<p><strong>ನವದೆಹಲಿ (ಪಿಟಿಐ): </strong>ಮೊದಲ ಯತ್ನದಲ್ಲೇ ಮಂಗಳಯಾನ ಯೋಜನೆಯಲ್ಲಿ ಯಶಸ್ಸುಗಳಿಸಿದ ಇಸ್ರೊ (ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ) ತನ್ನ ಚಂದ್ರಯಾನ–2 ಯೋಜನೆಗೆ ರಷ್ಯಾದ ಸಹಭಾಗಿತ್ವ ಕೈಬಿಟ್ಟು ಅಮೆರಿಕದ ಅಲ್ಪ ನೆರವು ಪಡೆದು ಸಂಪೂರ್ಣ ಸ್ವದೇಶಿ ನಿರ್ಮಿತ ಯೋಜನೆಯನ್ನಾಗಿಸಲು ನಿರ್ಧರಿಸಿದೆ.<br /> <br /> ಚಂದ್ರಯಾನ–2 ಯೋಜನೆಗೆ ಸ್ವದೇಶಿ ನಿರ್ಮಿತ ಗಗನನೌಕೆ ಮತ್ತು ಸಾಧನವನ್ನು ಬಳಸಲಾಗುವುದು ಮತ್ತು 2017 ಡಿಸೆಂಬರ್ ಅಥವಾ 2018ರ ಮೊದಲ ಆರು ತಿಂಗಳ ಅವಧಿಯೊಳಗೆ ಈ ನೌಕೆಯನ್ನು ಉಡಾವಣೆ ಮಾಡಲಾಗುತ್ತದೆ ಎಂದು ಇಸ್ರೋ ಅಧ್ಯಕ್ಷ ಎ.ಎಸ್. ಕಿರಣ್ ಕುಮಾರ್ ಹೇಳಿದ್ದಾರೆ.<br /> <br /> ಮಾಹಿತಿಗಳನ್ನು ಕಲೆಹಾಕಿ ಅವುಗಳನ್ನು ಭೂಮಿಗೆ ಕಳುಹಿಸುವ ಸಾಧನಗಳನ್ನು ಈ ಗಗನನೌಕೆ ಹೊಂದಿರುತ್ತದೆ ಎಂದು ಅವರು ತಿಳಿಸಿದ್ದಾರೆ. ಚಂದ್ರಯಾನ-1 ಯೋಜನೆಯಲ್ಲಿ ಭೂಮಿಯ ಏಕೈಕ ಉಪಗ್ರಹದಲ್ಲಿ ನೀರಿನ ಅಂಶಗಳು ಇದೇ ಎಂಬುದನ್ನು ಪತ್ತೆ ಮಾಡಲು ಇಸ್ರೊ ಯಶಸ್ವಿಯಾಗಿತ್ತು.<br /> <br /> ಚಂದ್ರಯಾನ–2 ಯೋಜನೆಗೆ ಗಗನನೌಕೆ ನಿರ್ಮಿಸಿಕೊಡಲು ರಷ್ಯಾದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಆರ್ಒಎಸ್ಸಿಒಎಸ್) 2010ರಲ್ಲಿ ಒಪ್ಪಿಕೊಂಡಿತ್ತು. ಈ ಯೋಜನೆಯಿಂದ ರಷ್ಯಾವನ್ನು ಕೈಬಿಟ್ಟಿರುವ ಇಸ್ರೊ ಯೋಜನೆಗೆ ಗಗನನೌಕೆಯನ್ನು ತಾನೇ ನಿರ್ಮಿಸಲು ಮುಂದಾಗಿದ್ದು ಚಂದ್ರಯಾನ–2 ಸಂಪೂರ್ಣ ಸ್ವದೇಶಿ ನಿರ್ಮಿತ ಯೋಜನೆ ಆಗಲಿದೆ.<br /> <br /> ‘ರಷ್ಯದ ಗಗನನೌಕೆಯಲ್ಲಿ ಕೆಲ ಸಮಸ್ಯೆಗಳಿವೆ. ಇನ್ನೂ ಹೆಚ್ಚಿನ ಪರೀಕ್ಷೆಗಳನ್ನು ನಡೆಸುವ ಅಗತ್ಯ ಇದೆ ಎಂದು ಅವರು (ರಷ್ಯಾ) ಹೇಳಿದ್ದಾರೆ. ಹಾಗಾಗಿ ಗಗನನೌಕೆಯನ್ನು ದೇಶಿಯಾಗಿ ನಿರ್ಮಿಸಲು ನಾವು ನಿರ್ಧರಿಸಿದ್ದೇವೆ’ ಎಂದು ಇಸ್ರೊದ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.<br /> <br /> <strong><em>* * *<br /> ಉಪಗ್ರಹದ ಸಂಪರ್ಕ ಒಂದು ಸ್ಥಳದಿಂದ ಸಾಧ್ಯವಾಗುವುದಿಲ್ಲ. ಹೆಚ್ಚಿನ ಸ್ಥಳಗಳಿಂದ ಸಂಪರ್ಕ ಸಾಧಿಸಲು ನಾಸಾದ ನೆರವು ಪಡೆಯಲಾಗುತ್ತಿದೆ.</em><br /> -ಕಿರಣ್ ಕುಮಾರ್, </strong>ಇಸ್ರೊ ಅಧ್ಯಕ್ಷ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಮೊದಲ ಯತ್ನದಲ್ಲೇ ಮಂಗಳಯಾನ ಯೋಜನೆಯಲ್ಲಿ ಯಶಸ್ಸುಗಳಿಸಿದ ಇಸ್ರೊ (ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ) ತನ್ನ ಚಂದ್ರಯಾನ–2 ಯೋಜನೆಗೆ ರಷ್ಯಾದ ಸಹಭಾಗಿತ್ವ ಕೈಬಿಟ್ಟು ಅಮೆರಿಕದ ಅಲ್ಪ ನೆರವು ಪಡೆದು ಸಂಪೂರ್ಣ ಸ್ವದೇಶಿ ನಿರ್ಮಿತ ಯೋಜನೆಯನ್ನಾಗಿಸಲು ನಿರ್ಧರಿಸಿದೆ.<br /> <br /> ಚಂದ್ರಯಾನ–2 ಯೋಜನೆಗೆ ಸ್ವದೇಶಿ ನಿರ್ಮಿತ ಗಗನನೌಕೆ ಮತ್ತು ಸಾಧನವನ್ನು ಬಳಸಲಾಗುವುದು ಮತ್ತು 2017 ಡಿಸೆಂಬರ್ ಅಥವಾ 2018ರ ಮೊದಲ ಆರು ತಿಂಗಳ ಅವಧಿಯೊಳಗೆ ಈ ನೌಕೆಯನ್ನು ಉಡಾವಣೆ ಮಾಡಲಾಗುತ್ತದೆ ಎಂದು ಇಸ್ರೋ ಅಧ್ಯಕ್ಷ ಎ.ಎಸ್. ಕಿರಣ್ ಕುಮಾರ್ ಹೇಳಿದ್ದಾರೆ.<br /> <br /> ಮಾಹಿತಿಗಳನ್ನು ಕಲೆಹಾಕಿ ಅವುಗಳನ್ನು ಭೂಮಿಗೆ ಕಳುಹಿಸುವ ಸಾಧನಗಳನ್ನು ಈ ಗಗನನೌಕೆ ಹೊಂದಿರುತ್ತದೆ ಎಂದು ಅವರು ತಿಳಿಸಿದ್ದಾರೆ. ಚಂದ್ರಯಾನ-1 ಯೋಜನೆಯಲ್ಲಿ ಭೂಮಿಯ ಏಕೈಕ ಉಪಗ್ರಹದಲ್ಲಿ ನೀರಿನ ಅಂಶಗಳು ಇದೇ ಎಂಬುದನ್ನು ಪತ್ತೆ ಮಾಡಲು ಇಸ್ರೊ ಯಶಸ್ವಿಯಾಗಿತ್ತು.<br /> <br /> ಚಂದ್ರಯಾನ–2 ಯೋಜನೆಗೆ ಗಗನನೌಕೆ ನಿರ್ಮಿಸಿಕೊಡಲು ರಷ್ಯಾದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಆರ್ಒಎಸ್ಸಿಒಎಸ್) 2010ರಲ್ಲಿ ಒಪ್ಪಿಕೊಂಡಿತ್ತು. ಈ ಯೋಜನೆಯಿಂದ ರಷ್ಯಾವನ್ನು ಕೈಬಿಟ್ಟಿರುವ ಇಸ್ರೊ ಯೋಜನೆಗೆ ಗಗನನೌಕೆಯನ್ನು ತಾನೇ ನಿರ್ಮಿಸಲು ಮುಂದಾಗಿದ್ದು ಚಂದ್ರಯಾನ–2 ಸಂಪೂರ್ಣ ಸ್ವದೇಶಿ ನಿರ್ಮಿತ ಯೋಜನೆ ಆಗಲಿದೆ.<br /> <br /> ‘ರಷ್ಯದ ಗಗನನೌಕೆಯಲ್ಲಿ ಕೆಲ ಸಮಸ್ಯೆಗಳಿವೆ. ಇನ್ನೂ ಹೆಚ್ಚಿನ ಪರೀಕ್ಷೆಗಳನ್ನು ನಡೆಸುವ ಅಗತ್ಯ ಇದೆ ಎಂದು ಅವರು (ರಷ್ಯಾ) ಹೇಳಿದ್ದಾರೆ. ಹಾಗಾಗಿ ಗಗನನೌಕೆಯನ್ನು ದೇಶಿಯಾಗಿ ನಿರ್ಮಿಸಲು ನಾವು ನಿರ್ಧರಿಸಿದ್ದೇವೆ’ ಎಂದು ಇಸ್ರೊದ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.<br /> <br /> <strong><em>* * *<br /> ಉಪಗ್ರಹದ ಸಂಪರ್ಕ ಒಂದು ಸ್ಥಳದಿಂದ ಸಾಧ್ಯವಾಗುವುದಿಲ್ಲ. ಹೆಚ್ಚಿನ ಸ್ಥಳಗಳಿಂದ ಸಂಪರ್ಕ ಸಾಧಿಸಲು ನಾಸಾದ ನೆರವು ಪಡೆಯಲಾಗುತ್ತಿದೆ.</em><br /> -ಕಿರಣ್ ಕುಮಾರ್, </strong>ಇಸ್ರೊ ಅಧ್ಯಕ್ಷ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
