<p>ಪ್ಯಾಂಟಿನ ಹರಿದ ಭಾಗವ ಹೊಲೆಸಿ ಹಾಕಿಕೊಂಡಾಗ<br /> ಊರೆಲ್ಲ ಅದನ್ನೇ ನೋಡುತ್ತಿರುವುದು ಎನಿಸಿ<br /> ಅದು ಕಾಣದ ಹಾಗೆ ಅಡ್ಡಕ್ಕೆ ಪುಸ್ತಕ ಕೈ ಬ್ಯಾಗು<br /> ಏನೂ ಇಲ್ಲದಾಗ ಯಾರದೋ ಹಿಂದೆ ಸ್ವಲ್ಪ ಸರುಗಿ<br /> ತಿರುಗಿ ದೂರ ಕೂತು ಎಲ್ಲರಿಗಿಂತ ಹಿಂದೆ ನಡೆದು</p>.<p>ಅದು ಇಲ್ಲೇ ಯಾಕೆ ಹರಿಯಿತೋ ಜನರ ಸೆಳೆವಂತೆ<br /> ಕೆಳಗೋ ಸೊಂಟದಲ್ಲೋ ಹರಿಯಬಹುದಿತ್ತು ಯಾರೂ ಕಾಣದಂತೆ<br /> ಸಾವಿರ ಸಲ ಅಂದುಕೊಳ್ಳುತ್ತಲೇ ಮುಗಿದ ಸೆಮಿಸ್ಟರ್<br /> ಆಲ್ಟರ್ ಆಗುತ್ತಲೇ ಮುಗಿದ ಯೌವನ ಡಾರ್ನ್ ಮಾಡಿದ ಕನಸು</p>.<p>ಮೊನ್ನೆ ಸಾನಿಯಾ ಮಿರ್ಜಾ ಮೊಣಕಾಲ ಹತ್ತಿರ ಹರಿದ<br /> ಪ್ಯಾಂಟ್ ಹಾಕಿಕೊಂಡು ಕಾರಿನಿಂದ ಇಳಿದು<br /> ಆತ್ಮವಿಶ್ವಾಸದಿಂದ ನಡೆದು ವೇದಿಕೆಯ ಮೇಲೆ ಕೂತಾಗ<br /> ಇನ್ನೂ ಜಾಸ್ತಿ ಫೇಡ್ ಜಾಸ್ತಿ ಫೇಡ್ ಎಂದು ಆಸೆ ಪಡುತ್ತ<br /> ಅಲ್ಲಿ ಹರಿದಿರಲಿ ಇಲ್ಲಿ ಹರಿದಿರಲಿ ಅಂತ ಮಕ್ಕಳು<br /> ಬಣ್ಣಗೆಟ್ಟ ಬಟ್ಟೆಗೆ ಅಂಗಡಿಯಲ್ಲಿ ಚೌಕಾಸಿ ಮಾಡುತ್ತಿರುವಾಗ<br /> ಹೀಗೇ ಹರಿದು ಬಂದ ನೆನಪ ಅಮೃತವಾಹಿನಿ</p>.<p>ಬಟ್ಟೆ ಮಡಿಸಿ ರಾತ್ರಿ ತಲೆದಿಂಬಿನಡಿ ಇಟ್ಟು ಬೆಳಿಗ್ಗೆ ಉಡುತ್ತಿದ್ದ<br /> ತಾತನ ವಂಶದ ಮೊಮ್ಮಗ<br /> ಕನಸುಗಳೇ ಇಲ್ಲದ ದಾರಿಯಲಿ ಸಾಗುವುದು ಎಂತು ಎಂದು<br /> ಉರು ಹಚ್ಚುತ್ತಿದ್ದಾನೆ ಒಂದು ಕಿವಿಯ ರಿಂಗು ನೀವಿಕೊಂಡು<br /> ನಾಳೆ ತುಘಲಕ್ ಪಾತ್ರವಂತೆ<br /> ನೋಡುವನೆ ನನ್ನೆಡೆಗೆ<br /> ಕಟ್ಟುಮಸ್ತು ದೊರೆ, ಥ್ರಿಲ್ಲು ಜಿಮ್ಮು ಪ್ಯಾಕು ಟ್ಯಾಟೂ ಗೀಟೂ ದರಬಾರಿಂದ<br /> ಉಳಿಸಿಕೊಂಡ ತಲೆಯ ಮೇಲಿನ ಪುಟ್ಟ ನಡುಗಡ್ಡೆಯಿಂದ</p>.<p>ಮಿಡಿ ತೊಟ್ಟ ಮಗಳ ಭರತನಾಟ್ಯದ ಪ್ರಾಕ್ಟೀಸು<br /> ಬಡ ಮಕ್ಕಳಿಗೆ ಮೈಮುಚ್ಚಲು ಬಟ್ಟೆ ಕೊಟ್ಟು ಬಂದಿದ್ದಾಳೆ ನಿನ್ನೆಯಷ್ಟೇ<br /> ದೇಸೀ ಕಾಂಟೆಂಪೊರರಿ ಫ್ಯೂಷನ್ನು ಫ್ಯಾಷನ್ನು ಪ್ಯಾಶನ್ನು<br /> ಸದಾ ಒಂದು ಕೈಯಲ್ಲಿ ಮುಂದೆ ಬರುವ ಕೂದಲ ಹಿಂದೆ ತಳ್ಳಿಕೊಂಡು<br /> ನಾಳೆ ಮಾನವ ಸರಪಳಿಯಂತೆ ಇನ್ನೊಂದು ಕೈಯಲ್ಲಿ</p>.<p>ಇಂತು ಪುರಸೊತ್ತಿಲ್ಲದ ಚಿ.ರಾ, ಚಿ.ಸೌ. ಗಳ ಹಿಂದೆ ಹಿಂದೆ ಹೋಗಿ<br /> ಕೈತುತ್ತು ಬಾಯಿತುತ್ತು ನೀಡುತ್ತಿರಲು ನನ್ನ ಹ.ಕುಂ.ಶೋ<br /> ಅಮೃತವಾಹಿನಿಯೊಂದು ಹರಿಯುತಿದೆ ರೂಮಿಂದ ರೂಮಿಗೆ</p>.<p>ಮಕ್ಕಳು ಹೇಳುತ್ತಿದ್ದಾರೆ ಟೀವಿಯಲ್ಲಿ ಕಣ್ಣು ಅರಳಿಸಿಕೊಂಡು<br /> ನಾವು ಇವೊತ್ತು ಈ ಮಟ್ಟಕ್ಕೆ ಬರಲು<br /> ತಂದೆ ತಾಯಿಗಳೇ ಕಾರಣ<br /> ಐ ಲವ್ ಯು ಪಪ್ಪಾ ಮಮ್ಮೀ</p>.<p>ಹೆಂಡತಿಯ ಮುಖ ನೋಡಿದೆ<br /> ಷರ್ಟಿಗೆ ಗುಂಡಿ ಹಾಕುತ್ತ ಕೂತಿದ್ದಾಳೆ<br /> ಅವಳ ನಗು ಈಗಲೂ ಚಂದ ಮೊನ್ನೆ ಆಗಿತ್ತೇನೋ ಫೇಷಿಯಲ್ಲು<br /> ನನ್ನ ಮಾಸಲು ನಗೆ ಅವಳಿಗೂ ಇಷ್ಟವಂತೆ<br /> ಇವಳು ಪಾರ್ಲರಲ್ಲಿ ಕೂದಲು ಟ್ರಿಂ ಮಾಡಿಸಿಕೊಳ್ಳುವಲ್ಲಿ<br /> ನಾಳೆ ಕ್ಯಾಪ್ ಹಾಕಿಸಬೇಕಿದೆ ನಾನು ಡೆಂಟಿಸ್ಟ್ ಬಳಿ</p>.<p>ಮ್ಯೂಟ್ ಮಾಡಿದ ಟೀವಿಯಲ್ಲಿ ಮ್ಯಾರೇಜ್ ಡಾಟ್ ಕಾಂ<br /> ಬಾಗಿಲು ತೆರೆದೇ ಇದೆ ಬ್ರೋಕರ್ ಬರುವ ಹೊತ್ತು<br /> ಅಷ್ಟರಲ್ಲಿ ಮಕ್ಕಳ ಫೋನು<br /> ಮಾತು ಹರಿವ ಮೊದಲು<br /> ‘ಓಂ ಮಣಿ ಪದ್ಮೇ ಹಂ’ ರಿಂಗ್ ಟೋನು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪ್ಯಾಂಟಿನ ಹರಿದ ಭಾಗವ ಹೊಲೆಸಿ ಹಾಕಿಕೊಂಡಾಗ<br /> ಊರೆಲ್ಲ ಅದನ್ನೇ ನೋಡುತ್ತಿರುವುದು ಎನಿಸಿ<br /> ಅದು ಕಾಣದ ಹಾಗೆ ಅಡ್ಡಕ್ಕೆ ಪುಸ್ತಕ ಕೈ ಬ್ಯಾಗು<br /> ಏನೂ ಇಲ್ಲದಾಗ ಯಾರದೋ ಹಿಂದೆ ಸ್ವಲ್ಪ ಸರುಗಿ<br /> ತಿರುಗಿ ದೂರ ಕೂತು ಎಲ್ಲರಿಗಿಂತ ಹಿಂದೆ ನಡೆದು</p>.<p>ಅದು ಇಲ್ಲೇ ಯಾಕೆ ಹರಿಯಿತೋ ಜನರ ಸೆಳೆವಂತೆ<br /> ಕೆಳಗೋ ಸೊಂಟದಲ್ಲೋ ಹರಿಯಬಹುದಿತ್ತು ಯಾರೂ ಕಾಣದಂತೆ<br /> ಸಾವಿರ ಸಲ ಅಂದುಕೊಳ್ಳುತ್ತಲೇ ಮುಗಿದ ಸೆಮಿಸ್ಟರ್<br /> ಆಲ್ಟರ್ ಆಗುತ್ತಲೇ ಮುಗಿದ ಯೌವನ ಡಾರ್ನ್ ಮಾಡಿದ ಕನಸು</p>.<p>ಮೊನ್ನೆ ಸಾನಿಯಾ ಮಿರ್ಜಾ ಮೊಣಕಾಲ ಹತ್ತಿರ ಹರಿದ<br /> ಪ್ಯಾಂಟ್ ಹಾಕಿಕೊಂಡು ಕಾರಿನಿಂದ ಇಳಿದು<br /> ಆತ್ಮವಿಶ್ವಾಸದಿಂದ ನಡೆದು ವೇದಿಕೆಯ ಮೇಲೆ ಕೂತಾಗ<br /> ಇನ್ನೂ ಜಾಸ್ತಿ ಫೇಡ್ ಜಾಸ್ತಿ ಫೇಡ್ ಎಂದು ಆಸೆ ಪಡುತ್ತ<br /> ಅಲ್ಲಿ ಹರಿದಿರಲಿ ಇಲ್ಲಿ ಹರಿದಿರಲಿ ಅಂತ ಮಕ್ಕಳು<br /> ಬಣ್ಣಗೆಟ್ಟ ಬಟ್ಟೆಗೆ ಅಂಗಡಿಯಲ್ಲಿ ಚೌಕಾಸಿ ಮಾಡುತ್ತಿರುವಾಗ<br /> ಹೀಗೇ ಹರಿದು ಬಂದ ನೆನಪ ಅಮೃತವಾಹಿನಿ</p>.<p>ಬಟ್ಟೆ ಮಡಿಸಿ ರಾತ್ರಿ ತಲೆದಿಂಬಿನಡಿ ಇಟ್ಟು ಬೆಳಿಗ್ಗೆ ಉಡುತ್ತಿದ್ದ<br /> ತಾತನ ವಂಶದ ಮೊಮ್ಮಗ<br /> ಕನಸುಗಳೇ ಇಲ್ಲದ ದಾರಿಯಲಿ ಸಾಗುವುದು ಎಂತು ಎಂದು<br /> ಉರು ಹಚ್ಚುತ್ತಿದ್ದಾನೆ ಒಂದು ಕಿವಿಯ ರಿಂಗು ನೀವಿಕೊಂಡು<br /> ನಾಳೆ ತುಘಲಕ್ ಪಾತ್ರವಂತೆ<br /> ನೋಡುವನೆ ನನ್ನೆಡೆಗೆ<br /> ಕಟ್ಟುಮಸ್ತು ದೊರೆ, ಥ್ರಿಲ್ಲು ಜಿಮ್ಮು ಪ್ಯಾಕು ಟ್ಯಾಟೂ ಗೀಟೂ ದರಬಾರಿಂದ<br /> ಉಳಿಸಿಕೊಂಡ ತಲೆಯ ಮೇಲಿನ ಪುಟ್ಟ ನಡುಗಡ್ಡೆಯಿಂದ</p>.<p>ಮಿಡಿ ತೊಟ್ಟ ಮಗಳ ಭರತನಾಟ್ಯದ ಪ್ರಾಕ್ಟೀಸು<br /> ಬಡ ಮಕ್ಕಳಿಗೆ ಮೈಮುಚ್ಚಲು ಬಟ್ಟೆ ಕೊಟ್ಟು ಬಂದಿದ್ದಾಳೆ ನಿನ್ನೆಯಷ್ಟೇ<br /> ದೇಸೀ ಕಾಂಟೆಂಪೊರರಿ ಫ್ಯೂಷನ್ನು ಫ್ಯಾಷನ್ನು ಪ್ಯಾಶನ್ನು<br /> ಸದಾ ಒಂದು ಕೈಯಲ್ಲಿ ಮುಂದೆ ಬರುವ ಕೂದಲ ಹಿಂದೆ ತಳ್ಳಿಕೊಂಡು<br /> ನಾಳೆ ಮಾನವ ಸರಪಳಿಯಂತೆ ಇನ್ನೊಂದು ಕೈಯಲ್ಲಿ</p>.<p>ಇಂತು ಪುರಸೊತ್ತಿಲ್ಲದ ಚಿ.ರಾ, ಚಿ.ಸೌ. ಗಳ ಹಿಂದೆ ಹಿಂದೆ ಹೋಗಿ<br /> ಕೈತುತ್ತು ಬಾಯಿತುತ್ತು ನೀಡುತ್ತಿರಲು ನನ್ನ ಹ.ಕುಂ.ಶೋ<br /> ಅಮೃತವಾಹಿನಿಯೊಂದು ಹರಿಯುತಿದೆ ರೂಮಿಂದ ರೂಮಿಗೆ</p>.<p>ಮಕ್ಕಳು ಹೇಳುತ್ತಿದ್ದಾರೆ ಟೀವಿಯಲ್ಲಿ ಕಣ್ಣು ಅರಳಿಸಿಕೊಂಡು<br /> ನಾವು ಇವೊತ್ತು ಈ ಮಟ್ಟಕ್ಕೆ ಬರಲು<br /> ತಂದೆ ತಾಯಿಗಳೇ ಕಾರಣ<br /> ಐ ಲವ್ ಯು ಪಪ್ಪಾ ಮಮ್ಮೀ</p>.<p>ಹೆಂಡತಿಯ ಮುಖ ನೋಡಿದೆ<br /> ಷರ್ಟಿಗೆ ಗುಂಡಿ ಹಾಕುತ್ತ ಕೂತಿದ್ದಾಳೆ<br /> ಅವಳ ನಗು ಈಗಲೂ ಚಂದ ಮೊನ್ನೆ ಆಗಿತ್ತೇನೋ ಫೇಷಿಯಲ್ಲು<br /> ನನ್ನ ಮಾಸಲು ನಗೆ ಅವಳಿಗೂ ಇಷ್ಟವಂತೆ<br /> ಇವಳು ಪಾರ್ಲರಲ್ಲಿ ಕೂದಲು ಟ್ರಿಂ ಮಾಡಿಸಿಕೊಳ್ಳುವಲ್ಲಿ<br /> ನಾಳೆ ಕ್ಯಾಪ್ ಹಾಕಿಸಬೇಕಿದೆ ನಾನು ಡೆಂಟಿಸ್ಟ್ ಬಳಿ</p>.<p>ಮ್ಯೂಟ್ ಮಾಡಿದ ಟೀವಿಯಲ್ಲಿ ಮ್ಯಾರೇಜ್ ಡಾಟ್ ಕಾಂ<br /> ಬಾಗಿಲು ತೆರೆದೇ ಇದೆ ಬ್ರೋಕರ್ ಬರುವ ಹೊತ್ತು<br /> ಅಷ್ಟರಲ್ಲಿ ಮಕ್ಕಳ ಫೋನು<br /> ಮಾತು ಹರಿವ ಮೊದಲು<br /> ‘ಓಂ ಮಣಿ ಪದ್ಮೇ ಹಂ’ ರಿಂಗ್ ಟೋನು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
