ಕವಿತೆ | ಆ ಹೆಸರಿಡದಿದ್ದರೆ…

ನಿನ್ನ ಹುಚ್ಚು ಹಿಡಿತದಿಂದ ತಪ್ಪಿಸಿಕೊಳ್ಳುತ್ತ ಹೋದೆ ವಸ್ತ್ರಗಳನ್ನೆಲ್ಲಾ ಸರಿಪಡಿಸಿಕೊಂಡು ಮಂಚದಿಂದ ಇಗೋ ನೆಗೆದು ಕದ ತೆಗೆದು ಮೆಟ್ಟಿಲುಗಳ ಇಳಿದು...

. ಇನ್ನೂ ಉರಿಯುತ್ತಿದೆ ಬೀದಿ ದೀಪ ಪಿಸುರುಗಣ್ಣ ಬಿಡಿಸಲೆಸಳುವ ಮಗು ಅಡ್ಡಾದಿಡ್ಡಿ ಬಿದ್ದ ಖಾಲಿ ಬಾಟಲಿ ಕಾರ್ಪೋರೇಷನ್ ತೊಟ್ಟಿಯಲ್ಲಿ ಅನ್ನದ ಕವರು

. ಚುರುಗುಡುತ್ತಿರುವ ಹೊಟ್ಟೆ ನೀ ಕೊಟ್ಟ ನೋಟಿನ ಕಂತೆ ಎಂದೆಂದೂ ಮುಚ್ಚಿದಂತಿರುವ ಹೋಟೆಲು ನುಜ್ಜುಗುಜ್ಜಾದ ಸಿರಂಜು ಗಾಜುಗಣ್ಣಿನ ಹುಡುಗರು ಫ್ಲೈಓವರಿನ ಪಕ್ಕ ನಿಂತ ಕಾರು

. ರಾತ್ರಿಯ ಮಾತು ರಾತ್ರಿಗೆ ಮೂಗುತಿ ಬದಲಿಸು ಎನ್ನುತ್ತಿ ಹೊಸ ರವಿಕೆ ತರುತ್ತಿ ಬಲ್ಬಿಗೆ ಬಣ್ಣದ ಕಾಗದ ಹಚ್ಚುತ್ತಿ ನನಗೂ ಹೆಸರಿಡುತ್ತಿ

. ಆ ಹೆಸರಿಡದಿದ್ದರೆ, ಆ ಒಂದು ಹೆಸರು ಇಡದೇ ಇದ್ದರೆ ನಿಜಕ್ಕೂ ನನಗೊಂದು ಹೆಸರೇ ಇರದಿದ್ದರೆ ಅಂದುಕೊಳ್ಳುವಾಗ ಹಕ್ಕಿಯೊಂದು ಫಡಫಡಿಸಿದ ಸದ್ದು.

. -ಡಿ.ಕೆ. ರಮೇಶ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.