<p><strong>ಕಣ್ಣು ಕಟ್ಟಿನ ಆಟ</strong><br /> <br /> ಒಂದೊಂದು ಅಕ್ಷರ ನಾಪತ್ತೆಯಾದ ಪದಗಳನ್ನೂ<br /> ಸರಿಯಾಗಿಯೇ ಓದಿಬಿಡುತ್ತೇವೆ<br /> ಅಕ್ಷರಗಳನ್ನೇ ತಿರುವು ಮುರುವಿಟ್ಟು<br /> ಪದ ಹುಡುಕಲು ತಿಣುಕುತ್ತೇವೆ<br /> ಎಡದಿಂದ ಬಲಕ್ಕೆ ಮೇಲಿಂದ ಕೆಳಕ್ಕೆ<br /> ಇಲ್ಲದ ಪದಗಳ ಜೋಡಿಸುತ್ತೇವೆ</p>.<p>ಒಂದೊಂದು ಗುಣ ನಾಪತ್ತೆಯಾದ ಮನುಷ್ಯರನ್ನೂ<br /> ಸರಿಯಾಗಿಯೇ ತಿಳಿದುಬಿಡುತ್ತೇವೆ<br /> ಒಬ್ಬರೊಳಗೆ ಇನ್ನೊಬ್ಬರನ್ನು ಕಂಡು<br /> ಎದೆ ನೇವರಿಸಿಕೊಳ್ಳುತ್ತೇವೆ<br /> ಹಾಗೂ ಹೀಗೂ ಸೋತೋ ಗೀತೋ<br /> ಬೇಡದ ಸಂಬಂಧವ ಪೋಣಿಸುತ್ತೇವೆ</p>.<p>ವ್ಯಾಕರಣ ಮೀರಿಯೂ ಬಾಳಲು ಸಾಧ್ಯವಿದೆ<br /> ಎಂದು ವ್ಯಾಕರಣಕ್ಕೆ ಗೊತ್ತಿಲ್ಲ<br /> ಜೀವನದ ಸ್ಫೂರ್ತಿಯಿರುವುದೇ ಇಲ್ಲಿ<br /> ಬೊಗಸೆಯನ್ನು ಒಡ್ಡದೆಯೂ ಭಿಕ್ಷೆ ಬೇಡುತ್ತ<br /> ಅದನ್ನೇ ಜಗತ್ತು ಎಂದು ಭಾವಿಸಿಕೊಂಡು<br /> ಖಾಲಿ ಬಿಟ್ಟ ಸ್ಥಳಗಳನ್ನು ತುಂಬಿಕೊಂಡು<br /> ಹೊಂದಿಸಿ ಬರೆದು ಬರೆದು ಹೊಂದಿಸಿ ಜೀವಿಸಿಕೊಂಡು <br /> **<br /> ಈಗೀಗ ಸ್ವಲ್ಪ ತ್ರಾಸು<br /> ತಪ್ಪು ಉತ್ತರಕ್ಕೊಂದು ಸರಿಯುತ್ತರ ಬಲಿ ಕೊಡುವ ಕಾಲ ಬಂದು<br /> ಕೆಣಕಿದ್ದು ತಿಣುಕಿದ್ದು ಓದಿದ್ದು ಮರೆತಿದ್ದು ಎಲ್ಲವೂ ಕಲೆಸಿ<br /> ಮೊನ್ನೆ ನನ್ನ ಹೆಸರನ್ನೇ ನಾನು ತಪ್ಪಾಗಿ ಉಚ್ಚರಿಸಿದಾಗಲೂ<br /> ಎಲ್ಲರೂ ಚಪ್ಪಾಳೆ ತಟ್ಟಿದರು</p>.<p>ಯಾರು ಯಾರನ್ನು ಸರಿಯಾಗಿ ತಿಳಿದರೋ ತಿಳಿಯಲಿಲ್ಲವೋ<br /> ನಾಪತ್ತೆಯಾದ ನನ್ನ ಹೆಸರಿನ ಹಿಂದೆ<br /> ಚಪ್ಪಾಳೆಗಳ ದಂಡು ಹೊರಟಾಗ</p>.<p>ವ್ಯಾಕರಣ ನಡುಗುತ್ತ ನನ್ನ ಕೈ ಹಿಡಿಯಿತು<br /> ನಾನು ಯಾರು ಎಂದು ಹೇಳು ಎಂದೆ<br /> ಅದು ನಾಲ್ಕು ಸಂಭಾವ್ಯ ಉತ್ತರಗಳಿವೆ ಎಂದಿತು</p>.<p>ಎಲ್ಲವೂ ಸರಿಯೆನಿಸುತ್ತವೆ<br /> ಯಾವುದೂ ಇರಲಾರದು ಎಂದೂ ಅನಿಸುತ್ತದೆ<br /> ಹೆಸರನ್ನೂ ಅನುಮಾನಿಸಿಕೊಂಡು ಬಾಳುವ ಈ ಹೊತ್ತು ಹೇಗೆ ಬಂತು?</p>.<p>ಯಾರದೋ ಖಾಲಿ ಬಿಟ್ಟ ಜಾಗದಲ್ಲಿ<br /> ಯಾರಿಗೋ ಹೊಂದಿಸಿಕೊಂಡು<br /> ಯಾರದೋ ಬೇಡದ ಉತ್ತರವಾಗಿ</p>.<p>ಆದರೂ ಯಾರೋ ಸರಿಯಾಗಿ ಓದುತ್ತಿದ್ದಾರೆ<br /> ಎಂಬ ಒಂದೇ ನಂಬಿಕೆಯಲ್ಲಿ<br /> ಕಣ್ಣು ಕಟ್ಟಿಸಿಕೊಂಡು<br /> ಕಟ್ಟಿದವರನ್ನೇ ಹುಡುಕಿಕೊಂಡು </p>.<p><br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಣ್ಣು ಕಟ್ಟಿನ ಆಟ</strong><br /> <br /> ಒಂದೊಂದು ಅಕ್ಷರ ನಾಪತ್ತೆಯಾದ ಪದಗಳನ್ನೂ<br /> ಸರಿಯಾಗಿಯೇ ಓದಿಬಿಡುತ್ತೇವೆ<br /> ಅಕ್ಷರಗಳನ್ನೇ ತಿರುವು ಮುರುವಿಟ್ಟು<br /> ಪದ ಹುಡುಕಲು ತಿಣುಕುತ್ತೇವೆ<br /> ಎಡದಿಂದ ಬಲಕ್ಕೆ ಮೇಲಿಂದ ಕೆಳಕ್ಕೆ<br /> ಇಲ್ಲದ ಪದಗಳ ಜೋಡಿಸುತ್ತೇವೆ</p>.<p>ಒಂದೊಂದು ಗುಣ ನಾಪತ್ತೆಯಾದ ಮನುಷ್ಯರನ್ನೂ<br /> ಸರಿಯಾಗಿಯೇ ತಿಳಿದುಬಿಡುತ್ತೇವೆ<br /> ಒಬ್ಬರೊಳಗೆ ಇನ್ನೊಬ್ಬರನ್ನು ಕಂಡು<br /> ಎದೆ ನೇವರಿಸಿಕೊಳ್ಳುತ್ತೇವೆ<br /> ಹಾಗೂ ಹೀಗೂ ಸೋತೋ ಗೀತೋ<br /> ಬೇಡದ ಸಂಬಂಧವ ಪೋಣಿಸುತ್ತೇವೆ</p>.<p>ವ್ಯಾಕರಣ ಮೀರಿಯೂ ಬಾಳಲು ಸಾಧ್ಯವಿದೆ<br /> ಎಂದು ವ್ಯಾಕರಣಕ್ಕೆ ಗೊತ್ತಿಲ್ಲ<br /> ಜೀವನದ ಸ್ಫೂರ್ತಿಯಿರುವುದೇ ಇಲ್ಲಿ<br /> ಬೊಗಸೆಯನ್ನು ಒಡ್ಡದೆಯೂ ಭಿಕ್ಷೆ ಬೇಡುತ್ತ<br /> ಅದನ್ನೇ ಜಗತ್ತು ಎಂದು ಭಾವಿಸಿಕೊಂಡು<br /> ಖಾಲಿ ಬಿಟ್ಟ ಸ್ಥಳಗಳನ್ನು ತುಂಬಿಕೊಂಡು<br /> ಹೊಂದಿಸಿ ಬರೆದು ಬರೆದು ಹೊಂದಿಸಿ ಜೀವಿಸಿಕೊಂಡು <br /> **<br /> ಈಗೀಗ ಸ್ವಲ್ಪ ತ್ರಾಸು<br /> ತಪ್ಪು ಉತ್ತರಕ್ಕೊಂದು ಸರಿಯುತ್ತರ ಬಲಿ ಕೊಡುವ ಕಾಲ ಬಂದು<br /> ಕೆಣಕಿದ್ದು ತಿಣುಕಿದ್ದು ಓದಿದ್ದು ಮರೆತಿದ್ದು ಎಲ್ಲವೂ ಕಲೆಸಿ<br /> ಮೊನ್ನೆ ನನ್ನ ಹೆಸರನ್ನೇ ನಾನು ತಪ್ಪಾಗಿ ಉಚ್ಚರಿಸಿದಾಗಲೂ<br /> ಎಲ್ಲರೂ ಚಪ್ಪಾಳೆ ತಟ್ಟಿದರು</p>.<p>ಯಾರು ಯಾರನ್ನು ಸರಿಯಾಗಿ ತಿಳಿದರೋ ತಿಳಿಯಲಿಲ್ಲವೋ<br /> ನಾಪತ್ತೆಯಾದ ನನ್ನ ಹೆಸರಿನ ಹಿಂದೆ<br /> ಚಪ್ಪಾಳೆಗಳ ದಂಡು ಹೊರಟಾಗ</p>.<p>ವ್ಯಾಕರಣ ನಡುಗುತ್ತ ನನ್ನ ಕೈ ಹಿಡಿಯಿತು<br /> ನಾನು ಯಾರು ಎಂದು ಹೇಳು ಎಂದೆ<br /> ಅದು ನಾಲ್ಕು ಸಂಭಾವ್ಯ ಉತ್ತರಗಳಿವೆ ಎಂದಿತು</p>.<p>ಎಲ್ಲವೂ ಸರಿಯೆನಿಸುತ್ತವೆ<br /> ಯಾವುದೂ ಇರಲಾರದು ಎಂದೂ ಅನಿಸುತ್ತದೆ<br /> ಹೆಸರನ್ನೂ ಅನುಮಾನಿಸಿಕೊಂಡು ಬಾಳುವ ಈ ಹೊತ್ತು ಹೇಗೆ ಬಂತು?</p>.<p>ಯಾರದೋ ಖಾಲಿ ಬಿಟ್ಟ ಜಾಗದಲ್ಲಿ<br /> ಯಾರಿಗೋ ಹೊಂದಿಸಿಕೊಂಡು<br /> ಯಾರದೋ ಬೇಡದ ಉತ್ತರವಾಗಿ</p>.<p>ಆದರೂ ಯಾರೋ ಸರಿಯಾಗಿ ಓದುತ್ತಿದ್ದಾರೆ<br /> ಎಂಬ ಒಂದೇ ನಂಬಿಕೆಯಲ್ಲಿ<br /> ಕಣ್ಣು ಕಟ್ಟಿಸಿಕೊಂಡು<br /> ಕಟ್ಟಿದವರನ್ನೇ ಹುಡುಕಿಕೊಂಡು </p>.<p><br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
