ಕೃಷಿ ಮೇಳದಲ್ಲಿ ಕಂದು ಕೋಳಿ ಮೊಟ್ಟೆಗೆ ಭಾರಿ ಡಿಮ್ಯಾಂಡು

ಬೆಂಗಳೂರು: ಕಂದು ಕೋಳಿಯ ಕಂದು ಮೊಟ್ಟೆಗೆ ಭಾರೀ ಡಿಮ್ಯಾಂಡ್. ಇದು ನಾಟಿ ಕೋಳಿ. ತಳಿಯ ಹೆಸರು ಬಿವಿ–380. ಡಜನ್ ಮೊಟ್ಟೆಗೆ ನೂರು ರೂಪಾಯಿ.

. ‘ಹೌದು ಕಂದು ಬಣ್ಣದ ಸಾವಯವ ಮೊಟ್ಟೆ ಬೇಡಿಕೆ ಪಡೆಯುತ್ತಿದೆ. ರಾಸಾಯನಿಕ ಮುಕ್ತ, ಸಹಜವಾಗಿ ಬೆಳೆಸಲಾದ ಕೋಳಿಗಳ ಮೊಟ್ಟೆಯಿದು’ ಎಂದರು ಅಭಿಲಾಷ್ ಹ್ಯಾಚರೀಸ್ ಕಂಪನಿಯ ಪ್ರತಿನಿಧಿಗಳು.

. ಕೇರಳದ ಎರ್ನಾಕುಲಂ ಜಿಲ್ಲೆಯ ಎಡಕುನ್ನು ಎಂಬ ಊರಿನಿಂದ ಈ ಕೋಳಿ–ಮೊಟ್ಟೆಗಳು ವಿವಿಧೆಡೆಗೆ ಪೂರೈಕೆ ಯಾಗುತ್ತಿವೆ. ಅಪೌಷ್ಟಿಕತೆಯಿಂದ ಬಳಲುತ್ತಿರುವ ಮಕ್ಕಳು, ತಾಯಂದಿರಿಗೆ, ರೋಗಿಗಳಿಗೆ ಈ ಮೊಟ್ಟೆ ಕೊಡಲಾಗುತ್ತದೆ. ‘ಆಸ್ಪತ್ರೆ ಆಸುಪಾಸಿನ ಅಂಗಡಿಗಳಿಂದ ಹಿಡಿದು ರಸ್ತೆಬದಿ ಆಮ್ಲೆಟ್ ತಯಾರಕರವರೆಗೂ ಈ ಮೊಟ್ಟೆಗೆ ಬೇಡಿಕೆ ಇದೆ. ಈ ತಳಿಯ ಕೋಳಿ ವರ್ಷಕ್ಕೆ ಸರಾಸರಿ 300 ಮೊಟ್ಟೆ ಇಡುತ್ತದೆ. ಸಾಕಲು ಬಯಸುವ ರೈತರಿಗೆ ಕಂಪನಿಯೇ ಕೋಳಿಮರಿ ಹಾಗೂ ಆಹಾರವನ್ನು ಪೂರೈಸುತ್ತದೆ. ರೈತರಿಗೆ ಇದರಲ್ಲಿ ಉದ್ಯಮ ಅವಕಾಶವೂ ಇದೆ’ ಎಂದರು ಈ ಕಂಪನಿಯವರು.

. ಇಷ್ಟು ಮಾತ್ರವಲ್ಲ. ಮೇಳದಲ್ಲಿ ಮುದ್ದಾದ ಬಿಳಿ ಮೊಲಗಳು, ಮಾಂಸಕ್ಕಾಗಿ ಸಾಕುವ ಮೊಲಗಳು, ಆಲಂಕಾರಿಕ ಮೀನುಗಳು, ದೇಸಿ ಹಸುಗಳು ಗಮನ ಸೆಳೆದವು.

. ಕಪ್ಪುವರ್ಣದ ‘ಖಡಕ್ನಾಥ’

. ಕಪ್ಪುವರ್ಣದ ‘ಖಡಕ್ನಾಥ’ನ ಬಗ್ಗೆ ಕುಕ್ಕುಟಪ್ರಿಯರಿಗೆ ಬಹಳ ಪ್ರೀತಿ. ಮಳಿಗೆಗಳ ಸಾಲಿನಲ್ಲಿ ಜನರು ಹುಡುಕಿಕೊಂಡು ಬಂದು ಈ ಕೋಳಿಯ ದರ್ಶನ ಪಡೆಯುತ್ತಿದ್ದರು.

. ಮಧ್ಯಪ್ರದೇಶ ಹಾಗೂ ಛತ್ತೀಸ್ಗಡ ರಾಜ್ಯಗಳ ಬುಡಕಟ್ಟು ಜನರು ಉಳಿಸಿಕೊಂಡು ಬಂದ ಕೋಳಿಯ ತಳಿ ಇದು. ಇದರ ರಕ್ತ ಕರಿವರ್ಣದ್ದು. ಮೂಳೆ ಹಾಗೂ ಮಾಂಸವೂ ಕಪ್ಪು. ಅವಸಾನದ ಅಂಚನ್ನು ತಲುಪಿದ್ದ ಈ ಕೋಳಿ ತಳಿಯನ್ನು ಮತ್ತೆ ಅಭಿವೃದ್ಧಿಪಡಿಸಲಾಗಿದೆ. ಐದಾರು ವರ್ಷಗಳಿಂದ ಈ ಕೋಳಿಯನ್ನು ರಾಜ್ಯದಲ್ಲೂ ರೈತರು ಸಾಕುತ್ತಿದ್ದಾರೆ.

. ‘ಈ ಕೋಳಿಯ ರಕ್ತ ಹಾಗೂ ಮಾಂಸದಲ್ಲಿ ಕಬ್ಬಿಣದ ಅಂಶ ಜಾಸ್ತಿ. ಹಾಗಾಗಿ ಇದರ ಬಣ್ಣ ಕಪ್ಪಗಿರುತ್ತದೆ. ಕೆಲವು ಬಗೆಯ ಕಾಯಿಲೆಗೂ ಇದನ್ನು ಔಷಧವಾಗಿ ಬಳಸುತ್ತಾರೆ’ ಎಂದು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಮುಖ್ಯ ಪಶುವೈದ್ಯಾಧಿಕಾರಿ ಅನಿಲ್ ಕುಮಾರ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಈ ಕೋಳಿಯ ಮಾಂಸದಲ್ಲಿ ಶೇ 26ರಷ್ಟು ಪ್ರೋಟೀನ್ ಅಂಶವಿದೆ. ಕೊಬ್ಬಿನಾಂಶ ತುಂಬಾ ಕಡಿಮೆ. ಈ ಕೋಳಿಯ ಮಾಂಸ ಲೈಂಗಿಕ ಶಕ್ತಿವರ್ಧನೆಗೆ ಸಹಕಾರಿ ಎಂಬ ನಂಬಿಕೆ ಜನರಲ್ಲಿದೆ. ಹಾಗಾಗಿ ಇದರ ಮಾಂಸವನ್ನು ಹೆಚ್ಚು ಇಷ್ಟಪಡುತ್ತಾರೆ’ ಎಂದು ಇದನ್ನು ಪ್ರದರ್ಶನಕ್ಕಿಟ್ಟಿದ್ದ ಹಾಸನದ ಅಬ್ದುಲ್ಲಾ ತಿಳಿಸಿದರು.

. ‘ಬಲಿತ ಕೋಳಿ 1 ಕೆ.ಜಿವರೆಗೂ ತೂಗುತ್ತದೆ. ಇದಕ್ಕೆ ₹ 2 ಸಾವಿರದವರೆಗೂ ಬೆಲೆ ಇದೆ’ ಎಂದು ಅವರು ಹೇಳಿದರು.

. ಇಲ್ಲಿದೆ ‘ಕೌಡಂಗ್ ಕೇಕ್’!

. ‘ನೋಡಿ ಇದು ಕೌಡಂಗ್ ಕೇಕ್. ಶುದ್ಧ ನಾಟಿ ಹಸುಗಳ ಗೋಮಯದಿಂದ ತಯಾರಿಸಿದ್ದು. ಇದನ್ನು ಸುಡುವುದರಿಂದ ಬರುವ ಹೊಗೆ ಆರೋಗ್ಯಕ್ಕೆ ಒಳ್ಳೆಯದು’.

. ಬೆರಣಿಯ ಹಿರಿಮೆಯನ್ನು ಹಿರಿಯೂರಿನ ಗೋ ರಾಘವೇಂದ್ರ ಅವರು ಜನರಿಗೆ ವಿವರಿಸುತ್ತಿದ್ದ ಪರಿ ಇದು. ಬೆರಣಿಯನ್ನೂ ಪೊಟ್ಟಣದಲ್ಲಿ ಮಾರಾಟ ಮಾಡುತ್ತಿದ್ದುದನ್ನು ಕಂಡು ಜನ ಬೆರಗಾದರು.

. ಗೋಮೂತ್ರ ಹಾಗೂ ಗೋಮಯದಿಂದ ತಯಾರಿಸಿದ ವಿವಿಧ ಉತ್ಪನ್ನಗಳನ್ನು ಅವರು ಪ್ರದರ್ಶನಕ್ಕಿಟ್ಟಿದ್ದರು. ಒಂದು ಬೆರಣಿಗೆ ₹ 8ರಂತೆ ಮಾರಾಟ ಮಾಡಿದರು. ಐದು ದೊಡ್ಡ ಗಾತ್ರದ ಬೆರಣಿಗಳಿದ್ದ ಪೊಟ್ಟಣಕ್ಕೆ ₹ 40 ಹಾಗೂ ಸಣ್ಣಗಾತ್ರದ ಬೆರಣಿಯ ಪೊಟ್ಟಣಕ್ಕೆ ₹ 30 ಬೆಲೆ ನಿಗದಿಪಡಿಸಿದ್ದರು.

. ಬೆರಣಿಗೆ ಲವಂಗ, ಉಪ್ಪು ಸೇರಿಸಿ ಸುಟ್ಟು ಅದರ ಮಸಿಯಿಂದ ತಯಾರಿಸಿದ ಹಲ್ಲುಜ್ಜುವ ಪುಡಿಯೂ ಇವರ ಬಳಿ ಲಭ್ಯ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೃಷಿ ಮೇಳದಲ್ಲಿ ಕಂದು ಕೋಳಿ ಮೊಟ್ಟೆಗೆ ಭಾರಿ ಡಿಮ್ಯಾಂಡು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಮುನಿರತ್ನ ವಿರುದ್ಧದ ಕೇಸ್: ಹನಿಟ್ರ್ಯಾಪ್‌ಗೆ ಒಳಸಂಚು ಆರೋಪ;ಇನ್‌ಸ್ಪೆಕ್ಟರ್‌ ಸೆರೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಮುನಿರತ್ನ ವಿರುದ್ಧದ ಕೇಸ್: ಹನಿಟ್ರ್ಯಾಪ್‌ಗೆ ಒಳಸಂಚು ಆರೋಪ;ಇನ್‌ಸ್ಪೆಕ್ಟರ್‌ ಸೆರೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌