<p>ಪ್ರತಿ ವರ್ಷ ಗಣರಾಜ್ಯೋತ್ಸವದ ದಿನ ನವದೆಹಲಿಯಲ್ಲಿ ಮಹಾ ಕವಾಯತು ಅಥವಾ ಗ್ರ್ಯಾಂಡ್ ಪರೇಡ್ ನಡೆಯುತ್ತದೆ. ಈ ಪರೇಡ್, ರಾಷ್ಟ್ರಪತಿ ಭವನದಿಂದ ಪ್ರಾರಂಭಗೊಂಡು ರಾಜ್ಪಥ್, ಇಂಡಿಯಾ ಗೇಟ್ ಹಾದು ಕೆಂಪುಕೋಟೆಯವರೆಗೂ ಸಾಗುತ್ತದೆ.<br /> <br /> ಭೂಸೇನೆ, ನೌಕಾಪಡೆ,, ವಾಯುಪಡೆಯ ವಿವಿಧ ಬಣಗಳು ತಂತಮ್ಮ ಅಧಿಕೃತ ಸಮವಸ್ತ್ರ ಧರಿಸಿ ಪರೇಡ್ನಲ್ಲಿ ಭಾಗವಹಿಸುತ್ತವೆ. ಸಶಸ್ತ್ರ ಪಡೆಗಳ ಕಮಾಂಡರ್ ಇನ್ ಚೀಫ್ ಕೂಡ ಆಗಿರುವ ಭಾರತದ ರಾಷ್ಟ್ರಪತಿಗೆ ಎಲ್ಲಾ ಪಡೆಗಳೂ ಸಲ್ಯೂಟ್ ಹೊಡೆಯುತ್ತವೆ.<br /> <br /> ಸೇನೆಗಳಿಗೆ ಇತ್ತೀಚೆಗೆ ಸೇರ್ಪಡೆಯಾದ ಕ್ಷಿಪಣಿಗಳು, ಟ್ಯಾಂಕ್ಗಳು, ರೇಡಾರ್ಗಳು, ಯುದ್ಧ ವಿಮಾನಗಳು ಮೊದಲಾದವನ್ನು ಪರೇಡ್ನಲ್ಲಿ ಪ್ರದರ್ಶಿಸಲಾಗುತ್ತದೆ. ಸೇನಾಪಡೆಗಳಲ್ಲದೆ ಎನ್ಸಿಸಿ, ಹೋಂಗಾರ್ಡ್, ಪೊಲೀಸ್, ಮೊದಲಾದ ನಾಗರಿಕ ಸೇವಾ ಸಂಸ್ಥೆಗಳು ಕೂಡ ಪರೇಡ್ನಲ್ಲಿ ಪಾಲ್ಗೊಳ್ಳುತ್ತವೆ.<br /> <br /> ಸೇನಾಪಡೆಗಳ ಪ್ರದರ್ಶನದ ನಂತರ ಬಗೆಬಗೆಯ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯುತ್ತವೆ. ವಿವಿಧ ರಾಜ್ಯಗಳ ಸಾಂಸ್ಕೃತಿಕ ಪರಂಪರೆಯನ್ನು ಸ್ತಬ್ಧಚಿತ್ರಗಳ ಮೂಲಕ ಪ್ರದರ್ಶಿಸಲಾಗುತ್ತದೆ. ದೇಶದ ವಿವಿಧೆಡೆಗಳ ಶಾಲಾ ಮಕ್ಕಳು ಕೂಡ ಪ್ರದರ್ಶನದಲ್ಲಿ ಭಾಗವಹಿಸುತ್ತಾರೆ.<br /> <br /> ಅಲಂಕೃತವಾದ ಆನೆಯ ಅಂಬಾರಿ ಮೇಲೆ ಶೌರ್ಯ ಪ್ರಶಸ್ತಿಗೆ ಆಯ್ಕೆಯಾದ ಮಕ್ಕಳ ಮೆರವಣಿಗೆ ಮಾಡಲಾಗುತ್ತದೆ. ರಾಷ್ಟ್ರಪತಿಗೆ ಗೌರವ ಸಲ್ಲಿಸಲು ಯುದ್ಧವಿಮಾನಗಳು ತೋರುವ ಪ್ರದರ್ಶನ ಪರೇಡ್ನ ಅತಿ ಕುತೂಹಲದ ಪ್ರದರ್ಶನಗಳಲ್ಲಿ ಒಂದು.<br /> <br /> ಪರೇಡ್ ಪ್ರಾರಂಭವಾಗುವ ಮೊದಲು ಅಮರ್ ಜವಾನ್ ಜ್ಯೋತಿ ಬಳಿ ಪ್ರಧಾನಿ ವರ್ತುಲಾಕಾರದ ಹೂಗುಚ್ಛ ಇರಿಸುತ್ತಾರೆ. ಆ ಮೂಲಕ ದೇಶಕ್ಕಾಗಿ ಜೀವವನ್ನೇ ತೆತ್ತ ಯೋಧರಿಗೆ ನಮನ ಸಲ್ಲಿಸುತ್ತಾರೆ. ಆಮೇಲೆ ರಾಷ್ಟ್ರಪತಿ ಮುಖ್ಯ ಅತಿಥಿಗಳ ಸಹಿತ ಪರೇಡ್ಗೆ ಬರುತ್ತಾರೆ. ೨೧ ಗನ್ಗಳ ಸಲ್ಯೂಟ್ ನಂತರ ರಾಷ್ಟ್ರಪತಿ ತ್ರಿವರ್ಣ ಧ್ವಜವನ್ನು ಹಾರಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪ್ರತಿ ವರ್ಷ ಗಣರಾಜ್ಯೋತ್ಸವದ ದಿನ ನವದೆಹಲಿಯಲ್ಲಿ ಮಹಾ ಕವಾಯತು ಅಥವಾ ಗ್ರ್ಯಾಂಡ್ ಪರೇಡ್ ನಡೆಯುತ್ತದೆ. ಈ ಪರೇಡ್, ರಾಷ್ಟ್ರಪತಿ ಭವನದಿಂದ ಪ್ರಾರಂಭಗೊಂಡು ರಾಜ್ಪಥ್, ಇಂಡಿಯಾ ಗೇಟ್ ಹಾದು ಕೆಂಪುಕೋಟೆಯವರೆಗೂ ಸಾಗುತ್ತದೆ.<br /> <br /> ಭೂಸೇನೆ, ನೌಕಾಪಡೆ,, ವಾಯುಪಡೆಯ ವಿವಿಧ ಬಣಗಳು ತಂತಮ್ಮ ಅಧಿಕೃತ ಸಮವಸ್ತ್ರ ಧರಿಸಿ ಪರೇಡ್ನಲ್ಲಿ ಭಾಗವಹಿಸುತ್ತವೆ. ಸಶಸ್ತ್ರ ಪಡೆಗಳ ಕಮಾಂಡರ್ ಇನ್ ಚೀಫ್ ಕೂಡ ಆಗಿರುವ ಭಾರತದ ರಾಷ್ಟ್ರಪತಿಗೆ ಎಲ್ಲಾ ಪಡೆಗಳೂ ಸಲ್ಯೂಟ್ ಹೊಡೆಯುತ್ತವೆ.<br /> <br /> ಸೇನೆಗಳಿಗೆ ಇತ್ತೀಚೆಗೆ ಸೇರ್ಪಡೆಯಾದ ಕ್ಷಿಪಣಿಗಳು, ಟ್ಯಾಂಕ್ಗಳು, ರೇಡಾರ್ಗಳು, ಯುದ್ಧ ವಿಮಾನಗಳು ಮೊದಲಾದವನ್ನು ಪರೇಡ್ನಲ್ಲಿ ಪ್ರದರ್ಶಿಸಲಾಗುತ್ತದೆ. ಸೇನಾಪಡೆಗಳಲ್ಲದೆ ಎನ್ಸಿಸಿ, ಹೋಂಗಾರ್ಡ್, ಪೊಲೀಸ್, ಮೊದಲಾದ ನಾಗರಿಕ ಸೇವಾ ಸಂಸ್ಥೆಗಳು ಕೂಡ ಪರೇಡ್ನಲ್ಲಿ ಪಾಲ್ಗೊಳ್ಳುತ್ತವೆ.<br /> <br /> ಸೇನಾಪಡೆಗಳ ಪ್ರದರ್ಶನದ ನಂತರ ಬಗೆಬಗೆಯ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯುತ್ತವೆ. ವಿವಿಧ ರಾಜ್ಯಗಳ ಸಾಂಸ್ಕೃತಿಕ ಪರಂಪರೆಯನ್ನು ಸ್ತಬ್ಧಚಿತ್ರಗಳ ಮೂಲಕ ಪ್ರದರ್ಶಿಸಲಾಗುತ್ತದೆ. ದೇಶದ ವಿವಿಧೆಡೆಗಳ ಶಾಲಾ ಮಕ್ಕಳು ಕೂಡ ಪ್ರದರ್ಶನದಲ್ಲಿ ಭಾಗವಹಿಸುತ್ತಾರೆ.<br /> <br /> ಅಲಂಕೃತವಾದ ಆನೆಯ ಅಂಬಾರಿ ಮೇಲೆ ಶೌರ್ಯ ಪ್ರಶಸ್ತಿಗೆ ಆಯ್ಕೆಯಾದ ಮಕ್ಕಳ ಮೆರವಣಿಗೆ ಮಾಡಲಾಗುತ್ತದೆ. ರಾಷ್ಟ್ರಪತಿಗೆ ಗೌರವ ಸಲ್ಲಿಸಲು ಯುದ್ಧವಿಮಾನಗಳು ತೋರುವ ಪ್ರದರ್ಶನ ಪರೇಡ್ನ ಅತಿ ಕುತೂಹಲದ ಪ್ರದರ್ಶನಗಳಲ್ಲಿ ಒಂದು.<br /> <br /> ಪರೇಡ್ ಪ್ರಾರಂಭವಾಗುವ ಮೊದಲು ಅಮರ್ ಜವಾನ್ ಜ್ಯೋತಿ ಬಳಿ ಪ್ರಧಾನಿ ವರ್ತುಲಾಕಾರದ ಹೂಗುಚ್ಛ ಇರಿಸುತ್ತಾರೆ. ಆ ಮೂಲಕ ದೇಶಕ್ಕಾಗಿ ಜೀವವನ್ನೇ ತೆತ್ತ ಯೋಧರಿಗೆ ನಮನ ಸಲ್ಲಿಸುತ್ತಾರೆ. ಆಮೇಲೆ ರಾಷ್ಟ್ರಪತಿ ಮುಖ್ಯ ಅತಿಥಿಗಳ ಸಹಿತ ಪರೇಡ್ಗೆ ಬರುತ್ತಾರೆ. ೨೧ ಗನ್ಗಳ ಸಲ್ಯೂಟ್ ನಂತರ ರಾಷ್ಟ್ರಪತಿ ತ್ರಿವರ್ಣ ಧ್ವಜವನ್ನು ಹಾರಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
