ನವದೆಹಲಿ: ಶೀಘ್ರವೇ ಸಾಮಾಜಿಕ ಮಾಧ್ಯಮ ‘ಎಕ್ಸ್’ ಬಳಕೆದಾರರು ಬೇರೆ ಯಾವ ಬಳಕೆದಾರರಿಗೂ ಕಾಣದಂತೆ ಲೈಕ್ ಒತ್ತುವ ಫೀಚರ್ ಪಡೆಯಲಿದ್ದಾರೆ.
ಬಳಕೆದಾರರ ಖಾಸಗಿತನದ ರಕ್ಷಣೆಯ ದೃಷ್ಟಿಯಿಂದ ಎಲ್ಲ ಬಳಕೆದಾರರಿಗೆ ಲೈಕ್‌ಗಳನ್ನು ‘ಪ್ರೈವೇಟ್’ ಆಗಿಸಲು ಕಾರ್ಯಪ್ರವೃತ್ತರಾಗಿದ್ದೇವೆ ಎಂದು ಎಲಾನ್ ಮಸ್ಕ್ ಒಡೆತನದ ‘ಎಕ್ಸ್’ ಹೇಳಿದೆ.
‘ಯಾವುದೇ ಖಾತೆಯ ಪೋಸ್ಟ್ ಅನ್ನು ಲೈಕ್ ಮಾಡಿದಾಗ ನೀವು ಅದನ್ನು ನೋಡಬಹುದು. ಆದರೆ, ಇತರೆ ಬಳಕೆದಾರರು ಅದನ್ನು ನೋಡಲು ಸಾಧ್ಯವಿಲ್ಲ’ ಎಂದು ಎಕ್ಸ್‌ನ ಎಂಜಿನಿಯರಿಂಗ್ ತಂಡ ಹೇಳಿದೆ.
ಬಳಕೆದಾರರು ತಮ್ಮ ಪೋಸ್ಟ್ ಅನ್ನು ಯಾರೆಲ್ಲ ಲೈಕ್ ಮಾಡಿದ್ದಾರೆ ಎಂಬುದನ್ನು ನೋಡಬಹುದಾಗಿದೆ.
ಲೈಕ್‌ಗಳ ಸಂಖ್ಯೆ ಮತ್ತು ಇತರೆ ಅಂಕಿಅಂಶಗಳು ನೋಟಿಫಿಕೇಶನ್ ಕೇಳಗೆ ಈಗಲೂ ಕಾಣಸಿಗಲಿವೆ.
ಲೈಕ್ ಮಾಡಿದ್ದಕ್ಕಾಗಿ ಬೇರೆ ಯಾರಿಂದಲೊ ದಾಳಿಗೆ ಒಳಗಾಗುವುದನ್ನು ತಡೆಯುವ ನಿಟ್ಟಿನಲ್ಲಿ ಬಳಕೆದಾರರಿಗೆ ಈ ಅವಕಾಶ ಕಲ್ಪಿಸುವುದು ಅತ್ಯಂತ ಮುಖ್ಯವಾಗಿತ್ತು ಎಂದು ಮಸ್ಕ್ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.
