ಕ್ರಿಕೆಟ್: ಮುಂಬೈಗೆ ವಿಜಯ್‌ ಹಜಾರೆ ಗರಿ

ಬೆಂಗಳೂರು: ಚಿನ್ನಸ್ವಾಮಿ ಅಂಗಳದಲ್ಲಿ ಕಮರಿ ಹೋಗುವ ಹಂತದಲ್ಲಿದ್ದ ಮುಂಬೈ ತಂಡದ ಕನಸಿಗೆ ಆದಿತ್ಯ ತಾರೆ ಮತ್ತು ಸಿದ್ಧೇಶ್ ಲಾಡ್ ಅವರು ಮರುಜೀವ ತುಂಬಿದರು. ಅದರಿಂದಾಗಿ ಮುಂಬೈ ತಂಡವು ವಿಜಯ್ ಹಜಾರೆ ಟ್ರೋಫಿಗೆ ಶನಿವಾರ ಮುತ್ತಿಟ್ಟಿತ್ತು.

. ಸುಮಾರು ಎರಡು ಸಾವಿರಕ್ಕೂ ಹೆಚ್ಚು ಪ್ರೇಕ್ಷಕರು ಸೇರಿದ್ದ ಕ್ರೀಡಾಂಗಣದಲ್ಲಿ ನಡೆದ ಫೈನಲ್ನಲ್ಲಿ ಮುಂಬೈ ತಂಡವು 4 ವಿಕೆಟ್ಗಳಿಂದ ದೆಹಲಿ ತಂಡವನ್ನು ಮಣಿಸಿತು. ಒಂದು ದಶಕದ ನಂತರ ಮುಂಬೈ ಪ್ರಶಸ್ತಿ ಗೆದ್ದಿತು. ಆದರೆ ಎರಡನೇ ಪ್ರಶಸ್ತಿ ಜಯಿಸುವ ದೆಹಲಿ ತಂಡದ ಕನಸು ನುಚ್ಚುನೂರಾಯಿತು.

. ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ಮುಂಬೈ ನಾಯಕ ಶ್ರೇಯಸ್ ಅಯ್ಯರ್ ನಿರ್ಧಾರವನ್ನು ಧವಳ್ ಕುಲಕರ್ಣಿ (30ಕ್ಕೆ3) ಮತ್ತು ಶಿವಂ ದುಬೆ (29ಕ್ಕೆ3) ಸಮರ್ಥಿಸಿಕೊಂಡರು. ಇದರಿಂದಾಗಿ ದೆಹಲಿ ತಂಡವು 45.4 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 177 ರನ್ ಗಳಿಸಿತು. ಹಸಿರು ಗರಿಕೆಗಳಿದ್ದ ಪಿಚ್ನಲ್ಲಿ ಬೌಲರ್ಗಳು ಮಿಂಚಿದರು. ಆದರೆ ಈ ಸಣ್ಣ ಗುರಿಯನ್ನು ಬೆನ್ನತ್ತಿದ ಮುಂಬೈ ತಂಡವು ಗೆಲ್ಲಲು ಪ್ರಯಾಸಪಡಬೇಕಾಯಿತು.

. ದೆಹಲಿಯ ಮಧ್ಯಮವೇಗಿ ನವದೀಪ್ ಸೈನಿ (53ಕ್ಕೆ3) ಆರಂಭದಲ್ಲಿಯೇ ಆಘಾತ ನೀಡಿದರು. ಮುಂಬೈ ತಂಡವು 40 ರನ್ಗಳಿಗೆ 4 ವಿಕೆಟ್ಗಳನ್ನು ಕಳೆದುಕೊಂಡು ಸಂಕಷ್ಟದಲ್ಲಿತ್ತು. ಆದರೆ ಈ ಹಂತದಲ್ಲಿ ಜೊತೆಗೂಡಿದ ಆದಿತ್ಯ (71; 89ಎಸೆತ, 13ಬೌಂಡರಿ, 1ಸಿಕ್ಸರ್) ಮತ್ತು ಸಿದ್ಧೇಶ್ ಲಾಡ್ (48; 68ಎಸೆತ, 4ಬೌಂಡರಿ, 2 ಸಿಕ್ಸರ್) ಐದನೇ ವಿಕೆಟ್ ಜೊತೆಯಾಟದಲ್ಲಿ 105 ರನ್ಗಳನ್ನು ಸೇರಿಸಿದರು.

. ಗೆಲುವಿಗೆ 32 ರನ್ಗಳ ಅಗತ್ಯವಿದ್ದಾಗ ಆದಿತ್ಯ ಎಲ್ಬಿಡಬ್ಲ್ಯು ಆಗಿ ನಿರ್ಗಮಿಸಿದರು. ಲಾಡ್ ಜೊತೆಗೂಡಿದ ಶಿವಂ ದುಬೆ (ಔಟಾಗದೆ 19; 12ಎಸೆತ, 1ಬೌಂಡರಿ, 2ಸಿಕ್ಸರ್) ಪಟಪಟನೆ ರನ್ ಗಳಿಸಿದರು. ಗೆಲುವಿಗೆ ಒಂದು ರನ್ ಮಾತ್ರ ಬೇಕಿದ್ದಾಗ ಸಿಕ್ಸರ್ ಎತ್ತಲು ಪ್ರಯತ್ನಿಸಿದ ಲಾಡ್ ಅವರು ಧ್ರುವ ಶೋರೆಗೆ ಕ್ಯಾಚಿತ್ತರು.

. ಇದರಿಂದಾಗಿ ಮುಂಬೈ ತಂಡಕ್ಕೆ ಗೆಲುವು ಸಾಧ್ಯವಾಯಿತು. ತಾರೆ ಮತ್ತು ಲಾಡ್ಗೆ ಅದೃಷ್ಟವೂ ಜೊತೆಗೂಡಿತ್ತು. ಕೆಲವು ಸಂದರ್ಭಗಳಲ್ಲಿ ಕೂದಲೆಳೆಯ ಅಂತರದಲ್ಲಿ ಔಟಾಗುವುದರಿಂದ ತಪ್ಪಿಸಿಕೊಂಡರು. ಶಿವಂತಂಡವನ್ನು ಗೆಲುವಿನ ದಡ ಸೇರಿಸಿದರು.

. **

. ಪವನ್ ನೇಗಿಗೆ ಗಾಯ: ದೆಹಲಿ ತಂಡದ ಆಲ್ರೌಂಡರ್ ಪವನ್ ನೇಗಿ ಅವರು ಬ್ಯಾಟಿಂಗ್ ಮಾಡುವಾಗ ಕೈಗೆ ಚೆಂಡು ಬಡಿದು ಗಾಯಗೊಂಡಿದ್ದಾರೆ. ಅವರನ್ನು ಕೂಡಲೇ ಸ್ಕ್ಯಾನಿಂಗ್ಗಾಗಿ ಆಸ್ಪತ್ರೆಗೆ ಕಳುಹಿಸಲಾಯಿತು.

. ದೆಹಲಿ ತಂಡವು ಪ್ರಮುಖ ಬ್ಯಾಟ್ಸ್ಮನ್ಗಳನ್ನು ಕಳೆದುಕೊಂಡು ಅಲ್ಪಮೊತ್ತಕ್ಕೆ ಔಟಾಗುವ ಭೀತಿ ಎದುರಿಸುವ ಸಂದರ್ಭದಲ್ಲಿ ಉತ್ತಮ ಕಾಣಿಕೆ ನೀಡಿದ ಪವನ್ ನೇಗಿ (21; 19ಎಸೆತ, 2ಬೌಂಡರಿ, 1ಸಿಕ್ಸರ್) ಮತ್ತು ಸುಬೋಧ್ ಭಾಟಿ (25; 22ಎಸೆತ, 1ಬೌಂಡರಿ, 3 ಸಿಕ್ಸರ್) ಕೆಳಕ್ರಮಾಂಕದಲ್ಲಿ ಉತ್ತಮ ಕಾಣಿಕೆ ನೀಡಿದರು. ದೆಹಲಿ ಬೌಲಿಂಗ್ ಪಡೆಗೂ ನೇಗಿ ಕೊರತೆ ಕಾಡಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ರಿಕೆಟ್: ಮುಂಬೈಗೆ ವಿಜಯ್‌ ಹಜಾರೆ ಗರಿ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

ಚುರುಮುರಿ: ಸಂಪುಟ ಸರ್ಜರಿ!

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಟಿಟಿ: ಕಲೈವನನ್‌ಗೆ ಪ್ರಶಸ್ತಿಯ ಗರಿ

ಸರಿಯಾದ ಆಟ ಕಂಡಕೊಂಡರೆ ನನಗೆ ಅವಕಾಶ: ಗುಕೇಶ್

ಐಪಿಎಲ್ ಮೆಗಾ ಹರಾಜು ಇಂದಿನಿಂದ: ಮರುಭೂಮಿಯಲ್ಲಿ ಪಂತ್‌ಗೆ ಒಲಿಯುವುದೇ ಜಾಕ್‌ಪಾಟ್

ಪರ್ತ್‌ ಟೆಸ್ಟ್: ರಾಹುಲ್–ಯಶಸ್ವಿ ಆಟಕ್ಕೆ ಬಸವಳಿದ ಆಸ್ಟ್ರೇಲಿಯಾ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

ಚುರುಮುರಿ: ಸಂಪುಟ ಸರ್ಜರಿ!

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ