<p><strong>ಗುಂಟೂರು (ಆಂಧ್ರಪ್ರದೇಶ): </strong>ನಗರದ ಆಸ್ಪತ್ರೆಯಲ್ಲಿ 74 ವರ್ಷದ ಮಹಿಳೆ ಅವಳಿಹೆಣ್ಣು ಮಕ್ಕಳಿಗೆ ಗುರುವಾರಜನ್ಮ ನೀಡುವಮೂಲಕ ಮಗು ಹೆತ್ತ ವಿಶ್ವದ ಅತ್ಯಂತ ಹಿರಿಯ ಮಹಿಳೆ ಎಂಬ ಶ್ರೇಯಕ್ಕೆ ಪಾತ್ರರಾದರು.</p>.<p>ಬಂಜೆತನ ನಿವಾರಣಾ ಚಿಕಿತ್ಸೆ (ಐವಿಎಫ್)ಮೂಲಕ ಗರ್ಭ ಧರಿಸಿದ್ದ ಮಂಗಯ್ಯಮ್ಮ ಅವರಿಗೆ ಗುಂಟೂರು ನಗರದ ಅಹಲ್ಯಾ ನರ್ಸಿಂಗ್ ಹೋಂನ ನಾಲ್ವರು ತಜ್ಞ ವೈದ್ಯರು ಸಿಜೇರಿಯನ್ ವಿಧಾನದ ಮೂಲಕ ಹೆರಿಗೆ ಮಾಡಿಸಿದ್ದಾರೆ.</p>.<p>ತಾಯಿ-ಮಕ್ಕಳು ಆರೋಗ್ಯವಾಗಿದ್ದಾರೆ ಎಂದು <a href="https://www.ndtv.com/andhra-pradesh-news/at-74-andhra-woman-becomes-the-oldest-ever-to-give-birth-2096142" target="_blank"><strong>ಎನ್ಡಿಟಿವಿ </strong></a>ವರದಿ ಮಾಡಿದೆ. ‘ಇದಂತೂ ವೈದ್ಯಲೋಕದ ಅದ್ಭುತವೇ ಸರಿ. ವಿಶ್ವದಲ್ಲಿ ಮಗು ಹೆತ್ತ ಅತ್ಯಂತ ಹಿರಿಯ ಮಹಿಳೆ ಮಂಗಯ್ಯಮ್ಮ’ಎಂದು ಹೆರಿಗೆ ಮಾಡಿಸಿದ ವೈದ್ಯರ ತಂಡದ ನಾಯಕತ್ವ ವಹಿಸಿದ್ದ ಡಾ.ಉಮಾಶಂಕರ್ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ್ದಾರೆ.</p>.<p>ಪೂರ್ವ ಗೋದಾವರಿ ಜಿಲ್ಲೆಯ ನೆಲಪರ್ತಿಪಾಡು ಗ್ರಾಮದ ಮಂಗಯ್ಯಮ್ಮ ಅವರ ಮದುವೆಯಾಗಿ 54 ವರ್ಷಗಳೇ ಆಗಿತ್ತು. ಮಕ್ಕಳಿಗಾಗಿ ಪರಿತಪಿಸುತ್ತಿದ್ದ ಅವರು ಪತಿ ವೈ.ರಾಜಾರಾವ್ ಅವರೊಡನೆ ಕಳೆದ ವರ್ಷ ಕೃತಕ ಗರ್ಭಧಾರಣೆ ತಜ್ಞರನ್ನು ಸಂಪರ್ಕಿಸಿದ್ದರು.</p>.<p>ಮಕ್ಕಳಿಗಾಗಿ ಕಾತರಿಸುತ್ತಿದ್ದ ದಂಪತಿಯ ವಿನಂತಿ ಒಪ್ಪಿಕೊಂಡಿದ್ದ ವೈದ್ಯರು ಕೃತಕ ಗರ್ಭಧಾರಣೆ ವಿಧಾನದಿಂದ ಅವರ ಕನಸು ಸಾಕಾರಗೊಳಿಸಲು ಸಮ್ಮತಿಸಿದ್ದರು.</p>.<p>‘ದೇವರು ನನ್ನ ಪ್ರಾರ್ಥನೆಯನ್ನು ಈಡೇರಿಸಿದ್ದಾನೆ. ನನಗೆ ಬಹಳ ಖುಷಿಯಾಗುತ್ತಿದೆ’ಎಂದು ಮಂಗಯ್ಯಮ್ಮ ಮಾಧ್ಯಮ ಪ್ರತಿನಿಧಿಗಳಿಗೆ ಪ್ರತಿಕ್ರಿಯಿಸಿದರು.</p>.<p><strong>ಕೌರ್ ಹೆಸರಲ್ಲಿತ್ತು ದಾಖಲೆ:</strong> ಹರಿಯಾಣದ ದಲ್ಜಿಂದರ್ ಕೌರ್ 2016ರಲ್ಲಿ ತಮ್ಮ 70ರ ವಯಸ್ಸಿನಲ್ಲಿ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಮಗುವಿಗೆ ಜನ್ಮ ನೀಡಿದ ವಿಶ್ವದ ಅತಿಹಿರಿಯ ಮಹಿಳೆ ಎಂದೇ ಈವರೆಗೆ ಕೌರ್ ಅವರನ್ನು ಗುರುತಿಸಲಾಗುತ್ತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗುಂಟೂರು (ಆಂಧ್ರಪ್ರದೇಶ): </strong>ನಗರದ ಆಸ್ಪತ್ರೆಯಲ್ಲಿ 74 ವರ್ಷದ ಮಹಿಳೆ ಅವಳಿಹೆಣ್ಣು ಮಕ್ಕಳಿಗೆ ಗುರುವಾರಜನ್ಮ ನೀಡುವಮೂಲಕ ಮಗು ಹೆತ್ತ ವಿಶ್ವದ ಅತ್ಯಂತ ಹಿರಿಯ ಮಹಿಳೆ ಎಂಬ ಶ್ರೇಯಕ್ಕೆ ಪಾತ್ರರಾದರು.</p>.<p>ಬಂಜೆತನ ನಿವಾರಣಾ ಚಿಕಿತ್ಸೆ (ಐವಿಎಫ್)ಮೂಲಕ ಗರ್ಭ ಧರಿಸಿದ್ದ ಮಂಗಯ್ಯಮ್ಮ ಅವರಿಗೆ ಗುಂಟೂರು ನಗರದ ಅಹಲ್ಯಾ ನರ್ಸಿಂಗ್ ಹೋಂನ ನಾಲ್ವರು ತಜ್ಞ ವೈದ್ಯರು ಸಿಜೇರಿಯನ್ ವಿಧಾನದ ಮೂಲಕ ಹೆರಿಗೆ ಮಾಡಿಸಿದ್ದಾರೆ.</p>.<p>ತಾಯಿ-ಮಕ್ಕಳು ಆರೋಗ್ಯವಾಗಿದ್ದಾರೆ ಎಂದು <a href="https://www.ndtv.com/andhra-pradesh-news/at-74-andhra-woman-becomes-the-oldest-ever-to-give-birth-2096142" target="_blank"><strong>ಎನ್ಡಿಟಿವಿ </strong></a>ವರದಿ ಮಾಡಿದೆ. ‘ಇದಂತೂ ವೈದ್ಯಲೋಕದ ಅದ್ಭುತವೇ ಸರಿ. ವಿಶ್ವದಲ್ಲಿ ಮಗು ಹೆತ್ತ ಅತ್ಯಂತ ಹಿರಿಯ ಮಹಿಳೆ ಮಂಗಯ್ಯಮ್ಮ’ಎಂದು ಹೆರಿಗೆ ಮಾಡಿಸಿದ ವೈದ್ಯರ ತಂಡದ ನಾಯಕತ್ವ ವಹಿಸಿದ್ದ ಡಾ.ಉಮಾಶಂಕರ್ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ್ದಾರೆ.</p>.<p>ಪೂರ್ವ ಗೋದಾವರಿ ಜಿಲ್ಲೆಯ ನೆಲಪರ್ತಿಪಾಡು ಗ್ರಾಮದ ಮಂಗಯ್ಯಮ್ಮ ಅವರ ಮದುವೆಯಾಗಿ 54 ವರ್ಷಗಳೇ ಆಗಿತ್ತು. ಮಕ್ಕಳಿಗಾಗಿ ಪರಿತಪಿಸುತ್ತಿದ್ದ ಅವರು ಪತಿ ವೈ.ರಾಜಾರಾವ್ ಅವರೊಡನೆ ಕಳೆದ ವರ್ಷ ಕೃತಕ ಗರ್ಭಧಾರಣೆ ತಜ್ಞರನ್ನು ಸಂಪರ್ಕಿಸಿದ್ದರು.</p>.<p>ಮಕ್ಕಳಿಗಾಗಿ ಕಾತರಿಸುತ್ತಿದ್ದ ದಂಪತಿಯ ವಿನಂತಿ ಒಪ್ಪಿಕೊಂಡಿದ್ದ ವೈದ್ಯರು ಕೃತಕ ಗರ್ಭಧಾರಣೆ ವಿಧಾನದಿಂದ ಅವರ ಕನಸು ಸಾಕಾರಗೊಳಿಸಲು ಸಮ್ಮತಿಸಿದ್ದರು.</p>.<p>‘ದೇವರು ನನ್ನ ಪ್ರಾರ್ಥನೆಯನ್ನು ಈಡೇರಿಸಿದ್ದಾನೆ. ನನಗೆ ಬಹಳ ಖುಷಿಯಾಗುತ್ತಿದೆ’ಎಂದು ಮಂಗಯ್ಯಮ್ಮ ಮಾಧ್ಯಮ ಪ್ರತಿನಿಧಿಗಳಿಗೆ ಪ್ರತಿಕ್ರಿಯಿಸಿದರು.</p>.<p><strong>ಕೌರ್ ಹೆಸರಲ್ಲಿತ್ತು ದಾಖಲೆ:</strong> ಹರಿಯಾಣದ ದಲ್ಜಿಂದರ್ ಕೌರ್ 2016ರಲ್ಲಿ ತಮ್ಮ 70ರ ವಯಸ್ಸಿನಲ್ಲಿ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಮಗುವಿಗೆ ಜನ್ಮ ನೀಡಿದ ವಿಶ್ವದ ಅತಿಹಿರಿಯ ಮಹಿಳೆ ಎಂದೇ ಈವರೆಗೆ ಕೌರ್ ಅವರನ್ನು ಗುರುತಿಸಲಾಗುತ್ತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
