ವಿಶ್ವನಾಥ ಎನ್. ನೇರಳಕಟ್ಟೆ ಬರೆದ ಕವಿತೆ: ಸೆಲೂನಿನಲ್ಲಿ ಎಂಕ

ಮೊನ್ನೆ ನಮ್ಮೂರ ಎಂಕ ಹೋಗಿ ಸೆಲೂನಿಗೆ ಕುಳಿತ ನಿರುಮ್ಮಳನಾಗಿ ಯಾವತ್ತಿನಂತೆ ಕ್ಷೌರಿಕನ ಹಸಿದ ಕತ್ತರಿಗೆ ತಲೆ- ಕೊಡುವುದಕ್ಕೆ ಸಿದ್ಧನಾಗಿ

. ತಕ್ಷಣವೇ ಪ್ರತ್ಯಕ್ಷ ಭಾವೀ ಎಮ್ಮೆಲ್ಯೆ ಅಭ್ಯರ್ಥಿ ಸನ್ಮಾನ್ಯ ಶ್ರೀಯುತ ನರಸಿಂಗಪ್ಪನವರು! ಬಾವಿಯಿಂದೆದ್ದ ನಗುಮುಖದ ಭೂತದಂತೆ ಅವರವತರಿಸಿದ ಬಗೆ ಮೂಡಿಸಿತು ಎಂಕ ಮತ್ತು ಕ್ಷೌರಿಕನಲ್ಲಿ ಚಣವೊತ್ತಿನ ವಿಸ್ಮಯ

. ಏನು ವಿನಯ! ಎಂಥಾ ಆತ್ಮೀಯತೆ! ಆ ನಗುಮುಖ ನೋಡುವಾಗಲೇ ತಿಳಿಯುತ್ತದೆ ಅವರು ಬಹಳಾಸಭ್ಯರೆಂದು ಎಂಕನ ಕಾಲುಮುಟ್ಟಿ ನಮಸ್ಕರಿಸಿದವರು ‘ನಿನ್ನ ಸೇವೆ ಮಾಡುವ ಭಾಗ್ಯ ನನ್ನದಾಗಿರಲಿ’ ಎಂದು ಹಿತವಾಗಿ ನುಡಿದು ಕತ್ತರಿ- ಬಾಚಣಿಗೆ ಹಿಡಿದು ಎಂಕನ ಹೇರ್ ಕಟ್ಟಿಂಗ್ ಗೆ ಸಿದ್ಧರಾಗೇಬಿಟ್ಟರು

. ತನಗೊಂದಿಷ್ಟು ವಿರಾಮ ಸಿಕ್ಕಿತು ಎಂದು ಹಿಗ್ಗಿದ ಕ್ಷೌರಿಕ ಮೂಲೆಯ ಮುರುಕು ಕುರ್ಚಿಯಲ್ಲಿ ಸುಖಾಸೀನನಾಗಿ ಇನ್ನೂ ಕೈ ಕೊಡದ ಪ್ರಿಯತಮೆಯನ್ನು ಕಣ್ಣೊಳಗೆ ತಂದುಕೊಂಡು ಗೊರಕೆ ಹೊಡೆಯತೊಡಗಿದ

. ‘ನಿನಗೆ ಅಂಬಾನಿ ಕಟ್ಟಿಂಗ್ ಮಾಡುತ್ತೇನೆ’ ನರಸಿಂಗಪ್ಪನವರ ನಗುಮೊಗದ ಮಾತು ಕೇಳಿ ಎಂಕ ತಾನು ಅಂಬಾನಿಯೇ ಆದೆ ಎಂದುಕೊಂಡು ಕೌರವನನ್ನು ಕೊಂದ ವೃಕೋದರನಂತೆ ಉಬ್ಬಿದ ತನ್ನ ತಲೆಯ ಹೊಣೆಯನ್ನೆಲ್ಲಾ ತನ್ನೆದುರಿಗಿದ್ದ ಮಹಾದೊರೆಗೆ ಒಪ್ಪಿಸಿ, ಮೊದಲಿಗಿಂತಲೂ ನಿರಾಳನಾಗಿ ಕುಳಿತುಬಿಟ್ಟ

. ನರಸಿಂಗಪ್ಪನವರ ಕೈಯ್ಯ ಕತ್ತರಿ ಎಂಕನ ತಲೆತುಂಬ ಓಡಾಡಿತು ರೇಜ಼ರ್ ಕೂಡಾ ಅಷ್ಟೇ ಚುರುಕಾಗಿ ಚಲಿಸಿದ್ದು ಬಡಪಾಯಿ ಎಂಕನಿಗೆ ತಿಳಿಯಲೇ ಇಲ್ಲ

. ‘ನೋಡು ನೀನೀಗ ಅಂಬಾನಿಯಾಗಿದ್ದೀಯ’ ಎಂದು ನಗುತ್ತಲೇ ನರಸಿಂಗಪ್ಪ ಎಂಕನ ಮುಖಕ್ಕೆ ಅಭಿಮುಖವಾಗಿ ಮಾಯಾ ಕನ್ನಡಿಯೊಂದನ್ನು ಹಿಡಿದರು ಆಶ್ಚರ್ಯ! ಪರಮಾಶ್ಚರ್ಯ! ಎಂಕನ ಬೋಳು ತಲೆ ಆ ಮಾಯಾ ಕನ್ನಡಿಯಲ್ಲಿ ಅಂಬಾನಿ ಕಟ್ಟಿಂಗ್ ಮಾಡಿಸಿಕೊಂಡು ಮೊದಲಿಗಿಂತ ಆಕರ್ಷಕವಾಗಿತ್ತು

. ‘ನಿನ್ನ ನೆನಪಿಗಾಗಿ ಇದನ್ನಾದರೂ ಕೊಡೋ’ ಎಂದು ಎಂಕನ ಕೈ ಬೆರಳನ್ನು ನೋವೇ ಆಗದಂತೆ ಕತ್ತರಿಸಿ ತೆಗೆದುಕೊಂಡ ಮಾನ್ಯ ನರಸಿಂಗಪ್ಪನವರು ಹೊರಟೇಬಿಟ್ಟರು ಹೆಮ್ಮೆಯಿಂದ ಕೈಬೀಸುತ್ತಾ

. ಬೆರಳೇ ಇಲ್ಲದ್ದರಿಂದ ಮುಂಬರುವ ಚುನಾವಣೆಯಲ್ಲಿ ಮತ ಚಲಾಯಿಸುವ ಕಷ್ಟವೂ ತಪ್ಪಿಹೋದದ್ದಕ್ಕೆ ಭಲೇ ಖುಷಿಗೊಂಡ ಎಂಕ ನಗುನಗುತ್ತಲೇ ಹೊರಟ ತನ್ನ ಮನೆಯ ಕಡೆಗೆ ತಲೆ ಬೋಳಾದುದರ ಅರಿವೇ ಇಲ್ಲದೆ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವನಾಥ ಎನ್. ನೇರಳಕಟ್ಟೆ ಬರೆದ ಕವಿತೆ: ಸೆಲೂನಿನಲ್ಲಿ ಎಂಕ

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

Channapatna By Election Result |ದೇವೇಗೌಡರು ನಿವೃತ್ತಿ ಪಡೆಯಲಿ: ಯೋಗೇಶ್ವರ್

ದಿನ ಭವಿಷ್ಯ: ಚಂಚಲ ಮನೋಭಾವವು ಅಭ್ಯುದಯಕ್ಕೆ ಅಡ್ಡಿಯಾಗಲಿದೆ

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

IPL Auction LIVE ಪಂತ್‌ ದಾಖಲೆ; ಡೆಲ್ಲಿಗೆ ರಾಹುಲ್, ಗುಜರಾತ್ ತೆಕ್ಕೆಗೆ ಸಿರಾಜ್

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು

IPL: ಬೆಂಗಳೂರಿಗೆ ಗುಡ್ ಬೈ ಹೇಳಿದ ಮೊಹಮ್ಮದ್ ಸಿರಾಜ್, RCBಗೆ ಲಿವಿಂಗ್‌ಸ್ಟೋನ್

IPL Auction: ಡೆಲ್ಲಿ ಸೇರಿದ ಕನ್ನಡಿಗ ರಾಹುಲ್‌ಗೆ ಹರಾಜಿನಲ್ಲಿ ಸಿಕ್ಕಿದ್ದೆಷ್ಟು?

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

Channapatna By Election Result |ದೇವೇಗೌಡರು ನಿವೃತ್ತಿ ಪಡೆಯಲಿ: ಯೋಗೇಶ್ವರ್

ದಿನ ಭವಿಷ್ಯ: ಚಂಚಲ ಮನೋಭಾವವು ಅಭ್ಯುದಯಕ್ಕೆ ಅಡ್ಡಿಯಾಗಲಿದೆ

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್