ನಿರಾಶ್ರಿತರ ತಂಡಕ್ಕೆ ಪದಕ ಖಚಿತ
ವಿಲಿಪಿಂಟ್, ಫ್ರಾನ್ಸ್: ನಿರಾಶ್ರಿತರ ತಂಡವನ್ನು ಪ್ರತಿನಿಧಿಸಿರುವ ಕ್ಯಾಮರೂನ್ ಮೂಲದ ಸಿಂದೈ ಎನ್‌ಗಾಂಬಾ ಭಾನುವಾರ ಮಹಿಳೆಯರ ಬಾಕ್ಸಿಂಗ್‌ನಲ್ಲಿ ಪದಕ ಜಯವನ್ನು ಖಚಿತಪಡಿಸಿಕೊಂಡರು. ಇದರಿಂದಾಗಿ ನಿರಾಶ್ರಿತರ ತಂಡಕ್ಕೆ ಲಭಿಸಲಿರುವ ಮೊದಲ ಪದಕ ಇದಾಗಿದೆ. ಭಾನುವಾರ ನಡೆದ ಮಿಡಲ್‌ವೇಟ್ ವಿಭಾಗದ ಕ್ವಾರ್ಟರ್‌ಫೈನಲ್‌ನಲ್ಲಿ ಸಿಂದೈ ಅವರು ಆತಿಥೇಯ ದೇಶದ ದವಿನಾ ಮೈಕೆಲ್ ವಿರುದ್ಧ ಜಯಿಸಿದರು. ಇದರೊಂದಿಗೆ ಸೆಮಿಫೈನಲ್ ಪ್ರವೇಶಿಸಿ ಕಂಚಿನ ಪದಕ ಖಚಿತಪಡಿಸಿಕೊಂಡರು.
