<p>ಗೋಕುಲದ ಸುಂದರ ಪ್ರಕೃತಿಯ ನಡುವೆಯೂ<br />ಪ್ರತಿಕ್ಷಣ ನಾನು ಒಂಟಿ ಕೃಷ್ಣ<br />ನಿನ್ನ ನೆನಪುಗಳು ಕಾಡದೆ ಬಿಡವು ನನ್ನ<br /><br />ನನ್ನನ್ನು ನಿತ್ಯ ನವ ಚೈತನ್ಯದ ಬುಗ್ಗೆಯಾಗಿಸುವ<br />ನಿನ್ನೊಡನೆ ಬದುಕಿದ ನೆನಪುಗಳು<br />ನನಗೂ ಇಷ್ಟವೇ<br />ಆದರೆ...<br />ಏಕಾಂಗಿಯಾಗಿಸಲೆಂದೇ ನಾ ಮುಂದು ತಾ ಮುಂದು<br />ಎಂದು ಹೊಯ್ದಾಡುವ ನಿನ್ನೆಗಳು<br />ಹೀಗಿದ್ದವು<br /><br />ಆಗ ನನಗೆ ವಯಸ್ಸು ಎಂಟಿರಬೇಕು<br />ಕೇರಿಯವರೆಲ್ಲಾ ಗೋಪಮ್ಮನ ಮಗನ ನೋಡಲು<br />ದಿನಾಲೂ ಮುಗಿಬಿದ್ದು ಹೋಗುತ್ತಿದ್ದರು<br />ಅವನ ಕಂಡರೆ ಇಹಲೋಕದ ನೋವುಗಳೆಲ್ಲಾ<br />ಮರೆತು ಹೋಗುತ್ತವೆಯೆಂಬ<br />ಭ್ರಮೆ ಎಲ್ಲರಲ್ಲಿ,<br />ನೋಡಿಯೇ ಬಿಡೋಣ ನಾನೂ ಒಮ್ಮೆ ಎಂದು<br />ಒಂದು ದಿನ ಹೊರಟೆ<br />ಅಬ್ಬಾ, ಅದೇನು ಆಕರ್ಷಣೆ ಆ ನಗುವಿನಲ್ಲಿ<br />ಮನಸೋಲದೆ ಇರಲು ಸಾಧ್ಯವೇ ಇಲ್ಲ<br />ಕಡುಗಪ್ಪು ಬಣ್ಣವಾದರೂ ಅದೆಂತಹುದೋ<br />ಬಿಟ್ಟಿರಲಾಗದ ಅಯಸ್ಕಾಂತ ಅವನು</p>.<p>ಮಾಸಗಳು ಉರುಳಿದಂತೆ<br />ಭೇಟಿಗಳು ದ್ವಿಗುಣಗೊಂಡವು, ನಮ್ಮ ಪ್ರೀತಿಯ ಹೆಚ್ಚಿಸಿದವು<br />ಅವನ ಬಣ್ಣದ ಬಗ್ಗೆ ನನಗ್ಯಾವ ತಕರಾರೂ ಇರಲಿಲ್ಲ<br />ನನ್ನ ವಯಸ್ಸಿನ ಬಗ್ಗೆ ಅವನಿಗೂ,<br />ಪ್ರೀತಿ-ಪ್ರೇಮ-ಸ್ನೇಹ ಎಲ್ಲದಕ್ಕೂ<br />ಪರ್ಯಾಯ ಪದ ಎಂದಿದ್ದರೆ ನಾವಿಬ್ಬರೇ<br />‘‘ರಾಧಾ-ಕೃಷ್ಣ’’<br /><br />ನಂದಗೋಕುಲದ ಪ್ರತಿ ಮನೆಯಲೂ<br />ನಮ್ಮಿಬ್ಬರ ಬಗ್ಗೆಯೇ ಗುಸುಗುಸು ಪಿಸುಪಿಸು<br />ಕೃಷ್ಣನೆಂಬ ಹೂವಿನಲ್ಲಿ ಬೆರೆತ ಗಂಧ ಈ ರಾಧೆ<br />ಎಂದು ಸಾರಿ ಹೇಳಬಹುದಷ್ಟೆ<br />ಲೌಕಿಕ ಜಗತ್ತಿಗೆ ನಮ್ಮಿಬ್ಬರ ಸಂಬಂಧವ<br />ಅರ್ಥ ಮಾಡಿಸುವುದಾದರೂ ಹೇಗೆ ?<br /><br />ಅವನು ಕೊಳಲನೂದಲು ಶುರು ಮಾಡಿದರೆ<br />ಹರಿಯುತ್ತಿದ್ದ ಯಮುನೆಯೂ ಕೆಲಕಾಲ ನಿಂತು<br />ಸಾಗುತ್ತಿದ್ದಳು<br />ಗೋವುಗಳು ಮೇಯುವುದ ನಿಲ್ಲಿಸಿ ಕೃಷ್ಣನನ್ನೇ<br />ಕಣ್ತುಂಬಿಕೊಳ್ಳುತ್ತಿದ್ದವು<br />ಆಗೆಲ್ಲಾ ಭಾವಲೋಕದಲಿ ಅವನ ಎದೆಗಾನಿಸಿ<br />ಕಳೆದುಹೋಗುತ್ತಿದ್ದೆ<br />ಕಳ್ಳ ಕೃಷ್ಣನ ಲೀಲೆಗಳಿಗೆ ಸೋಲುತ್ತಿದ್ದೆ<br /><br />ಅದ್ಯಾರ ಕಣ್ಣು ಬಿತ್ತೋ ಕಾಣೆ<br />ಬಿಲ್ಲ ಹಬ್ಬಕ್ಕಾಗಿ ಮಥುರೆಗೆ ಹೊರಟ ಕೃಷ್ಣನ<br />ಮತ್ತೆ ನಿನ್ನ ಭೇಟಿ ಎಂದು ?<br />ನಾನು ಕೇಳಿದ್ದಷ್ಟೆ,<br />ಅವನತ್ತಿರ ಉತ್ತರವಿರಲಿಲ್ಲ<br />ಗೋಪಮ್ಮ ಹೇಳುತ್ತಾಳೆ :<br />ಪ್ರಪಂಚದ ಕಷ್ಟಗಳ ನಿವಾರಣೆಗೆಂದು<br />ಹುಟ್ಟಿದವನು ಕೃಷ್ಣ<br />ಅವನಿಗೆ ಸಹಕರಿಸಿದರೇನೆ ಜಗತ್ತಿನ ಒಳಿತೆಂದು<br /><br />ಸತ್ಯವಿರಬಹುದು<br />ಆದರೆ,<br />ನಿತ್ಯ ಕಾಡುವ ನನ್ನ ಒಂಟಿತನವನ್ಹೇಗೆ ಕೊಲ್ಲಲಿ<br />ಅಣುಅಣುವಿನಲೂ ಬೆರೆತು ಹೋದ<br />ಅವನನು ಕಣ್ಣ ಮುಂದೆ ತರಿಸಿ<br />ಕನಸುಗಳನ್ನು ಸಮಾಧಾನಿಸಬೇಕಿದೆ<br />ಅದೆಲ್ಲಿ ಅಂತಾ ಹುಡುಕಲಿ ಕೃಷ್ಣನ<br /><br />ಇಂದಿಗೂ ಕಾಯುತ್ತಿದ್ದೇನೆ ಯಮುನೆಯ ದಡದಲ್ಲಿ<br />ನನ್ನ ಕರ್ಣಗಳಲ್ಲಿ ತುಂಬಿರುವ<br />ಕೊಳಲ ದನಿಯ ಆಲಿಸುತ್ತಾ...<br />ಒಮ್ಮೆಯಾದರೂ ಬಂದು ಬಿಡು ಕೃಷ್ಣ<br />ಕಾಲನು ಕರೆದೊಯ್ಯುವ ಮುನ್ನ<br />ಕಣ್ತುಂಬಿಕೊಳ್ಳುವೆ ನಿನ್ನ<br />ಅಮರಪ್ರೇಮಿಯೆಂಬ ಬಿರುದಿನ ಗರಿ ಬೇಡ ನನಗೆ<br />ದೇವರೂ ಮೋಸ ಮಾಡಿದನೆಂಬ<br />ಅಪವಾದದ ಹಂಗೇಕೆ ನಿನಗೆ<br />ನನ್ನದಲ್ಲದ ತಪ್ಪಿಗೆ ವಿರಹದ ಶಿಕ್ಷೆಯೇಕೆ ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಗೋಕುಲದ ಸುಂದರ ಪ್ರಕೃತಿಯ ನಡುವೆಯೂ<br />ಪ್ರತಿಕ್ಷಣ ನಾನು ಒಂಟಿ ಕೃಷ್ಣ<br />ನಿನ್ನ ನೆನಪುಗಳು ಕಾಡದೆ ಬಿಡವು ನನ್ನ<br /><br />ನನ್ನನ್ನು ನಿತ್ಯ ನವ ಚೈತನ್ಯದ ಬುಗ್ಗೆಯಾಗಿಸುವ<br />ನಿನ್ನೊಡನೆ ಬದುಕಿದ ನೆನಪುಗಳು<br />ನನಗೂ ಇಷ್ಟವೇ<br />ಆದರೆ...<br />ಏಕಾಂಗಿಯಾಗಿಸಲೆಂದೇ ನಾ ಮುಂದು ತಾ ಮುಂದು<br />ಎಂದು ಹೊಯ್ದಾಡುವ ನಿನ್ನೆಗಳು<br />ಹೀಗಿದ್ದವು<br /><br />ಆಗ ನನಗೆ ವಯಸ್ಸು ಎಂಟಿರಬೇಕು<br />ಕೇರಿಯವರೆಲ್ಲಾ ಗೋಪಮ್ಮನ ಮಗನ ನೋಡಲು<br />ದಿನಾಲೂ ಮುಗಿಬಿದ್ದು ಹೋಗುತ್ತಿದ್ದರು<br />ಅವನ ಕಂಡರೆ ಇಹಲೋಕದ ನೋವುಗಳೆಲ್ಲಾ<br />ಮರೆತು ಹೋಗುತ್ತವೆಯೆಂಬ<br />ಭ್ರಮೆ ಎಲ್ಲರಲ್ಲಿ,<br />ನೋಡಿಯೇ ಬಿಡೋಣ ನಾನೂ ಒಮ್ಮೆ ಎಂದು<br />ಒಂದು ದಿನ ಹೊರಟೆ<br />ಅಬ್ಬಾ, ಅದೇನು ಆಕರ್ಷಣೆ ಆ ನಗುವಿನಲ್ಲಿ<br />ಮನಸೋಲದೆ ಇರಲು ಸಾಧ್ಯವೇ ಇಲ್ಲ<br />ಕಡುಗಪ್ಪು ಬಣ್ಣವಾದರೂ ಅದೆಂತಹುದೋ<br />ಬಿಟ್ಟಿರಲಾಗದ ಅಯಸ್ಕಾಂತ ಅವನು</p>.<p>ಮಾಸಗಳು ಉರುಳಿದಂತೆ<br />ಭೇಟಿಗಳು ದ್ವಿಗುಣಗೊಂಡವು, ನಮ್ಮ ಪ್ರೀತಿಯ ಹೆಚ್ಚಿಸಿದವು<br />ಅವನ ಬಣ್ಣದ ಬಗ್ಗೆ ನನಗ್ಯಾವ ತಕರಾರೂ ಇರಲಿಲ್ಲ<br />ನನ್ನ ವಯಸ್ಸಿನ ಬಗ್ಗೆ ಅವನಿಗೂ,<br />ಪ್ರೀತಿ-ಪ್ರೇಮ-ಸ್ನೇಹ ಎಲ್ಲದಕ್ಕೂ<br />ಪರ್ಯಾಯ ಪದ ಎಂದಿದ್ದರೆ ನಾವಿಬ್ಬರೇ<br />‘‘ರಾಧಾ-ಕೃಷ್ಣ’’<br /><br />ನಂದಗೋಕುಲದ ಪ್ರತಿ ಮನೆಯಲೂ<br />ನಮ್ಮಿಬ್ಬರ ಬಗ್ಗೆಯೇ ಗುಸುಗುಸು ಪಿಸುಪಿಸು<br />ಕೃಷ್ಣನೆಂಬ ಹೂವಿನಲ್ಲಿ ಬೆರೆತ ಗಂಧ ಈ ರಾಧೆ<br />ಎಂದು ಸಾರಿ ಹೇಳಬಹುದಷ್ಟೆ<br />ಲೌಕಿಕ ಜಗತ್ತಿಗೆ ನಮ್ಮಿಬ್ಬರ ಸಂಬಂಧವ<br />ಅರ್ಥ ಮಾಡಿಸುವುದಾದರೂ ಹೇಗೆ ?<br /><br />ಅವನು ಕೊಳಲನೂದಲು ಶುರು ಮಾಡಿದರೆ<br />ಹರಿಯುತ್ತಿದ್ದ ಯಮುನೆಯೂ ಕೆಲಕಾಲ ನಿಂತು<br />ಸಾಗುತ್ತಿದ್ದಳು<br />ಗೋವುಗಳು ಮೇಯುವುದ ನಿಲ್ಲಿಸಿ ಕೃಷ್ಣನನ್ನೇ<br />ಕಣ್ತುಂಬಿಕೊಳ್ಳುತ್ತಿದ್ದವು<br />ಆಗೆಲ್ಲಾ ಭಾವಲೋಕದಲಿ ಅವನ ಎದೆಗಾನಿಸಿ<br />ಕಳೆದುಹೋಗುತ್ತಿದ್ದೆ<br />ಕಳ್ಳ ಕೃಷ್ಣನ ಲೀಲೆಗಳಿಗೆ ಸೋಲುತ್ತಿದ್ದೆ<br /><br />ಅದ್ಯಾರ ಕಣ್ಣು ಬಿತ್ತೋ ಕಾಣೆ<br />ಬಿಲ್ಲ ಹಬ್ಬಕ್ಕಾಗಿ ಮಥುರೆಗೆ ಹೊರಟ ಕೃಷ್ಣನ<br />ಮತ್ತೆ ನಿನ್ನ ಭೇಟಿ ಎಂದು ?<br />ನಾನು ಕೇಳಿದ್ದಷ್ಟೆ,<br />ಅವನತ್ತಿರ ಉತ್ತರವಿರಲಿಲ್ಲ<br />ಗೋಪಮ್ಮ ಹೇಳುತ್ತಾಳೆ :<br />ಪ್ರಪಂಚದ ಕಷ್ಟಗಳ ನಿವಾರಣೆಗೆಂದು<br />ಹುಟ್ಟಿದವನು ಕೃಷ್ಣ<br />ಅವನಿಗೆ ಸಹಕರಿಸಿದರೇನೆ ಜಗತ್ತಿನ ಒಳಿತೆಂದು<br /><br />ಸತ್ಯವಿರಬಹುದು<br />ಆದರೆ,<br />ನಿತ್ಯ ಕಾಡುವ ನನ್ನ ಒಂಟಿತನವನ್ಹೇಗೆ ಕೊಲ್ಲಲಿ<br />ಅಣುಅಣುವಿನಲೂ ಬೆರೆತು ಹೋದ<br />ಅವನನು ಕಣ್ಣ ಮುಂದೆ ತರಿಸಿ<br />ಕನಸುಗಳನ್ನು ಸಮಾಧಾನಿಸಬೇಕಿದೆ<br />ಅದೆಲ್ಲಿ ಅಂತಾ ಹುಡುಕಲಿ ಕೃಷ್ಣನ<br /><br />ಇಂದಿಗೂ ಕಾಯುತ್ತಿದ್ದೇನೆ ಯಮುನೆಯ ದಡದಲ್ಲಿ<br />ನನ್ನ ಕರ್ಣಗಳಲ್ಲಿ ತುಂಬಿರುವ<br />ಕೊಳಲ ದನಿಯ ಆಲಿಸುತ್ತಾ...<br />ಒಮ್ಮೆಯಾದರೂ ಬಂದು ಬಿಡು ಕೃಷ್ಣ<br />ಕಾಲನು ಕರೆದೊಯ್ಯುವ ಮುನ್ನ<br />ಕಣ್ತುಂಬಿಕೊಳ್ಳುವೆ ನಿನ್ನ<br />ಅಮರಪ್ರೇಮಿಯೆಂಬ ಬಿರುದಿನ ಗರಿ ಬೇಡ ನನಗೆ<br />ದೇವರೂ ಮೋಸ ಮಾಡಿದನೆಂಬ<br />ಅಪವಾದದ ಹಂಗೇಕೆ ನಿನಗೆ<br />ನನ್ನದಲ್ಲದ ತಪ್ಪಿಗೆ ವಿರಹದ ಶಿಕ್ಷೆಯೇಕೆ ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
