T20 World cup: ವಿಂಡೀಸ್‌ಗೆ ಇಂದು ಅಮೆರಿಕ ಸವಾಲು

ಬ್ರಿಜ್ಟೌನ್ (ಬಾರ್ಬಾಡೋಸ್): ವೆಸ್ಟ್ ಇಂಡೀಸ್ ತಂಡ, ದಿಟ್ಟ ಆಟವಾಡುತ್ತಿರುವ ಅಮೆರಿಕ ತಂಡವವನ್ನು ಶನಿವಾರ ನಡೆಯುವ ಟಿ20 ವಿಶ್ವಕಪ್ನ ಸೂಪರ್ ಎಂಟರ ಹಂತದಲ್ಲಿ ಎದುರಿಸಲಿದೆ. ವೆಸ್ಟ್ ಇಂಡೀಸ್ ತಂಡಕ್ಕೆ ಈ ಪಂದ್ಯ ನಿರ್ಣಾಯಕವಾಗಿದ್ದು ನಾಕೌಟ್ಗೆ ಮುನ್ನಡೆಯಬೇಕದರೆ ಎಚ್ಚರ ತಪ್ಪುವಂತಿಲ್ಲ.

. ಗುಂಪು ಹಂತದಲ್ಲಿ ಅಜೇಯರಾಗುಳಿದಿದ್ದ ಜಂಟಿ ಆತಿಥೇಯ ವೆಸ್ಟ್ ಇಂಡೀಸ್ ಸೂಪರ್ ಎಂಟರ ಹಂತದ ಮೊದಲ ಪಂದ್ಯದಲ್ಲಿ ಇಂಗ್ಲೆಂಡ್ ಕೈಲಿ ಎಂಟು ವಿಕೆಟ್ಗಳ ಸೋಲನುಭವಿಸಿತ್ತು. ಇಂಗ್ಲೆಂಡ್ ಬೌಲರ್ಗಳು 51 ಎಸೆತಗಳಲ್ಲಿ ರನ್ ಕೊಡದೇ ವಿಂಡೀಸರನ್ನು ಕಟ್ಟಿಹಾಕಿದ್ದರು.

. ಈ ಸೋಲಿನಿಂದ ರೋವ್ಮನ್ ಪೊವೆಲ್ ಬಳಗ ಗುಂಪಿನಲ್ಲಿ –1.343 ರನ್ ರೇಟ್ನೊಂದಿಗೆ ತಳದಲ್ಲಿದೆ. ಮುಂದಿನ ಹಂತಕ್ಕೆ ಹೋಗಬೇಕಾದರೆ ಉಳಿದ ಪಂದ್ಯಗಳನ್ನು ಗೆಲ್ಲಲೇಬೇಕಿದೆ.

. ಪಾಕಿಸ್ತಾನ ಮೇಲೆ ಈ ತಿಂಗಳ ಆದಿಯಲ್ಲಿ ಅಮೋಘ ಜಯಗಳಿಸಿದ ನಂತರ ಅಮೆರಿಕ ಯಾವುದೇ ಪಂದ್ಯ ಗೆದ್ದಿಲ್ಲ. ಆದರೆ ಭಾರತ ವಿರುದ್ಧವೂ ಸಾಧಾರಣ ಆಟವಾಡಿದ್ದ ಆ ತಂಡ, ದಕ್ಷಿಣ ಆಫ್ರಿಕಾಕ್ಕೆ ಸೋಲುವ ಮೊದಲು ಒಂದು ಹಂತದಲ್ಲಿ ಆತಂಕ ಮೂಡಿಸಿತ್ತು. ಹೀಗಾಗಿ ಜಂಟಿ ಆತಿಥೇಯರು ತಮ್ಮನ್ನು ಲಘುವಾಗಿ ಪರಿಗಣಿಸುವಂತಿಲ್ಲ ಎಂಬ ಸಂದೇಶ ರವಾನಿಸಿದ್ದಾರೆ. ಅಕ್ರಮಣಕಾರಿ ಬ್ರಾಂಡ್ನ ಆಟವಾಡಿರುವ ವೆಸ್ಟ್ ಇಂಡೀಸ್ ತಂಡ ಅದನ್ನು ಮುಂದುವರಿಸುವಂತೆ ಕಾಣುತ್ತಿದೆ.

. ಆದರೆ ಆ ತಂಡದ ಸಮಸ್ಯೆ ಎಂದರೆ ಅನನುಭವಿ ಬೌಲಿಂಗ್ ದಾಳಿ ಹೊಂದಿರುವುದು. ಭರ್ಜರಿ ಆಟಕ್ಕೆ ಹೆಸರಾದ ನಿಕೋಲಸ್ ಪೂರನ್, ಆಂಡ್ರೆ ರಸೆಲ್, ಪೊವೆಲ್, ಶರ್ಫೆನ್ ರುದರ್ಫೋರ್ಟ್ ಅಂಥ ಆಟಗಾರರನ್ನು ಹೊಂದಿರುವ ವೆಸ್ಟ್ ಇಂಡೀಸ್ ಇದನ್ನೇ ಬಂಡವಾಳವನ್ನಾಗಿ ಮಾಡುವ ತವಕದಲ್ಲಿದೆ.

. ಇಂಗ್ಲೆಂಡ್ ವಿರುದ್ದ ಪಂದ್ಯದಲ್ಲಿ ಪಕ್ಕೆಲುಬಿನ ನೋವಿಗೆ ಒಳಗಾಗಿದ್ದ ಬ್ರಾಂಡನ್ ಕಿಂಗ್ ಅವರು ಅಮೆರಿಕದ ವಿರುದ್ದವೂ ಆಡುವುದು ಅನಮಾನ. ಅವರು ಆಡದಿದ್ದಲ್ಲಿ ಅಂತಿಮ 11ರ ತಂಡದಲ್ಲಿ ಶಿಮ್ರೊನ್ ಹೆಟ್ಮೆಯರ್ಗೆ ಅವಕಾಶ ಸಿಗಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

T20 World cup: ವಿಂಡೀಸ್‌ಗೆ ಇಂದು ಅಮೆರಿಕ ಸವಾಲು

Channapatna By Election Result |ದೇವೇಗೌಡರು ನಿವೃತ್ತಿ ಪಡೆಯಲಿ: ಯೋಗೇಶ್ವರ್

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

ಚಿನಕುರುಳಿ | ಶನಿವಾರ, ನವೆಂಬರ್ 23 2024

‘ಕಾಪರ್‌ ಏಜ್‌’ ಸಂಸ್ಥೆಯ ಶರತ್ ಜಿ.ಎನ್. ಆತ್ಮಹತ್ಯೆ

IND vs AUS: ಆಸ್ಟ್ರೇಲಿಯಾ ವಿರುದ್ಧ ಭರ್ಜರಿ ಶತಕ ಸಿಡಿಸಿದ ಯಶಸ್ವಿ ಜೈಸ್ವಾಲ್‌

ಟಿಟಿ: ಕಲೈವನನ್‌ಗೆ ಪ್ರಶಸ್ತಿಯ ಗರಿ

ಸರಿಯಾದ ಆಟ ಕಂಡಕೊಂಡರೆ ನನಗೆ ಅವಕಾಶ: ಗುಕೇಶ್

ಐಪಿಎಲ್ ಮೆಗಾ ಹರಾಜು ಇಂದಿನಿಂದ: ಮರುಭೂಮಿಯಲ್ಲಿ ಪಂತ್‌ಗೆ ಒಲಿಯುವುದೇ ಜಾಕ್‌ಪಾಟ್

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

Channapatna By Election Result |ದೇವೇಗೌಡರು ನಿವೃತ್ತಿ ಪಡೆಯಲಿ: ಯೋಗೇಶ್ವರ್

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

ಚಿನಕುರುಳಿ | ಶನಿವಾರ, ನವೆಂಬರ್ 23 2024

‘ಕಾಪರ್‌ ಏಜ್‌’ ಸಂಸ್ಥೆಯ ಶರತ್ ಜಿ.ಎನ್. ಆತ್ಮಹತ್ಯೆ