<p><strong>ಬೆಂಗಳೂರು: </strong>ಆಟದ ಎಲ್ಲಾ ವಿಭಾಗಗಳಲ್ಲೂ ಪ್ರಾಬಲ್ಯ ಮೆರೆದ ಪರಿಕ್ರಮ ಎಫ್ಸಿ ತಂಡ ಕರ್ನಾಟಕ ರಾಜ್ಯ ಫುಟ್ಬಾಲ್ ಸಂಸ್ಥೆ (ಕೆಎಸ್ಎಫ್ಎ) ಆಶ್ರಯದ ರಾಜ್ಯ ಮಹಿಳಾ ಸೂಪರ್ ಡಿವಿಷನ್ ಲೀಗ್ ಪಂದ್ಯದಲ್ಲಿ ಜಯಭೇರಿ ಮೊಳಗಿಸಿದೆ.</p>.<p>ಅಶೋಕನಗರದಲ್ಲಿರುವ ಬೆಂಗಳೂರು ಫುಟ್ಬಾಲ್ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಪರಿಕ್ರಮ 4–1 ಗೋಲುಗಳಿಂದ ಮಿಸಾಕ ಯುನೈಟೆಡ್ ಎಫ್ಸಿ ತಂಡವನ್ನು ಮಣಿಸಿತು.</p>.<p>ಮಿಸಾಕ ತಂಡ ಏಳನೇ ನಿಮಿಷದಲ್ಲಿ ಖಾತೆ ತೆರೆಯಿತು. ತಾರಿಣಿ ಗೋಲು ಗಳಿಸಿ ಸಂಭ್ರಮಿಸಿದರು. 17ನೇ ನಿಮಿಷದಲ್ಲಿ ಮಿಸಾಕ ತಂಡದ ಕ್ಯಾರೋಲಿನ್ ತಮ್ಮದೇ ಗೋಲು ಪೆಟ್ಟಿಗೆಯೊಳಗೆ ಚೆಂಡನ್ನು ಬಾರಿಸಿದರು. ಹೀಗಾಗಿ ಪರಿಕ್ರಮ ತಂಡದ ಖಾತೆಗೆ ‘ಉಡುಗೊರೆ’ ಗೋಲು ದಾಖಲಾಯಿತು.</p>.<p>ನಂತರ ಈ ತಂಡದ ಆಟಗಾರ್ತಿಯರು ಪ್ರಾಬಲ್ಯ ಮೆರೆದರು. 43ನೇ ನಿಮಿಷದಲ್ಲಿ ರಕ್ಷಾ ಗೋಲು ಹೊಡೆದು 2–1 ಮುನ್ನಡೆಗೆ ಕಾರಣರಾದರು. ಬಳಿಕ ಸ್ಫೂರ್ತಿ (71ನೇ ನಿಮಿಷ) ಮತ್ತು ಭುವನೇಶ್ವರಿ (84ನೇ ನಿ.) ಚೆಂಡನ್ನು ಗುರಿ ತಲುಪಿಸಿ ಪರಿಕ್ರಮ ತಂಡದ ಸಂಭ್ರಮಕ್ಕೆ ಕಾರಣರಾದರು.</p>.<p>ದಿನದ ಇನ್ನೊಂದು ಪಂದ್ಯದಲ್ಲಿ ಬಿಯುಎಫ್ಸಿ 1–0 ಗೋಲಿನಿಂದ ಮಂಗಳೂರು ಯುನೈಟೆಡ್ ಎಫ್ಸಿ (ಎಂ.ಯು.ಎಫ್ಸಿ) ತಂಡವನ್ನು ಸೋಲಿಸಿತು. ಬಿಯುಎಫ್ಸಿ ತಂಡದ ಪರೋಮಿತಾ 53ನೇ ನಿಮಿಷದಲ್ಲಿ ಗೋಲು ದಾಖಲಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಆಟದ ಎಲ್ಲಾ ವಿಭಾಗಗಳಲ್ಲೂ ಪ್ರಾಬಲ್ಯ ಮೆರೆದ ಪರಿಕ್ರಮ ಎಫ್ಸಿ ತಂಡ ಕರ್ನಾಟಕ ರಾಜ್ಯ ಫುಟ್ಬಾಲ್ ಸಂಸ್ಥೆ (ಕೆಎಸ್ಎಫ್ಎ) ಆಶ್ರಯದ ರಾಜ್ಯ ಮಹಿಳಾ ಸೂಪರ್ ಡಿವಿಷನ್ ಲೀಗ್ ಪಂದ್ಯದಲ್ಲಿ ಜಯಭೇರಿ ಮೊಳಗಿಸಿದೆ.</p>.<p>ಅಶೋಕನಗರದಲ್ಲಿರುವ ಬೆಂಗಳೂರು ಫುಟ್ಬಾಲ್ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಪರಿಕ್ರಮ 4–1 ಗೋಲುಗಳಿಂದ ಮಿಸಾಕ ಯುನೈಟೆಡ್ ಎಫ್ಸಿ ತಂಡವನ್ನು ಮಣಿಸಿತು.</p>.<p>ಮಿಸಾಕ ತಂಡ ಏಳನೇ ನಿಮಿಷದಲ್ಲಿ ಖಾತೆ ತೆರೆಯಿತು. ತಾರಿಣಿ ಗೋಲು ಗಳಿಸಿ ಸಂಭ್ರಮಿಸಿದರು. 17ನೇ ನಿಮಿಷದಲ್ಲಿ ಮಿಸಾಕ ತಂಡದ ಕ್ಯಾರೋಲಿನ್ ತಮ್ಮದೇ ಗೋಲು ಪೆಟ್ಟಿಗೆಯೊಳಗೆ ಚೆಂಡನ್ನು ಬಾರಿಸಿದರು. ಹೀಗಾಗಿ ಪರಿಕ್ರಮ ತಂಡದ ಖಾತೆಗೆ ‘ಉಡುಗೊರೆ’ ಗೋಲು ದಾಖಲಾಯಿತು.</p>.<p>ನಂತರ ಈ ತಂಡದ ಆಟಗಾರ್ತಿಯರು ಪ್ರಾಬಲ್ಯ ಮೆರೆದರು. 43ನೇ ನಿಮಿಷದಲ್ಲಿ ರಕ್ಷಾ ಗೋಲು ಹೊಡೆದು 2–1 ಮುನ್ನಡೆಗೆ ಕಾರಣರಾದರು. ಬಳಿಕ ಸ್ಫೂರ್ತಿ (71ನೇ ನಿಮಿಷ) ಮತ್ತು ಭುವನೇಶ್ವರಿ (84ನೇ ನಿ.) ಚೆಂಡನ್ನು ಗುರಿ ತಲುಪಿಸಿ ಪರಿಕ್ರಮ ತಂಡದ ಸಂಭ್ರಮಕ್ಕೆ ಕಾರಣರಾದರು.</p>.<p>ದಿನದ ಇನ್ನೊಂದು ಪಂದ್ಯದಲ್ಲಿ ಬಿಯುಎಫ್ಸಿ 1–0 ಗೋಲಿನಿಂದ ಮಂಗಳೂರು ಯುನೈಟೆಡ್ ಎಫ್ಸಿ (ಎಂ.ಯು.ಎಫ್ಸಿ) ತಂಡವನ್ನು ಸೋಲಿಸಿತು. ಬಿಯುಎಫ್ಸಿ ತಂಡದ ಪರೋಮಿತಾ 53ನೇ ನಿಮಿಷದಲ್ಲಿ ಗೋಲು ದಾಖಲಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
