<p><strong>ನವದೆಹಲಿ:</strong> ಆಂಗ್ಲಭಾಷೆಯ ಖ್ಯಾತ ಕಾದಂಬರಿಕಾರ ಅಮಿತಾವ್ ಘೋಷ್ ಅವರು ಈ ಸಾಲಿನ ಜ್ಞಾನಪೀಠ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಸಾಹಿತ್ಯಕ್ಷೇತ್ರಕ್ಕೆ ಅವರು ನೀಡಿದ ಜೀವಮಾನದ ಸಾಧನೆಯನ್ನು ಪರಿಗಣಿಸಿ ಈ ಪ್ರಶಸ್ತಿಗೆ ಆಯ್ಕೆಮಾಡಲಾಗಿದೆ ಎಂದು ಆಯ್ಕೆಸಮಿತಿ ತಿಳಿಸಿದೆ.</p>.<p>‘ಅಮಿತಾವ್ ಘೋಷ್ ಯುಗಪ್ರವರ್ತಕ ಕಾದಂಬರಿಕಾರ. ಅವರ ಕಾದಂಬರಿಗಳಲ್ಲಿ ಐತಿಹಾಸಿಕ ಸನ್ನಿವೇಶಗಳನ್ನು ಆಧುನಿಕ ಕಾಲಘಟ್ಟಕ್ಕೆ ಹೋಲಿಸಿ ಸನ್ನಿವೇಶಗಳನ್ನು ಸೃಷ್ಟಿಸುತ್ತಿದ್ದರು’ ಎಂದು ಪ್ರಶಸ್ತಿ ಆಯ್ಕೆ ಸಮಿತಿ ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ಖ್ಯಾತ ಸಾಹಿತಿ ಹಾಗೂ ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತೆ ಪ್ರತಿಭಾ ರೇ ನೇತೃತ್ವದಲ್ಲಿ ಆಯ್ಕೆ ಸಮಿತಿ ಶುಕ್ರವಾರ ನಡೆಸಿದ ಸಭೆ ಬಳಿಕ ಈ ನಿರ್ಧಾರ ಪ್ರಕಟಿಸಿದೆ.</p>.<p>ಘೋಷ್ ಅವರು,‘ಶ್ಯಾಡೋ ಲೈನ್ಸ್’, ‘ದಿ ಗ್ಲಾಸ್ ಪ್ಯಾಲೇಸ್’,‘ದಿ ಹಂಗ್ರಿ ಟೈಡ್’, ‘ಸೀ ಆಫ್ ಪೊಪ್ಪೀಸ್’,‘ರಿವರ್ಸ್ ಆಫ್ ಸ್ಮೋಕ್’,‘ಪ್ಲಡ್ ಆಫ್ ಫೈರ್’ ಮುಂತಾದ ಕಾದಂಬರಿಗಳನ್ನು ರಚಿಸಿದ್ದಾರೆ. ‘ಡಿ ಗ್ರೇಟ್ ಡಾಕ್ಯುಮೆಂಟ್’, ‘ಇನ್ ಆ್ಯನ್ ಆಂಟಿಕ್ ಲ್ಯಾಂಡ್’ ಹೆಸರಿನಲ್ಲಿ ಕೃತಿಗಳನ್ನು ರಚಿಸಿದ್ದಾರೆ.</p>.<p>‘ಇಂದು ನನಗೆ ಅದ್ಭುತ ದಿನ. ಈ ಪಟ್ಟಿಯಲ್ಲಿ ನನ್ನ ಹೆಸರು ಸೇರ್ಪಡೆಗೊಳ್ಳಬಹುದು ಎಂದು ಊಹಿಸಿರಲಿಲ್ಲ. ಈ ಗೌರವಕ್ಕೆ ನಾನು ವಿನೀತನಾಗಿದ್ದೇನೆ’ ಎಂದು ಟ್ವಿಟರ್ ಮೂಲಕ ಸಂತಸ ವ್ಯಕ್ತಪಡಿಸಿದ್ದಾರೆ.</p>.<p>1956ರಲ್ಲಿ ಕೋಲ್ಕತ್ತದ ಬೆಂಗಾಳಿ ಹಿಂದೂ ಕುಟುಂಬದಲ್ಲಿ ಜನಿಸಿದ ಘೋಷ್ ಅವರು, ಸದ್ಯ ನ್ಯೂಯಾರ್ಕ್ನಲ್ಲಿ ಪತ್ನಿ ದೇಬೊರಾ ಬಕೆರ್ ಜೊತೆ ನೆಲೆಸಿದ್ದಾರೆ. ದೆಹಲಿ,ಆಕ್ಸ್ಫರ್ಡ್, ಅಲೆಕ್ಸಾಂಡ್ರಿಯಾದಲ್ಲಿ ಶಿಕ್ಷಣ ಪಡೆದಿರುವ ಘೋಷ್, ಬಾಂಗ್ಲಾದೇಶ, ಶ್ರೀಲಂಕಾದಲ್ಲೂ ಕೆಲಕಾಲ ನೆಲೆಸಿದ್ದರು.</p>.<p>‘ದಿ ಗ್ರೇಟ್ ಡಿರೆಂಜ್ಮೆಂಟ್; ಕ್ಲೈಮೆಟ್ ಚೇಂಜ್ ಆ್ಯಂಡ್ ಅನ್ಥಿಂಕೆಬಲ್, ಎ ವರ್ಕ್ ಆಫ್ ನಾನ್ ಫಿಕ್ಷನ್’ ಕೃತಿಯೂ 2016ರಲ್ಲಿ ಬಿಡುಗಡೆಗೊಂಡಿತ್ತು.</p>.<p>ಘೋಷ್ ಅವರಿಗೆ ಪದ್ಮಶ್ರೀ ಹಾಗೂ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಕೂಡ ಸಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಆಂಗ್ಲಭಾಷೆಯ ಖ್ಯಾತ ಕಾದಂಬರಿಕಾರ ಅಮಿತಾವ್ ಘೋಷ್ ಅವರು ಈ ಸಾಲಿನ ಜ್ಞಾನಪೀಠ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಸಾಹಿತ್ಯಕ್ಷೇತ್ರಕ್ಕೆ ಅವರು ನೀಡಿದ ಜೀವಮಾನದ ಸಾಧನೆಯನ್ನು ಪರಿಗಣಿಸಿ ಈ ಪ್ರಶಸ್ತಿಗೆ ಆಯ್ಕೆಮಾಡಲಾಗಿದೆ ಎಂದು ಆಯ್ಕೆಸಮಿತಿ ತಿಳಿಸಿದೆ.</p>.<p>‘ಅಮಿತಾವ್ ಘೋಷ್ ಯುಗಪ್ರವರ್ತಕ ಕಾದಂಬರಿಕಾರ. ಅವರ ಕಾದಂಬರಿಗಳಲ್ಲಿ ಐತಿಹಾಸಿಕ ಸನ್ನಿವೇಶಗಳನ್ನು ಆಧುನಿಕ ಕಾಲಘಟ್ಟಕ್ಕೆ ಹೋಲಿಸಿ ಸನ್ನಿವೇಶಗಳನ್ನು ಸೃಷ್ಟಿಸುತ್ತಿದ್ದರು’ ಎಂದು ಪ್ರಶಸ್ತಿ ಆಯ್ಕೆ ಸಮಿತಿ ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ಖ್ಯಾತ ಸಾಹಿತಿ ಹಾಗೂ ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತೆ ಪ್ರತಿಭಾ ರೇ ನೇತೃತ್ವದಲ್ಲಿ ಆಯ್ಕೆ ಸಮಿತಿ ಶುಕ್ರವಾರ ನಡೆಸಿದ ಸಭೆ ಬಳಿಕ ಈ ನಿರ್ಧಾರ ಪ್ರಕಟಿಸಿದೆ.</p>.<p>ಘೋಷ್ ಅವರು,‘ಶ್ಯಾಡೋ ಲೈನ್ಸ್’, ‘ದಿ ಗ್ಲಾಸ್ ಪ್ಯಾಲೇಸ್’,‘ದಿ ಹಂಗ್ರಿ ಟೈಡ್’, ‘ಸೀ ಆಫ್ ಪೊಪ್ಪೀಸ್’,‘ರಿವರ್ಸ್ ಆಫ್ ಸ್ಮೋಕ್’,‘ಪ್ಲಡ್ ಆಫ್ ಫೈರ್’ ಮುಂತಾದ ಕಾದಂಬರಿಗಳನ್ನು ರಚಿಸಿದ್ದಾರೆ. ‘ಡಿ ಗ್ರೇಟ್ ಡಾಕ್ಯುಮೆಂಟ್’, ‘ಇನ್ ಆ್ಯನ್ ಆಂಟಿಕ್ ಲ್ಯಾಂಡ್’ ಹೆಸರಿನಲ್ಲಿ ಕೃತಿಗಳನ್ನು ರಚಿಸಿದ್ದಾರೆ.</p>.<p>‘ಇಂದು ನನಗೆ ಅದ್ಭುತ ದಿನ. ಈ ಪಟ್ಟಿಯಲ್ಲಿ ನನ್ನ ಹೆಸರು ಸೇರ್ಪಡೆಗೊಳ್ಳಬಹುದು ಎಂದು ಊಹಿಸಿರಲಿಲ್ಲ. ಈ ಗೌರವಕ್ಕೆ ನಾನು ವಿನೀತನಾಗಿದ್ದೇನೆ’ ಎಂದು ಟ್ವಿಟರ್ ಮೂಲಕ ಸಂತಸ ವ್ಯಕ್ತಪಡಿಸಿದ್ದಾರೆ.</p>.<p>1956ರಲ್ಲಿ ಕೋಲ್ಕತ್ತದ ಬೆಂಗಾಳಿ ಹಿಂದೂ ಕುಟುಂಬದಲ್ಲಿ ಜನಿಸಿದ ಘೋಷ್ ಅವರು, ಸದ್ಯ ನ್ಯೂಯಾರ್ಕ್ನಲ್ಲಿ ಪತ್ನಿ ದೇಬೊರಾ ಬಕೆರ್ ಜೊತೆ ನೆಲೆಸಿದ್ದಾರೆ. ದೆಹಲಿ,ಆಕ್ಸ್ಫರ್ಡ್, ಅಲೆಕ್ಸಾಂಡ್ರಿಯಾದಲ್ಲಿ ಶಿಕ್ಷಣ ಪಡೆದಿರುವ ಘೋಷ್, ಬಾಂಗ್ಲಾದೇಶ, ಶ್ರೀಲಂಕಾದಲ್ಲೂ ಕೆಲಕಾಲ ನೆಲೆಸಿದ್ದರು.</p>.<p>‘ದಿ ಗ್ರೇಟ್ ಡಿರೆಂಜ್ಮೆಂಟ್; ಕ್ಲೈಮೆಟ್ ಚೇಂಜ್ ಆ್ಯಂಡ್ ಅನ್ಥಿಂಕೆಬಲ್, ಎ ವರ್ಕ್ ಆಫ್ ನಾನ್ ಫಿಕ್ಷನ್’ ಕೃತಿಯೂ 2016ರಲ್ಲಿ ಬಿಡುಗಡೆಗೊಂಡಿತ್ತು.</p>.<p>ಘೋಷ್ ಅವರಿಗೆ ಪದ್ಮಶ್ರೀ ಹಾಗೂ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಕೂಡ ಸಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
