<p><strong>ಫತೋರ್ಡ, ಗೊವಾ:</strong> ಟೂರ್ನಿ ಯುದ್ದಕ್ಕೂ ಉತ್ತಮ ಆಟವಾಡುತ್ತ ಬಂದಿದ್ದ ಹೈದರಾಬಾದ್ ಎಫ್ಸಿ ತಂಡ ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯ ಚಾಂಪಿಯನ್ ಪಟ್ಟ ಅಲಂಕರಿಸಿತು.</p>.<p>ಜವಾಹರಲಾಲ್ ನೆಹರು ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ ಕೇರಳ ಬ್ಲಾಸ್ಟರ್ಸ್ ಎದುರಿನ ಫೈನಲ್ನಲ್ಲಿ ತಂಡ ಪೆನಾಲ್ಟಿಯಲ್ಲಿ 3–1ರಲ್ಲಿ ಗೆಲುವು ದಾಖಲಿಸಿತು.</p>.<p>ಈ ಮೂಲಕ ಮೊದಲ ಬಾರಿ ಪ್ರಶಸ್ತಿಗೆ ಮುತ್ತಿಕ್ಕಿತು. ಕೇರಳ ಬ್ಲಾಸ್ಟರ್ಸ್ ಮೂರನೇ ಬಾರಿ ಫೈನಲ್ನಲ್ಲಿ ಸೋತು ನಿರಾಸೆ ಅನುಭವಿಸಿತು.</p>.<p>ನಿಗದಿತ ಅವಧಿಯಲ್ಲಿ ಉಭಯ ತಂಡಗಳು ತಲಾ ಒಂದೊಂದು ಗೋಲು ಗಳಿಸಿದ್ದವು. ಹೀಗಾಗಿ ಹೆಚ್ಚುವರಿ ಅವಧಿಯ ನೀಡಲಾಗಿತ್ತು. ಈ ಸಂದರ್ಭದಲ್ಲಿ ಗೋಲು ದಾಖಲಾಗದ ಕಾರಣ ಪೆನಾಲ್ಟಿ ಮೊರೆ ಹೋಗಲಾಯಿತು.</p>.<p>ಹೈದರಾಬಾದ್ ಪರ ಜಾವೊ ವಿಕ್ಟರ್, ಖಾಸ ಕಮಾರ ಮತ್ತು ಹಲಿಚರಣ್ ನಜರೆ ಚೆಂಡನ್ನು ಗುರಿ ಮುಟ್ಟಿಸಿದರು.</p>.<p>ಕೇರಳ ತಂಡದ ಆಯುಷ್ ಅಧಿಕಾರಿ ಮಾತ್ರ ಯಶಸ್ಸು ಕಂಡರು. ಹೈದರಾಬಾದ್ ಎಫ್ಸಿಯ ಗೋಲ್ ಕೀಪರ್ ಲಕ್ಷ್ಮಿಕಾಂತ್ ಕಟ್ಟಿಮನಿ ಮೂರು ‘ಸೇವ್’ಗಳ ಮೂಲಕ ಮಿಂಚಿದರು.</p>.<p>ನಿಗದಿತ ಅವಧಿಯ 68ನೇ ನಿಮಿಷದಲ್ಲಿ ರಾಹುಲ್ ಕೆ.ಪಿ ಗಳಿಸಿದ ಗೋಲಿನ ಮೂಲಕ ಕೇರಳ ಕೇರಳ ಮುನ್ನಡೆ ಸಾಧಿಸಿತು. 88ನೇ ನಿಮಿಷದಲ್ಲಿ ಸಾಹಿರ್ ತವೋರ ಅವರ ಗೋಲಿನ ಮೂಲಕ ಹೈದರಾಬಾದ್ ತಿರುಗೇಟು ನೀಡಿತು.</p>.<p><strong>ಗ್ಯಾಲರಿಗಳಲ್ಲಿ ಅಲೆ ಎಬ್ಬಿಸಿದ ಪ್ರೇಕ್ಷಕರು:</strong> ಎರಡು ಆವೃತ್ತಿಗಳಲ್ಲಿ ಇದೇ ಮೊದಲ ಬಾರಿ ಐಎಸ್ಎಲ್ ಟೂರ್ನಿಯಲ್ಲಿ ಗ್ಯಾಲರಿಯ ಸ್ಟ್ಯಾಂಡ್ಗಳು ಪ್ರೇಕ್ಷರಿಂದ ತುಂಬಿದ್ದವು.</p>.<p>ಕೋವಿಡ್–19ರಿಂದಾಗಿ ಎರಡು ಆವೃತ್ತಿಗಳ ಪಂದ್ಯಗಳನ್ನು ಬಯೊಬಬಲ್ನಲ್ಲಿ ಆಯೋಜಿಸ ಲಾಗಿತ್ತು. ಕಳೆದ ಆವೃತ್ತಿಯ ಫೈನಲ್ ಪಂದ್ಯವನ್ನು ಕೂಡ ಬಯೊಬಬಲ್ನಲ್ಲಿ ಆಯೋಜಿಸಲಾಗಿತ್ತು. ಈ ಬಾರಿ ಫೈನಲ್ಗೆ ಪ್ರೇಕ್ಷಕರನ್ನು ಅವಕಾಶ ನೀಡಲು ನಿರ್ಧರಿಸಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಫತೋರ್ಡ, ಗೊವಾ:</strong> ಟೂರ್ನಿ ಯುದ್ದಕ್ಕೂ ಉತ್ತಮ ಆಟವಾಡುತ್ತ ಬಂದಿದ್ದ ಹೈದರಾಬಾದ್ ಎಫ್ಸಿ ತಂಡ ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯ ಚಾಂಪಿಯನ್ ಪಟ್ಟ ಅಲಂಕರಿಸಿತು.</p>.<p>ಜವಾಹರಲಾಲ್ ನೆಹರು ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ ಕೇರಳ ಬ್ಲಾಸ್ಟರ್ಸ್ ಎದುರಿನ ಫೈನಲ್ನಲ್ಲಿ ತಂಡ ಪೆನಾಲ್ಟಿಯಲ್ಲಿ 3–1ರಲ್ಲಿ ಗೆಲುವು ದಾಖಲಿಸಿತು.</p>.<p>ಈ ಮೂಲಕ ಮೊದಲ ಬಾರಿ ಪ್ರಶಸ್ತಿಗೆ ಮುತ್ತಿಕ್ಕಿತು. ಕೇರಳ ಬ್ಲಾಸ್ಟರ್ಸ್ ಮೂರನೇ ಬಾರಿ ಫೈನಲ್ನಲ್ಲಿ ಸೋತು ನಿರಾಸೆ ಅನುಭವಿಸಿತು.</p>.<p>ನಿಗದಿತ ಅವಧಿಯಲ್ಲಿ ಉಭಯ ತಂಡಗಳು ತಲಾ ಒಂದೊಂದು ಗೋಲು ಗಳಿಸಿದ್ದವು. ಹೀಗಾಗಿ ಹೆಚ್ಚುವರಿ ಅವಧಿಯ ನೀಡಲಾಗಿತ್ತು. ಈ ಸಂದರ್ಭದಲ್ಲಿ ಗೋಲು ದಾಖಲಾಗದ ಕಾರಣ ಪೆನಾಲ್ಟಿ ಮೊರೆ ಹೋಗಲಾಯಿತು.</p>.<p>ಹೈದರಾಬಾದ್ ಪರ ಜಾವೊ ವಿಕ್ಟರ್, ಖಾಸ ಕಮಾರ ಮತ್ತು ಹಲಿಚರಣ್ ನಜರೆ ಚೆಂಡನ್ನು ಗುರಿ ಮುಟ್ಟಿಸಿದರು.</p>.<p>ಕೇರಳ ತಂಡದ ಆಯುಷ್ ಅಧಿಕಾರಿ ಮಾತ್ರ ಯಶಸ್ಸು ಕಂಡರು. ಹೈದರಾಬಾದ್ ಎಫ್ಸಿಯ ಗೋಲ್ ಕೀಪರ್ ಲಕ್ಷ್ಮಿಕಾಂತ್ ಕಟ್ಟಿಮನಿ ಮೂರು ‘ಸೇವ್’ಗಳ ಮೂಲಕ ಮಿಂಚಿದರು.</p>.<p>ನಿಗದಿತ ಅವಧಿಯ 68ನೇ ನಿಮಿಷದಲ್ಲಿ ರಾಹುಲ್ ಕೆ.ಪಿ ಗಳಿಸಿದ ಗೋಲಿನ ಮೂಲಕ ಕೇರಳ ಕೇರಳ ಮುನ್ನಡೆ ಸಾಧಿಸಿತು. 88ನೇ ನಿಮಿಷದಲ್ಲಿ ಸಾಹಿರ್ ತವೋರ ಅವರ ಗೋಲಿನ ಮೂಲಕ ಹೈದರಾಬಾದ್ ತಿರುಗೇಟು ನೀಡಿತು.</p>.<p><strong>ಗ್ಯಾಲರಿಗಳಲ್ಲಿ ಅಲೆ ಎಬ್ಬಿಸಿದ ಪ್ರೇಕ್ಷಕರು:</strong> ಎರಡು ಆವೃತ್ತಿಗಳಲ್ಲಿ ಇದೇ ಮೊದಲ ಬಾರಿ ಐಎಸ್ಎಲ್ ಟೂರ್ನಿಯಲ್ಲಿ ಗ್ಯಾಲರಿಯ ಸ್ಟ್ಯಾಂಡ್ಗಳು ಪ್ರೇಕ್ಷರಿಂದ ತುಂಬಿದ್ದವು.</p>.<p>ಕೋವಿಡ್–19ರಿಂದಾಗಿ ಎರಡು ಆವೃತ್ತಿಗಳ ಪಂದ್ಯಗಳನ್ನು ಬಯೊಬಬಲ್ನಲ್ಲಿ ಆಯೋಜಿಸ ಲಾಗಿತ್ತು. ಕಳೆದ ಆವೃತ್ತಿಯ ಫೈನಲ್ ಪಂದ್ಯವನ್ನು ಕೂಡ ಬಯೊಬಬಲ್ನಲ್ಲಿ ಆಯೋಜಿಸಲಾಗಿತ್ತು. ಈ ಬಾರಿ ಫೈನಲ್ಗೆ ಪ್ರೇಕ್ಷಕರನ್ನು ಅವಕಾಶ ನೀಡಲು ನಿರ್ಧರಿಸಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
