<p><strong>ಕೋಲ್ಕತ್ತ:</strong> ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯ ಆರನೇ ಆವೃತ್ತಿಯಲ್ಲಿ ಫೈನಲ್ ಪ್ರವೇಶಿಸುವ ಬೆಂಗಳೂರು ಫುಟ್ಬಾಲ್ ಕ್ಲಬ್ (ಬಿಎಫ್ಸಿ) ತಂಡದ ಕನಸು ಭಾನುವಾರ ಭಗ್ನಗೊಂಡಿತು.</p>.<p>ಇಲ್ಲಿನ ಸಾಲ್ಟ್ಲೇಕ್ ಮೈದಾನದಲ್ಲಿ ನಡೆದ ಎರಡನೇ ಸೆಮಿಫೈನಲ್ನ ಎರಡನೇ ಲೆಗ್ನ ಹೋರಾಟದಲ್ಲಿ ಸುನಿಲ್ ಚೆಟ್ರಿ ಪಡೆ 1–3 ಗೋಲುಗಳಿಂದ ಆತಿಥೇಯ ಎಟಿಕೆ ಎಫ್ಸಿ ಎದುರು ಸೋತಿತು.</p>.<p>ಮೊದಲ ಲೆಗ್ನ ಹಣಾಹಣಿಯಲ್ಲಿ 1–0 ಗೋಲಿನಿಂದ ಗೆದ್ದಿದ್ದ ಬೆಂಗಳೂರಿನ ತಂಡ ಈ ಪಂದ್ಯದಲ್ಲಿ ಡ್ರಾ ಮಾಡಿಕೊಂಡಿದ್ದರೂ ಪ್ರಶಸ್ತಿ ಸುತ್ತು ಪ್ರವೇಶಿಸುತ್ತಿತ್ತು. ಇದಕ್ಕೆ ಎಟಿಕೆ ಎಫ್ಸಿ ಅವಕಾಶ ನೀಡಲಿಲ್ಲ. ತವರಿನಲ್ಲಿ ಪ್ರಾಬಲ್ಯ ಮೆರೆದ ಈ ತಂಡ, ಗೋಲು ಗಳಿಕೆಯ ಸರಾಸರಿಯ ಆಧಾರದಲ್ಲಿ (3–2) ಫೈನಲ್ಗೆ ಲಗ್ಗೆ ಇಟ್ಟಿತು.</p>.<p>ಎಟಿಕೆ ಎದುರು 5–1 ಗೆಲುವಿನ ದಾಖಲೆ ಹೊಂದಿದ್ದ ಬಿಎಫ್ಸಿ ಆರಂಭಲ್ಲೇ ಖಾತೆ ತೆರೆಯಿತು. ಐದನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದ ಆಶಿಕ್ ಕುರುಣಿಯನ್ ಪ್ರವಾಸಿ ತಂಡದ ಗೆಲುವಿನ ಕನಸಿಗೆ ಬಲ ತುಂಬಿದ್ದರು.</p>.<p>ಆದರೆ ನಂತರ ಎಟಿಕೆ ಆಟಗಾರರು ಮೋಡಿ ಮಾಡಿದರು. 30ನೇ ನಿಮಿಷದಲ್ಲಿ ಆತಿಥೇಯ ತಂಡದ ನಾಯಕ ರಾಯ್ ಕೃಷ್ಣ ಗೋಲು ಹೊಡೆದು 1–1 ಸಮಬಲಕ್ಕೆ ಕಾರಣರಾದರು.</p>.<p>ದ್ವಿತೀಯಾರ್ಧದಲ್ಲೂ ಎಟಿಕೆ ಆಕ್ರಮಣಕಾರಿಯಾಗಿ ಆಡಿತು. 62ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿ ಅವಕಾಶವನ್ನು ಗೋಲಾಗಿ ಪರಿವರ್ತಿಸಿದ ಡೇವಿಡ್ ವಿಲಿಯಮ್ಸ್, ಆತಿಥೇಯರಿಗೆ 2–1 ಮುನ್ನಡೆ ತಂದುಕೊಟ್ಟರು. 79ನೇ ನಿಮಿಷದಲ್ಲೂ ಅವರು ಕಾಲ್ಚಳಕ ತೋರಿದರು.</p>.<p>ಬಿಎಫ್ಸಿ ನಾಯಕ ಚೆಟ್ರಿ ಆಟ ನಡೆಯಲಿಲ್ಲ. ಅವರನ್ನು ಕಟ್ಟಿಹಾಕುವಲ್ಲಿ ಆತಿಥೇಯ ತಂಡದ ರಕ್ಷಣಾ ವಿಭಾಗದ ಆಟಗಾರರು ಯಶಸ್ವಿಯಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲ್ಕತ್ತ:</strong> ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯ ಆರನೇ ಆವೃತ್ತಿಯಲ್ಲಿ ಫೈನಲ್ ಪ್ರವೇಶಿಸುವ ಬೆಂಗಳೂರು ಫುಟ್ಬಾಲ್ ಕ್ಲಬ್ (ಬಿಎಫ್ಸಿ) ತಂಡದ ಕನಸು ಭಾನುವಾರ ಭಗ್ನಗೊಂಡಿತು.</p>.<p>ಇಲ್ಲಿನ ಸಾಲ್ಟ್ಲೇಕ್ ಮೈದಾನದಲ್ಲಿ ನಡೆದ ಎರಡನೇ ಸೆಮಿಫೈನಲ್ನ ಎರಡನೇ ಲೆಗ್ನ ಹೋರಾಟದಲ್ಲಿ ಸುನಿಲ್ ಚೆಟ್ರಿ ಪಡೆ 1–3 ಗೋಲುಗಳಿಂದ ಆತಿಥೇಯ ಎಟಿಕೆ ಎಫ್ಸಿ ಎದುರು ಸೋತಿತು.</p>.<p>ಮೊದಲ ಲೆಗ್ನ ಹಣಾಹಣಿಯಲ್ಲಿ 1–0 ಗೋಲಿನಿಂದ ಗೆದ್ದಿದ್ದ ಬೆಂಗಳೂರಿನ ತಂಡ ಈ ಪಂದ್ಯದಲ್ಲಿ ಡ್ರಾ ಮಾಡಿಕೊಂಡಿದ್ದರೂ ಪ್ರಶಸ್ತಿ ಸುತ್ತು ಪ್ರವೇಶಿಸುತ್ತಿತ್ತು. ಇದಕ್ಕೆ ಎಟಿಕೆ ಎಫ್ಸಿ ಅವಕಾಶ ನೀಡಲಿಲ್ಲ. ತವರಿನಲ್ಲಿ ಪ್ರಾಬಲ್ಯ ಮೆರೆದ ಈ ತಂಡ, ಗೋಲು ಗಳಿಕೆಯ ಸರಾಸರಿಯ ಆಧಾರದಲ್ಲಿ (3–2) ಫೈನಲ್ಗೆ ಲಗ್ಗೆ ಇಟ್ಟಿತು.</p>.<p>ಎಟಿಕೆ ಎದುರು 5–1 ಗೆಲುವಿನ ದಾಖಲೆ ಹೊಂದಿದ್ದ ಬಿಎಫ್ಸಿ ಆರಂಭಲ್ಲೇ ಖಾತೆ ತೆರೆಯಿತು. ಐದನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದ ಆಶಿಕ್ ಕುರುಣಿಯನ್ ಪ್ರವಾಸಿ ತಂಡದ ಗೆಲುವಿನ ಕನಸಿಗೆ ಬಲ ತುಂಬಿದ್ದರು.</p>.<p>ಆದರೆ ನಂತರ ಎಟಿಕೆ ಆಟಗಾರರು ಮೋಡಿ ಮಾಡಿದರು. 30ನೇ ನಿಮಿಷದಲ್ಲಿ ಆತಿಥೇಯ ತಂಡದ ನಾಯಕ ರಾಯ್ ಕೃಷ್ಣ ಗೋಲು ಹೊಡೆದು 1–1 ಸಮಬಲಕ್ಕೆ ಕಾರಣರಾದರು.</p>.<p>ದ್ವಿತೀಯಾರ್ಧದಲ್ಲೂ ಎಟಿಕೆ ಆಕ್ರಮಣಕಾರಿಯಾಗಿ ಆಡಿತು. 62ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿ ಅವಕಾಶವನ್ನು ಗೋಲಾಗಿ ಪರಿವರ್ತಿಸಿದ ಡೇವಿಡ್ ವಿಲಿಯಮ್ಸ್, ಆತಿಥೇಯರಿಗೆ 2–1 ಮುನ್ನಡೆ ತಂದುಕೊಟ್ಟರು. 79ನೇ ನಿಮಿಷದಲ್ಲೂ ಅವರು ಕಾಲ್ಚಳಕ ತೋರಿದರು.</p>.<p>ಬಿಎಫ್ಸಿ ನಾಯಕ ಚೆಟ್ರಿ ಆಟ ನಡೆಯಲಿಲ್ಲ. ಅವರನ್ನು ಕಟ್ಟಿಹಾಕುವಲ್ಲಿ ಆತಿಥೇಯ ತಂಡದ ರಕ್ಷಣಾ ವಿಭಾಗದ ಆಟಗಾರರು ಯಶಸ್ವಿಯಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
