ದೇವನೇಗಿಲು

ನಾನು ಒಳ್ಳೆಯವ ನನಗೆ ಕೆಟ್ಟದ್ದು ಮಾಡುವ ಧೈರ್ಯವಿಲ್ಲ ನಾನು ವಂಚಕನಲ್ಲ ನನಗೆ ವಂಚಿಸುವ ಅವಕಾಶ ಸಿಕ್ಕಿಲ್ಲ ನಾನು ಲಂಪಟನಲ್ಲ ನನಗೆ ಲಂಪಟನಾಗಲು ಅವರು ಬಿಡಲಿಲ್ಲ ನಾನು ಸರ್ವಾಧಿಕಾರಿಯಲ್ಲ ನನಗೆ ಸರ್ವಾಧಿಕಾರದ ಅವಕಾಶ ಒದಗಲಿಲ್ಲ ಒದಗಿದ್ದರೂ ಅದನ್ನು ಹಣ್ಣಾಗಿಸಲು ಕಾಲ ಪಕ್ವವಾಗಿರಲಿಲ್ಲ.

. ನಾನು ಕೊಲೆಗಾರ ಕೊಂದದ್ದಕ್ಕೆ ಪುರಾವೆಗಳೇ ಇಲ್ಲ ಇದ್ದರೂ ಅಧಿಕಾರದ ಆಸಿಡ್ಡಿನಲ್ಲಿ ಅದ್ದಿ ತೊಳೆದಿರುವೆ ನಾನು ಲೂಟಿಕೋರ ಆದರೇನಂತೆ ಲೂಟಿಯನ್ನೇ ನ್ಯಾಯದ ಬೆಳವಣಿಗೆಯೆಂದು ಮಾನ್ಯ ಮಾಡಿಸಿರುವೆ; ನಾನು ಸರ್ವಾಧಿಕಾರಿ ಸರ್ವಾಧಿಕಾರ ರಾಜಧರ್ಮವೆಂದು ಜನರ ನಾಲಿಗೆಗಳ ಮೇಲೆ ಶಾಸನ ಬರೆಸಿರುವೆ; ಸುಳ್ಳುಗಳೇ ಈ ಕಾಲದ ಸವಿಮಾತೆಂದು ಹಾಡಲು ಕಲಿಸಿರುವೆ; ಹಾಡುತ್ತ ಹಾಡುತ್ತ ಅವರು ನನ್ನ ಸುತ್ತ ದಂತಕತೆ ಕಟ್ಟಲು ಏರ್ಪಾಡು ಮಾಡಿರುವೆ ಹೆಚ್ಚೆಂದರೆ ಇದಕ್ಕೆ ಇನ್ನೊಂದಿಷ್ಟು ಜನರ ನೆತ್ತರೆಣ್ಣೆ ಹೆಚ್ಚಾಗಬಹುದಷ್ಟೇ; ಒದಗಿರುವ ಅವಕಾಶವ ಹಣ್ಣಾಗಿಸಿಕೊಳ್ಳದಿದ್ದರೆ ನಾನು ಮೂರ್ಖ! ಈಗ ನಾನು ಇನ್ನಷ್ಟು ಬಲವಾದ ಉಕ್ಕಿನ ಮನುಷ್ಯನಾಗಬೇಕು. ಉಕ್ಕನ್ನು ಮನುಷ್ಯರಿಂದಲೇ ಉಚಿತವಾಗಿ ಪಡೆಯಬೇಕು

. ಆದರೆ ಧೈರ್ಯವಿದ್ದ ಅವಕಾಶ ಒದಗಿದ್ದ ಲಂಪಟವಾಗಿಸಲು ಸಿದ್ಧರಿದ್ದ ಸರ್ವಾಧಿಕಾರದ ಸಿಂಹಾಸನದಲಿ ಆಸೀನನಾಗಿದ್ದ ಅವನು; ಕೋಲಿಲ್ಲದೆ ನಡೆಯುತ್ತಿದ್ದ ಕುಂಟರನ್ನು ಕೂಳಿಲ್ಲದೆ ಬಳಲಿದ್ದ ಬಡಕಲರನ್ನು ನೊಗ ಹೊತ್ತು ನೇಗಿಲೆಳೆಯುತ್ತಿದ್ದ ರೈತರನ್ನು ಹೆಣವಾಗಿ ಸಾಗುತ್ತಿದ್ದ ಹದಿಹರಯದವರನ್ನು ಅವನಡಿ ಅಪ್ಪಚ್ಚಿಯಾಗಿ ಹರಿಯುತ್ತಿದ್ದ ಅವಳ ನೆತ್ತರನ್ನು ಹಗಲಲ್ಲಿ ಕಂಡು ಸರಿರಾತ್ರಿಯಲ್ಲಿ ಮನೆ ತೊರೆದು ಯಾಕೆ ಹೊರಟ

. ದೇವರಿಲ್ಲದ ಈ ನೆಲದಲ್ಲಿ ದೇವರಾಗಿ ಸನ್ಯಾಸಿಯಾದರೂ ಸರ್ವಾಧಿಕಾರಿಯಾದರೂ ಕೊನೆಗೆ ಸಂತನಾದರೂ ಮಣ್ಣಲ್ಲಿ ಮಣ್ಣಾಗುವೆನೆಂಬ ಸತ್ಯ ಗೊತ್ತಿದ್ದರೂ ಹಗಲಲ್ಲಿ ಕಂಡ ಸತ್ಯ ಹುಡುಕಲು ರಾತ್ರಿ ಯಾಕೆ ಹೊರಟ ರಾತ್ರಿ ಹೊರಟು ಬೆಳಕಿನತ್ತ ಯಾಕೆ ಹೊರಳಿದ ಬಾಳ ಬೆಳಕಿನ ಸೆರಗಿಡಿದು ತನ್ನೆದೆಯ ತಂತಿ ಯಾಕೆ ನುಡಿಸಿದ

. ದೇವರಿಲ್ಲದ ಈ ನೆಲದಲ್ಲಿ ದೇವರಾಗಿ ಸಂತನಾದರೂ ಸರ್ವಾಧಿಕಾರಿಯಾದರೂ ಸಾವೆಂದು ಖಾತ್ರಿಯಿದ್ದರೂ ಜಗದ ಮನದಲ್ಲಿ ಸಾವಿರದ ಸಾಸಿವೆ ಬಿತ್ತಲು ಯಾಕೆ ಉತ್ತ ಈ ನೆಲವ ಯಾಕೆ ಉತ್ತ ದೇವರಿಲ್ಲದ ಈ ನೆಲವ ದೇವನೇಗಿಲಾಗಿ ಯಾಕೆ ಉತ್ತ ಒಲವು ಯಾಕೆ ಜಗದ ಬಿತ್ತ?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇವನೇಗಿಲು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

ಚುರುಮುರಿ | ಬೊಂಬೆ ಆಡ್ಸೋನು...

ಅಮೆರಿಕ DOGE ನೇಮಕಾತಿ | ವಾರಕ್ಕೆ 80 ತಾಸು ದುಡಿಯುವವರಿಗೆ ಮಾತ್ರ ಅವಕಾಶ: ಮಸ್ಕ್

ಎರಡನೇ ಮಗುವಿಗೆ ತಂದೆಯಾದ ರೋಹಿತ್; ಪರ್ತ್ ಟೆಸ್ಟ್ ಪಂದ್ಯದಲ್ಲಿ ಆಡುವ ಸಾಧ್ಯತೆ

Baby Boy: ಎರಡನೇ ಮಗುವಿನ ತಂದೆಯಾದ ರೋಹಿತ್ ಶರ್ಮಾ

ಸಂಜು–ತಿಲಕ್ ಆರ್ಭಟಕ್ಕೆ ಹರಿಣಗಳು ಹೈರಾಣ: ದಾಖಲೆಗಳ ಮೇಲೆ ದಾಖಲೆ ಬರೆದ ಭಾರತ

ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಚಾಂಪಿಯನ್ ಭಾರತಕ್ಕೆ ಚೀನಾ ಸವಾಲು ಇಂದು

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

ಚುರುಮುರಿ | ಬೊಂಬೆ ಆಡ್ಸೋನು...

ಅಮೆರಿಕ DOGE ನೇಮಕಾತಿ | ವಾರಕ್ಕೆ 80 ತಾಸು ದುಡಿಯುವವರಿಗೆ ಮಾತ್ರ ಅವಕಾಶ: ಮಸ್ಕ್