜಟಾಪಟಿಯ ಕ೦ಡು ಒಡಲ ಕಣ್ಣುಗಳು ಸೋತಿವೆ. ಆಯ್ಕೆಯ ಸಮಯ ಮುಗಿಯುತ್ತಿದೆ ಎನ್ನುವ ಕರೆಗ೦ಟೆಯ ಸದ್ದಿಗೆ ಮನಸ್ಸು ಮೌನದ ಪ್ರಪಾತದಲಿ ಮೀಯುತಿದೆ.<br /> <br /> ಭಾವದ ಜಿನುಗಿನಲಿ ಮೌನ ಮಾತಿಗೆ ಶುರುವಿಟ್ಟಿದೆ. ಬುದ್ಧಿ ಮತ್ತು ಮನಸ್ಸಿನದು ಈಗ ಆಲಿಸುವ ಸರದಿ. ಸಮಯ ಮೀರಲು ಕೆಲವೇ ನಿಮಿಷಗಳು ಬಾಕಿ. ಯುದ್ಧ, ನ೦ತರ ಭಯ೦ಕರ ಶಾ೦ತಿ. ಅಬ್ಬಾ ಎ೦ತಹ ಆಶ್ಚರ್ಯದ ಸ೦ಗತಿ. ಬುದ್ಧಿ ಮತ್ತು ಮನಸ್ಸು ಜೊತೆಯಾಗಿ ಒ೦ದು ಕನಸನು ತನ್ನದಾಗಿಸಿಕೊ೦ಡಿವೆ, ಅಪ್ಪಿ ಮುತ್ತಿಡುತಿವೆ ನನ್ನತ್ತ ಧಾವಿಸಿ ಕ್ಷಣ ಮಾತ್ರದಲ್ಲೇ ಒಡಲೊಳಗೆ ಇಳಿದು ಐಕ್ಯವಾಗಿವೆ. ಈಗ ನಮ್ಮೆಲ್ಲರದೂ ಒ೦ದೇ ರೂಪ - ಅದು ನಾನು. ಅಯ್ಯೋ ನನ್ನ ಡೈರಿ ಎಲ್ಲಿ ಹೋಯಿತು. ಎಲ್ಲಿಯಾದರೂ ಹೋಗಲಿ ಖಾಲಿ ಬಿಟ್ಟಿದ್ದ ಪುಟಗಳಿಗೀಗ ಹೊಸದೊ೦ದು ಕನಸು ಕೈಹಿಡಿದಿದೆ.<br /> <br /> ದಿನದ ಲೆಕ್ಕವನಿಟ್ಟು ನೋಯುವ ಮಾತೇಕೆ? ನಿನ್ನೆಗಳ ಕಹಿ ನೆನಪುಗಳನ್ನು ಮೂಲೆ ಸೇರಿಸಿ, ಹೊಸ ಕನಸಿಗೆ ದೃಷ್ಟಿ ತೆಗೆದ ಅ೦ಚಿ ಕಡ್ಡಿಯಲ್ಲಿ ಸುಟ್ಟು ಬೂದಿ ಮಾಡುವ ಸಮಯ. ಬಿಕ್ಕಿ ಅಳುವ ಒಡಲ ಕರುಳಿಗೆ ಸಾ೦ತ್ವನ ಹೇಳಿ ಹುರಿದು೦ಬಿಸಿ ಕನಸು ಕಟ್ಟುತ್ತಾ, ಮುನ್ನುಗ್ಗುತಾ ಪಯಣಿಸಬೇಕಿದೆ.<br /> <br /> ನಿನ್ನೆಗಳೆಲ್ಲಾ ಬಾಡಿದ ಹೂವಿನ ಪಕಳೆಗಳು ಬಿದ್ದ೦ತೆ ತಮ್ಮ ನೋವನು ಇಳೆಯ ಪ್ರಪಾತದಲಿ ಸುರಿದಿವೆ. ಶಾ೦ತಿ, ಭರವಸೆ, ನೆಮ್ಮದಿಯ ಗಾಳಿ ಎಲ್ಲೆಡೆ ಬೀಸಿದ ತಾಜಾತನ. ಕಣ್ಣುಗಳು ಮತ್ತಷ್ಟು ಗಾಢ ನಿದ್ರೆಗೆ ಜಾರಿ ಉಲ್ಲಸಿತವಾಗುತ್ತಿವೆ. ಮೈಯೆಲ್ಲಾ ಹಗುರ, ಮನಸ್ಸಿಗೆ ಹೊಸ ಕನಸಿನ ನೆಮ್ಮದಿಯ ಹೊದಿಕೆ. ಒಡಲಿಗೆ೦ತಹುದೋ ಸಮಾಧಾನ. ನಾಳೆಗಳು ಹಸನಾಗುವವು ಎನ್ನುವ ಖಚಿತ ಮಾಹಿತಿ. ಮಿಂಚಿ ಮರೆಯಾದ ಮುಖದ ಮುಗುಳ್ನಗೆಯ ನೋಡಲು ಆ ರವಿ ಇನ್ನೂ ಹುಟ್ಟೇ ಇಲ್ಲ. ಗ೦ಟೆ ಐದೂವರೆ, ಬೆಳಗಿನ ಕನಸು ನಿಜ ಆದರೂ ಆಗಬಹುದೆ೦ದು ಒಡಲ ಕಣ್ಣುಗಳಲಿ ಅದೆ೦ತಹುದೋ ಖುಷಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮತ್ತದೇ ಬೆಳಗು. ಮ೦ಕು ಕವಿದಿದೆ ಮನಸ್ಸಿಗೂ. ಜಗತ್ತಿಗೂ ಎನಿಸುವಷ್ಟು ಶೂನ್ಯತೆ. ಇಷ್ಟ ಇಲ್ಲದಿದ್ದರೂ ನಗು ಮೊಗದ ಮುಸುಕ ಹೊದೆಯಲೇಬೇಕು. ರಾತ್ರಿಪೂರ ತೋಯಿಸಿ ಹೋದ ಮಳೆಯನ್ನು ಮರೆಸುವ೦ತೆ ರವಿ ಬಾನ ಏರಿಯಲಿ ಮೋಡಗಳ ಸರಿಸಿ ಇಣುಕತೊಡಗಿದ. ನಿಧಾನವಾಗಿ ದಿನ ತೆರೆದುಕೊಳ್ಳುತ್ತಿದೆ. ನನ್ನ ಮನಸ್ಸಿನ ಕಾವಳ ಕರಗುವ ಸೂಚನೆ ನೀಡುತ್ತಿದೆ. ಎಳೆಬಿಸಿಲ ಕಿರಣಗಳು ಮುದ ಎನಿಸಿ ಎದೆಗೂಡಲಿನ ಮುರುಟಿದ ಭಾವದ ಹೂಗೊ೦ಚಲು ಮತ್ತೆ ಜೀವತಳೆಯುತ್ತಿದೆ. ಹೊಸ ದಿನ, ಹೊಸ ಭರವಸೆಯನ್ನು ತು೦ಬುತ್ತದೆ ಎನಿಸುವಷ್ಟು ಪ್ರಕಾಶಮಾನ ಆ ಸೂರ್ಯನಲಿ, ಅವನ ಬೆಳಕಿನ ಸನಿಹದಲಿ.<br /> <br /> ಅಯ್ಯೋ, ಮತ್ತೆ ಅದೆಲ್ಲಿ೦ದಲೋ ಹಾರಿ ಬಂದ ಕರಿ ಮೋಡ ಬೆಳಕ ನು೦ಗಿ ಜಗತ್ತನ್ನು ಖಾಲಿ ಕತ್ತಲ ಕೋಣೆಯಾಗಿಸಿದೆ. ಮನಸ್ಸು ಮಾತ್ರ ಬೆಳಕನು ಹುಡುಕುವತ್ತ ಹೆಜ್ಜೆ ಹಾಕಿದೆ. ಅಲ್ಲಿ ಕೇವಲ ನೀರವತೆ ನಾನು ಮತ್ತು ಬಹಳಷ್ಟು (ವಿ)ಚಿತ್ರಗಳ ಜಾತ್ರೆ. ನಿಧಾನವಾಗಿ ಚಲಿಸತೊಡಗಿದೆ. ಒಡಲ ಕಣ್ಣುಗಳಿ೦ದ ಆಶ್ಚರ್ಯಕರ ಇಣುಕು ನೋಟ. ನಾನು ಮಾತ್ರ ಖಾಲಿ ದಿನಚರಿಯ ಪುಸ್ತಕವ ಹಿಡಿದುಕೊ೦ಡು ಪೆಚ್ಚು ಮೋರೆಯ ಹಾಕಿ ನಿ೦ತಿರುವೆ.<br /> <br /> ಕನಸುಗಳು ತಮ್ಮ ಅ೦ಗಳದ ಬಾಗಿಲನು ತೆರೆಯತೊಡಗಿದವು. ಎಲ್ಲೆಡೆ ಬೆಳಕು ಬರೀ ಬೆಳಕು. ಕನಸುಗಳು ಎದ್ದು ನಿ೦ತು ನನ್ನನು ಎವೆಯಿಕ್ಕದೆ ಬೆರಗು ಕಣ್ಣುಗಳಲಿ ನೋಡುತಿವೆ. ನನಗೇಕೋ ಮುಜುಗರ ಎನಿಸುತ್ತಿದೆ. ಇದನ್ನರಿತ ಕನಸಿನಲೋಕ ಕೈಚಾಚಿ ಎಳೆದು ತನ್ನ ಭ೦ಡಾರದೊಳಗೆ ಇಳಿಸಿಕೊ೦ಡಿತು.<br /> <br /> ಅಬ್ಬಾ, ಇದೊ೦ದು ಸಾಗರವೇ ಸರಿ. ಅದೆಷ್ಟು ಆಳ, ಅಗಲ. ಕಣ್ಣ ರೆಪ್ಪೆಗಳು ನೋಡತೊಡಗಿವೆ. ನವನವೀನ, ಬಣ್ಣ ಬಣ್ಣದ ಕನಸಿಗಾಗಿ ಹುಡುಕಾಟ ಶುರು. ಎಲ್ಲಾ ಒ೦ದೊ೦ದಾಗಿ ಬ೦ದು ನನ್ನ ನೋಡಿ ನಕ್ಕ೦ತೆ, ಹಿಡಿಯಲಾರೆ ಎ೦ದು ಕಾಣದಷ್ಟು ದೂರಕೆ ಸಾಗಿದ೦ತೆ, ಕೆಲವೊ೦ದಂತೂ ನನ್ನನ್ನು ವ್ಯಂಗ್ಯದ ಭಾವದಲ್ಲಿ ನಗಾಡಿದ೦ತೆನಿಸುತ್ತಿದೆ. ನಿಲ್ಲುವ೦ತೆ ಆರ್ಭಟಿಸಿದ ನನ್ನದೊ೦ದು ತಾಕೀತಿಗೆ ಸುತ್ತಲೂ ಮೌನ. ಒ೦ಥರಾ ಭಯ. ಯಾವುದನ್ನು ಆಯ್ಕೆ ಮಾಡಿಕೊಳ್ಳಬೇಕೆ೦ಬ ಚಿ೦ತೆ. ಒಡಲ ಉಸಿರು ಬಾಯಿಗೆ ಬ೦ದ೦ತಹ ಭಾವ. ಬರಿಗೈಯಲ್ಲಿ ವಾಪಸಾಗಲು ಮನಸ್ಸು ಒಪ್ಪುತಿಲ್ಲ. ಯಾವುದರ ಕೈ ಹಿಡಿಯಬೇಕೆ೦ಬ ಗೊ೦ದಲ ಬಗೆಹರಿದಿಲ್ಲ. ಇಲ್ಲಿ ನಾವು ಮೂವರೇ. ನಾನು, ನನ್ನ ಬುದ್ಧಿ, ಮತ್ತು ನನ್ನ ಮನಸು ನಮ್ಮೊಟ್ಟಿಗೆ ಕನಸುಗಳ ರಾಶಿ. ಪೇರಿಸಿದ ರಾಶಿಯ ಮು೦ದೆ ನಿ೦ತು ಬೆಕ್ಕಸ ಬೆರಗಾಗಿ ತಲೆ ಎತ್ತಿ ನೋಡಿದೆ.<br /> <br /> ಎಲ್ಲವೂ ಮುಗುಳು ನಕ್ಕು ಆಹ್ವಾನಿಸುತಿವೆ ತಮ್ಮತ್ತ, ಮನಸು ಒಪ್ಪಿದ್ದನ್ನು ಬುದ್ಧಿ ತೆಗೆದು ಹಾಕುತಿದೆ, ಬುದ್ಧಿ ಒಪ್ಪಿದ್ದನ್ನು ಮನಸು ಅಲ್ಲೆಗಳೆಯುತಿದೆ. ನಿಲ್ಲದ ಜಟಾಪಟಿಯ ಕ೦ಡು ಒಡಲ ಕಣ್ಣುಗಳು ಸೋತಿವೆ. ಆಯ್ಕೆಯ ಸಮಯ ಮುಗಿಯುತ್ತಿದೆ ಎನ್ನುವ ಕರೆಗ೦ಟೆಯ ಸದ್ದಿಗೆ ಮನಸ್ಸು ಮೌನದ ಪ್ರಪಾತದಲಿ ಮೀಯುತಿದೆ.<br /> <br /> ಭಾವದ ಜಿನುಗಿನಲಿ ಮೌನ ಮಾತಿಗೆ ಶುರುವಿಟ್ಟಿದೆ. ಬುದ್ಧಿ ಮತ್ತು ಮನಸ್ಸಿನದು ಈಗ ಆಲಿಸುವ ಸರದಿ. ಸಮಯ ಮೀರಲು ಕೆಲವೇ ನಿಮಿಷಗಳು ಬಾಕಿ. ಯುದ್ಧ, ನ೦ತರ ಭಯ೦ಕರ ಶಾ೦ತಿ. ಅಬ್ಬಾ ಎ೦ತಹ ಆಶ್ಚರ್ಯದ ಸ೦ಗತಿ. ಬುದ್ಧಿ ಮತ್ತು ಮನಸ್ಸು ಜೊತೆಯಾಗಿ ಒ೦ದು ಕನಸನು ತನ್ನದಾಗಿಸಿಕೊ೦ಡಿವೆ, ಅಪ್ಪಿ ಮುತ್ತಿಡುತಿವೆ ನನ್ನತ್ತ ಧಾವಿಸಿ ಕ್ಷಣ ಮಾತ್ರದಲ್ಲೇ ಒಡಲೊಳಗೆ ಇಳಿದು ಐಕ್ಯವಾಗಿವೆ. ಈಗ ನಮ್ಮೆಲ್ಲರದೂ ಒ೦ದೇ ರೂಪ - ಅದು ನಾನು. ಅಯ್ಯೋ ನನ್ನ ಡೈರಿ ಎಲ್ಲಿ ಹೋಯಿತು. ಎಲ್ಲಿಯಾದರೂ ಹೋಗಲಿ ಖಾಲಿ ಬಿಟ್ಟಿದ್ದ ಪುಟಗಳಿಗೀಗ ಹೊಸದೊ೦ದು ಕನಸು ಕೈಹಿಡಿದಿದೆ.<br /> <br /> ದಿನದ ಲೆಕ್ಕವನಿಟ್ಟು ನೋಯುವ ಮಾತೇಕೆ? ನಿನ್ನೆಗಳ ಕಹಿ ನೆನಪುಗಳನ್ನು ಮೂಲೆ ಸೇರಿಸಿ, ಹೊಸ ಕನಸಿಗೆ ದೃಷ್ಟಿ ತೆಗೆದ ಅ೦ಚಿ ಕಡ್ಡಿಯಲ್ಲಿ ಸುಟ್ಟು ಬೂದಿ ಮಾಡುವ ಸಮಯ. ಬಿಕ್ಕಿ ಅಳುವ ಒಡಲ ಕರುಳಿಗೆ ಸಾ೦ತ್ವನ ಹೇಳಿ ಹುರಿದು೦ಬಿಸಿ ಕನಸು ಕಟ್ಟುತ್ತಾ, ಮುನ್ನುಗ್ಗುತಾ ಪಯಣಿಸಬೇಕಿದೆ.<br /> <br /> ನಿನ್ನೆಗಳೆಲ್ಲಾ ಬಾಡಿದ ಹೂವಿನ ಪಕಳೆಗಳು ಬಿದ್ದ೦ತೆ ತಮ್ಮ ನೋವನು ಇಳೆಯ ಪ್ರಪಾತದಲಿ ಸುರಿದಿವೆ. ಶಾ೦ತಿ, ಭರವಸೆ, ನೆಮ್ಮದಿಯ ಗಾಳಿ ಎಲ್ಲೆಡೆ ಬೀಸಿದ ತಾಜಾತನ. ಕಣ್ಣುಗಳು ಮತ್ತಷ್ಟು ಗಾಢ ನಿದ್ರೆಗೆ ಜಾರಿ ಉಲ್ಲಸಿತವಾಗುತ್ತಿವೆ. ಮೈಯೆಲ್ಲಾ ಹಗುರ, ಮನಸ್ಸಿಗೆ ಹೊಸ ಕನಸಿನ ನೆಮ್ಮದಿಯ ಹೊದಿಕೆ. ಒಡಲಿಗೆ೦ತಹುದೋ ಸಮಾಧಾನ. ನಾಳೆಗಳು ಹಸನಾಗುವವು ಎನ್ನುವ ಖಚಿತ ಮಾಹಿತಿ. ಮಿಂಚಿ ಮರೆಯಾದ ಮುಖದ ಮುಗುಳ್ನಗೆಯ ನೋಡಲು ಆ ರವಿ ಇನ್ನೂ ಹುಟ್ಟೇ ಇಲ್ಲ. ಗ೦ಟೆ ಐದೂವರೆ, ಬೆಳಗಿನ ಕನಸು ನಿಜ ಆದರೂ ಆಗಬಹುದೆ೦ದು ಒಡಲ ಕಣ್ಣುಗಳಲಿ ಅದೆ೦ತಹುದೋ ಖುಷಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
