<p><strong>ಕೋಲ್ಕತ್ತ</strong>:ಏಷ್ಯಾದ ಅತ್ಯಂತ ಹಳೆಯ ಕ್ಲಬ್ಗಳಲ್ಲಿ ಒಂದಾಗಿರುವ ಮೋಹನ್ ಬಾಗನ್ ಹಾಗೂ ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯಲ್ಲಿ ದಾಖಲೆಯ ಮೂರು ಪ್ರಶಸ್ತಿ ಗೆದ್ದಿರುವ ಎಟಿಕೆ ಕ್ಲಬ್ಗಳು ಶುಕ್ರವಾರ ಅಧಿಕೃತವಾಗಿ ವಿಲೀನಗೊಂಡವು.</p>.<p>30 ನಿಮಿಷಗಳ ಕಾಲ ನಡೆದ ವರ್ಚ್ಯುವಲ್ ಸಭೆಯಲ್ಲಿ ಉಭಯ ಕ್ಲಬ್ಗಳ ವಿಲೀನಕ್ಕೆ ಅಂಕಿತ ಹಾಕಲಾಯಿತು. ಕ್ಲಬ್ಗೆ ಎಟಿಕೆ ಮೋಹನ್ ಬಾಗನ್ ಎಫ್ಸಿ ಎಂದು ನಾಮಕರಣ ಮಾಡಲಾಗಿದ್ದು ಮುಂದಿನ ಆವೃತ್ತಿಯ ಐಎಸ್ಎಲ್ನಲ್ಲಿ ಇದೇ ಹೆಸರಿನಡಿ ತಂಡವು ಕಣಕ್ಕಿಳಿಯಲಿದೆ.</p>.<p>ಇನ್ನು ಮುಂದೆ ತಂಡದ ಆಟಗಾರರುಬಾಗನ್ ತಂಡವು ಈ ಹಿಂದೆ ಬಳಸುತ್ತಿದ್ದ ಹಸಿರು ಮತ್ತು ಕಡುಕೆಂಪು ಮಿಶ್ರಿತ ಬಣ್ಣದ ಪೋಷಾಕನ್ನೇ ಧರಿಸಿ ಆಡಲಿದ್ದಾರೆ. ಬಾಗನ್ ತಂಡ ಈ ಹಿಂದೆ ಹೊಂದಿದ್ದ ‘ಸೇಲಿಂಗ್ ದೋಣಿ’ಯ ಲಾಂಛನವನ್ನೇ ಮುಂದುವರಿಸಲು ಸಭೆಯಲ್ಲಿ ಭಾಗವಹಿಸಿದ್ದ ನಿರ್ದೇಶಕರು ತೀರ್ಮಾನಿಸಿದ್ದಾರೆ.</p>.<p>ಪಶ್ಚಿಮ ಬಂಗಾಳದಲ್ಲಿ ವಿಶ್ವಶ್ರೇಷ್ಠ ಫುಟ್ಬಾಲ್ ಅಕಾಡೆಮಿ ಸ್ಥಾಪಿಸಲೂ ಸಭೆಯಲ್ಲಿ ನಿರ್ಧರಿಸಲಾಗಿದೆ. ಅಕಾಡೆಮಿಯ ಮೈದಾನದಲ್ಲೇ ಎಟಿಕೆ ಬಾಗನ್ ತಂಡದ ಐಎಸ್ಎಲ್ ಮತ್ತು ಎಎಫ್ಸಿ ಪಂದ್ಯಗಳನ್ನು ಆಯೋಜಿಸುವ ನಿರ್ಣಯವನ್ನೂ ಕೈಗೊಳ್ಳಲಾಗಿದೆ.</p>.<p>‘ಬಾಲ್ಯದಿಂದಲೂ ಬಾಗನ್ ತಂಡದ ಆಟವನ್ನು ನೋಡುತ್ತಾ ಬೆಳೆದಿದ್ದೇನೆ. ಆ ಕ್ಲಬ್ ಬಗ್ಗೆ ನನಗೆ ವಿಶೇಷ ಒಲವಿದೆ. ಹೀಗಾಗಿ ಕ್ಲಬ್ ಈ ಹಿಂದೆ ಬಳಸುತ್ತಿದ್ದ ಜೆರ್ಸಿಯನ್ನೇ ಉಳಿಸಿಕೊಂಡಿದ್ದೇವೆ. ಎಟಿಕೆ ಮೋಹನ್ ಬಾಗನ್ ಎಫ್ಸಿ, ವಿಶ್ವಶ್ರೇಷ್ಠ ತಂಡವಾಗಿ ರೂಪುಗೊಳ್ಳಬೇಕು. ಇದನ್ನು ಗಮನದಲ್ಲಿಟ್ಟುಕೊಂಡು ಕೆಲಸ ಮಾಡುತ್ತೇವೆ’ ಎಂದು ಕ್ಲಬ್ನ ಮಾಲೀಕ ಸಂಜೀವ್ ಗೋಯೆಂಕಾ ತಿಳಿಸಿದ್ದಾರೆ.</p>.<p>‘ಎಟಿಕೆ ಮತ್ತು ಬಾಗನ್ ಕ್ಲಬ್ಗಳು ವಿಲೀನವಾಗಿರುವುದು ಸ್ವಾಗತಾರ್ಹ ಕ್ರಮ. ಈ ತಂಡವು ಮುಂದೆ ಹಲವು ಮೈಲುಗಲ್ಲುಗಳನ್ನು ಸ್ಥಾಪಿಸಲಿದೆ’ ಎಂದು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿಯ (ಬಿಸಿಸಿಐ) ಅಧ್ಯಕ್ಷ ಸೌರವ್ ಗಂಗೂಲಿ ತಿಳಿಸಿದ್ದಾರೆ.</p>.<p>ಸೌರವ್ ಅವರು ಎಟಿಕೆ ತಂಡದ ಸಹ ಮಾಲೀಕರಾಗಿದ್ದಾರೆ.</p>.<p>‘ಎರಡು ಬಲಿಷ್ಠ ಕ್ಲಬ್ಗಳು ಈಗ ಒಂದಾಗಿವೆ. ಭಾರತದ ಫುಟ್ಬಾಲ್ ಬೆಳವಣಿಗೆಯ ದೃಷ್ಟಿಯಿಂದ ಇದೊಂದು ಮಹತ್ವದ ಹೆಜ್ಜೆಯಾಗಿದೆ’ ಎಂದು ಐಎಸ್ಎಲ್ ಸಂಸ್ಥಾಪಕಿ ನೀತಾ ಅಂಬಾನಿ ನುಡಿದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲ್ಕತ್ತ</strong>:ಏಷ್ಯಾದ ಅತ್ಯಂತ ಹಳೆಯ ಕ್ಲಬ್ಗಳಲ್ಲಿ ಒಂದಾಗಿರುವ ಮೋಹನ್ ಬಾಗನ್ ಹಾಗೂ ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯಲ್ಲಿ ದಾಖಲೆಯ ಮೂರು ಪ್ರಶಸ್ತಿ ಗೆದ್ದಿರುವ ಎಟಿಕೆ ಕ್ಲಬ್ಗಳು ಶುಕ್ರವಾರ ಅಧಿಕೃತವಾಗಿ ವಿಲೀನಗೊಂಡವು.</p>.<p>30 ನಿಮಿಷಗಳ ಕಾಲ ನಡೆದ ವರ್ಚ್ಯುವಲ್ ಸಭೆಯಲ್ಲಿ ಉಭಯ ಕ್ಲಬ್ಗಳ ವಿಲೀನಕ್ಕೆ ಅಂಕಿತ ಹಾಕಲಾಯಿತು. ಕ್ಲಬ್ಗೆ ಎಟಿಕೆ ಮೋಹನ್ ಬಾಗನ್ ಎಫ್ಸಿ ಎಂದು ನಾಮಕರಣ ಮಾಡಲಾಗಿದ್ದು ಮುಂದಿನ ಆವೃತ್ತಿಯ ಐಎಸ್ಎಲ್ನಲ್ಲಿ ಇದೇ ಹೆಸರಿನಡಿ ತಂಡವು ಕಣಕ್ಕಿಳಿಯಲಿದೆ.</p>.<p>ಇನ್ನು ಮುಂದೆ ತಂಡದ ಆಟಗಾರರುಬಾಗನ್ ತಂಡವು ಈ ಹಿಂದೆ ಬಳಸುತ್ತಿದ್ದ ಹಸಿರು ಮತ್ತು ಕಡುಕೆಂಪು ಮಿಶ್ರಿತ ಬಣ್ಣದ ಪೋಷಾಕನ್ನೇ ಧರಿಸಿ ಆಡಲಿದ್ದಾರೆ. ಬಾಗನ್ ತಂಡ ಈ ಹಿಂದೆ ಹೊಂದಿದ್ದ ‘ಸೇಲಿಂಗ್ ದೋಣಿ’ಯ ಲಾಂಛನವನ್ನೇ ಮುಂದುವರಿಸಲು ಸಭೆಯಲ್ಲಿ ಭಾಗವಹಿಸಿದ್ದ ನಿರ್ದೇಶಕರು ತೀರ್ಮಾನಿಸಿದ್ದಾರೆ.</p>.<p>ಪಶ್ಚಿಮ ಬಂಗಾಳದಲ್ಲಿ ವಿಶ್ವಶ್ರೇಷ್ಠ ಫುಟ್ಬಾಲ್ ಅಕಾಡೆಮಿ ಸ್ಥಾಪಿಸಲೂ ಸಭೆಯಲ್ಲಿ ನಿರ್ಧರಿಸಲಾಗಿದೆ. ಅಕಾಡೆಮಿಯ ಮೈದಾನದಲ್ಲೇ ಎಟಿಕೆ ಬಾಗನ್ ತಂಡದ ಐಎಸ್ಎಲ್ ಮತ್ತು ಎಎಫ್ಸಿ ಪಂದ್ಯಗಳನ್ನು ಆಯೋಜಿಸುವ ನಿರ್ಣಯವನ್ನೂ ಕೈಗೊಳ್ಳಲಾಗಿದೆ.</p>.<p>‘ಬಾಲ್ಯದಿಂದಲೂ ಬಾಗನ್ ತಂಡದ ಆಟವನ್ನು ನೋಡುತ್ತಾ ಬೆಳೆದಿದ್ದೇನೆ. ಆ ಕ್ಲಬ್ ಬಗ್ಗೆ ನನಗೆ ವಿಶೇಷ ಒಲವಿದೆ. ಹೀಗಾಗಿ ಕ್ಲಬ್ ಈ ಹಿಂದೆ ಬಳಸುತ್ತಿದ್ದ ಜೆರ್ಸಿಯನ್ನೇ ಉಳಿಸಿಕೊಂಡಿದ್ದೇವೆ. ಎಟಿಕೆ ಮೋಹನ್ ಬಾಗನ್ ಎಫ್ಸಿ, ವಿಶ್ವಶ್ರೇಷ್ಠ ತಂಡವಾಗಿ ರೂಪುಗೊಳ್ಳಬೇಕು. ಇದನ್ನು ಗಮನದಲ್ಲಿಟ್ಟುಕೊಂಡು ಕೆಲಸ ಮಾಡುತ್ತೇವೆ’ ಎಂದು ಕ್ಲಬ್ನ ಮಾಲೀಕ ಸಂಜೀವ್ ಗೋಯೆಂಕಾ ತಿಳಿಸಿದ್ದಾರೆ.</p>.<p>‘ಎಟಿಕೆ ಮತ್ತು ಬಾಗನ್ ಕ್ಲಬ್ಗಳು ವಿಲೀನವಾಗಿರುವುದು ಸ್ವಾಗತಾರ್ಹ ಕ್ರಮ. ಈ ತಂಡವು ಮುಂದೆ ಹಲವು ಮೈಲುಗಲ್ಲುಗಳನ್ನು ಸ್ಥಾಪಿಸಲಿದೆ’ ಎಂದು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿಯ (ಬಿಸಿಸಿಐ) ಅಧ್ಯಕ್ಷ ಸೌರವ್ ಗಂಗೂಲಿ ತಿಳಿಸಿದ್ದಾರೆ.</p>.<p>ಸೌರವ್ ಅವರು ಎಟಿಕೆ ತಂಡದ ಸಹ ಮಾಲೀಕರಾಗಿದ್ದಾರೆ.</p>.<p>‘ಎರಡು ಬಲಿಷ್ಠ ಕ್ಲಬ್ಗಳು ಈಗ ಒಂದಾಗಿವೆ. ಭಾರತದ ಫುಟ್ಬಾಲ್ ಬೆಳವಣಿಗೆಯ ದೃಷ್ಟಿಯಿಂದ ಇದೊಂದು ಮಹತ್ವದ ಹೆಜ್ಜೆಯಾಗಿದೆ’ ಎಂದು ಐಎಸ್ಎಲ್ ಸಂಸ್ಥಾಪಕಿ ನೀತಾ ಅಂಬಾನಿ ನುಡಿದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
