<p><strong>ಜೆಮ್ಶೆಡ್ಪುರ: </strong>ಇಂಡಿಯನ್ ಸೂಪರ್ ಲೀಗ್ನ (ಐಎಸ್ಎಲ್) ಆರನೇ ಆವೃತ್ತಿಯಲ್ಲಿ ಆಡಿರುವ ಎರಡು ಪಂದ್ಯಗಳಲ್ಲೂ ಡ್ರಾಗೆ ತೃಪ್ತಿಪಟ್ಟಿರುವ ಹಾಲಿ ಚಾಂಪಿಯನ್ ಬಿಎಫ್ಸಿ, ಭಾನುವಾರ ಜೆ.ಆರ್.ಡಿ ಟಾಟಾ ಕ್ರೀಡಾ ಸಂಕೀರ್ಣದಲ್ಲಿ ಜಯದ ತೋರಣ ಕಟ್ಟುವುದೇ?</p>.<p>ಹೀಗೊಂದು ಪ್ರಶ್ನೆ ಈಗ ಬೆಂಗಳೂರಿನ ಫುಟ್ಬಾಲ್ ಪ್ರಿಯರನ್ನು ಕಾಡುತ್ತಿದೆ.</p>.<p>ತನ್ನ ಪಾಲಿನ ಮೂರನೇ ಹೋರಾಟದಲ್ಲಿ ಸುನಿಲ್ ಚೆಟ್ರಿ ಬಳಗವು ಆತಿಥೇಯ ಜೆಮ್ಶೆಡ್ಪುರ ಎಫ್ಸಿ ಎದುರು ಸೆಣಸಲಿದೆ.</p>.<p>ನಾರ್ತ್ಈಸ್ಟ್ ಯುನೈಟೆಡ್ ಎಫ್ಸಿ ಎದುರು ಆಡುವ ಮೂಲಕ ಈ ಬಾರಿ ಅಭಿಯಾನ ಆರಂಭಿಸಿದ್ದ ಬೆಂಗಳೂರಿನ ತಂಡ, ತವರಿನ ಅಂಗಳದಲ್ಲಿ ಗೆಲುವು ದಕ್ಕಿಸಿಕೊಳ್ಳಲು ವಿಫಲವಾಗಿತ್ತು. ಎಫ್ಸಿ ಗೋವಾ ಎದುರಿನ ಹಣಾಹಣಿಯಲ್ಲೂ ಜಯದ ಅವಕಾಶ ಕೈಚೆಲ್ಲಿತ್ತು.</p>.<p>ಹಿಂದಿನ ಎರಡು ಪಂದ್ಯಗಳಲ್ಲೂ ನಾಯಕ ಚೆಟ್ರಿ, ಕಾಲ್ಚಳಕ ತೋರಲು ವಿಫಲರಾಗಿದ್ದರು.</p>.<p>ನಿಶುಕುಮಾರ್, ರಾಹುಲ್ ಭೆಕೆ, ವುವಾನ್ ಆ್ಯಂಟೋನಿಯೊ ಫರ್ನಾಂಡಿಸ್, ಹರ್ಮನ್ಜೋತ್ ಸಿಂಗ್ ಖಾಬ್ರಾ ಮತ್ತು ದಿಮಾಸ್ ಡೆಲ್ಗಾಡೊ ಕೂಡ ನಿರೀಕ್ಷೆ ಹುಸಿಗೊಳಿಸಿದ್ದರು. ಇವರು ಜೆಮ್ಶೆಡ್ಪುರ ವಿರುದ್ಧ ಲಯ ಕಂಡುಕೊಳ್ಳಬೇಕಿದೆ.</p>.<p>ಗೋವಾ ವಿರುದ್ಧ ಗೋಲು ಗಳಿಸಿದ್ದ ಉದಾಂತ್ ಸಿಂಗ್, ಎಲ್ಲರ ಕಣ್ಮಣಿಯಾಗಿದ್ದಾರೆ. ಅವರಿಗೆ ಆಶಿಕ್ ಕುರುಣಿಯನ್, ರಾಫೆಲ್ ಅಗಸ್ಟೊ ಹಾಗೂ ಆಲ್ಬರ್ಟ್ ಸೆರಾನ್ ಅವರಿಂದ ಸೂಕ್ತ ಬೆಂಬಲ ಸಿಗಬೇಕಿದೆ.</p>.<p>ಗೋವಾ ಎದುರು ಚೆಟ್ರಿ ಪಡೆ ಅಂತಿಮ ಕ್ಷಣದಲ್ಲಿ ಎದುರಾಳಿಗಳಿಗೆ ಗೋಲು ಬಿಟ್ಟುಕೊಟ್ಟಿತ್ತು. ಈ ತಪ್ಪು ಮರುಕಳಿಸದಂತೆಯೂ ಎಚ್ಚರವಹಿಸಬೇಕಿದೆ.</p>.<p><strong>‘ಹ್ಯಾಟ್ರಿಕ್’ ಕನಸು: </strong>ತವರಿನಲ್ಲಿ ಆಡಿರುವ ಎರಡು ಪಂದ್ಯಗಳಲ್ಲೂ ಗೆದ್ದಿರುವ ಜೆಮ್ಶೆಡ್ಪುರ ತಂಡ ಈಗ ‘ಹ್ಯಾಟ್ರಿಕ್’ ಕನಸು ಕಾಣುತ್ತಿದೆ.</p>.<p>ಆರು ಪಾಯಿಂಟ್ಸ್ ಗಳಿಸಿ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರುವ ಈ ತಂಡವನ್ನು ಕಟ್ಟಿಹಾಕಲು ಬಿಎಫ್ಸಿ ಯಾವ ಬಗೆಯ ರಣನೀತಿ ಹೆಣೆದು ಕಣಕ್ಕಿಳಿಯಲಿದೆ ಎಂಬುದು ಸದ್ಯದ ಕುತೂಹಲ.</p>.<p><strong>ಆರಂಭ:</strong> ರಾತ್ರಿ 7.30</p>.<p><strong>ನೇರ ಪ್ರಸಾರ:</strong> ಸ್ಟಾರ್ ನೆಟ್ವರ್ಕ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೆಮ್ಶೆಡ್ಪುರ: </strong>ಇಂಡಿಯನ್ ಸೂಪರ್ ಲೀಗ್ನ (ಐಎಸ್ಎಲ್) ಆರನೇ ಆವೃತ್ತಿಯಲ್ಲಿ ಆಡಿರುವ ಎರಡು ಪಂದ್ಯಗಳಲ್ಲೂ ಡ್ರಾಗೆ ತೃಪ್ತಿಪಟ್ಟಿರುವ ಹಾಲಿ ಚಾಂಪಿಯನ್ ಬಿಎಫ್ಸಿ, ಭಾನುವಾರ ಜೆ.ಆರ್.ಡಿ ಟಾಟಾ ಕ್ರೀಡಾ ಸಂಕೀರ್ಣದಲ್ಲಿ ಜಯದ ತೋರಣ ಕಟ್ಟುವುದೇ?</p>.<p>ಹೀಗೊಂದು ಪ್ರಶ್ನೆ ಈಗ ಬೆಂಗಳೂರಿನ ಫುಟ್ಬಾಲ್ ಪ್ರಿಯರನ್ನು ಕಾಡುತ್ತಿದೆ.</p>.<p>ತನ್ನ ಪಾಲಿನ ಮೂರನೇ ಹೋರಾಟದಲ್ಲಿ ಸುನಿಲ್ ಚೆಟ್ರಿ ಬಳಗವು ಆತಿಥೇಯ ಜೆಮ್ಶೆಡ್ಪುರ ಎಫ್ಸಿ ಎದುರು ಸೆಣಸಲಿದೆ.</p>.<p>ನಾರ್ತ್ಈಸ್ಟ್ ಯುನೈಟೆಡ್ ಎಫ್ಸಿ ಎದುರು ಆಡುವ ಮೂಲಕ ಈ ಬಾರಿ ಅಭಿಯಾನ ಆರಂಭಿಸಿದ್ದ ಬೆಂಗಳೂರಿನ ತಂಡ, ತವರಿನ ಅಂಗಳದಲ್ಲಿ ಗೆಲುವು ದಕ್ಕಿಸಿಕೊಳ್ಳಲು ವಿಫಲವಾಗಿತ್ತು. ಎಫ್ಸಿ ಗೋವಾ ಎದುರಿನ ಹಣಾಹಣಿಯಲ್ಲೂ ಜಯದ ಅವಕಾಶ ಕೈಚೆಲ್ಲಿತ್ತು.</p>.<p>ಹಿಂದಿನ ಎರಡು ಪಂದ್ಯಗಳಲ್ಲೂ ನಾಯಕ ಚೆಟ್ರಿ, ಕಾಲ್ಚಳಕ ತೋರಲು ವಿಫಲರಾಗಿದ್ದರು.</p>.<p>ನಿಶುಕುಮಾರ್, ರಾಹುಲ್ ಭೆಕೆ, ವುವಾನ್ ಆ್ಯಂಟೋನಿಯೊ ಫರ್ನಾಂಡಿಸ್, ಹರ್ಮನ್ಜೋತ್ ಸಿಂಗ್ ಖಾಬ್ರಾ ಮತ್ತು ದಿಮಾಸ್ ಡೆಲ್ಗಾಡೊ ಕೂಡ ನಿರೀಕ್ಷೆ ಹುಸಿಗೊಳಿಸಿದ್ದರು. ಇವರು ಜೆಮ್ಶೆಡ್ಪುರ ವಿರುದ್ಧ ಲಯ ಕಂಡುಕೊಳ್ಳಬೇಕಿದೆ.</p>.<p>ಗೋವಾ ವಿರುದ್ಧ ಗೋಲು ಗಳಿಸಿದ್ದ ಉದಾಂತ್ ಸಿಂಗ್, ಎಲ್ಲರ ಕಣ್ಮಣಿಯಾಗಿದ್ದಾರೆ. ಅವರಿಗೆ ಆಶಿಕ್ ಕುರುಣಿಯನ್, ರಾಫೆಲ್ ಅಗಸ್ಟೊ ಹಾಗೂ ಆಲ್ಬರ್ಟ್ ಸೆರಾನ್ ಅವರಿಂದ ಸೂಕ್ತ ಬೆಂಬಲ ಸಿಗಬೇಕಿದೆ.</p>.<p>ಗೋವಾ ಎದುರು ಚೆಟ್ರಿ ಪಡೆ ಅಂತಿಮ ಕ್ಷಣದಲ್ಲಿ ಎದುರಾಳಿಗಳಿಗೆ ಗೋಲು ಬಿಟ್ಟುಕೊಟ್ಟಿತ್ತು. ಈ ತಪ್ಪು ಮರುಕಳಿಸದಂತೆಯೂ ಎಚ್ಚರವಹಿಸಬೇಕಿದೆ.</p>.<p><strong>‘ಹ್ಯಾಟ್ರಿಕ್’ ಕನಸು: </strong>ತವರಿನಲ್ಲಿ ಆಡಿರುವ ಎರಡು ಪಂದ್ಯಗಳಲ್ಲೂ ಗೆದ್ದಿರುವ ಜೆಮ್ಶೆಡ್ಪುರ ತಂಡ ಈಗ ‘ಹ್ಯಾಟ್ರಿಕ್’ ಕನಸು ಕಾಣುತ್ತಿದೆ.</p>.<p>ಆರು ಪಾಯಿಂಟ್ಸ್ ಗಳಿಸಿ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರುವ ಈ ತಂಡವನ್ನು ಕಟ್ಟಿಹಾಕಲು ಬಿಎಫ್ಸಿ ಯಾವ ಬಗೆಯ ರಣನೀತಿ ಹೆಣೆದು ಕಣಕ್ಕಿಳಿಯಲಿದೆ ಎಂಬುದು ಸದ್ಯದ ಕುತೂಹಲ.</p>.<p><strong>ಆರಂಭ:</strong> ರಾತ್ರಿ 7.30</p>.<p><strong>ನೇರ ಪ್ರಸಾರ:</strong> ಸ್ಟಾರ್ ನೆಟ್ವರ್ಕ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
