<p><strong>ಬೆಂಗಳೂರು: </strong>ಅಪೂರ್ವ ಆಟ ಆಡಿದ ಕರ್ನಾಟಕದ ಬಿ.ಆರ್.ನಿಕ್ಷೇಪ್, ಮಧ್ಯಪ್ರದೇಶದ ಭೋಪಾಲ್ನಲ್ಲಿ ಆಯೋಜನೆಯಾಗಿದ್ದ ಎಐಟಿಎ 50ಕೆ ಟೆನಿಸ್ ಟೂರ್ನಿಯಲ್ಲಿ ಪ್ರಶಸ್ತಿ ಜಯಿಸಿದ್ದಾರೆ.</p>.<p>ಆರ್.ಜಿ.ಪಿ.ಎಂ. ಕಾಲೇಜಿನ ಅಂಗಳದಲ್ಲಿ ಶುಕ್ರವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಫೈನಲ್ನಲ್ಲಿ ನಿಕ್ಷೇಪ್ 6–1, 1–6, 6–3ರಲ್ಲಿ ತೆಲಂಗಾಣದ ತಾಹ ಕಪಾಡಿಯ ಅವರನ್ನು ಸೋಲಿಸಿದರು.</p>.<p>ಹಿಂದಿನ ಪಂದ್ಯಗಳಲ್ಲಿ ಬಲಿಷ್ಠ ಆಟಗಾರರನ್ನು ಮಣಿಸಿ ವಿಶ್ವಾಸ ಹೆಚ್ಚಿಸಿಕೊಂಡಿದ್ದ ನಿಕ್ಷೇಪ್ ಮೊದಲ ಸೆಟ್ನಲ್ಲಿ ಮೋಡಿ ಮಾಡಿದರು.</p>.<p>ಬೆಂಗಳೂರಿನ ಸುರಾನ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿರುವ ನಿಕ್ಷೇಪ್, ಶರವೇಗದ ಸರ್ವ್ ಮತ್ತು ಆಕರ್ಷಕ ಫೋರ್ಹ್ಯಾಂಡ್ ಹೊಡೆತಗಳ ಮೂಲಕ ಎದುರಾಳಿಯನ್ನು ತಬ್ಬಿಬ್ಬುಗೊಳಿಸಿದರು.</p>.<p>ಆರಂಭಿಕ ನಿರಾಸೆಯಿಂದ ಕಪಾಡಿಯ ಎದೆಗುಂದಲಿಲ್ಲ. ಎರಡನೇ ಸೆಟ್ನಲ್ಲಿ ಮಿಂಚಿನ ಆಟ ಆಡಿದ ತೆಲಂಗಾಣದ ಆಟಗಾರ, ನಿಕ್ಷೇಪ್ಗೆ ತಿರುಗೇಟು ನೀಡಿದರು. ಹೀಗಾಗಿ 1–1 ಸಮಬಲ ಕಂಡುಬಂತು.</p>.<p>ನಿರ್ಣಾಯಕ ಎನಿಸಿದ್ದ ಮೂರನೇ ಸೆಟ್ನ ಶುರುವಿನಲ್ಲಿ ಉಭಯ ಆಟಗಾರರು ಸಮಬಲದ ಪೈಪೋಟಿ ನಡೆಸಿದರು. ನಂತರ ನಿಕ್ಷೇಪ್ ಆಟ ರಂಗೇರಿತು. ಅಮೋಘ ಬ್ಯಾಕ್ಹ್ಯಾಂಡ್ ಹೊಡೆತಗಳನ್ನು ಬಾರಿಸಿದ ಅವರು ಏಸ್ಗಳನ್ನೂ ಸಿಡಿಸಿ ಸುಲಭವಾಗಿ ಗೇಮ್ ಜಯಿಸಿದರು. ಈ ಮೂಲಕ ಎದುರಾಳಿಯ ಪ್ರಶಸ್ತಿ ಕನಸನ್ನು ಭಗ್ನಗೊಳಿಸಿದರು.</p>.<p><strong>ಡಬಲ್ಸ್ನಲ್ಲಿ ನಿರಾಸೆ:</strong> ಡಬಲ್ಸ್ ವಿಭಾಗದಲ್ಲಿ ಆಂಧ್ರಪ್ರದೇಶದ ಅಪರೂಪ್ ರೆಡ್ಡಿ ಜೊತೆಗೂಡಿ ಆಡಿದ ನಿಕ್ಷೇಪ್, ರನ್ನರ್ಸ್ ಅಪ್ ಆದರು.</p>.<p>ಫೈನಲ್ನಲ್ಲಿ ನಿಕ್ಷೇಪ್ ಮತ್ತು ಅಪರೂಪ್ 3–6, 3–6 ನೇರ ಸೆಟ್ಗಳಿಂದ ತಾಹ ಕಪಾಡಿಯ ಮತ್ತು ಪರೀಕ್ಷಿತ್ ಸೋಮಾನಿ ಎದುರು ಶರಣಾದರು.</p>.<p>ನಿಕ್ಷೇಪ್ ಮತ್ತು ಅಪರೂಪ್ ಎರಡು ಸೆಟ್ಗಳಲ್ಲೂ ಪರಿಣಾಮಕಾರಿ ಸಾಮರ್ಥ್ಯ ತೋರಲು ವಿಫಲರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಅಪೂರ್ವ ಆಟ ಆಡಿದ ಕರ್ನಾಟಕದ ಬಿ.ಆರ್.ನಿಕ್ಷೇಪ್, ಮಧ್ಯಪ್ರದೇಶದ ಭೋಪಾಲ್ನಲ್ಲಿ ಆಯೋಜನೆಯಾಗಿದ್ದ ಎಐಟಿಎ 50ಕೆ ಟೆನಿಸ್ ಟೂರ್ನಿಯಲ್ಲಿ ಪ್ರಶಸ್ತಿ ಜಯಿಸಿದ್ದಾರೆ.</p>.<p>ಆರ್.ಜಿ.ಪಿ.ಎಂ. ಕಾಲೇಜಿನ ಅಂಗಳದಲ್ಲಿ ಶುಕ್ರವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಫೈನಲ್ನಲ್ಲಿ ನಿಕ್ಷೇಪ್ 6–1, 1–6, 6–3ರಲ್ಲಿ ತೆಲಂಗಾಣದ ತಾಹ ಕಪಾಡಿಯ ಅವರನ್ನು ಸೋಲಿಸಿದರು.</p>.<p>ಹಿಂದಿನ ಪಂದ್ಯಗಳಲ್ಲಿ ಬಲಿಷ್ಠ ಆಟಗಾರರನ್ನು ಮಣಿಸಿ ವಿಶ್ವಾಸ ಹೆಚ್ಚಿಸಿಕೊಂಡಿದ್ದ ನಿಕ್ಷೇಪ್ ಮೊದಲ ಸೆಟ್ನಲ್ಲಿ ಮೋಡಿ ಮಾಡಿದರು.</p>.<p>ಬೆಂಗಳೂರಿನ ಸುರಾನ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿರುವ ನಿಕ್ಷೇಪ್, ಶರವೇಗದ ಸರ್ವ್ ಮತ್ತು ಆಕರ್ಷಕ ಫೋರ್ಹ್ಯಾಂಡ್ ಹೊಡೆತಗಳ ಮೂಲಕ ಎದುರಾಳಿಯನ್ನು ತಬ್ಬಿಬ್ಬುಗೊಳಿಸಿದರು.</p>.<p>ಆರಂಭಿಕ ನಿರಾಸೆಯಿಂದ ಕಪಾಡಿಯ ಎದೆಗುಂದಲಿಲ್ಲ. ಎರಡನೇ ಸೆಟ್ನಲ್ಲಿ ಮಿಂಚಿನ ಆಟ ಆಡಿದ ತೆಲಂಗಾಣದ ಆಟಗಾರ, ನಿಕ್ಷೇಪ್ಗೆ ತಿರುಗೇಟು ನೀಡಿದರು. ಹೀಗಾಗಿ 1–1 ಸಮಬಲ ಕಂಡುಬಂತು.</p>.<p>ನಿರ್ಣಾಯಕ ಎನಿಸಿದ್ದ ಮೂರನೇ ಸೆಟ್ನ ಶುರುವಿನಲ್ಲಿ ಉಭಯ ಆಟಗಾರರು ಸಮಬಲದ ಪೈಪೋಟಿ ನಡೆಸಿದರು. ನಂತರ ನಿಕ್ಷೇಪ್ ಆಟ ರಂಗೇರಿತು. ಅಮೋಘ ಬ್ಯಾಕ್ಹ್ಯಾಂಡ್ ಹೊಡೆತಗಳನ್ನು ಬಾರಿಸಿದ ಅವರು ಏಸ್ಗಳನ್ನೂ ಸಿಡಿಸಿ ಸುಲಭವಾಗಿ ಗೇಮ್ ಜಯಿಸಿದರು. ಈ ಮೂಲಕ ಎದುರಾಳಿಯ ಪ್ರಶಸ್ತಿ ಕನಸನ್ನು ಭಗ್ನಗೊಳಿಸಿದರು.</p>.<p><strong>ಡಬಲ್ಸ್ನಲ್ಲಿ ನಿರಾಸೆ:</strong> ಡಬಲ್ಸ್ ವಿಭಾಗದಲ್ಲಿ ಆಂಧ್ರಪ್ರದೇಶದ ಅಪರೂಪ್ ರೆಡ್ಡಿ ಜೊತೆಗೂಡಿ ಆಡಿದ ನಿಕ್ಷೇಪ್, ರನ್ನರ್ಸ್ ಅಪ್ ಆದರು.</p>.<p>ಫೈನಲ್ನಲ್ಲಿ ನಿಕ್ಷೇಪ್ ಮತ್ತು ಅಪರೂಪ್ 3–6, 3–6 ನೇರ ಸೆಟ್ಗಳಿಂದ ತಾಹ ಕಪಾಡಿಯ ಮತ್ತು ಪರೀಕ್ಷಿತ್ ಸೋಮಾನಿ ಎದುರು ಶರಣಾದರು.</p>.<p>ನಿಕ್ಷೇಪ್ ಮತ್ತು ಅಪರೂಪ್ ಎರಡು ಸೆಟ್ಗಳಲ್ಲೂ ಪರಿಣಾಮಕಾರಿ ಸಾಮರ್ಥ್ಯ ತೋರಲು ವಿಫಲರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
