<ul><li><p>ಭಾರತದಲ್ಲಿ ನಡೆದ ಆರನೇ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿ (2016) ಬಳಿಕ ಹಲವು ವರ್ಷ ಈ ಟೂರ್ನಿ ನಡೆಯಲಿಲ್ಲ. ಐದು ವರ್ಷಗಳ ನಂತರ ನಡೆದ (2021) ಟೂರ್ನಿಯಲ್ಲಿ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡವು ಮೊದಲ ಬಾರಿ ವಿಶ್ವಕಪ್ ಗೆದ್ದುಕೊಂಡಿತು. </p></li><li><p>ಐದು ವರ್ಷ ಟಿ20 ವಿಶ್ವಕಪ್ ನಡೆಯದೆ ಇರಲು ಹಲವು ಕಾರಣಗಳೂ ಇದ್ದವು. 2017 ರಲ್ಲಿ ಐಸಿಸಿ ಚಾಂಪಿಯನ್ಸ್ ಟ್ರೋಫಿ (ಮಿನಿ ವಿಶ್ವಕಪ್) ಹಾಗೂ 2019 ರಲ್ಲಿ ಏಕದಿನ ವಿಶ್ವಕಪ್ ನಡೆಯಿತು. 2020ರಲ್ಲಿ ಕೋವಿಡ್–19 ಕಾರಣಕ್ಕೆ ಟೂರ್ನಿ ಸಾಧ್ಯವಾಗಲಿಲ್ಲ.</p></li><li><p>2020ರ ಟಿ20 ವಿಶ್ವಕಪ್ ಆಸ್ಟ್ರೇಲಿಯಾದಲ್ಲಿ ಅಕ್ಟೋಬರ್ನಲ್ಲಿ ನಡೆಯಬೇಕಿತ್ತು. ಆದರೆ ಕೋವಿಡ್ ಕಾರಣಕ್ಕೆ ಮುಂದೂಡಲಾಯಿತು. ನಂತರ ಭಾರತ ಆತಿಥ್ಯ ವಹಿಸಿಕೊಂಡರೂ ನಡೆಸಲು ಸಾಧ್ಯವಾಗಲಿಲ್ಲ. ತಟಸ್ಥ ತಾಣವಾದ ಯುಎಇಯಲ್ಲಿ ನಡೆಸಲು ಬಿಸಿಸಿಐ ಸಮ್ಮತಿಸಿತು.</p></li><li><p>ನವೆಂಬರ್ 14 ರಂದು ದುಬೈ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಫೈನಲ್ನಲ್ಲಿ ಮಿಚೆಲ್ ಮಾರ್ಷ್ (ಅಜೇಯ 77) ಮತ್ತು ಡೇವಿಡ್ ವಾರ್ನರ್ (53) ಅವರ ಅಬ್ಬರದ ಅರ್ಧಶತಕಗಳ ಬಲದಿಂದ ಆಸ್ಟ್ರೇಲಿಯಾ 8 ವಿಕೆಟ್ಗಳಿಂದ ನ್ಯೂಜಿಲೆಂಡ್ ಎದುರು ಜಯಿಸಿತು. </p></li><li><p>ವಿಶ್ವಕಪ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡವಾಗಿ ಕಣಕ್ಕಿಳಿದಿದ್ದ ಭಾರತ ತಂಡಕ್ಕೆ ನಾಲ್ಕರ ಘಟ್ಟ ಪ್ರವೇಶಿಸಲು ವಿಫಲವಾಯಿತು.</p></li><li><p>ಭಾರತ ತಂಡವು ವಿಶ್ವಕಪ್ ಇತಿಹಾಸದಲ್ಲಿಯೇ ಮೊದಲ ಬಾರಿ ತನ್ನ ಬದ್ಧ ಎದುರಾಳಿ ಪಾಕಿಸ್ತಾನದ ಎದುರು ಸೋಲು ಅನುಭವಿಸಿತು. ಇದುವರೆಗೆ ವಿಶ್ವಕಪ್ (ಏಕದಿನ ಮತ್ತು ಟಿ20) ಟೂರ್ನಿಗಳಲ್ಲಿ ಭಾರತವು ಪಾಕಿಸ್ತಾನದ ಎದುರು ಸೋತಿರಲಿಲ್ಲ. </p></li><li><p>ವಿರಾಟ್ ಕೊಹ್ಲಿ ನೇತೃತ್ವದ ಭಾರತ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 157 ರನ್ ಗಳಿಸಿತು. ಆದರೆ, ಈ ಮೊತ್ತವನ್ನು ರಕ್ಷಿಸಿಕೊಳ್ಳುವಲ್ಲಿ ಭಾರತದ ಬೌಲರ್ಗಳು ವಿಫಲರಾದರು. ಪಾಕ್ ಆರಂಭಿಕ ಜೋಡಿ ಬಾಬರ್ ಆಜಂ (ಔಟಾಗದೇ 68) ಮತ್ತು ಮೊಹಮ್ಮದ್ ರಿಜ್ವಾನ್ (ಔಟಾಗದೆ 79) ಅವರು 17.5 ಓವರ್ಗಳಲ್ಲಿ ತಮ್ಮ ತಂಡವನ್ನು ಗೆಲುವಿನ ದಡ ಸೇರಿಸಿದರು. </p></li></ul>.<p><strong>ಪ್ರಮುಖ ಅಂಶಗಳು</strong></p><p>ಏಳನೇ ವಿಶ್ವಕಪ್: 2021 (ಅಕ್ಟೋಬರ್ 17 ರಿಂದ ನವೆಂಬರ್ 14)</p><p>ಆತಿಥ್ಯ: ಭಾರತ </p><p>ಪಂದ್ಯ ನಡೆದ ಸ್ಥಳ: ಒಮನ್/ಯುನೈಟೆಡ್ ಅರಬ್ ಎಮಿರೇಟ್ಸ್ </p><p>ರನ್ನರ್ಸ್ ಅಪ್: ನ್ಯೂಜಿಲೆಂಡ್</p><p>ಸ್ಪರ್ಧಿಸಿದ ತಂಡಗಳು: 16</p><p>ಪಂದ್ಯಗಳು: 45</p><p>ಸರಣಿ ಶ್ರೇಷ್ಠ: ಡೇವಿಡ್ ವಾರ್ನರ್ (289 ರನ್)</p><p>ಶ್ರೇಷ್ಠ ಬ್ಯಾಟರ್: ಬಾಬರ್ ಅಜಂ (ಪಾಕಿಸ್ತಾನ, 303 ರನ್)</p><p>ಶ್ರೇಷ್ಠ ಬೌಲರ್: ವನಿಂದು ಹಸರಂಗ (ಶ್ರೀಲಂಕಾ, 16 ವಿಕೆಟ್)</p><ul><li><p>ನ್ಯೂಜಿಲೆಂಡ್ ಮೊದಲ ಬಾರಿ ಪ್ರಶಸ್ತಿ ಸುತ್ತಿಗೆ ಲಗ್ಗೆ ಇಟ್ಟಿತ್ತು. ಆಗ ಟೆಸ್ಟ್ ವಿಶ್ವ ಚಾಂಪಿಯನ್ ಆಗಿದ್ದ ನ್ಯೂಜಿಲೆಂಡ್ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡವಾಗಿತ್ತು. </p></li><li><p>ಐಸಿಸಿ ಪ್ರಕಾರ ಯುನೈಟೆಡ್ ಅರಬ್ ಎಮಿರೇಟ್ಸ್ನಲ್ಲಿ ನಡೆದ ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಪಂದ್ಯಗಳನ್ನು ಟಿವಿ ಮತ್ತು ಡಿಜಿಟಿಲ್ ವಾಹಿನಿಗಳಲ್ಲಿ 16.7 ಕೋಟಿ ಜನರು ವೀಕ್ಷಿಸಿದ್ದರು. 200 ದೇಶಗಳಲ್ಲಿ ಟೂರ್ನಿಯನ್ನು 10 ಸಾವಿರ ಗಂಟೆಗಳಷ್ಟು ಅವಧಿಯಲ್ಲಿ ವೀಕ್ಷಿಸಿದ್ದರು. </p></li><li><p>ಟೂರ್ನಿಯಲ್ಲಿ ನಡೆದ ಭಾರತ ಮತ್ತು ಪಾಕಿಸ್ತಾನ ನಡುವಣ ಪಂದ್ಯವನ್ನು ಅತಿ ಹೆಚ್ಚು ಜನರು ನೋಡಿದ್ದರು. ಅಲ್ಲದೇ 15.9 ಬಿಲಿಯನ್ ನಿಮಿಷಗಳಷ್ಟು ಕಾಲ ವೀಕ್ಷಣೆಯಾಗಿದೆ ಎಂದು ಸ್ಟಾರ್ ಇಂಡಿಯಾ ನೆಟ್ವರ್ಕ್ ತಿಳಿಸಿತು.</p></li></ul>.<p><strong>ಆಧಾರ: ಕ್ರೀಡಾ ವೆಬ್ಸೈಟ್ಗಳು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<ul><li><p>ಭಾರತದಲ್ಲಿ ನಡೆದ ಆರನೇ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿ (2016) ಬಳಿಕ ಹಲವು ವರ್ಷ ಈ ಟೂರ್ನಿ ನಡೆಯಲಿಲ್ಲ. ಐದು ವರ್ಷಗಳ ನಂತರ ನಡೆದ (2021) ಟೂರ್ನಿಯಲ್ಲಿ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡವು ಮೊದಲ ಬಾರಿ ವಿಶ್ವಕಪ್ ಗೆದ್ದುಕೊಂಡಿತು. </p></li><li><p>ಐದು ವರ್ಷ ಟಿ20 ವಿಶ್ವಕಪ್ ನಡೆಯದೆ ಇರಲು ಹಲವು ಕಾರಣಗಳೂ ಇದ್ದವು. 2017 ರಲ್ಲಿ ಐಸಿಸಿ ಚಾಂಪಿಯನ್ಸ್ ಟ್ರೋಫಿ (ಮಿನಿ ವಿಶ್ವಕಪ್) ಹಾಗೂ 2019 ರಲ್ಲಿ ಏಕದಿನ ವಿಶ್ವಕಪ್ ನಡೆಯಿತು. 2020ರಲ್ಲಿ ಕೋವಿಡ್–19 ಕಾರಣಕ್ಕೆ ಟೂರ್ನಿ ಸಾಧ್ಯವಾಗಲಿಲ್ಲ.</p></li><li><p>2020ರ ಟಿ20 ವಿಶ್ವಕಪ್ ಆಸ್ಟ್ರೇಲಿಯಾದಲ್ಲಿ ಅಕ್ಟೋಬರ್ನಲ್ಲಿ ನಡೆಯಬೇಕಿತ್ತು. ಆದರೆ ಕೋವಿಡ್ ಕಾರಣಕ್ಕೆ ಮುಂದೂಡಲಾಯಿತು. ನಂತರ ಭಾರತ ಆತಿಥ್ಯ ವಹಿಸಿಕೊಂಡರೂ ನಡೆಸಲು ಸಾಧ್ಯವಾಗಲಿಲ್ಲ. ತಟಸ್ಥ ತಾಣವಾದ ಯುಎಇಯಲ್ಲಿ ನಡೆಸಲು ಬಿಸಿಸಿಐ ಸಮ್ಮತಿಸಿತು.</p></li><li><p>ನವೆಂಬರ್ 14 ರಂದು ದುಬೈ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಫೈನಲ್ನಲ್ಲಿ ಮಿಚೆಲ್ ಮಾರ್ಷ್ (ಅಜೇಯ 77) ಮತ್ತು ಡೇವಿಡ್ ವಾರ್ನರ್ (53) ಅವರ ಅಬ್ಬರದ ಅರ್ಧಶತಕಗಳ ಬಲದಿಂದ ಆಸ್ಟ್ರೇಲಿಯಾ 8 ವಿಕೆಟ್ಗಳಿಂದ ನ್ಯೂಜಿಲೆಂಡ್ ಎದುರು ಜಯಿಸಿತು. </p></li><li><p>ವಿಶ್ವಕಪ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡವಾಗಿ ಕಣಕ್ಕಿಳಿದಿದ್ದ ಭಾರತ ತಂಡಕ್ಕೆ ನಾಲ್ಕರ ಘಟ್ಟ ಪ್ರವೇಶಿಸಲು ವಿಫಲವಾಯಿತು.</p></li><li><p>ಭಾರತ ತಂಡವು ವಿಶ್ವಕಪ್ ಇತಿಹಾಸದಲ್ಲಿಯೇ ಮೊದಲ ಬಾರಿ ತನ್ನ ಬದ್ಧ ಎದುರಾಳಿ ಪಾಕಿಸ್ತಾನದ ಎದುರು ಸೋಲು ಅನುಭವಿಸಿತು. ಇದುವರೆಗೆ ವಿಶ್ವಕಪ್ (ಏಕದಿನ ಮತ್ತು ಟಿ20) ಟೂರ್ನಿಗಳಲ್ಲಿ ಭಾರತವು ಪಾಕಿಸ್ತಾನದ ಎದುರು ಸೋತಿರಲಿಲ್ಲ. </p></li><li><p>ವಿರಾಟ್ ಕೊಹ್ಲಿ ನೇತೃತ್ವದ ಭಾರತ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 157 ರನ್ ಗಳಿಸಿತು. ಆದರೆ, ಈ ಮೊತ್ತವನ್ನು ರಕ್ಷಿಸಿಕೊಳ್ಳುವಲ್ಲಿ ಭಾರತದ ಬೌಲರ್ಗಳು ವಿಫಲರಾದರು. ಪಾಕ್ ಆರಂಭಿಕ ಜೋಡಿ ಬಾಬರ್ ಆಜಂ (ಔಟಾಗದೇ 68) ಮತ್ತು ಮೊಹಮ್ಮದ್ ರಿಜ್ವಾನ್ (ಔಟಾಗದೆ 79) ಅವರು 17.5 ಓವರ್ಗಳಲ್ಲಿ ತಮ್ಮ ತಂಡವನ್ನು ಗೆಲುವಿನ ದಡ ಸೇರಿಸಿದರು. </p></li></ul>.<p><strong>ಪ್ರಮುಖ ಅಂಶಗಳು</strong></p><p>ಏಳನೇ ವಿಶ್ವಕಪ್: 2021 (ಅಕ್ಟೋಬರ್ 17 ರಿಂದ ನವೆಂಬರ್ 14)</p><p>ಆತಿಥ್ಯ: ಭಾರತ </p><p>ಪಂದ್ಯ ನಡೆದ ಸ್ಥಳ: ಒಮನ್/ಯುನೈಟೆಡ್ ಅರಬ್ ಎಮಿರೇಟ್ಸ್ </p><p>ರನ್ನರ್ಸ್ ಅಪ್: ನ್ಯೂಜಿಲೆಂಡ್</p><p>ಸ್ಪರ್ಧಿಸಿದ ತಂಡಗಳು: 16</p><p>ಪಂದ್ಯಗಳು: 45</p><p>ಸರಣಿ ಶ್ರೇಷ್ಠ: ಡೇವಿಡ್ ವಾರ್ನರ್ (289 ರನ್)</p><p>ಶ್ರೇಷ್ಠ ಬ್ಯಾಟರ್: ಬಾಬರ್ ಅಜಂ (ಪಾಕಿಸ್ತಾನ, 303 ರನ್)</p><p>ಶ್ರೇಷ್ಠ ಬೌಲರ್: ವನಿಂದು ಹಸರಂಗ (ಶ್ರೀಲಂಕಾ, 16 ವಿಕೆಟ್)</p><ul><li><p>ನ್ಯೂಜಿಲೆಂಡ್ ಮೊದಲ ಬಾರಿ ಪ್ರಶಸ್ತಿ ಸುತ್ತಿಗೆ ಲಗ್ಗೆ ಇಟ್ಟಿತ್ತು. ಆಗ ಟೆಸ್ಟ್ ವಿಶ್ವ ಚಾಂಪಿಯನ್ ಆಗಿದ್ದ ನ್ಯೂಜಿಲೆಂಡ್ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡವಾಗಿತ್ತು. </p></li><li><p>ಐಸಿಸಿ ಪ್ರಕಾರ ಯುನೈಟೆಡ್ ಅರಬ್ ಎಮಿರೇಟ್ಸ್ನಲ್ಲಿ ನಡೆದ ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಪಂದ್ಯಗಳನ್ನು ಟಿವಿ ಮತ್ತು ಡಿಜಿಟಿಲ್ ವಾಹಿನಿಗಳಲ್ಲಿ 16.7 ಕೋಟಿ ಜನರು ವೀಕ್ಷಿಸಿದ್ದರು. 200 ದೇಶಗಳಲ್ಲಿ ಟೂರ್ನಿಯನ್ನು 10 ಸಾವಿರ ಗಂಟೆಗಳಷ್ಟು ಅವಧಿಯಲ್ಲಿ ವೀಕ್ಷಿಸಿದ್ದರು. </p></li><li><p>ಟೂರ್ನಿಯಲ್ಲಿ ನಡೆದ ಭಾರತ ಮತ್ತು ಪಾಕಿಸ್ತಾನ ನಡುವಣ ಪಂದ್ಯವನ್ನು ಅತಿ ಹೆಚ್ಚು ಜನರು ನೋಡಿದ್ದರು. ಅಲ್ಲದೇ 15.9 ಬಿಲಿಯನ್ ನಿಮಿಷಗಳಷ್ಟು ಕಾಲ ವೀಕ್ಷಣೆಯಾಗಿದೆ ಎಂದು ಸ್ಟಾರ್ ಇಂಡಿಯಾ ನೆಟ್ವರ್ಕ್ ತಿಳಿಸಿತು.</p></li></ul>.<p><strong>ಆಧಾರ: ಕ್ರೀಡಾ ವೆಬ್ಸೈಟ್ಗಳು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>